អាមេរិក៖ យោងតាមសេចក្ដីរាយការណ៍បានឱ្យដឹងថា Instagram កំពុងតែត្រៀមលក្ខណៈបញ្ចូលនូវមុខងារថ្មី ដែលអនុញ្ញាតឱ្យអ្នកប្រើប្រាស់កាត់តែមានភាពស្និទ្ធស្នាលជាងមុន នោះគឺមុខងារ Video Call។
មុខងារមួយនេះ នឹងលោតបង្ហាញឡើងតែសម្រាប់អ្នកប្រើប្រាស់ទាំងឡាយណាដែលបានផ្សារភ្ជាប់ទំនាក់ទងជាមួយគ្នា ហើយបើសិនជាចង់ប្រើប្រាស់មុខងារនេះ អ្នកប្រើត្រូវចុចប៊ូតុង Video Call តែមុខងារនេះ ក៏មានចំណុចពិសេសដែរគឺភាគីម្ខាងទៀត អាចមានសិទ្ធិមិនទទួលការហៅជា Video Call នេះបានដែរ។
សម្រាប់ព័ត៌មាននេះដែរ ត្រូវបានលេចធ្លាយប្រហែលជា ៣ខែមកហើយ ប៉ុន្តែព័ត៌មានដែលបានបែកធ្លាយនោះ មិនទាន់យកជាការបាន ព្រោះតែគ្មានប្រភពច្បាស់លាស់ ចំណែកនៅពេលនេះ គឺរូបភាពមុខងារ Video Call ត្រូវបានគេចែករំលែកពាសពេញបណ្ដាញសង្គម ខណៈដែលអ្នកនាំពេលរបស់ Instagram មិនធ្វើសេចក្ដីអត្ថាធិប្បាយអ្វីទាំងអស់៕
