ក្រុម Barcelona ត្រូវតែសម្រេចចិត្តថា តើត្រូវប្រើប្រាស់តារាឆ្នើម Lionel Messi ឬយ៉ាងណា ខណៈដែលពួកគេនឹងត្រូវចាប់ផ្តើមការប្រជែងជាថ្មី សម្រាប់ពានរង្វាន់ La Liga ដោយត្រូវធ្វើដំណើរទៅជួបក្រុម Sevilla នៅថ្ងៃសោរ៍នេះ ស្របពេលដែលកំពុងតែមានភាពស្រពេចស្រពិលទៅលើភាពរឹងមាំរបស់ខ្សែប្រយុទ្ធរូបនេះចំពេលដែល Barcaចាប់ផ្តើមដំណាក់កាលនៃការប្រកួត 7លើកក្នុងរយៈពេល 22ថ្ងៃ។
Messi បានអវត្តមានក្នុងការប្រកួតមិត្តភាពអន្តរជាតិរបស់ក្រុមជម្រើសជាតិអាហ្សង់ទីន ជាមួយនឹងក្រុមជម្រើសជាតិអ៊ីតាលី និងអេស្ប៉ាញ ដោយសារតែបញ្ហាសាច់ដុំ ដែលរូបគេបានប្រឈមនៅក្នុងការប្រកួតចុងក្រោយរបស់ Barcelona ជាមួយនឹងក្រុម Athletic Bilbao និងត្រឹមតែអាចចូលហ្វឹកហាត់បានកន្លះថ្ងៃប៉ុណ្ណោះកាលពីថ្ងៃព្រហស្បតិ៍។
រូបគេគឺជាអ្នករកបានគ្រាប់បាល់ច្រើនជាងគេក្នុងក្របខ័ណ្ឌ La Liga ដោយរកបាន 25គ្រាប់ និងបានអវត្តមានក្នុងការប្រកួតក្របខ័ណ្ឌលីករបស់ Barcelona ត្រឹមតែ 1លើកគត់នៅរដូវកាលនេះ ពោលគឺអវត្តមានក្នុងពេលប្រកួតជាមួយនឹងក្រុម Malaga ក្រោយពីការចាប់កំណើតកូនប្រុសទី3របស់គេ។
ការធ្វើដំណើរទៅជួបក្រុម Sevilla អាចនឹងក្លាយជាការប្រកួតដ៏ស្វិតស្វាញបំផុតមួយរបស់ក្រុម Sevillaនៅរដូវកាលនេះ បើទោះបីការនាំមុខ11ពិន្ទុដាច់លើគូប្រជែងយ៉ាងប្រកៀកបំផុតក៏ដោយ។ Atletico Madrid ធ្វើឱ្យលោកគ្រូបង្វឹក Ernesto Valverde មានការជឿជាក់ខ្ពស់ក្នុងការឈ្នះពានក្របខ័ណ្ឌកំពូលនេះ។
Barcelona ត្រូវធ្វើការប្រកួតជើងទី1 នៃក្របខ័ណ្ឌ Champions League វគ្គ 8ក្រុមចុងក្រោយរបស់ពួកគេ ជាមួយនឹងក្រុម AS Roma នៅថ្ងៃពុធសប្តាហ៍ក្រោយ និងត្រូវធ្វើការប្រកួត 5លើកទៀត ខណៈដែលពួកគេក៏ត្រូវប៉ះជាមួយនឹងក្រុម Sevilla ក្នុងការប្រកួតពាន Copa del Rey ផងដែរ នាថ្ងៃទី12 ខែមេសា នៅមុនពេលសម្រាករយៈពេល 7ថ្ងៃ មុនការប្រកួតក្នុងលីកបន្ទាប់របស់ពួកគេ។ ការប្រកួតនេះនឹងចាប់ផ្តើមនៅម៉ោង1:45 ទៀបភ្លឺ៕
ប្រភពពី៖ Sport24
