តាមរយៈការបង្ហោះនៅលើហ្វេសប៊ុកនៅពេលថ្មីនេះៗ ពិតជាភ្ញាក់ផ្អើលណាស់ ដែលតារាចម្រៀង Original Song កញ្ញា Adda កំពុងតែឡើងកូដយ៉ាងខ្លាំង ខណៈដែលទើបត្រប់មកពីធ្វើដំណើរកម្សាន្ដនៅបរទេសវិញ តារាស្រីរូបនេះបានបង្ហោះពីគម្រោងបើកមុខរបបមួយ ដែលជាបំណងប្រាថ្នាជាយូរណាស់មកហើយ។
ស្របពេលដែលការងារសិល្បៈកំពុងរលូនទៅមុខដោយទទួលបានការគាំទ្រយ៉ាងច្រើនផុសផុលពីសំណាក់មហាជន ថ្មីៗនេះម្ចាស់បទ ” ពីរនាក់បានហើយ ” ស្រាប់តែបង្ហើបពីដំណឹងត្រៀមសម្ពោធហាង សាឡន ផ្ទាល់ខ្លួនមួយកន្លែងក្នុងពេលឆាប់ៗខាងមុខនេះ ដែលមានទីតាំងនៅទួលគោក ក្រោយអតីតមន្ទីរពេទ្យរ៉ូយ៉ាល់រតនៈ ។ កញ្ញា Adda បានរៀបរាប់នៅលើទំព័រហ្វេសប៊ុករបស់ខ្លួនថា «ជំរាបសួរចា ថ្ងៃនេះមានដំណឹងល្អជំរាបជូន ដោយសារមានការគាំទ្រពីបងប្អូនទាំងអស់គ្នា ទើបធ្វើឱ្យនាងខ្ញុំបានទទួលជោគជ័យយ៉ាងច្រើន ហើយក្នុងឆ្នាំថ្មីនេះនាងខ្ញុំបានសំរេចក្តីប្រាថ្នាមួយទៀតហើយ គឺនាងខ្ញុំនឹងសម្ភោធជាផ្លូវការនូវ Salon ថ្មីរបស់នាងខ្ញុំនៅពេលឆាប់ៗខាងមុខនេះដែលមានទីទាំងនៅទួលគោក ក្រោយអតីតមន្ទីរពេទ្យរ៉ូយ៉ាល់រតន: ហើយយើងនឹងចាប់ជ្រើសរើសជាងសំរាប់ច្រើនផ្នែកផងដែរ »៕
