អាហារូបត្ថម្ភដែលមិនល្អ គឺជាកត្តាដែលនាំឱ្យកើតជំងឺម្យ៉ាង ដែលគេហៅថា “ក្រួសនៅក្នុងតម្រងនោម” ជាហេតុបណ្ដាលឱ្យអ្នកជំងឺនឿយហត់ អស់កម្លាំង ហើយក្រួសនៅក្នុងតម្រងនោមនេះ អាចកម្ចាត់បានដោយការទទួលទានភេសជ្ជៈធ្វើពីបន្លែ និងផ្លែឈើដូចខាងក្រោមនេះ។
គ្រឿងផ្សំ
– ទឹកស្អាត 1/2លីត្រ
– ផ្លែក្រូចថ្លុង 1ផ្លែ
– ត្រសក់ 1ផ្លែ
– ការ៉ុត 1មើម
– ខ្ញី 2ចំណិត
– ស្លឹកជីអង្កាម 5សន្លឹក
វិធីធ្វើ
ហាន់ផ្លែក្រូចថ្លុង ការ៉ុត ត្រសក់ជាចំណិតៗ រួចក្រឡុកក្នុងម៉ាស៊ីនទឹកក្រឡុក បន្ទាប់មកបន្ថែមទឹកបន្តិច និងចំណិតខ្ញី រួចក្រឡុកចូលគ្នាឱ្យម៉ដ្ឋ។ ក្រោយមកទើបដាក់ស្លឹកជីអង្កាមចូលទៅក្រឡុកជាមួយគ្នាទៀតជាការស្រេច។ អ្នកអាចទទួលទាន2ដងក្នុងមួយថ្ងៃ គឺនៅពេលព្រឹក និងមុនពេលបាយថ្ងៃត្រង់។
គុណប្រយោជន៍របស់ទឹកភេសជ្ជៈដែលមានរូបធាតុផ្សំខាងលើនេះមានដូចជា ៖
1/ ផ្លែក្រូចថ្លុង៖ ជាផ្លែឈើដែលមានផលប្រយោជន៍ចំពោះសុខភាពបំផុត វាជួយព្យាបាល និងសម្អាតសារជាតិពុលនៅក្នុងរាងកាយ ក្រៅពីវាសម្បូរទៅដោយវីតាមីនC ដែលអាចជួយរំលាយជាតិខ្លាញ់ និងបន្ថែមកម្លាំងដល់រាងកាយហើយ វាក៏មានសមត្ថភាពជួយបំបាត់ភាពនឿយហត់ផងដែរ។
2/ ការ៉ុត៖ ការ៉ុតជាបន្លែដែលមានរសជាតិឆ្ងាញ់ ហើយពោរពេញទៅដោយសារធាតុចិញ្ចឹម អង់ទីអុកស៊ីដង់ និងបេតាការ៉ូទីន ដែលរាងកាយអាចបំលែងទៅជាវីតាមីន A។ ក្រៅពីនោះវាក៏អាចជួយដល់ប្រព័ន្ធរំលាយអាហាររបស់អ្នកផងដែរ។
3/ ត្រសក់៖ ជាប្រភេទបន្លែដែលសម្បូរទៅដោយសារជាតិអាហារកាកសរសៃ ជួយចម្អែតក្រពះ និងជាឱសថបុរាណសម្រាប់បញ្ជុះទឹកនោមផងដែរ៕