(ប្រទេសចិន) – ស្ពាន Danyang–Kunshan គឺជាមហាគម្រោងដែលវែងជាងគេលើពិភពលោក ក្នុងនោះវាត្រូវបានសាង សង់ឆ្លងកាត់ទន្លេ បឹង វាលភក់ និងទីក្រុងជាច្រើន។
ស្ពានខាងលើដែលតភ្ជាប់ទីក្រុងសៀងហៃ និងណានជិញ គឺជាស្ពានដែលវែងជាងគេលើពិភពលោក ដោយមានប្រវែង 164.8 គីឡូម៉ែត្រ និងមានកម្ពស់ជាមធ្យម 30 ម៉ែត្រពីផ្ទៃទឹក។
ស្ពាន Danyang–Kunshan មានកំណាត់ខ្លះគឺជាស្ពានលើគោក ក្នុងនោះក៏មានមួយកំណាត់ដែលមានប្រវែងរហូតដល់ 114 គីឡូម៉ែត្រ។
ស្ពាននេះត្រូវបានចាប់ផ្ដើមសាងសង់ពីឆ្នាំ 2006 ហើយរួចរាល់នៅក្នុងឆ្នាំ 2010 និងដាក់ឱ្យប្រើប្រាស់នៅឆ្នាំ 2011 ដោយត្រូវចំណាយប្រាក់អស់ 8.5 ពាន់លានដុល្លារអាម៉េរិក។
ស្ពាន Danyang–Kunshan Grand Bridge ប្រើប្រាស់សសរបេតុងចំនួន 11,500 សសរ និងអាចទប់នឹងគ្រោះធម្មជាតិច្រើនប្រភេទ មានដូចជា រញ្ជួយដី និងព្យុះ ក៏ដូចជាការបុកពេញទំហឹង 300,000 តោន ពីនាវាយោធាជាដើម។ អាយុកាលដែលត្រូវបានកំណត់របស់ស្ពាននេះគឺជាង 100 ឆ្នាំ៕
