មហាសេដ្ឋីអាម៉េរិក លោក អ៊ីឡុន ម៉ាស (Elon Musk) បានឱ្យដឹងថា មនុស្សលោកអាចរក្សាទិន្នន័យស្ដីពីអនុស្សាវវីយ៍ បុគ្គលិកលក្ខណៈរបស់មនុស្សម្នាក់ ទៅក្នុងរ៉ូបូតរបស់ Tesla ដែលកំពុងត្រូវបានអភិវឌ្ឍ។
នៅក្នុងការជជែកគ្នាជាមួយ Mathias Dofner ដែលជា CEO របស់ Inder Axel Springer នៅឯរោងចក្ររបស់ Tesla ក្នុងទឹកដី California កាលពីសប្ដាហ៍កន្លង នាយកប្រតិបត្តិរបស់ SpaceX លោក អ៊ីឡុន ម៉ាស បានបង្ហាញក្ដីសង្ឃឹមខ្ពស់ទៅលើមនុស្សយន្ត Optimus (ឬ Tesla Robot) ដែលកំពុងអភិវឌ្ឍដោយក្រុមហ៊ុន Tesla។
«Optimus ត្រូវបានបង្កើតឡើងដើម្បីធ្វើកិច្ចការដដែលៗ ឬប្រកបដោយគ្រោះថ្នាក់។ ជាមូលដ្ឋាន នោះគឺជាការងារដែលមនុស្សមិនចង់ធ្វើ» CEO របស់ Tesla និយាយដូច្នេះ។ លោក អ៊ីឡុន ម៉ាស បន្ថែមថា ថ្ងៃណាមួយ មនុស្សអាចបញ្ចូលសមត្ថភាពរបស់ខួរក្បាល ទៅក្នុង Optimus។
«យើងអាចបញ្ចូលបុគ្គលិកលក្ខណៈពិសេសរបស់មនុស្សម្នាក់ទៅក្នុងរ៉ូបូត។ ពិតណាស់ បើសិនជាមនុស្សនោះលែងមានវត្តមាននៅលើលោក រ៉ូបូតនេះនឹងទទួលភារកិច្ចរក្សាការពារការចងចាំទាំងនោះ។ ខ្ញុំគិតថា យើងអាចធ្វើបានដូច្នោះ» មហាសេដ្ឋី អ៊ីឡុន ម៉ាស អះអាងដូច្នេះ។
ម្ចាស់ Tesla និយាយថា ក្រុមហ៊ុននេះកំពុងផលិតមនុស្សយន្តមួយប្រភេទដែលមានលក្ខណៈពេញលេញ និងអាចបង្ហាញខ្លួននៅចុងឆ្នាំនេះ ហើយនឹងចាប់ផ្ដើមផលិតក្នុងបរិមាណសមល្មមនៅឆ្នាំ ២០២។ មនុស្សយន្ត Optimus ត្រូវបានបង្ហាញជាលើកដំបូងនៅក្នុងព្រឹត្តិការណ៍ AI Day កាលពីថ្ងៃទី ១៩ សីហា ២០២។
យោងតាមលោក ម៉ាស មនុស្សយន្ត Tesla Bot មានកម្ពស់ប្រហែល ១៧២ សម, ទម្ងន់ ៥៦ គីឡូក្រាម, អាចដើរក្នុងល្បឿន ៨ គូឡូម៉ែត្រ/ម៉ោង, អាចលីទម្ងន់ ២០ គីឡូក្រាម និងអាចលើកទម្ងន់ ៦៨ គីឡូក្រាម។ ក្បាលរបស់រ៉ូបូត បំពាក់កាមេរ៉ាដែលកំពុងប្រើប្រាស់លើរថយន្ត Tesla ដែលអនុញ្ញាតឱ្យវាទទួលដឹងនូវបរិយាកាសជុំវិញ និងមានអេក្រង់សម្រាប់បង្ហាញទិន្នន័យ។ រ៉ូបូនេះត្រូវបានដំណើរការដោយប្រព័ន្ធបញ្ញាសិប្បនិម្មិតរបស់ Tesla៕
