មុននេះបន្តិច ក្រសួងអប់រំ យុវជន និងកីឡា បានធ្វើការប្រកាសប្តូរថ្ងៃចេញលទ្ធផលប្រឡងមធ្យមសិក្សាពីថ្ងៃទី12 ខែកញ្ញា ឆ្នាំ សម្រាប់រាជធានីភ្នំពេញ និងខេត្តកណ្ដាល និងថ្ងៃទី13 ខែកញ្ញា ឆ្នាំ2017 សម្រាប់ខេត្តផ្សេងៗមកថ្ងៃទី 10 វិញសម្រាប់រាជធានីភ្នំពេញ និងទី11 សម្រាប់តាមបណ្ដាខេត្ត (សូមមើលព័ត៌មានលម្អិតតាមរយៈទំព័រហ្វេសប៊ុកផ្លូវការក្រសួង Facebook.com/moeys.gov.kh ) ។
ការប្រកាសលទ្ធផលនេះត្រូវបានធ្វើឡើងមុនកាលបរិច្ឆេទកំណត់ ដោយសារតែដំណើរការនៃការធ្វើកំណែ និងដំណើរការស្រង់ បូកពិន្ទុ និងផ្ទៀងផ្ទាត់ពិន្ទុតាមប្រព័ន្ធកុំព្យូទ័របានប្រព្រឹត្តទៅដោយរលូន និងមានតម្លាភាពប្រកបដោយស្មារតីយកទុកដាក់ និងទទួលខុសត្រូវខ្ពស់ពីសំណាក់ប្រធាន អនុប្រធាន និងសមាជិកអនុគណៈកម្មការទាំងអស់ដែលពាក់ព័ន្ធ ទើបធ្វើឱ្យមានការប្រកាសលទ្ធផលលឿនជាងមុន៕
