នៅថ្ងៃម្សិលមិញនេះ តារាចម្រៀង កែវ វាសនា បានធ្វើឱ្យមហាជនទន្ទឹងចាំមើលមុខមាត់ដ៏គួរឱ្យស្រឡាញ់របស់នាងតូច ស្នា ឈីអ៊ីង ដែលជាកូនស្រីទី 2 របស់លោក។ ខណៈនេះ ទាំងភរិយា និងកូនស្រីរបស់តារាចម្រៀងរូបនេះបានឆ្លងផុតដំណាក់កាលព្រួយបារម្ភ និងបានសុខសប្បាយទាំងម្ដាយ និងកូនហើយ។
ភរិយាលោក កែវ វាសនា បានសរសេរសារថា «សួស្តីយាយតាអ៊ុំពូមីង ស្វាគមន៍សមាជិកថ្មី ស្នា ឈីអ៊ីង កើតថ្ងៃទី23 ខែមេសា ឆ្នាំ2018 ម៉ោង10 និង21នាទី ទម្ងន់ 3គីឡូ4ខាំកន្លះ»។ យ៉ាងណាមិញរូបភាពដែលបានបង្ហោះជាច្រើនសន្លឹកបានធ្វើឱ្យគេមើលឃើញថា ភរិយាលោកពិតជាបានសម្រាលកូនស្រីដ៏គួរឱ្យស្រឡាញ់ម្នាក់ទៀតដោយសុវត្ថិភាពមែនហើយ ក្រោយពីបានពពោះអស់រយៈពេល9 ខែ 10ថ្ងៃ ហើយក៏បានបង្កឱ្យអ្នកគាំទ្រជាច្រើនរំភើបអារម្មណ៍ជំនួសលោក ខណៈដែលបានឃើញមុខមាត់នាងតូចដ៏គួរឱ្យស្រឡាញ់នេះរួចមក។
ចង់ដឹងថា តើកូនស្រីទី2 របស់តារាចម្រៀង កែវ វាសនា ដែលទើបប្រសូតកាលពីយប់មិញនេះ មានមុខមាត់ឃ្យូដគួរឱ្យស្រឡាញ់ប៉ុនណា សូមទស្សនាកម្រងរូបភាពខាងក្រោមនេះ៖
