បើតាមសារព័ត៌មាន TvPool ដែលចេញផ្សាយបានឱ្យដឹងថា នៅរាត្រីថ្ងៃទី7 ខែកញ្ញា ឆ្នាំ2017 កន្លងមក តារាសម្ដែងស្រី ឈុំភូ អារីយ៉ា បានប្រសូតកូនប្រុសភ្លោះដែលជាវិនាទីដ៏គួរឱ្យចាប់អារម្មណ៍ និងគួរឱ្យរំភើបចិត្តបំផុត។ កូនភ្លោះរបស់នាងដែលមានឈ្មោះថា ណងសាយហ្វា (វេហា) និង ណងផាយុ (ខ្យល់ព្យុះ) បានប្រសូតមកឃើញពន្លឺព្រះអាទិត្យ ព្រមទាំងមានរូបឆោមស្រស់ស្អាតដូចម្ដាយទាំងពីរនាក់បងប្អូនតែម្ដង។
គួរបញ្ជាក់ផងដែរថា ការប្រសូតបុត្ររបស់តារាស្រីរូបនេះក៏បានផ្សាយផ្ទាល់ពីស្ថានីយទូរទស្សន៍ប៉ុស្ត៍លេខ 3 ថៃ តាមរយៈកម្មវិធី 3Zap ផងដែរ ដែលធ្វើឱ្យអ្នកគាំទ្រញាប់ញ័រអារម្មណ៍ និងភ័យព្រួយជំនួសតារាស្រីរូបនេះទៀតផង។ ដើម្បីឱ្យកាន់តែជាក់ច្បាស់សូមទស្សនារូបភាពទាំងឡាយខាងក្រោមនេះ៖
