Dell XPS 15 2 in 1 គឺជាលែបថប់អេក្រង់បត់បាន 360 អង្សា(បត់ខ្នងផ្អឹបគ្នា) ទំហំ 15.6 អីុញ និងជាអេក្រង់គ្មានគែមដែលមានភាពលម្អិតច្បាស់ 4K និងថែមទាំងនៅមានស៊េរីដែលមានភាពលម្អិតច្បាស់កម្រិត 1080P ឱ្យជ្រើសរើសទៀតផង។
Dell XPS 15 2 in 1 នឹងប្រើ CPU 2 ប្រភេទគឺ Intel Core i5-8305G ឬ Core i7-8705G ដែលទាំង2 ស៊េរីនេះជា Chip ដែលមានកាតអេក្រង់ (VGA Card) AMD Radeon RX Vega M GL ព្រមជាមួយRAM កាតអេក្រង់ (VGA RAM) 4GB HBM2។
ចំណុចដ៏គួរឱ្យចាប់អារម្មណ៍មួយទៀតនោះគឺ Dell XPS 15 2 in 1 បានជ្រើសរើសក្នុងការកាត់ USB Type-A ចេញទាំងអស់ និងប្រើ USB Type-C ចំនួន 4 ផតជំនួសវិញ ឯការសាកថ្ម ក៏នឹងសាកតាមរយៈ USB Type-C នេះដែរ។
ក្រៅពីនេះ Dell XPS 15 2 in 1 ថែមទាំងចេញមកព្រមជាមួយតិចណូឡូជីស្គែនស្នាមខ្ចៅម្រាមដៃដើម្បីបើក/បិទម៉ាស៊ីនទៀតផង។ នៅមានកាមេរ៉ា Infrared ដែល Support Windows Hello មានឧបករណ៍បន្ថែមផ្សេងៗមកជាមួយទៀតផងគឺ ប៊ិក Active Pen តែត្រូវទិញដោយឡែក។
Dell XPS 15 2 in 1 មានទម្ងន់ត្រឹមតែ 1.9 គីឡូក្រាមប៉ុណ្ណោះ និងថែមទាំងជ្រើសរើសប្រើ Keyboard ថាមពលមេដែកឆក់ដែលមានឈ្មោះថា mag-lev ជួយលើកឱ្យប៊ូតុង Keyboard អណ្ដែតខ្ពស់ឡើងមានចម្ងាយចុចច្រើនជាងមុន ធ្វើឱ្យ Dell XPS 15 2 in 1 មានទំហំម៉ាស៊ីនកាន់តែតូច ដោយសារតែពេលបត់បិទទុកមិនចាំបាច់បន្សល់ចន្លោះសម្រាប់ប៊ូតុង Keyboard ឡើយ។
Dell XPS 15 2 in 1 ប្រហែលជានឹងចេញមកក្នុងតម្លៃ 1,299ដុល្លារអាមេរិក និងមានកំណត់ដាក់លក់ទូទាំងពិភពលោកក្នុងខែមេសាខាងមុខនេះឯង៕
