តារាម៉ូដែល Margarida Corceiro មិត្តស្រីវ័យ 20 ឆ្នាំរបស់ខ្សែប្រយុទ្ធនៃក្រុមបាល់ទាត់ជម្រើសជាតិព័រទុយហ្កាល់ Joao Felix ទទួលបានការសរសើរថា ស្អាតប្លែក និងមានមន្តស្នេហ៍។
យោងតាម Marca នាង Margarida Corceiro គឺជានារីម្នាក់ក្នុងចំណោម Wags (ភរិយា មិត្តស្រីរបស់កីឡាករបាល់ទាត់) ដែលមានភាពទាក់ទាញបំផុតនៅ World Cup 2022។ នាង និង Joao Felix បានទាក់ទងគ្នាក្នុងរយៈពេល 3 ឆ្នាំមកហើយ ជួនកាលពួកគេនៅជាមួយគ្នានៅក្នុងព្រឹត្តិការណ៍កីឡាធំៗ។
Margarida Corceiro ដែលមានអាយុតិចជាងខ្សែប្រយុទ្ធ Joao Felix 3 ឆ្នាំ គឺជាតារាបង្ហាញម៉ូដ និងជាតារាសម្ដែងល្បីឈ្មោះនៅ ព័រទុយហ្កាល់។
Margarida Corceiro បានចូលប្រលូកក្នុងវិស័យដើរម៉ូដតាំងពីអាយុ 12 ឆ្នាំ ក្រោយពីត្រូវបានក្រុមហ៊ុនកំសាន្តមួយចាប់អារម្មណ៍។ នាងនិយាយថា នាងចូលចិត្តដើរម៉ូដខ្លាំងណាស់ បើទោះមិនសូវមានពេលសម្រាប់ឯកជនភាព ព្រោះតែតួនាទីជា «មនុស្សរបស់សាធារណជន»។
តារារូបនេះបាន និងកំពុងផ្សាយពាណិជ្ជកម្មឱ្យក្រុមហ៊ុនសម្លៀកបំពាក់ ក្នុងនោះមានដូចជា ឈុតងូតទឹក ឈុតគេង និងឈុតកីឡាជាដើម។ នៅលើទំព័របណ្ដាញសង្គម Margarida Corceiro ទទួលបានការសរសើរថា ស្អាតប្លែក ប្រកបដោយមន្តស្នេហ៍។
មិត្តស្រីរបស់កីឡាករខ្សែប្រយុទ្ធ Joao Felix មានកម្ពស់ 1.66 ម៉ែត្រ និងមានរង្វង់ទាំង 3 (ដើមទ្រូង ចង្កេះ និងត្រគាក) គឺ 80-57-88 សម។
នាង Margarida បង្ហើបឱ្យដឹងថា គន្លឹះដើម្បីសម្រស់របស់នាងគឺការធ្វើឱ្យមានតុល្យភាពក្នុងរបបអាហារ និងការហាត់ប្រាណ។ នាងមិនហូបតម ប៉ុន្តែ ហូបអាហារចម្រុះ សម្បូរបែប។ Margarida ទៅក្លឹបហាត់ប្រាណ 3 ដង/សប្ដាហ៍។
នាងយកចិត្តទុកដាក់លើការថែទាំសំណើមសម្រាប់ស្បែក និងប្រើប្រាស់ក្រែមលាបសក់ជាញឹកញាប់ដើម្បីជួយឱ្យសរសៃសក់មានសុខភាពល្អ។ Margarida ចូលចិត្តការផាត់មុខបែបធម្មជាតិ ដោយកម្រផាត់ម្សៅទ្រនាប់ ឬលាបក្រែមបបូរមាត់ក្រាស់៕
