spot_img

ដាំ​មៀន​តៃវ៉ាន់ 1ហិកតា ប្រមូល​ផល​បាន​ជាង 10,000ដុល្លារ​ក្នុង​មួយឆ្នាំ

- Advertisement -

ស្ទើរតែ​មិនគួរ​ឱ្យ​ជឿ ខណៈដែល​ដំណាំ​មៀន​តៃវ៉ាន់​ដែល​ទើបតែ​នាំ​ចូលមក​ដាំ​ដុះ​សាកល្បង​នៅក្នុង​ប្រទេស​កម្ពុជា​សោះ ស្រាប់តែ​ទទួលបាន​ផល​លើស​ការរំពឹងទុក ដោយ​ក្នុង​មួយ​ហិកតា​អាច​លក់​ទិន្នផល​បាន​ប្រាក់​ដល់​ទៅ​ជាង​មួយ​ម៉ឺន​ដុល្លារ និង​មាន​លក្ខណៈ​ងាយស្រួល​ដាំ​ជាង​ដើម​មៀន​ខ្មែរ​យើង និង​ថែមទាំង​ឆាប់​ទទួលបាន​ផល​ទៀតផង។

លោក ពេជ្រ ថុង អ្នកបច្ចេកទេស​កសិក​ម្ម​នៅក្នុង​កសិដ្ឋាន​បណ្តុះ​កូនឈើ​ខេត្តពោធិ៍សាត់​មានប្រសាសន៍ថា ដោយ​មើលឃើញ​លក្ខណៈ​អំណោយផល​ពី​អាកាសធាតុ​រវាង​ប្រទេស​តៃវ៉ាន់ និង​ប្រទេស​កម្ពុជា​ដែល​ស្ថិតក្នុង​តំបន់​អាស៊ី​មាន​លក្ខណៈ​ក្តៅ ហើយ​សើម​ដូចគ្នា​ដែល​អំណោយផល​ដល់​ផ្នែក​កសិកម្ម​ដាំ​ដុះ​នោះ លោក​បាន​នាំយក​ពូជ​មៀន​តៃវ៉ាន់​នេះ​មក​ដាំ​សាកល្បង​នៅ​ប្រទេស​កម្ពុជា​យើង ក៏​ស្រាប់តែ​ទទួលបាន​ផល​លើសពី​ការរំពឹងទុក​តែម្ដង។

លោក​មានប្រសាសន៍​បន្ថែ​ម​ថា ដើម​មៀន​តៃវ៉ាន់ មាន​លក្ខណៈ​ខុសពី​ដើម​មៀន​ខ្មែរ ដោយ​គិត​ចាប់តាំងពី​ពេល​ដាំ​ដុះ​រហូតដល់​ទទួលបាន​ផល គឺ​ចំណាយពេល​ត្រឹមតែ 2ឆ្នាំកន្លះ​ប៉ុណ្ណោះ ខណៈដែល​មៀន​ខ្មែរ​ត្រូវ​ប្រើពេល​យូរ​រហូតដល់3 ទៅ4ឆ្នាំ​ឯណោះ ទើប​ចាប់ផ្តើម​ឱ្យ​ផល​ដំបូង។ លោក​បញ្ជាក់​ដូច្នេះ​ថា “មៀន​នេះ​វា​ងាយស្រួល​ដាំ មិនសូវ​រើស​ដី​ទេ ហើយ​ដាំ​តែ 2ឆ្នាំកន្លះ យើង​អាច​ប្រមូល​ផល​លក់បាន​ហើយ។ ក្នុង​មួយ​ដើម​អាច​បេះ​បាន​ជាង15គីឡូក្រាម ហើយ​ក្នុង​មួយ​ហិកតា​យើង​អាច​ដាំ​បាន 400ដើម បើ​លក់​បោះ​ដុំ​មួយ​គីឡូ​បាន 2ដុល្លារ​ដូច្នេះ​យើង​អាច​ប្រមូល​ផល​បាន​ដល់​ទៅ 12,000ដុល្លារ​ឯណោះ​ក្នុង​មួយឆ្នាំ ប៉ុន្តែ​សម្រាប់​អ្នក​យកទៅលក់​បន្ត គេ​អាច​លក់បាន 15,000រៀល(ជិត 4ដុល្លារ)ឯណោះ​ក្នុង​មួយ​គីឡូក្រាម ពិសេស​ក្នុង​រដូវចូលឆ្នាំ​ចិន​តែម្តង លក់​មិនដែល​សល់​ទេ។

