នៅក្នុងតារាងចំណាត់ថ្នាក់ ប្រទេសសិង្ហបុរី មានបរិស្ថានឌីជីថល និងប្រព័ន្ធជំនួយល្អបំផុតក្នុងពិភពលោក ប៉ុន្តែ ប្រទេសកំពុងអភិវឌ្ឍភាគច្រើននៅ អាស៊ី ឈរនៅបាតតារាងចំណាត់ថ្នាក់។
កាលពីថ្ងៃទី ២១ កញ្ញា ធនាគារអភិវឌ្ឍអាស៊ី (ADB) បានប្រកាសសន្ទស្សន៍សកលស្ដីពីបណ្ដាប្រព័ន្ធឌីជីថលអាជីវកម្ម និងប្រព័ន្ធជំនួយដល់ក្រុមអ្នកគ្រប់គ្រងអាជីវកម្ម។
នៅក្នុងតារាងចំណាត់ថ្នាក់ សិង្ហបុរី ជាប្រទេសដែលមានបរិស្ថានឌីជីថល និងប្រព័ន្ធជំនួយល្អបំផុតក្នុងពិភពលោក។ សហរដ្ឋអាម៉េរិក ឈរលំដាប់ទី ២ ខណៈដែល ស៊ុយអែត ឈរលំដាប់ទី ៣ នៅក្នុងចំណោមខឿនសេដ្ឋកិច្ចទាំង ១១៣ ដែលមានឈ្មោះនៅក្នុងតារាងចំណាត់ថ្នាក់របស់ ADB។
ក៏ប៉ុន្តែ ប្រទេសភាគច្រើន (១៧ ប្រទេស) នៅក្នុងចំណោមប្រទេសកំពុងអភិវឌ្ឍទាំង ២១ នៅ អាស៊ី បែរជាត្រូវឈរនៅបាតតារាងចំណាត់ថ្នាក់នេះ។
GIDES គឺជាផ្នែកមួយនៃរបាយការណ៍សេដ្ឋកិច្ចប្រចាំឆ្នាំស្ដីពីទស្សនវិស័យចំពោះការអភិវឌ្ឍអាស៊ីឆ្នាំ ២០២២ របស់ ADB។ សន្ទស្សន៍នេះវាយតម្លៃគុណភាពបរិស្ថានសម្រាប់អាជីវកម្មឌីជីថល ដោយយោងទៅលើកម្រិតឌីជីថលក្នុង ៨ វិស័យ រួមមាន វប្បធម៌ គ្រឹះស្ថាន ឬក្រុមហ៊ុន លក្ខខណ្ឌទីផ្សារ ហេដ្ឋារចនាសម្ព័ន្ធ ធនធានមនុស្ស ចំណេះដឹង ហិរញ្ញវត្ថុ និងលទ្ធភាពនៃការតភ្ជាប់បណ្ដាញ។