លោក Andrea Pirlo អ្នកចាត់ការក្រុមបាល់ទាត់ Juventus បាននិយាយថា លោកនៅចង់បន្តដឹកនាំក្លិបមួយនេះបន្តទៀតនារដូវកាលថ្មីខាងមុខនេះ បើទោះបីជាការដឹកនាំរបស់លោក ក្នុងរដូវកាលនេះ មិនសូវបានល្អក្តី ។
Andrea Pirlo បានឈ្នះត្រឹមតែពាន Italian Cup មួយតែប៉ុណ្ណោះ ក្នុងរដូវកាលនេះ ខណៈដែលពានលីគកំពូលអ៊ីតាលី Italy Seria A មិនបានសូម្បីតែក្បែរជើងឯក ។ ក្នុងនោះដែរ សម្រាប់ពានអឺរ៉ុបវិញ លោកប្រហែលជាមិនអាចជួយឱ្យ Juventus ឡើងទៅលេង UEFA Champions League ឡើយ ។
ទោះជាមានបំណងចង់នៅបន្តក៏ពិតមែន ប៉ុន្តែលោកបានដឹងខ្លួនយ៉ាងច្បាស់ថា ប្រសិនបើលោកមិនអាចជួយក្រុមឱ្យបានឡើងទៅកាន់វគ្គចែកពូល UEFA Champions League ទេ នោះលោកអាចនឹងប្រឈមមុខនឹងការដកតំណែងចេញពីសំណាក់ក្លិប Juventus ៕
