អាមេរិក៖ Huawei ដែលជាក្រុមហ៊ុនផលិតទូរស័ព្ទដៃលំដាប់ទី 3 នៅលើពិភពលោក ថ្មីៗនេះ ត្រូវបានគេដឹងថា គ្រោងនឹងប្រកាសបង្ហាញកំពូលស្មាតហ្វូនថ្មីមួយទៀតគឺ Huawei Enjoy 7S ដែលជាស្មាតហ្វូនពោរពេញដោយសមត្ថភាព ហើយ Huawei ក៏បានរំពឹងថា ស្មាតហ្វូនមួយនឹងទទួលបានការគាំទ្រច្រើន។
យោងតាមការចេញផ្សាយរបស់គេហទំព័រ GSM Arena បានឲ្យដឹងថា Huawei Enjoy 7S នឹងប្រើ Kirin 659 chipset រួមជាមួយ CPU ប្រភេទ octa-core ល្បឿន 2.36 GHz ជាពិសេសគឺមានអេក្រង់ទំហំ 5.65អ៊ីង ជាប្រភេទ FullView (Full HD+ resolution)។ ក្នុងនោះ Enjoy 7S គឺមាន RAM រហូតដល់ 4GB និងមានទំហំ storage រហូតដល់ 64GB។
នៅមិនទាន់អស់ទេ Huawei Enjoy 7S មានកាមេរ៉ាភ្លោះទំហំ 13MP សម្រាប់ផ្នែកខាងក្រោយ និង 2MP សម្រាប់កាមេរ៉ាមុខ ហើយអាចថតវីដេអូបានក្នុងកម្រិត 1080p។ បើនិយាយពីរឿងពណ៌វិញ ត្រូវបានគេដឹងថា មានពណ៌មាស ពណ៌ខៀវ និងខ្មៅ៕
