ក្រុមហ៊ុន TCL បានបង្ហាញខ្លួន BlackBerry Motion ស្មាតហ្វូនស៊េរីថ្មីពី BlackBerry ដោយលើកនេះចេញមកព្រមជាមួយឌីហ្សាញថ្មី កាត់ឃីបតដែលជាឯកលក្ខណៈរបស់ BlackBerry ចេញ។ ក្រៅពីនេះនៅមានថ្មបាត់តេរី 4,000 mAh ដែលអាចរាប់បានថាជាទំហំដែលធំបំផុតក្នុងចំណោមស្មាតហ្វូនពី BlackBerry ទាំងអស់ និងចេញមកព្រមជាមួយប្រព័ន្ធការពារជម្រាបទឹកស្តង់ដារ IP67 ទៀតផង។
ក្នុងផ្នែកនៃលក្ខណៈសម្បត្តិវិញ BlackBerry Motion ចេញមកព្រមជាមួយអេក្រង់ទំហំ 5.5 អីុញ ភាពលម្អិតច្បាស់ Full HD និងកញ្ចក់ការពារស្នាមឆ្កូត Premium Anti-Scratch ប្រើ CPU ឈិព Snapdragon 625, RAM 4GB, Support តិចណូឡូជី Quick Charge 3.0 ដែលអាចសាកថ្មពី 0-50% ក្នុងពេលវេលាត្រឹមតែ40នាទីប៉ុណ្ណោះ និងធ្វើការលើប្រព័ន្ធប្រតិបត្តិការ Android 7.1 ដែលនឹងអាប់ឌែតឡើងទៅជា Android 8.0 Oreo ក្នុងឆ្នាំថ្មីខាងមុខនេះ។
ក្រៅពីនេះ BlackBerry នៅចេញមកព្រមជាមួយ Feature Locker ដែលជួយឱ្យរក្សាទុកព័ត៌មានបានយ៉ាងមានសុវត្ថិភាព ដោយលេខកូដ Pin ឬប្រើការស្គែនខ្ចៅដៃ ដោយព័ត៌មានទាំងអស់នឹងស្ថិតនៅក្នុងអង្គចងចាំក្នុងម៉ាស៊ីនជំនួសឱ្យការនៅក្នុងClound៕
