សម្រាប់ជីវិតជាគូ គេជឿថាកម្រនឹងមានអ្នកណាម្នាក់ហ៊ានហាមាត់និយាយបដិសេធថាទេចំពោះតម្រូវការផ្លូវភេទនោះឡើយ ខណៈដែលតម្រូវការមួយនេះគឺជាចំណុចដ៏សំខាន់ក្នុងការរឹតបណ្តឹងចំណងសម្ពន្ធភាពនៃដៃគូជីវិតឱ្យកាន់តែមានភាពផ្អែមល្ហែម ហើយវាក៏ជាចំណែកមួយនៃរសជាតិជីវិតរបស់មនុស្សគ្រប់រូបផងដែរ។ យ៉ាងណាក៏ដោយប្រសិនបើសម្ពន្ធនៃមេត្រីភាពជួបបញ្ហា ឬប្រព្រឹត្តទៅមិនរលូនដោយប្រការណាមួយ ដូចជា ដំណើរការសិចត្រូវបានបញ្ចប់ក្នុងពេលដ៏ខ្លីឬភាគីបុរសអសមត្ថភាព ក៏ដូចជាភាគីខាងស្រីគ្មានចំណង់ ដែលប្រការទាំងអស់នេះ អ្នកត្រូវតែស្វះស្វែងរកដំណោះស្រាយជាបន្ទាន់ ដើម្បីបញ្ចៀសភាពសោះកក្រោះក្នុងឆាកជីវិតជាគូរបស់អ្នក។
ចំពោះវិធីសាស្ត្រអាចមានច្រើនជម្រើសក្នុងនោះរួមមានដូចជាការប្រើប្រាស់ឱសថជាដើម ដែលត្រូវបានគេមើលឃើញថា ជាវិធីមួយដែលមានការពេញនិយម និងទទួលបានលទ្ធផលភ្លាម។ ប៉ុន្តែសម្រាប់ពេលនេះ យើងសូមណែនាំថា ចំពោះឱសថជំនួយមួយ
ចំនួនគឺពិតជាមានប្រសិទ្ធភាពពិតមែន តែវាមិនបានធ្វើឱ្យសមត្ថភាពភ្លូវភេទមានភាពយូរអង្វែងនោះទេ ហើយវាអាចបាត់បង់ទៅវិញបន្ទាប់ពីអស់ឥទ្ធិពលនៃជាតិថ្នាំ។ ដូច្នេះ អ្នកគួរតែងាកមករកវិធីសាស្ត្រតាមបែបធម្មជាតិ ដោយការទទួលទានអាហារ រួមមាន
បន្លែ ត្រីសាច់ ព្រមទាំងផ្លែឈើទើបជាការប្រសើរ។
បន្លែធម្មជាតិដែលជំនួយដល់សមត្ថភាពផ្លូវភេទមានដូចជា៖
1 . បន្លែភ្លៅកង្កែប ៖ នេះជាប្រភេទបន្លែឱសថ ដែលមានលទ្ធភាពអាចធ្វើឱ្យសមត្ថភាពផ្លូវភេទរបស់អ្នកមានភាពប្រសើរជាងមុន ព្រោះថា វាជាបន្លែដែលផ្ទុកទៅដោយសារធាតុអរម៉ូនភេទឈ្មោលយ៉ាងច្រើន ជួយឱ្យបុរសមានកម្លាំងខ្លាំង និងធ្វើឱ្យដៃគូរបស់អ្នកមានភាពពេញចិត្តស្អិតល្មួតទ្វេដង ជាពិសេសអាចធ្វើឱ្យអ្នកឈានដល់ចំណុចកំពូលនៅពេលប្រយុទ្ធក្នុងសមរភូមិយ៉ាងអស្ចារ្យ។
2 . ជីវ៉ាន់ស៊ុយ ៖ ជាប្រភេទបន្លែដែលសម្បូរជាតិប៉ូតាស្យូម កាលស្យូម ម៉ង់ហ្គាណែល និងជាតិដែក ដែលជួយដល់ការទប់ស្កាត់ការពារជំងឺផ្សេងៗ ហើយក្រៅពីនេះ ជីវ៉ាន់ស៊ុយ ក៏ជួយដល់ភ្នែក និងប្រព័ន្ធប្រសាទផ្លូវភេទផងដែរ។ គួរបញ្ជាក់ថា កាលពីសម័យបុរាណ មនុស្សជាច្រើនបានយកវាមកធ្វើជាឱសថប្រភេទសម្រើបតណ្ហា ដែលភាគច្រើនឃើញនៅក្នុងតំបន់មេឌីទែរា៉ណេ និងនៅក្នុងប្រទេសឥណ្ឌាតែម្ដង។
3 . ខ្ទឹមស ៖ ខ្ទឹមសជួយសម្រួលដល់ផ្លូវដង្ហើម និងកម្ចាត់ក្លិនមិនល្អនៅក្នុងប្រព័ន្ធផ្លូវដង្ហើយ។ ខ្លឹមសក៏ជួយឱ្យបញ្ហាផ្លូវភេទរបស់អ្នកប្រែក្លាយជាល្អប្រសើរឡើងវិញបានដែរ បន្ទាប់ពីទទួលទានវាជាប្រចាំថ្ងៃ ដោយសារក្លិនឈួលវាជួយឱ្យសរសៃឈាមរីកឡើង ធ្វើឱ្យឈាមរត់បានសព្វ ជាពិសេស នៅតំបន់ដែលមានស្បែកស្តើងៗ ដូចជា បបូរមាត់ និងប្រដាប់ភេទ ដែលធ្វើឱ្យមានអារម្មណ៍ពុះកញ្ជ្រោលក្នុងការរួមភេទ។
4 . ផ្លែម្ទេស ៖ ផ្លែម្ទេសក៏ជាប្រភេទអាហារជំនួយដល់ផ្នែកផ្លូវភេទផងដែរ ក្រៅពីការយកវាមកធ្វើជាគ្រឿងទេសក្នុងមុខម្ហូបនោះ។ វាមានផ្ទុកទៅដោយសារធាតុ Capsaicin ដែលជាជាតិគីមីម្យ៉ាងអាចជួយសម្រួលដល់សរសៃឈាមឱ្យរត់ស្រួល និងធ្វើឱ្យអាអូនតូចរបស់អ្នកឡើងធំ ហើយរឹងមាំទៀតផង និងអាចឱ្យអ្នកប្រតិបត្តិការការងារលើគ្រែកាន់តែយូជាងមុនថែមទៀត៕
