កន្លងមកតារាសម្ដែងស្រីសាច់សខ្ចីចរឹតរម្យទុំអ្នកនាង ឈិត សុជាតា ក្រោយរៀបអាពាហ៍ពិពាហ៍រៀប អ្នកនាងបានបង្ហាញតែមុខមាត់របស់កូនភ្លោះអ្នកនាងតែប៉ុណ្ណោះ ទាំងព្យាយាមបិទបាំងមុខរបស់ស្វាមី ។ ដោយឡែក ថ្មីនេះ តារាស្រីរូបនេះ ក្លាហ៊ានបង្ហោះរូបថតស្វាមីរបស់ខ្លួនជាច្រើនចន្លឹកនៅលើបណ្ដាញទំនាក់ទំនងសង្គមហ្វេសប៊ុករបស់ខ្លួន ឱ្យមហាជនបានស្គាល់មុខ និងទទួលស្គាល់យករូបលោកផងដែរ។
ការពញ្ញាក់អារម្មណ៍និងបង្ហាញមុខលើកនេះ ពិតជាមានភាពភ្ញាក់ផ្អើលជាខ្លាំង ព្រោះដើម្បីរក្សាប្រជាប្រិយភាពទើបអ្នកនាងមិនបើកបង្ហាញមុខមាត់ស្វាមី ឬ សម្បីតែបង្ហោះនៅតាមប្រព័ន្ធអ៊ីនធឺណែត ក៏គ្មានសម្បីតែមួយសន្លឹក។ យ៉ាងណាមិញ ឈិត សុជាតា នៅតែមានសម្រស់ស្រស់ស្អាត ក្រោមការថ្នាក់ថ្នម មើលថែ និង ក្ដីស្រឡាញ់ពីសំណាក់ស្វាមី។
តាមរយៈរូបថតប៉ុន្មានសន្លឹកដែលតារាសម្តែងស្រីសាច់សខ្ចី និងម្ចាស់ស្រីនៃក្រុមហ៊ុនទេសចរណ៍ឈ្មោះ STA អ្នកនាង ឈិត សុជាតា បានបង្ហោះស្វាមីដែលគេមើលឃើញថាជាបុរសមាឌធំ សម្បុរស្រអែម ដែលនិយមរក្សាទុកពុកមាត់ និងពុកចង្កា ឲ្យសមជាលក្ខណសម្បត្តិបុរសពិតនោះ តែក៏គ្រាន់បើជាងកាលពីមុន ដែលនាងមិនហ៊ានទម្លាយនូវរូបរាងពិត។
គួរបញ្ជាក់ថា បច្ចុប្បន្ន អតីតតារាសម្ដែង ឈិន សុជាតា បានផ្អាកពីវិស័យសិល្បៈ ដោយងាកមកចាប់អាជីព ជាអ្នកជំនួញលក់ទំនិញតាមអនឡាញ ទៅវិញ។ ក្រៅពីមើលថែទាំកូនភ្លោះប្រុសស្រីទាំងពីរនាក់ អ្នកនាងក៏ជានាយិកា នៅក្នុងក្រុមហ៊ុនទេសចរណ៍អេសធីអេផងដែរ៕
