តាមរយៈការប្រគំតន្ត្រី ETV Gold តន្ត្រីមហាគ្រួសារ KAP លោក នី រតនា បានផ្ដល់បទសម្ភាសជាមួយអ្នកយកព័ត៌មាន នៃគេហទំព័រ ឡារ៉ែន ជាពិសេសជុំវិញជីវិតរស់នៅប្រចាំថ្ងៃ និងការងារសិល្បៈថ្មីៗ ដែលលោកកំពុងតែជោគជ័យ និងទទួលបានការគាំទ្រពីសំណាក់ប្រិយមិត្តទស្សនិកជនជាច្រើន។
ម្ចាស់ពានរង្វាន់ Cambodian IDol រដូវកាលទី 1 រូបនេះ បានប្រាប់ឱ្យដឹងថា បច្ចុប្បន្ននេះ ក្រៅពីថតចម្រៀងថ្មីៗហើយ លោកកំពុងតែថតរឿងភាគថ្មីមួយ សម្រាប់ស្ថានីយទូរទស្សន៍ហង្សមាស។ រតនា បានបន្ដថា “រឿងភាគមួយនេះ ជាប្រភេទរឿងបែបស្នេហាយុវវ័យ មិនមែនជារឿងបុរាណអីទេ តែជារឿងសម័យទំនើប”។
គួរបញ្ជាក់ផងដែរថា នៅក្នុងរឿងភាគបែបយុវវ័យនេះ លោកថា មានការចូលរួម និងចាប់ដៃគូសម្តែងជាមួយតារាចម្រៀងស្រីជាច្រើនដួងទៀត ដូចជា កញ្ញា សួស វីហ្សា និងកញ្ញា វី ឌីណែត ជាដើម។ ដើម្បីឱ្យកាន់តែជាក់ច្បាស់ សូមទស្សនាវីដេអូបទសម្ភាសរបស់លោក នី រតនា ជាមួយអ្នកយកព័ត៌មាននៃគេហទំព័រ ឡារ៉ែន ខាងក្រោមនេះ៖
