ប្រាកដណាស់ ការសម្រេចចិត្តក្នុងការចាប់ផ្ដើមធ្វើជំនួញ ឬធុរកិច្ច ពិតជារឿងមួយដែលគួរឱ្យរំភើបញាប់ញ័រខ្លាំងណាស់ តែដូចដែលយើងទាំងអស់គ្នាបានដឹងហើយថា ការដើរនៅលើខ្សែផ្លូវមួយនេះមិនមែនសុទ្ធតែល្អស្អាតនោះទេ ជាពិសេសបំផុតសម្រាប់អ្នកដែលចាប់ផ្ដើមធ្វើជំនួញជាលើកដំបូងបើត្រូវការឱ្យមុខជំនួញ ឬធុរកិច្ចរបស់អ្នកទទួលបានជោគជ័យ ក្រៅពីការត្រៀមកាយ ត្រៀមចិត្តហើយនោះ ត្រូវត្រៀមជាស្រេចនូវរឿងទាំង 3 ខាងក្រោមនេះទៀតផង។
1 . មានប្រាក់ដើមទុនគ្រប់គ្រាន់រយៈពេល 6 ខែ ៖ ថ្វីបើរយៈពេលនៃការធ្វើឱ្យមានកម្រៃរបស់ធុរកិច្ចនីមួយៗអាចនឹងមានភាពខុសប្លែកគ្នាតាមប្រភេទ និងទំហំមែន តែវាក៏មានច្បាប់មួយចំណុចដែលដូចគ្នាដែរគឺ គួរតែត្រូវមានសាច់ប្រាក់សុទ្ធឱ្យគ្រប់គ្រាន់ដើម្បីការឈរជើងបានរយៈពេល 6 ខែ ឬច្រើនជាងនោះមុននឹងបើកមុខជំនួញណាមួយ ដែលក្នុងរឿងនេះនឹងត្រូវអាស្រ័យការធ្វើបញ្ជីថវិកាដែលមានពិតប្រាកដ ជាពិសេសការប៉ាន់ប្រមាណថ្លៃចំណាយដែលច្បាស់លាស់ដែលកើតឡើងក្នុងអំឡុងពេលចាប់ផ្ដើមធ្វើជំនួញ រួមទាំងថ្លៃចាយវាយផ្សេងៗដែលមិនពាក់ព័ន្ធដែលអាចនឹងមានថែមឡើងមក និងហុចផលប៉ះពាល់ដល់ផលកម្រៃក្នុងពេលអនាគត។
2 . ទីផ្សារ និងកលយុទ្ធការលក់ដែលឈានមុខ ៖ ការនឹងធ្វើឱ្យមុខទំនិញ ឬសេវាកម្មមួយលេចធ្លោឡើងជាទីទាក់ភ្នែកទាក់ចិត្តអតិថិជននោះ គឺជារឿងមួយសំខាន់ណាស់ ដូច្នេះទើបគួរត្រូវអភិវឌ្ឍផែនការទីផ្សារដែលមានការបែងចែកថវិកាទុកមុនជាស្រេចរួមទាំងការគិតកលយុទ្ធការសាងសម្ព័ន្ធភាព និងភក្ដីភាពរបស់អតិថិជនទៀតផង និងដែលសំខាន់នោះគឺ កុំភ្លេចធ្វើគម្រោងនៃការលក់ផង មិនថាតែ បញ្ជីរាយមុខទំនិញ ច្រកផ្លូវក្នុងការលក់ ឬអ្វីដែលអតិថិជននឹងមើលឃើញពេលត្រូវការចង់ទិញទំនិញទៀតផង។
3 . ភាពអត់ធន់ ៖ មួយនៅក្នុងផ្នែកដែលលំបាកបំផុតក្នុងការក្លាយជាសហគ្រិននោះគឺ ភាពរឹងមាំទាំងកាយ និងចិត្ត។ មុននឹងចាប់ផ្ដើមធុរកិច្ចរបស់អ្នកផ្ទាល់ អ្នកត្រូវប្រាកដក្នុងចិត្តថា អ្នកមានផ្លូវចិត្តនិងរាងកាយសម្រាប់ការធ្វើការងារខ្លាំង និងអាចនឹងមិនមានថ្ងៃឈប់សម្រាកក្នុងអំឡុងពេលដំបូងៗនៃការចាប់ផ្ដើមធ្វើធុរកិច្ចទៀតផង ព្រោះបើអ្នកធ្វើការងារមិនពេញមួយរយភាគរយ ឡារ៉ែនអាចសុំប្រាប់តែម្ដងទៅថា អ្នកគ្មានផ្លូវទទួលបានជោគជ័យយ៉ាងពិតប្រាកដ៕
