តាមរយៈសារព័ត៌មាន kstarlive ដែលបានចេញផ្សាយនៅថ្ងៃទី 6 ខែមករា ឆ្នាំ2018 នេះ បានឱ្យដឹងថា នៅទីបំផុតតារាចម្រៀងស្រី CL បានសម្រេចក្ដីបំណងរបស់នាង ក្នុងការសម្ដែងភាពយន្ដរបស់ហូលីវូដហើយ។
កញ្ញា CL បានប្រកាសដោយខ្លួននាងថា រូបភាពនេះជាប្លង់មួយនៃការសម្ដែងភាពយន្ដហូលីវូដ ដែលនាងបានបង្ហោះនៅលើបណ្ដាញអ៊ីនស្ដាក្រាម ហើយស្ដែងឱ្យឃើញពីសកម្មភាពថតរឿង “Mile 22” និងរួមមាន អ្នកដឹកនាំសម្ដែង Peter Berg និងJohn Malkovich រួមទាំងតារាសម្ដែងជាច្រើនទៀតដូចជា Myke Holmes, Peter Berg, John Malkovich និង Jenique Hendrix ។
គួរបញ្ជាក់ផងដែរថា ភាពយន្ដខ្នាតធំ “Mile 22” ជាប្រភេទភាពយន្ដវាយប្រហារ បាញ់បោះ ដែលត្រូវបានដឹកនាំសម្ដែងជាពិសេសពីអ្នកដឹកនាំរឿងល្បី Peter Berg និងជាភាពយន្ដដែលបានដកស្រង់ចេញពីរឿងពិតមួយរបស់ក្រុមសើបអង្កេត CIA និងមន្ត្រីប៉ូលិសឥណ្ឌូនេស៊ី ដែលបានប្រព្រឹត្តអំពើពុករលួយយ៉ាងខ្លាំងនៅក្នុងប្រទេស៕
ដើម្បីឱ្យកាន់តែជាក់ច្បាស់បន្ថែម សូមទស្សនារូបភាពខាងក្រោមនេះ៖