- Advertisement -

លោក​បញ្ជាក់ថា អ្វីដែល​ពិសេស​លើសពីនេះ គឺ​កសិករ​អាច​បញ្ជា​ឱ្យចេញ​ផ្លែ​តាម​ការចង់បាន​របស់​ខ្លួន​ទៀតផង ដូចជា​ចម្ការ​របស់លោក​ផ្ទាល់ លោក​បាន​ដាំ​ដើម​មៀន​តៃវ៉ាន់​នេះ​លើ​ផ្ទៃដី​ទំហំ​ជាង 3ហិកតា​នៅក្នុង​ខេត្តពោធិ៍សាត់ ហើយ​បាន​បញ្ជា​ឱ្យ​វា​ចេញ​ផ្លែ​នៅ​រដូវ​កាលផ្សេងៗគ្នា ពិសេស​រដូវចូលឆ្នាំ​ខ្មែរ និង​រដូវចូលឆ្នាំ​ចិន។ ដើម្បីឱ្យ​ផ្លែ​វា​លក់បាន​ថ្លៃ ហើយ​មាន​តម្រូវការ​ខ្ពស់​នៅលើ​ទីផ្សារ និង​លក់​មិន​ខ្លាច​សល់ គឺ​ត្រូវឱ្យ​វា​ចេញ​ផ្លែ​ទៅតាម​រដូវ​កាល។ ចំណែក​មៀន​ខ្មែរ​យើង​វិញ បើសិនជា​ដល់រ​ដូ​វប្រ​មូល​ផល គឺ​ធ្វើឱ្យ​សម្បូរ និង​មាន​ដាក់លក់​ច្រើន​នៅលើ​ទីផ្សារ​ធ្វើឱ្យ​តម្លៃ​របស់​វា​ត្រូវ​ធ្លាក់ចុះ។

ឯ​រសជាតិ​របស់​ផ្លែ​មៀន​តៃវ៉ាន់​វិញ មាន​លក្ខណៈ​មិនសូវ​ខុសពី​មៀន​ខ្មែរ​យើង​ប៉ុន្មាន​ទេ ដោយ​វា​មាន​សាច់​ក្រាស់​ល្អ​ដូច​សាច់មៀន​តា​ង៉ែ​ន​នៅ​ខេត្ត​ប៉ៃលិន​ដែរ តែ​សាច់មាន​លក្ខណៈ​សើម​ជាង​មៀន​តា​ង៉ែ​ន ហើយ​មាន​ក្លិនក្រអូប​ជាង​មៀន​របស់​ខ្មែរ​យើង។

