បណ្ដាញសង្គម Youtube នឹងចាប់ផ្ដើមដាក់ផ្សាយពាណិជ្ជកម្មនៅលើមុខងារវីដេអូខ្លី ហើយអ្នកបង្កើតវីដេអូរក្សាប្រាក់ចំណូល ៤៥%។
ថ្មីៗនេះ Youtube បានបញ្ចេញវិធីថ្មីដើម្បីជួយឱ្យអ្នកផលិតខ្លឹមសារអាចរកប្រាក់ពីវីដេអូខ្លី នៅក្នុងគ្រាដែលបណ្ដាញសង្គមនេះកំពុងប្រឈមនឹងការប្រកួតប្រជែងកាន់តែខ្លាំងពី TikTok។
បណ្ដាញសង្គមរបស់ Google កាលពីថ្ងៃទី ២០ កញ្ញា បានប្រកាសថា ពួកគេនឹងដាក់ផ្សាយពាណិជ្ជកម្មនៅលើមុខងារវីដេអូខ្លីដែលមានឈ្មោះថា Shorts ហើយអ្នកបង្កើតវីដេអូប្រភេទនេះ រក្សាប្រាក់ចំណូល ៤៥% ទាបជាងបន្តិចធៀបនឹង ៥៥% សម្រាប់វីដេអូវែងដែលមិនស្ថិតក្នុងក្រុម Shorts។
អ្នកធ្វើវីដេអូមួយចំនួនបានសម្ដែងការគាំទ្រចំពោះឥរិយាបថថ្មីរបស់ Youtube ដោយយល់ថា បណ្ដាញសង្គមនេះកំពុងតែមានវិធីថ្មីជួយឱ្យអ្នកផលិតវីដេអូរីកចម្រើនទៅតាមរូបភាពផ្សេងគ្នា។
កាលពីខែមេសាឆ្នាំនេះ Youtube បានបង្កើតមូលនិធិមួយដែលមានតម្លៃ ១០០ លានដុល្លារអាម៉េរិក ដើម្បី «ចងជើង» អ្នកផលិតវីដេអូរយៈពេលមធ្យម។
គម្រោងចែករំលែកប្រាក់ចំណូលថ្មីរបស់ Youtube គឺដើម្បីបង្កើនភាពទាក់ទាញសម្រាប់ Shorts ទៅតាមទិសដៅស្ថិរភាព។
នៅក្នុងពាក់កណ្ដាលដើមឆ្នាំនេះ Google រកបានប្រាក់ ១៤.២ ពាន់លានដុល្លារពីការផ្សាយពាណិជ្ជកម្មលើ Youtube កើន ៩% ធៀបនឹងពាក់កណ្ដាលដើមឆ្នាំកន្លង។ ប៉ុន្តែ បរិមាណនៃការលក់ពាណិជ្ជកម្មប្រចាំត្រីមាសចុងក្រោយនេះបង្ហាញថា វាមានកំណើនយឺតបំផុតរាប់ចាប់តាំងពី Youtube ចាប់ផ្ដើមប្រកាសទិន្នន័យស្ដីពីប្រាក់ចំណូលកាលពី ៣ ឆ្នាំមុន។
