កាលពីវេលាម៉ោង ៣ទៀបភ្លឺថ្ងៃទី១២ ឧសភានេះ អាជ្ញាកណ្ដាលដែលមានឈ្មោះបោះសំឡេង ក្នុងឆ្នាំ ២០១០-២០១៤ លោកជ័យ ប៊ុនឈឿនោះ បានទទួលមរណភាពហើយក្នុងអាយុ ៨០ឆ្នាំដោយរោគាពាធ និងជរាពាធ។
លោកជាកូនទី៣ក្នុងគ្រួសារមួយដែលមានបងប្អូន ៦រូបគឺ ស្រី ៤នាក់ និង ប្រុស ២នាក់ ។ លោកធ្លាប់មានបងប្រុសម្នាក់ជាអ្នកប្រដាល់គុនខ្មែរដែរគឺលោកជ័យ ប៊ុនឆន។ លោកធ្លាប់ជាម្ចាស់ក្លិបប្រដាល់ដ៏ល្បីល្បាញមួយនាខេត្តបាត់ដំបង គឺក្លិបសេរីផ្កាច័ន្ទ តែក្លិបនេះលោកបានសម្រេចចិត្តបិទចោលជាង១០ឆ្នាំមកហើយៗក៏គ្មាននរណា ឬសាច់ញាតិរបស់លោកណាម្នាក់បើកក្លិបនោះឡើងវិញដែរ។
លោកម៉ិល កាដូ អគ្គនាយករងកីឡា នៃក្រសួងអប់រំយុវជន និងកីឡា និងជាអគ្គលេខាធិការសហព័ន្ធប្រដាល់គុនខ្មែរពេលបានអញ្ញើញទៅចូលរួមពិធីបុណ្យសពរបស់លោកគ្រូជ័យ ប៊ុនឈឿដែលស្ថិតភូមិវត្តលាភ សង្កាត់ចំការសំរោង ក្រុងបាត់ដំបង ខេត្តបាត់ដំបង ។
លោកបន្តថា៖ សហព័ន្ធប្រដាល់គុនខ្មែរតាមរយៈរូបលោកបានយកថវិកាចំនួន២.០០០.០០០រៀលមកជូនគ្រួសារសព ។ លោកកាដូបានអះអាងដែរថា សិស្សគុននានា មន្ត្រីកីឡាខេត្តបាត់ដំបង បានទៅចូលរួមក្នុងពិធីបុណ្យយ៉ាងកុះករ ។ លោកក៏បានឲ្យដឹងដែរថា លោកឧត្តមសេនីយ៍ឯកតែម ម៉ឺនប្រធានសហព័ន្ធកីឡាប្រដាល់គុនខ្មែរក៏កំពុងតែរៀបចំចេញដំណើរទៅចូលរួមពីធីបុណ្យសពលោកគ្រូជ័យ ប៊ុនឈឿដែរ៕
