ជាប្រធានបទក្ដៅគគុកមួយទៀតហើយសម្រាប់តារាហូលីវូតដូចជា នាង Kylie Jenner កំពុងតាំងគភ៌ដំបូងជាមួយនឹងសង្សារប្រុសរបស់នាង គឺតារាចម្រៀងរ៉េបលោក Travis Scott មានវ័យ 25ឆ្នាំ បន្ទាប់ពីអ្នកទាំងពីរបានទាក់ទងគ្នាអស់រយៈពេល 5 ខែតែប៉ុណ្ណោះ។
បន្ទាប់ពីសារព័ត៌មាន People បានចេញផ្សាយថា នៅអម្លុងពេលពីរសបា្ដហ៍កន្លងទៅនេះ តារាស្រី Kylie Jenner បានប្រកាសប្រាប់ក្រុមគ្រួសាររបស់នាងថា នាងកំពុងតាំងគភ៌ដំបូងជាសង្សារប្រុសរបស់នាង Travis Scott តែយ៉ាងណាមិញ គ្រួសាររបស់នាងមិនបានសប្បាយចិត្តចំពោះដំណឹងនេះឡើយ ដោយសារតែ ពួកគេគិតថា តារាស្រីវ័យ 20 ឆ្នាំរូបនេះនៅវ័យក្មេងខ្លាំងណាស់ មិនទាន់ស័ក្ដសមនឹងមានបុត្រនៅពេលនេះឡើយ។
គួររំលឹកផងដែរថា តារាស្រី Kylie Jenner ចាប់ផ្ដើមមានទំនាក់ទំនងជាមួយ Travis Scott ក្រោយពីនាងបានបែកគ្នាជាមួយអតីតមិត្តប្រុស Tyga នៅអម្លុងខែមេសា៕
