ក្លិបបាល់ទាត់ Chelsea “ហាក់នៅស្ទើរ ក្នុងតំបន់ប្រយុទ្ធច្រើន” នេះបើតាមការបញ្ជាក់របស់លោក Thomas Tuchel គ្រូបង្វឹកក្លិបបាល់ទាត់តោខៀវ Chelsea។ ហេតុផលនេះហើយ ដែលលោកបានដាក់បន្ទុកថា វាជាហេតុផល ដែលលោកធ្វើមិនសូវបានល្អ សម្រាប់ឆ្នាំ2021 នេះ។
មិនបណ្តោយ ឱ្យទៅតាមព្រេងវាសនាឡើយ លោក Thomas Tuchel បាន និងកំពុងតែព្យាយាមស្វែងរកខ្សែប្រយុទ្ធ មកបន្ថែមពីលើកម្លាំងដែលមានស្រាប់ ដោយក្នុងនោះកីឡាករ 3នាក់ កំពុងស្ថិតក្នុងការពិចារណា ដែលលោកគ្រោងនឹងនាំមក ឱ្យខាងតែបាន នារដូវកាលថ្មីនេះ។ កីឡាករទាំងនោះគឺ Erling Haaland របស់ Borussia Dortmund, Romelu Lukaku របស់ Inter Milan និង Robert Lewandowski របស់ Bayern Munich។
គួរជម្រាបឱ្យដឹងដែរថា ក្រោយពីការចូលដឹកនាំរបស់លោក Thomas Tuchel ក្នុងរដូវកាលនេះមក លោកបានជួយឱ្យក្លិបមួយនេះ បានឡើងដល់វគ្គផ្តាច់ព្រ័ត្ររបស់ពាន2 គឺ FA CUP និង UEFA Champions League៕
