យោងតាមអ្នកយកព័ត៌មាន Gerard Romero កំពូលតារាបាល់ទាត់ Lionel Messi មិនមានបំណងពន្យារសុពលភាពកិច្ចព្រមព្រៀងជាមួយក្លឹបបារាំង PSG នៅរដូវក្ដៅឆ្នាំនេះឡើយ។
ខ្សែប្រយុទ្ធវ័យ 35 ឆ្នាំ Messi ត្រូវបានគេជឿថា បានផ្លាស់ប្ដូរគំនិតបន្ទាប់ពីបានក្រុមជម្រើសជាតិអាហ្សង់ទីនរបស់គាត់ ដណ្ដើមបានតំណែងជើងឯក World Cup 2022។ ប៉ុន្តែ Romero បានបញ្ជាក់ថា ប្រការនេះក៏មិនមែនមានន័យថា គាត់នឹងត្រលប់ទៅកាន់ Barca វិញនោះដែរ។
ចំណែកអ្នកយកព័ត៌មាន Fabrizio Romano វិញ បែរជាយល់ថា Messi មានគម្រោងបន្តស្ថិតនៅបារីស ហើយការព្រមព្រៀងមិនទាន់ជាផ្លូវការរវាង Messi និង PSG ត្រូវបានជំរុញតាំងពីខែធ្នូ 2022។
