នារីក៏មានដុះរោមក្លៀកដូចបុរសដែរ ហើយថែមទាំងខ្ជិលដកចេញទៀតផង។ ខាងក្រោមនេះគឺរឿងយ៉ាប់ៗមួយចំនួនដែល នារីៗខ្ជិលដករោមក្លៀកតែងប្រឈមជាមួយ មានដូចជា៖
.ក្លាយជាផ្ទាំងស៊ីបរបស់មនុស្សជុំវិញខ្លួន
ប្រាកដណាស់ អ្នកមុខជាត្រូវក្លាយជាផ្ទាំងស៊ីបរបស់មនុស្សជុំវិញខ្លួនមិនខាន បើអ្នកមិនដករោមក្លៀកដោយទុកឱ្យវាវែងនោះ ព្រោះគ្មានមនុស្សស្រីឯណាដែលត្រូវមកទុករោមក្លៀកស្រមូមដូចមនុស្សប្រុសឡើយ ក្រៅពីធ្វើឱ្យគេសើចហើយ ថែមទាំងត្រូវគេរង្វាយតម្លៃអ្នកថា ជាមនុស្សគគ្រិច មិនចេះសម្អាតខ្លួន និងមានក្លិនអាក្រក់ ស្រួលមិនស្រួលដល់ថ្នាក់ធ្វើឱ្យគេខ្យល់គបន្ទាប់ពីហិតរួចទៀតផង។
.មានក្លិនអាក្រក់ មិនស្រស់ស្រាយ
រោមក្លៀកដែលវែងនឹងធ្វើឱ្យពិបាកក្នុងការថែរក្សា ហើយក្លៀកមានក្លិនមិនល្អឡើយ ដូចនេះ អ្នកដែលទុករោមក្លៀកវែង នឹងមិនអាចគេចផុតពីការមានក្លិនមិនល្អឡើយ ដែលជាហេតុធ្វើឱ្យប៉ះពាល់ដល់អារម្មណ៍ទាំងអ្នកនិងមនុស្សជុំវិញខ្លួន។ តើអ្នកដឹងទេ ក្លិនក្លៀករបស់អ្នកខ្លះ អាចធ្វើឱ្យមនុស្សខ្លះសន្លប់បាត់មាត់ឈឹងបាន។
.ត្រូវខ្វាយខ្វល់គិតរឿងសំលៀកបំពាក់
បើអ្នកមានរោមក្លៀក អ្នកមុខជាមិនហ៊ានពាក់អាវដៃខ្លី អាវវៀលក្លៀក ឬក៏អាវអត់ដៃចេញក្រៅឡើយ បើហ៊ាន ក៏ហ៊ានទាំងខ្លាចរអែងដែរបើមិនអញ្ចឹងទេ ហ៊ានពាក់ដែរ តែពាក់តែនៅផ្ទះឬក្នុងបន្ទប់ប៉ុណ្ណោះ។ ចំណុចនេះនឹងធ្វើឱ្យអ្នកត្រូវខ្វល់ខ្វាយគិតរឿងសំលៀកបំពាក់ជារៀងរាល់ថ្ងៃ ខណៈដែលអ្នកមិនគួរចំណាយពេលខ្វល់ខ្វាយគិតរឿងឥតប្រយោជន៍បែបនេះសោះ។ហេតុនេះ ម្ដេចក៏អ្នកមិនដកវាចេញឱ្យអស់ទៅក្រៅពីធ្វើឱ្យអ្នកស្អាតហើយ ថែមទាំងអាចពាក់អាវបានគ្រប់ម៉ូតទៀតផង។
សូមអ្នកចងចាំថា បើអ្នកជាមនុស្សស្រី អ្នកមិនត្រូវទុករោមក្លៀកឡើយ ព្រោះដោយាសារតែរោមក្លៀកនេះ គឺអាចឱ្យអ្នកបាត់បង់បុរសដែលអ្នកស្រឡាញ់បាន ត្បិតលើលោកនេះ មានបុរសភាគតិចណាស់ដែលស្រឡាញ់នារីដែលមានរោមក្លៀកវែងៗ ដូច្នេះប្រយ័ត្នណា៎… ប្រយ័ត្នគេដើរចេញបាត់ដោយសារតែរោមក្លៀកដ៏វែងគ្មានអនាម័យរបស់អ្នក តិចថា ឡារ៉ែន មិនបានប្រាប់៕