- Advertisement -

ចំពោះ​វិធីសាស្ត្រ​ដាំ​ដុះ ភាគច្រើន​មុននឹង​ដាំ គេ​កាប់​មែក​យកមក​ផ្សាំ​ក្នុង​រយៈពេល​មួយខែ​កន្លះ​ដោយ​ត្រូវ​រើស​កូន​ណា​ដែលមាន​ការលូតលាស់​ល្អ និង​ត្រូវ​យកទៅ​ដាំ​នៅក្នុង​រណ្តៅ​ចន្លោះ​ពីគ្នា 5ម៉ែត្រ​ក្នុង​មួយ​ដើម។ កសិករ​អាច​ដាំ​ដំណាំ​ហូប​ផ្លែ​នេះ​នៅតាម​ចន្លោះ​រងនីមួយៗរបស់​ដំណាំផ្សេងៗបាន ដូចជា​ពោត សណ្តែក​ជាដើម។ មុននឹង​ដាំ​កសិករ​ត្រូវ​រៀបចំ​ដី​ឱ្យបាន​ល្អ ត្រូវ​ភ្ជួរ​ដី​ហាល និង​កាប់​រណ្តៅ​ទុកចោល ហើយ​ដាក់ឱ្យ​ត្រូវ​កម្ដៅថ្ងៃ​ចន្លោះ​ពី 5ថ្ងៃ​ទៅមួយ​សប្តាហ៍​ដើម្បី​សម្លាប់​មេរោគ​ចោល​ជាមុន រួច​ទើប​ចាប់ផ្តើម​ដាក់​ដាំ និង​ត្រូវ​មើលថែទាំ ដូចជា​ស្រោច​ទឹក ជម្រះ​ស្មៅ ដាក់​ជី​ឱ្យ​កូន​មៀន​លូតលាស់​ល្អ។ រហូត​បាន​អាយុ 6ខែ​ទើបត្រូវ​កាត់​មែក​ចេញ​ខ្លះ​កុំឱ្យ​ដើម​លូត​ខ្ពស់​ពេក ដោយ​ទុក​ឱ្យមាន​កម្ពស់​ត្រឹមតែ 2ម៉ែត្រ ឬ2ម៉ែត្រ​កន្លះ​ប៉ុណ្ណោះ​ដើម្បី​ងាយស្រួល​បាញ់ថ្នាំ​ថែទាំ និង​ប្រមូល​ផល។

កសិករ​អាចដាក់​ជីលា​មក​គោ ឬ​ជីកំប៉ុស​សម្រាប់​ការដាំ​ជា​លក្ខណៈ​គ្រួសារ ប៉ុន្តែ​បើ​ដាំ​ច្រើន​សម្រាប់ធ្វើ​អាជីវកម្ម​វិញ​ទៅ​ត្រូវ​ប្រើ​ជីគីមី​ផងដែរ ប៉ុន្តែ​ត្រូវធ្វើ​យ៉ាងណា​ប្រើប្រាស់​ទៅតាម​ស្តង់ដារ​សុវត្ថិភាព មិនឱ្យ​ប៉ះពាល់​ដល់​សុខភាព​ដើម​មៀន ឬ​សុខភាព​មនុស្ស​នៅពេល​ទទួលទាន។ ត្រង់ចំណុច​នេះ​លោក ពេជ្រ ថុង បញ្ជាក់ថា ករណីនេះ​កសិករ​ត្រូវដាក់​ជី​ម្តង​មួយ​ស្លាបព្រា​បាយ និង​ដាក់ឱ្យ​ឆ្ងាយ​ពី​គល់​ចម្ងាយ25សង់ទីម៉ែត្រ ចៀសវាង​ដាក់​ក្បែរ​គល់​ខ្លាំងពេក​នាំឱ្យ​ខ្លោច​សម្បក​ដើម​មៀន។

- Advertisement -

ជាទូទៅ​ដើម​មៀន​ប្រភេទ​នេះ​ត្រូវបាន​គេ​ដាំ​នៅ​កន្លែង​ដែលមាន​ប្រភពទឹក​គ្រប់គ្រាន់ ដែល​អាច​ស្រោចស្រព​បាន​ទាំង​រដូវប្រាំង និង​រដូវវស្សា និង​ដាំ​នៅលើ​ដី​ដែល​មិន​ជាំ​ទឹក។ បើសិនជា​កសិករ​មាន​ចំណាប់អារម្មណ៍ និង​ចង់​ដាំ​ដុះ សូម​ទាក់ទង​ទៅ​កសិដ្ឋាន​បណ្តុះ​កូនឈើ​ខេត្តពោធិ៍សាត់​ដែលមាន​អ្នកជំនាញ​បច្ចេកទេស​ចាំ​ផ្តល់​ប្រឹក្សា​ជូន​បន្ថែម។

