តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី 23 ខែមីនា ឆ្នាំ 2018 នេះ បានឱ្យដឹងថា តារាសម្ដែង និងជាពិធីករនៅស្ថានីយទូរទស្សន៍ CTN គឺលោក VJ Anbe ត្រូវបាននារីម្នាក់ជាអ្នកលេងបណ្ដាញទំនាក់ទំនងសង្គមហ្វេស ទម្លាយរឿងអាស្រូវរបស់ខ្លួន និងលាតត្រដាងរឿងស្នេហ៍នៅលើគ្រែយ៉ាងរោលរាលជាសាធារណៈ ដែលជាហេតុបង្កឱ្យមហាជនអ្នកគាំទ្រ និងសិល្បៈករធ្លាប់ស្គាល់លោកកន្លងមក មានការភ្ញាក់ផ្អើលយ៉ាងខ្លាំង។
នារីម្នាក់នោះមានឈ្មោះគណនីហ្វេសប៊ុក Lina Chae និងមានគណនីចាស់មួយទៀតមានឈ្មោះ Ah Vy Kean Svay បានបង្ហោះរូបនាងជាមួយលោក Anbe យ៉ាងស្និទស្នាលជាមួយគ្នា ហើយបានសរសេរសារនៅលើរូបភាពថា « ឱ្យតែបានទៅដេកជាមួយប្រុស ញញឹមបិទមាត់មិនជិតទេ ខ្ញុំដឹងតែពីស្រួលហើយបានលុយមិនខ្វល់ »។ កាន់តែហួសចិត្តទៀតនោះ នាងបានទម្លាយសារនិងរូបភាពដោយមិនមានភាពអៀនខ្មាសឡើយថា « យប់នេះ បានទៀតហើយ ជួបម៉ូយចាស់ 3 ទៅ 5 ដងបានព្រម »។
ជាការពិតណាស់ ជុំវិញករណីខាងលើនេះ មហាជនអ្នកគាំទ្រមានការសង្ស័យថា គណនីដែលមានពោលខាងលើនេះ បានអាចគណនីក្លែងក្លាយ ឬ មានជនមិនស្គាល់មុខចង់ធ្វើបានរូបនាង និង VJ សង្ហារូបនេះ ។ តែយ៉ាងណាមិញ នៅមិនទាន់មានការបកស្រាយជាផ្លូវការណ៍ណាមួយចេញពីមាត់របស់លោក Anbe នៅឡើយទេ។ ក៏ប៉ុន្តែ សាមីខ្លួនម្ចាស់គណនីស្រីខាងលើបាន ចេញបដិសេធដោយលើកហេតុផលជាច្រើនថា គណនីនោះជាគណនីចាស់ ហើយត្រូវបានជនខិលខូច Hack យកទៅប្រើប្រាស់ដើម្បីបង្ខូចកេរ្តិ៍ឈ្មោះនាងតែប៉ុណ្ណោះ ៕
