លទ្ធផលនៃការចាប់ឆ្នោតចែកពូលសម្រាប់វិញ្ញាសាបាល់ទាត់បុរសនៃព្រឹត្តិការណ៍ប្រកួតកីឡាអាស៊ីអាគ្នេយ៍លើកទី 32 នៅកម្ពុជា បង្ហាញថា កម្ពុជាស្ថិតក្នុងពូល A ជាមួយ ឥណ្ឌូណេស៊ី មីយ៉ាន់ម៉ា ហ្វ៊ីលីពីន និងទីម័រខាងកើត។
ដោយឡែកសម្រាប់ពូល B វិញ រួមមាន វៀតណាម ថៃ ម៉ាឡេស៊ី សិង្ហបុរី និងឡាវ។ ចំណែកព្រុយណេដែលជាសមាជិកអាស៊ាន បានដកខ្លួនពីស៊ីហ្គេមលើកទី 32 នេះ។
ស៊ីហ្គេមលើកទី 32 នឹងប្រារព្ធឡើងចាប់ពីថ្ងៃទី 05 ដល់ 17 ឧសភា 2023 នៅកម្ពុជា។ បាល់ទាត់បុរសនឹងជាវិញ្ញាសាដែលត្រូវចាប់ផ្ដើមការប្រកួតមុនគេ ពោលគឺពីថ្ងៃទី 29 មេសា។
នៅក្នុងព្រឹត្តិការណ៍ស៊ីហ្គេមលើកនេះ បាល់ទាត់បុរសនឹងតម្រូវឱ្យមានតែកីឡាករដែលមានអាយុក្រោម 22 ឆ្នាំ (U-22) មិនដូចទៅនឹងស៊ីហ្គេមលើកទី 31 នៅវៀតណាម ដែលអនុញ្ញាតឱ្យប្រើប្រាស់ U-23 និងបូកកីឡាករលើសអាយុបីរូប។
