មនុស្សជាច្រើនប្រហែលជាគិតថា មនុស្សយើងមិនគួរទៅធ្វើឱ្យសត្វមួយចំនួនផុតពូជពីពិភពលោកនេះសោះនេះសោះ ប៉ុន្តែបើសិនជាពពួកសត្វចម្លែកទាំងអស់ខាងក្រោមនេះនៅមានជីវិតរស់នៅក្នុងពិភពបច្ចុប្បន្នវិញ លោកអ្នកប្រហែលជាត្រូវប្ដូរគំនិតនេះយ៉ាងពិតប្រាកដ។
1 . ដៃណូស៊ូខាស់ (Deinosuchus )
ជាសត្វក្រពើមួយប្រភេទដែលធំបំផុតក្នុងប្រវត្តិសាស្ត្រ។ ដោយសារតែទីកន្លែងដែលវារស់នៅនោះស្ថិតនៅក្នុងទីតាំងតែមួយជាមួយនឹងសត្វ ដៃណូស័រធីរេក្ស ដូច្នេះហើយទើបប្រាកដណាស់ ដែលជាញឹកញាប់ពួកវាត្រូវប្រឈមមុខដាក់គ្នាយ៉ាងមិនអាចចៀសផុតបាន។ ទំហំរបស់វា វែងជាង 40 ហ្វុត (ជាង 12 ម៉ែត្រ) ឯណោះ។
2 . ម៉ូសាសូរ៉ាស់ (Mosasauras )
មិនបាច់អធិប្បាយពីភាពកាចសាហាវរបស់ពួកវានោះទេ ព្រោះលោកអ្នកអាចនឹងធ្លាប់បានឃើញពួកវានៅក្នុងខ្សែភាពយន្តរួចមកហើយនៅក្នុងរឿង Jurasic World ។ ត្រឹមត្រូវហើយ! វាគឺជាសត្វដៃណូស័រយក្សនៅក្នុងទឹកដែលមានប្រវែងវែងជាង 60 ហ្វុត (ជាង 16 ម៉ែត្រ) ដែលអាចខាំត្របាក់សត្វដៃណូស័រគ្រប់ប្រភេទដែលចូលមកក្បែរទីកន្លែងដែលវារស់នៅ។
3 . អាណូម៉ាឡូខារីស (Anomalocaridid )
ទោះជាវាមានទំហំមិនធំប៉ុនសត្វដៃណូស័រដទៃទៀតមែន តែវាគឺជាអ្នកប្រមាញ់ដែលនៅលើខ្ពស់បំផុតនៃពពួកសត្វដែលជាចំណីអាហាររបស់វាតាំងពីយុគសម័យកកំណើតវត្ថុមានជីវិតនៅលើពិភពលោកនេះម្លេះ។ អាចរាប់បានថា ជាសត្វពពួក អាថូផត ដែលជាអ្នកប្រមាញ់ដ៏សាហាវដំបូងគេរបស់ពិភពលោក។ ភាពកាចសាហាវរបស់វាមានខ្លាំងក្លាដល់ថ្នាក់ត្រូវប្រយុទ្ធដើម្បីស៊ីគ្នាឯងជាចំណី។
4 . ជែខេឡូបតេរ៉ាស់ (Jaekelopterus )
សត្វសារាយសមុទ្រកំពូលសាហាវ។ ទោះជាទំហំរបស់វាមានត្រឹមតែ 9 ហ្វុត (ជិត 3 ម៉ែត្រ) មែន តែភាពកាចសាហាវរបស់វាអាចហៅបានថា ស្ថិតក្នុងលំដាប់កំពូលបំផុតនៃសត្វសមុទ្រទាំងឡាយក៏អាចថាបានដែរ។ នៅពេលណាក៏ដោយដែលវាប្រទះឃើញចំណី វានឹងស្ទុះចូលទៅខាំទាញហែកចំណីជាចម្រៀកៗ មុននឹងស៊ីយ៉ាងឆ្ងាញ់មាត់។
5 . ស៊ីបហ៊ែកទីណឹស (Xiphactinus )
សាកល្បងនឹកឃើញពីរូបភាពត្រីស៊ីមនុស្ស ពីរ៉ាន់យ៉ា ដែលមានប្រវែង 4.5 – 6 ម៉ែត្រលមើលថា តើវាគួរឱ្យភ័យខ្លាចប៉ុនណា?។ ត្រីអ្នកប្រមាញ់ចំណីមួយប្រភេទនេះរស់នៅក្នុងម្ដុំបរិវេណសមុទ្រអាមេរិកខាងជើងកាលពីប្រមាណជា 85 លានឆ្នាំមុន។ ពេលដែលទ្វីបអាមេរិកខាងជើងត្រូវបែងចែងជា 3 កោះធំៗ និងមានសមុទ្រនៅចំកណ្ដាលនោះ ពួកវាគឺជាអ្នកប្រមាញ់សាច់ឆៅដ៏សាហាវបំផុតនៅម្ដុំនោះ។
6 . អ៊ីដេស្តាស់ (Edestus )
ត្រីឆ្លាមអ្នកប្រមាញ់សាច់ឆៅដែលរស់នៅក្នុងមហាសមុទ្រទូទាំងពិភពលោក និងអ្វីដែលលេចធ្លោបំផុតរបស់វានោះគឺ ធ្មេញដែលមុតក្រិបដូចផ្លែកាំបិត។ ដោយទំហំរបស់វាដែលធំវែងដល់ទៅ 20 ហ្វុត (ជាង 6 ម៉ែត្រ ) និងភាពកាចសាហាវដែលត្រីឆ្លាមដទៃទៀតសុំខ្លាចនោះ ទើបធ្វើឱ្យវាក្លាយជាត្រីឆ្លាមដ៏គួរឱ្យភ័យខ្លាចបំផុតក្នុងពិភពនាយុគសម័យមុនប្រវត្តិសាស្ត្រ។
7 . ដាន់លីអូសតេអ៊ុស (Dunkleosteus )
ក្នុងខណៈដែលសត្វអ្នកប្រមាញ់ដទៃច្រើនតែមានធ្មេញដ៏មុតស្រួចចំនួនច្រើននោះ ត្រីអសុរកាយមួយនេះបែរជាមានធ្មេញទំហំធំបំផុតតែ 1 វែង ដែលទុកសម្លាប់សត្វជាចំណី ប្រៀបដូចជា គិយ៉ូទីន ដែលចាប់ហែកចំណីដោយការត្របាក់តែមួយដងគត់៕