លោក​ថា កសិករ​គួរតែ​ផ្លាស់ប្តូរ​ទម្លាប់​ដាំ​ដំណាំចាស់ៗបែប​បុរាណ ដូចជា​ដំឡូង​មី​ជាដើម ដែល​ជួន​បាន​ថ្លៃ ជួន​មិនបាន​ថ្លៃ ហើយ​គួរ​ងាក​មក​ដាំ​មៀន​ប្រភេទ​នេះ​វិញ​ម្ដង ព្រោះ​ប្រើពេល​ត្រឹមតែ 2ឆ្នាំកន្លះ​ប៉ុណ្ណោះ វា​នឹង​ផ្តល់​ផល​ឱ្យ​វិញ បាន​រហូតដល់​ទៅ 20ឆ្នាំ​ឯណោះ​ទើប​វា​ងាប់​ដើម៕

- Advertisement -
spot_img

អត្ថបទពេញនិយម

អាការ​តាំង​គភ៌ថ្មីៗ និង14សញ្ញា​បញ្ជាក់ថាអ្នក​កំពុង​ជិត​ក្លាយជា​ម្តាយ​គេ​ហើយ

សម្រាប់​អាការ​របស់​អ្នក​តាំង​គភ៌​រយៈដំបូងៗ តើ​យើង​នឹង​ដឹង​យ៉ាងណា​បាន​ថា កំពុងតែ​មានគភ៌​ឬក៏​អត់? ព្រោះ​ក្នុង​រយៈ​ពេល​1សប្តាហ៍​ដំបូង អាច​និយាយបានថា ជា​អំឡុង​ពេលដែល​មិនសូវ​បង្ហាញ​អាការ​ប៉ុន្មាន​ឡើយ ហើយ​បើ​អីុចឹង តើនារីៗយើង​នឹង​ដឹង ហើយ​ប្រាកដ​ក្នុង​ចិត្ត​យ៉ាងណា​បាន​ទៅ​ថា...

អាការ9យ៉ាង​នៃ​អ្នក​ចាប់ផ្តើម​មាន​ផ្ទៃពោះ ដែលនារីៗទាំងឡាយ​គួរ​ដឹង

សញ្ញា​នៃ​ការតាំង​គភ៌​មិន​មែនមាន​ត្រឹមតែ​ការ​ក្អួតចង្អោរ​ប៉ុណ្ណោះ​ទេ ព្រោះ​អាការ​របស់​អ្នកមាន​ផ្ទៃពោះ​ក្នុង​រយៈ​ដំបូង​អាច​មិន​ដូចគ្នា​ទាំងអស់​នោះទេ អ្នកខ្លះ​ចាញ់​ខ្លាំង ឬ​អ្នកខ្លះ​សឹងតែ​គ្មាន​អាការ​ចាញ់កូន​សោះ​ក៏មាន ឯ​អ្នក​ខ្លះទៀត​កើត​អាការប្លែកៗដែល​ធ្វើឱ្យ​យល់ច្រឡំ​ថា ជា​អាការ​ជំងឺ​អ្វីមួយ​ទៅវិញ ដូច្នេះ​នៅពេលនេះ ឡា​រ៉ែ​ន សូម​រួបរួម​អាការ​របស់​អ្នកមាន​ផ្ទៃពោះ​ក្នុងលក្ខណៈផ្សេងៗមក​ជម្រាប​ជូនជ្រាប...

ត្រូវតែដឹង… អាការឈឺពោះផ្នែកខាងស្ដាំបញ្ជាក់ប្រាប់ពីជំងឺអ្វីខ្លះ?

នរ​ណាៗ​ក៏​ដឹង​ដែរ​ថា​ អាការ​ឈឺពោះ​នេះ​ នៅពេល​ដែល​វា​កើតឡើង​ហើយ​ តែងតែ​សាង​នូវ​ក្ដី​លំបាក​ដល់​រាងកាយ​របស់​យើង​ខ្លាំង​ណាស់​ មិនថា​តែ​ឈឺពោះ​ផ្នែក​ខាងឆ្វេង​ ឬផ្នែក​ខាងស្ដាំ​ឡើយ​។ បើសិនជា​អាការ​ឈឺ​ក្នុង​លក្ខណៈ​នោះ​កើតឡើង​ចំពោះ​យើង​ញឹកញាប់​ នោះ​វា​អាច​ជា​សញ្ញា​មួយ​ដែល​ប្រាប់​ឱ្យ​យើង​ដឹង​អំពី​បញ្ហា​សុខភាព​ដែល​កំពុង​ជិត​មកដល់​ ដូច្នេះ​សូម​ឱ្យ​នឹក​ឃើញ​ជាប់​ជានិច្ច​ថា​...

