ក្នុងរបាយការណ៍មួយដែលចេញដោយ Interbrand ដែលជាស្ថាប័នវាយតម្លៃលើស្លាកយីហោល្បីៗបំផុតទូទាំងពិភពលោក បានបង្ហាញថា តម្លៃស្លាកយីហោរបស់ក្រុមហ៊ុន Samsung ឆ្នាំ 2017នេះ បានឡើងដល់ 56.2 ពាន់លានដុល្លារ កើនទ្បើង 9% បើធៀបនឹងឆ្នាំមុន។
ការវាយតម្លៃនេះ គឺយោងទៅលើភាពរីកចម្រើនឥតឈប់ឈរ របស់ក្រុមហ៊ុន Samsung ជាពិសេសអាជីវកម្មទូរស័ព្ទរបស់ក្រុមហ៊ុនបានបង្ហាញពីភាពជាអ្នកដឹកនាំទីផ្សាររបស់ខ្លួនតាមរយៈការបង្ហាញទូរស័ព្ទ Galaxy S8 បានយ៉ាងជោគជ័យបំផុត។ ចំណែកឯការបែងចែកមេម៉ូរីវិញ បានធ្វើឱ្យទូរស័ព្ទ Samsung ដំណើរការបានយ៉ាងល្អ និងទទួលបានតម្លៃស្លាកយីហោខ្ពស់។ សម្រាប់អាជីវកម្មគ្រឿងបរិក្ខារឌីជីថល Samsung បាននាំមកនូវផលិតផល និងបច្ចេកវិទ្យាថ្មីៗដែលទទួលបានពានរង្វាន់ ដូចជាទូទឹកកក Family Hub និង ម៉ាស៊ីនបោកគក់ AddWash។ ម្យ៉ាងវិញទៀតការបែងចែកអេក្រង់បានបំបែកកំណត់ត្រាថ្មីក្នុងទីផ្សារទូរទស្សន៍ ជាមួយនឹងទូរទស្សន៍ទំនើប QLED TV ក៏ដូចជាទូរទស្សន៍បំពាក់ និងស៊ុមអេក្រង់ The Frame សម្រាប់របៀបរស់នៅថ្មីក្នុងគេហដ្ឋាន។
លទ្ធផលនេះ បានធ្វើឱ្យ Samsung ជាប់ចំណាត់ថ្នាក់ក្នុងចំណោមស្លាកយីហោដ៏ល្បីបំផុតទាំង 10 ទូទាំងពិភពលោកក្នុងបញ្ជី Interbrand តាំងពីឆ្នាំ 2012 រហូតដល់ 2017 ។ សមិទ្ធផលឆ្នាំនេះពិតជាមានភាពវិសេសវិសាល ដោយសារតែក្រុមហ៊ុន Samsung បានយកឈ្នះលើបញ្ហាមួយចំនួនដែលបានជួបប្រទះកាលពីឆ្នាំមុន។ តាមរយៈការវាយតម្លៃរបស់ Interbrand បានលើកទ្បើងថា ក្នុងចំណោមកត្តាជាច្រើនដែលក្រុមហ៊ុន Samsung បានប្រឈមមុខដូចជា ការដោះស្រាយវិបត្តិរបស់ Galaxy Note7 ដោយសន្តិវិធី ការដាក់បង្ហាញផលិតផលថ្មីៗ និងការរីកលូតលាស់ផ្នែកហិរញ្ញវត្ថុ។
លោក YH Lee នាយកប្រតិបត្តិផ្នែកទីផ្សាររបស់ក្រុមហ៊ុន Samsung បានមានប្រសាសន៍ថា៖ «ការខិតខំប្រឹងប្រែងរបស់យើងដើម្បីឱ្យមានវឌ្ឍនភាពសម្រាប់ការរស់នៅរបស់ប្រជាពលរដ្ឋបានរួមចំណែកដល់ការកើនឡើងនៃតម្លៃស្លាកយីហោ Samsung ។ ចំណាត់ថ្នាក់របស់យើងនៅឆ្នាំនេះគឺជាសញ្ញាវិជ្ជមានមួយដែលបង្ហាញថា កិច្ចប្រឹងប្រែងរបស់យើងបានធ្វើឱ្យអ្នកប្រើប្រាស់ទូទាំងសកលលោកទទួលបានការជឿទុកចិត្តទ្បើងវិញ»។ បញ្ជីរបស់ Interbrand ដែលផ្តល់ចំណាត់ថ្នាក់ឱ្យស្លាកយីហោល្បីៗបំផុតទូទាំងពិភពលោកប្រចាំឆ្នាំ នឹងធ្វើការប្រកាសនៅមជ្ឈមណ្ឌលពាណិជ្ជកម្មពិភពលោកក្នុងទីក្រុងញូវយ៉កនៅថ្ងៃទី27 ខែកញ្ញា ឆ្នាំ 2017៕