ជំនួសឱ្យការផ្អាប់ ឬបំប្លែងជាតិស្ករឱ្យទៅជាស្រា អ្នកវិទ្យាសាស្ត្រផ្អាប់ស្ករឱ្យប្រែទៅជាប្រូតេអ៊ីន បង្កើតបានជាសាច់សិប្បនិម្មិតមួយប្រភេទ។
ការផលិតសាច់សិប្បនិម្មិតដោយការផ្អាប់ ឬបិត គឺជាវិធីសាស្ត្រថ្មីមួយដែលទើបតែត្រូវបានរកឃើញនៅ San Francisco សហរដ្ឋអាម៉េរិក និងតំបន់នៅក្បែរខាង។ នៅក្នុងរោងចក្រស្រាបៀរ គេប្រើប្រាស់ដំបែដើម្បីបំប្លែងស្ករឱ្យទៅជាស្រា ប៉ុន្តែ បច្ចេកទេសថ្មីនេះ គេប្រើប្រាស់ដំបែដើម្បីបំប្លែងស្ករឱ្យទៅជាប្រូតេអ៊ីន។
បច្ចេកវិទ្យាថ្មីសន្លាង និងស្អាតបំផុត
ក្នុងចំណោមក្រុមហ៊ុនដែលប្រើប្រាស់បច្ចេកវិទ្យាខាងលើ ក្រុមហ៊ុន Every Company ទទួលបានទុនវិនិយោគ ២៣៣ លានដុល្លារអាម៉េរិក ពីក្រុមអ្នកវិនិយោគនៅ សិង្ហបុរី។ ក្រុមហ៊ុននេះមានជំនាញក្នុងការផលិតស៊ុតសិប្បនិម្មិត និងអាហារបន្ថែមប្រូតេអ៊ីន។ អ្វីដែលពិសេសគឺថា Every Company ប្រើប្រាស់បច្ចេកវិទ្យាហ្សែននៅក្នុងដំណើរការនៃការផ្អាប់ ឬបិតរបស់ពួកគេ។
Every Company បោះពុម្ភ 3D កូដ DNA របស់ប្រូតេអ៊ីនដែលមនុស្សបានរកឃើញ និងចិញ្ចឹមដំបែដោយស្ករដែលមានផ្ទុក DNA 3 D នេះ។ នៅពេលមេដំបែស៊ីស្ករ (តែតាមពិត វាកំពុង «អាន» កូដហ្សែន) វាក៏បញ្ចេញប្រភេទប្រូតេអ៊ីនដែលបានកំណត់ទុកមុននោះ។ ក្រុមហ៊ុនខាងលើអះអាងថា ស៊ុតក្រហមដែលពួកគេបានផលិតដោយបច្ចេកវិទ្យានេះ «មិនខុសពីស៊ុតពិតៗឡើយ»។
ក្រៅពី Every Company ក៏នៅមានក្រុមហ៊ុនជាច្រើនទៀតដែលកំពុងប្រើប្រាស់បច្ចេកវិទ្យានេះ ក្នុងនោះក៏មាន Prime Roots ដែលជាក្រុមហ៊ុនធុរកិច្ចថ្មី។ Every Company ទាក់ទាញបានទុនវិនិយោគជាង ១៨ លានដុល្លារអាម៉េរិក។ Prime Roots ផលិតសាច់សិប្បនិម្មិតច្រើនប្រភេទដូចជា សាច់ក្រកអ៊ីតាលី សាច់មាន់បារាំង។ល។
ធៀបជាមួយនឹងអាហារបួសដែលមានប្រភពពីរុក្ខជាតិ សាច់សិប្បនិម្មិតរបស់ Every Company ឬ Prime Roots ជាដើម មានលក្ខណៈស្អាតជាង ព្រោះថា សមាសធាតុមានតិចជាង ខណៈដែលអាហារបួសធម្មតាមានគ្រឿងផ្សំចាប់ពី ១២ ដល់ ១៥ ប្រភេទ៕
