ដើម្បីឲ្យកាន់់តែប្រសើរជាងមុន Facebook បានបន្ថែមសេវាកម្មមួយទៀត គឺអនុញ្ញាតឲ្យអ្នកប្រើប្រាស់អាចផ្ញើរូបភាពតាម Facebook Messenger ដល់កម្រិត 4K ដែលលក្ខណៈពិសេសថ្មីនេះ គឺកាន់តែផ្ដល់ភាពងាយស្រួលដល់អ្នកប្រើប្រាស់។
ជាទូទៅ នៅពេលយើងផ្ញើរូបភាពតាមរយៈ Facebook Messenger គឺរូបភាពត្រូវបានកាត់បន្ថយគុណភាព ដែលជាហេតុធ្វើឲ្យពិបាកក្នុងការយកទៅប្រើប្រាស់ ប៉ុន្តែនៅពេលនេះ បញ្ហាទាំងនោះ គឺលេងកើតមានទៀតហើយ ដោយសារតែមុខងារថ្មីនេះ បានជួយរក្សាកម្រិតគុណភាពរូបឲ្យនៅដដែល ទាំងអ្នកផ្ញើ និងអ្នកទទួល ហើយអាចផ្ញើបានរហូតដល់កម្រិត 4K សំខាន់ឲ្យតែទូរស័ព្ទដៃនោះ អាចទទួលបានរូបភាពកម្រិត 4K។
តាមការបញ្ជាក់របស់ Facebook បានឲ្យដឹងថា មុខងារថ្មីនេះ ត្រូវបានដាក់ឲ្យប្រើទាំងនៅលើ Android និង iOS ប៉ុន្តែអ្វីដែលគួរឲ្យស្ដាយនោះ គឺថាមិនទាន់ដាក់ឲ្យប្រើប្រាស់ទូទៅនោះទេ ពោលគឺមានតែ ប្រទេសកាណាដា សហរដ្ឋអាមេរិក បារាំង អូស្ត្រាលី ចក្រភពអង់គ្លេស សិង្ហបុរី ហុងកុង ជប៉ុន និងកូរ៉េខាងត្បូងប៉ុណ្ណោះ៕
