(កាតា)- គ្រូបង្វឹក Hajime Moriyasu ដើរទៅខាងមុខជួរកៅអីរបស់អ្នកគាំទ្រ និងឱនក្បាលសុំទោស ក្រោយពី ក្រុមជម្រើសជាតិជប៉ុន ត្រូវបាន ក្រុមក្រូអាត ជម្រុះពី World Cup 2022 នៅវគ្គ 1/8 កាលពីយប់ថ្ងៃទី 05 ធ្នូ។
ក្រោយពីចាញ់ ក្រូអាត នៅកីឡដ្ឋាន Al Janoub គ្រូបង្វឹក Hajime Moriyasu ដើរទៅខាងមុខជួរកៅអីសម្រាប់អ្នកគាំទ្រជប៉ុន ហើយឱនក្បាលចុះមួយសម្ទុះដើម្បីសម្ដែងការសុំទោស។ នេះគឺជារូបភាពខ្ពស់បំផុតនៅក្នុងការសម្ដែងការអរគុណ ឬសុំទោសក្នុងវប្បធម៌របស់ ជនជាតិជប៉ុន។
ជប៉ុន បានបញ្ចប់ការប្រកួតនៅ World Cup 2022 របស់ខ្លួនបន្ទាប់ពីបានចាញ់ ក្រូអាត 1-3 កាលពីយប់មិញក្នុងការស៊ុតបាល់ប៉េណាំងទី (Penalty Soot-out)។ នៅ World Cup លើកនេះ ជប៉ុន បានផ្ដួលម្ចាស់ជើងឯកឆ្នាំ 2014 (អាល្លឺម៉ង់) និង 2010 (អេស្ប៉ាញ) ផងដែរ។
កីឡាករជប៉ុន មិនអាចទប់ទឹកភ្នែកបាននៅពេលត្រូវចាកចេញពី World Cup 2022 បើទោះនេះគឺជាលើកទីពីរបន្តបន្ទាប់ដែលពួកគេបានឆ្លងផុតវគ្គចែកពូលនៅ World Cup៕