វិធីពន្លឿនការមករដូវប្រចាំខែ ឱ្យធ្លាក់លឿនជាងមុន មិនមានគ្រោះថ្នាក់ និងទទួលបានផលល្អ

ការមករដូវ គឺជារឿងធម្មតាសម្រាប់ស្ត្រី ប៉ុន្តែស្ត្រីមួយចំនួនអាចមានបញ្ហាមករដូវមិនប្រក្រតី ហើយមានស្ត្រីខ្លះឆាប់មករដូវ ខ្លះទៀតបាត់រដូវ រដូវមកមិនទៀងទាត់ ឬមករដូវយឺតជាដើម។ ស្ត្រីខ្លះអាចរាំងរដូវរហូតដល់គិតថា អ្នកមានផ្ទៃពោះម្តងទៀត...

ឈឺពោះខាងស្តាំ… អាការឈឺនេះបញ្ជាក់ពីជំងឺអ្វីបានខ្លះ?

ឈឺពោះខាងស្តាំញឹកញាប់ រហូតចាប់ផ្តើមនឹកចម្លែកចិត្តចំពោះខ្លួនឯង ថាអេះ៎? អាការឈឺពោះខាងស្តាំនេះកំពុងតែប្រាប់ពី ហេតុអ្វីម្យ៉ាងនៅក្នុងរាងកាយឱ្យយើងដឹងទេដឹង?។ អាការឈឺពោះខាងស្តាំ មិនថាតែផ្នែកខាងលើ ខាងក្រោម ឬឈឺពោះម្តុំក្រោមឆ្អឹងជំនីនោះឡើយ គ្រប់អាការឈឺពោះដែលកើតឡើងសុទ្ធតែមានដើមកំណើតរបស់វាទាំងអស់...

បច្ចេកវិទ្យាបូម FOX ដ៏អស្ចារ្យនៅលើរថយន្ត Ford Ranger Raptor ដែលអ្នកប្រើប្រាស់ភាគច្រើនមិនបានដឹង!

កំពូលរថយន្ត Ford Ranger Raptor គឺមានសមត្ថភាពខ្លាំងក្នុងការបើកបរលើផ្លូវឧបសគ្គដែលអាចពុះពារគ្រប់ឧបសគ្គទាំងអស់ដែលបានឆ្លងកាត់ ដោយសារតែម៉ាស៊ីនសាំង 3.0L Twin-Turbo V6...

អាចម៍ផ្កាយដែលទើបតែធ្លាក់បុកផែនដីថ្មីៗនេះ មាន​រង្វិល​ខ្ញាល់​លឿន​បំផុត

2024 BX1 ​ដែលទើប​តែ​បាន​ធ្លាក់​មក​បុក​នឹង​ផែន​ដី​កាល​ពី​ថ្ងៃទី 21 មករា គឺ​ជា​​អាចម៍​ផ្កាយ​ដែល​ធ្វើដំណើរ​ក្នុង​ល្បឿន​​លឿន​ជាង​វត្ថុអវកាស​ទាំង​ឡាយ​ដែល​ស្ថិត​នៅ​ក្បែរ​ផែនដី​។ អាចម៍​ផ្កាយ ​2024 BX1 ប្រែក្លាយ​ជា​ដុំ​ភ្លើង​...

