បន្ទាប់ពីចេញបទចម្រៀង “ស្លៀកខ្លី” រួចមក តារាចម្រៀង SeavJksទទួលបានប្រជាប្រិយភាពខ្លាំងនៅក្នុងអំឡុងឆ្នាំ 2016 រហូតដល់លោកត្រូវបានអញ្ចើញ និងសហការច្រៀងរួមគ្នាជាមួយតារាចម្រៀងរ៉េប Bross La នូវបទ “ស៊ីក្លូ” ទៀតផង។
អ្នកគាំទ្រគ្រប់រូបច្បាស់ជាបានស្គាល់តារាចម្រៀងរ៉េបរូបនេះហើយ ក៏ប៉ុន្ដែបច្ចុប្បន្នភាពអំពីជីវិតក្រៅសិល្បៈវិញ មិនសូវមានអ្នកដឹងថា SeavJksគឺជាមន្ត្រីរាជការមួយរូបឡើយ។ លោក សៀវ បានប្រាប់អ្នកយកព័ត៌មាននៃគេហទំព័រ ឡារ៉ែន នៅក្នុងថ្ងៃប្រគំតន្ត្រី ETV Gold តន្ត្រីមហាគ្រួសារ KAP ថា “ខ្ញុំធ្លាប់បានឆ្លងកាត់ការហ្វឹកហាត់ជានគរបាលតាំងពីឆ្នាំ 2014 មកម្ល៉េះ មកទល់ពេលនេះខ្ញុំចូលធ្វើជាមន្រ្តីនគរបាលជាតិបាន 3 ឆ្នាំហើយ”។
គួរបញ្ជាក់ផងដែរថា តារាចម្រៀងវ័យ 20 ឆ្នាំរូបនេះ សព្វថ្ងៃមានឋានន្តរស័ក្ដិជា អនុសេនីយត្រី នៃក្រសួងមហាផ្ទៃ។ ហើយក្រៅពីការងារសិល្បៈ និងជាមន្ត្រីរាជការហើយនោះ ថ្មីៗនេះលោកក៏បានសហការជាមួយនឹង ប្រុសឡា បើកអាជីវកម្មផ្ទាល់ខ្លួនមួយ គឺ ហាងមីហិរ 7 កម្រិត ដែលបានទិញសិទ្ធិពីបរទេសមក និងមានសាខានៅខេត្តបាត់តំបង សៀមរាប និងបន្ទាយមានជ័យផងដែរ៕
សូមទស្សនាវីដេអូខាងក្រោមនេះ៖
