Manchester United ក្លិបបាល់ទាត់លេខ2 នៃក្របខ័ណ្ឌលីគកំពូលអង់គ្លេស English Premier League បានត្រៀមលុយក្បែររយលានដុល្លារ ក្នុងការទាក់ទងយក Jadon Malik Sancho ខ្សែប្រយុទ្ធស្លាបរបស់ក្លិប Burussia Dortmund។
ទោះជាគេ ទើបមានវ័យ ២០ឆ្នាំមែន ក៏ប៉ុន្តែកីឡាករសញ្ជាតិអង់គ្លេសរូបនេះ មានតម្លៃខ្លួនដល់ទៅ 90លានដុល្លារឯណោះ។ Manchester United ប្រហែលជាត្រូវការលក់កីឡាករចេញខ្លះ នៅចុងរដូវកាលនេះ ដើម្បីបានលុយទប់ចំណាយ ក្នុងការនាំយកកីឡាករវ័យក្មេងខាងលើមកលេងឱ្យក្លិបរបស់ខ្លួន។
គួរឱ្យដឹងដែរថា Manchester United នឹងទទួលបានកៅអីលេងវគ្គចែកពូល UEFA Champions League និងត្រូវប្រជែងក្នុងការដណ្តើមពាន Premier League ផង ក្នុងរដូវកាលថ្មីខាងមុខនេះ៕
