(តូក្យូ) – Mori JP Tower ដែលជាអគារខ្ពស់បំផុតនៅប្រទេសជប៉ុន (325.2 ម៉ែត្រ) មានទីតាំងនៅតំបន់ Azabudai Hills។
អគារ Mori JP Tower មានសមត្ថភាពទប់ទល់នឹងគ្រោះរញ្ជួយដីដែលមានកម្លាំងរហូតដល់ 9 រិចទ័រ។
អគារនេះក៏មានលក្ខណៈល្អប្រសើរសម្រាប់បរិស្ថានផងដែរ ព្រោះអគ្គិសនីទាំងអស់គឺមានប្រភពពីថាមពលអាចកកើតឡើងវិញ ខណៈដែលទឹកភ្លៀងត្រូវបានប្រើប្រាស់ឡើងវិញសម្រាប់ការស្រោចរុក្ខជាតិ និងអនាម័យ។
ខាងក្នុង Mori JP Tower មានបន្ទប់ការិយាល័យ និងបន្ទប់ស្នាក់នៅចំនួន 64 ជាន់ រួមនឹងសម្ភារៈទំនើបៗ។ អគារនេះត្រូវបានរំពឹងថា នឹងក្លាយជានិមិត្តរូបថ្មីរបស់រាជធានីតូក្យូ ដោយមានសុវត្ថិភាព ស្ថិរភាព និងទាន់សម័យ។