មនុស្ស​ហោះដល់ភពអង្គារ​ក្នុងរយៈ​ពេល​ខ្លីជាង​បច្ចុប្បន្ន ពេល​ប្រើ​បច្ចេកវិទ្យា​ថ្មី​នេះ

បច្ចេកវិទ្យា​រ៉ុក្កែតនុយក្លេអែរ​មួយ​ប្រភេទ​ដែល​ហៅ​ថា Pulsed Plasma Rocket (PPR) អនុញ្ញាត​ឱ្យ​យាន​អវកាស​ហោះ​ដល់​ភព​អង្គារ​ដោយ​ប្រើ​ពេល​តែ​ពីរ​ខែ​ ខណៈ​ដែល​បច្ចុប្បន្ន​គេ​ត្រូវ​ចំណាយ​ពេល​ប្រហែល​ 9​​ខែ។ កាល​ពី​ថ្ងៃទី 1...

Ford Ranger ទទួលចំណាត់ថ្នាក់ផ្កាយ៥ ជារថយន្តមានសុវត្ថិភាពបំផុត!

កន្លងទៅថ្មីៗនេះ រថយន្ត Next-Generation Ford Ranger ត្រូវបានផ្លាស់ប្តូររូបរាងថ្មី និងកំណែទម្រង់ថ្មីទាំង​ស្រុងដែលមានភាពហាប់ណែន រឹងមាំជាមុន និងរួមទាំងបូក​បញ្ជូល​​​នូវ​ប្រព័ន្ធសុវត្ថិភាពទំនើបៗជាច្រើន​ទៀត...

ថៃប្ដូរ​យុទ្ធសាស្ត្រ​ទាក់ទាញ​ទេសចរ​ ព្រោះ​តែ​អាកាសធាតុ

អគ្គនាយកដ្ឋាន​ទេសចរណ៍​ថៃ (TAT) កំពុង​តែ​ត្រៀម​ខ្លួន​ដើម្បី​ជំរុញ លើក​ទឹក​ចិត្ត​ដល់​ក្រុម​ទេសចរណ៍​ព្រឹក​ព្រលឹម និង​ព្រលប់ ក្នុង​បំណង​រក្សា​លំនឹង​ក្នុង​ទីផ្សារ​ទេសចរណ៍​ គ្រា​ដែល​អាកាសធាតុ​ក្ដៅ​ខ្លាំង​ ធ្វើ​ឱ្យ​មនុស្ស​ម្នា​មិន​ចង់ចេញ​ទៅ​ក្រៅ​។ ​លោក​ស្រី Somradee...

ក្រុមហ៊ុន Virtus Solis មានគម្រោងផលិតអគ្គិសនីព្រះអាទិត្យក្នុងទីអវកាស

ក្រុមហ៊ុន Virtus Solis គ្រោងនឹងប្រើប្រាស់រ៉ុក្កែត Starship ដើម្បីបាញ់បង្ហោះផ្ទាំងសូឡាទំហំមួយគីឡូម៉ែត្រ ឡើងទៅកាន់ទីអវកាស ដើម្បីផលិត និងបាញ់បញ្ជូនអគ្គិសនីពីលើមេឃមកកាន់ផែនដី។ Virtus...

ហេតុអ្វីអាកាសធាតុកាន់តែក្ដៅឡើងៗ?

ក្នុង​រង្វង់​ 100​ឆ្នាំ​កន្លង​ទៅ​នេះ​ ការ​កើន​ឡើង​កម្ដៅ​របស់​ផែនដី​កាន់​តែ​បង្ហាញ​ច្បាស់​ឡើង​ៗ​ ធ្វើ​ឱ្យ​អ្នក​វិទ្យាសាស្ត្រ​មាន​ការ​ព្រួយបារម្ភ។ ក្នុង​អនាគត​ កម្ដៅ​ផែនដី​ក៏​នឹង​កើន​ឡើង​បន្ត​ទៀត​ ហើយ​បន្សល់​ទុក​នូវ​ផល​វិបាក​យ៉ាង​ធ្ងន់​ធ្ងរ​។ ដូច្នេះ​តើ​បាតុភូត​ផែនដី​ឡើង​កម្ដៅ​កើត​ឡើង​ដោយ​សារ​កត្តា​អ្វី​ខ្លះ​? ការ​ឡើង​កម្ដៅ​ផែនដី​​បង្ក​ផល​វិបាក​អ្វី​ខ្លះ​?...

អត្ថបទស្រដៀងគ្នា

- Advertisement -spot_img