ទីក្រុងប៉េកាំង កំពុងទទួលបានផលចំណេញច្រើននៅពេល ទីក្រុងតេហេរ៉ង់ បញ្ចុះតម្លៃប្រេងឆៅដើម្បីប្រកួតប្រជែងនឹងប្រេងរបស់ រុស្ស៊ី នៅក្នុងទីផ្សារចិន។
Bloomberg ដកស្រង់ប្រភពព័ត៌មានពីក្រុមអ្នកជំនួញបានឱ្យដឹងថា ប្រេងឆៅរបស់ អ៊ីរ៉ង់ កំពុងត្រូវបានកំណត់តម្លៃទាបជាង ១០ ដុល្លារ ធៀបនឹងប្រេង Brent។ ប្រការនេះជួយឱ្យផលិតផលរបស់ អ៊ីរ៉ង់ មានតម្លៃប្រហាក់ប្រហែលនឹងប្រេង Urals របស់ រុស្ស៊ី ដែលគ្រោងនឹងប្រគល់ឱ្យ ប្រទេសចិន នៅក្នុងខែសីហាខាងមុខ។
ធៀបនឹងមុនវិបត្តិនៅ អ៊ុយក្រែន ប្រេងឆៅរបស់ អ៊ីរ៉ង់ បច្ចុប្បន្នត្រូវបានបញ្ចុះតម្លៃបន្ថែមពី ៤-៥ ដុល្លារ/ធុង។ អ៊ីរ៉ង់ ត្រូវបញ្ចុះតម្លៃប្រេង ក្នុងគ្រាដែលប្រេងរបស់ រុស្ស៊ី កំពុងបង្កើនចំណែកទីផ្សាររបស់ខ្លួននៅ ប្រទេសចិន។ ទីផ្សារចិន បានក្លាយជាទិសដៅសំខាន់របស់ ប្រេងរុស្ស៊ី នៅពេល វិមានក្រឹមឡាំង ស្វែងរកវិធីទប់ទល់នឹងទណ្ឌកម្មរបស់ បស្ចិមលោក។
