តើលោកអ្នកធ្លាប់មានអារម្មណ៍ថា ផ្ទះដែលលោកអ្នកកំពុងតែស្នាក់នៅនេះ មានបញ្ហាកំប៉ិកកំប៉ុកច្រើន ធ្វើឱ្យមានអារម្មណ៍មិនសប្បាយចិត្ត យ៉ាងមិនអាចរៀបរាប់បានដែរឬទេ?
វាមិនប្រាកដដែរ…វាអាចបណ្តាលមកពីហុងស៊ុយខុសទី ខុសកន្លែងក៏អាចថាបានដែរ ឆ្នាំកំណើតរបស់លោកអ្នក ជាមួយនឹងការជ្រើសរើសទិញផ្ទះនេះ ក៏ដូចគ្នាដែរ ព្រោះបើអាចប្រមូលព័ត៌មាន ក្នុងការរកមើលទិញផ្ទះ តាមឆ្នាំកំណើតទាំងអស់ មកពិចារណាបញ្ចូលគ្នាបាននោះ វាអាចនឹងធ្វើឱ្យជីវិតនៅក្នុងផ្ទះថ្មី របស់លោកអ្នក ជួបប្រទះតែរឿងល្អៗក៏បានដែរ តើអ្នកណាទៅដឹង មែនអត់? បើដូច្នេះ យើងសាកល្បងមកតាមដានព័ត៌មានល្អៗ ដែលពាក់ព័ន្ធនឹងការជ្រើសរើសទិញផ្ទះ តាមឆ្នាំកំណើត ដូចតទៅល្អជាង។
ឆ្នាំជូត (កណ្តុរ)
លោកអ្នកដែលកើតឆ្នាំជូត មិនថាតែក្នុងគ្រិស្តសករាជណាក៏ដោយ ហាមសាងសង់ផ្ទះ ឬទិញផ្ទះដែលបែរខ្នងទៅទិសខាងត្បូង ក្នុងកម្រិតអង្សាត្រីវិស័យ 172.6 – 187.5អង្សា ព្រោះទិសនេះ គឺជាទិសឆុងនឹងអ្នកដែលកើតឆ្នាំជូត ដូច្នេះវាជាទិសហាមឃាត់។ តាមរយៈបទពិសោធ ដែលលោកគ្រូចិនសែ ធ្លាប់បានទៅមើលហុងស៊ុយ និងរៀបចំផ្ទះ ឱ្យអ្នកដែលស្នាក់នៅខុសទិសហុងស៊ុយនោះ ឃើញថា ច្រើនតែរស់នៅមិនសុខសប្បាយ នៅផ្ទះមិនបាន មានមនុស្សតិចណាស់ ដែលមិនកើតអាការបែបនេះ។ ដូច្នេះ អ្នកដែលកើតឆ្នាំជូត គួរចៀសវាងការទិញផ្ទះដែលស្ថិតនៅក្នុងទិសនេះ។
ឆ្នាំឆ្លូវ (គោ)
លោកអ្នកដែលកើតឆ្នាំឆ្លូវ ទោះជាគ្រិស្តសករាជណាក៏ដោយ ហាមសង់ផ្ទះ ឬទិញផ្ទះ ដែលបែរខ្នងទៅទិសខាងលិចឆៀងខាងត្បូង ក្នុងកម្រិតអង្សាត្រីវិស័យ 202.6 – 217.5អង្សា ព្រោះទិសនេះ ឆុងនឹងមនុស្សឆ្នាំឆ្លូវ ដូច្នេះគួរតែប្រយ័ត្នប្រយែង ចៀសវាងការទិញ ឬសង់ផ្ទះនៅក្នុងទិសនេះ។
ឆ្នាំខាល (ខ្លា)
អ្នកដែលកើតឆ្នាំខាល ទោះជាកើតក្នុងគ្រិស្តសករាជណាក៏ដោយ ហាមសង់ ឬទិញផ្ទះ ដែលបែរខ្នងទៅទិសខាងលិចឆៀងខាងត្បូង ក្នុងកម្រិតអង្សាត្រីវិស័យ 232.2 – 247.5អង្សា ព្រោះទិសនេះ ឆុងនឹងមនុស្សកើតឆ្នាំខាល ដូច្នេះគួរប្រយ័ត្នប្រយែង ចៀសវាងកុំទិញ ឬសង់ផ្ទះនៅក្នុងទិសនេះ។
ឆ្នាំថោះ (ទន្សាយ)
លោកអ្នកដែលកើតឆ្នាំថោះ ទោះជាកើតក្នុងគ្រិស្តសករាជណាក៏ដោយ ហាមសង់ ឬទិញផ្ទះ ដែលបែរខ្នងទៅទិសខាងលិច ក្នុងកម្រិតអង្សាត្រីវិស័យ 262.6 – 277.5អង្សា ព្រោះទិសនេះ ឆុងនឹងមនុស្សឆ្នាំថោះ ដូច្នេះគួរប្រយ័ត្ន និងចៀសវាងទិញ ឬសង់ផ្ទះក្នុងទិសនេះ។
ឆ្នាំរោង (នាគរាជ)
លោកអ្នកដែលកើតនៅឆ្នាំនេះ ទោះជាក្នុងគ្រិស្តសករាជណាក៏ដោយ ហាមសង់ ឬទិញផ្ទះ ដែលបែរខ្នងទៅរកទិសខាងលិចឆៀងខាងជើង ក្នុងកម្រិតអង្សាត្រីវិស័យ 292.6 – 307.5អង្សា ព្រោះទិសនេះ ឆុងនឹងមនុស្សឆ្នាំរោងនេះ ដូច្នេះគួរប្រយ័ត្នប្រយែង ចៀសវាងសង់ ឬទិញផ្ទះនៅក្នុងទិសនេះ។
ឆ្នាំម្សាញ់ (ពស់ថ្លាន់)
អ្នកដែលកើតឆ្នាំម្សាញ់ ទោះជាក្នុងគ្រិស្តសករាជណាក៏ដោយ ហាមសាងសង់ ឬទិញផ្ទះបែរខ្នងទៅទិសខាងជើង ក្នុងកម្រិតអង្សាត្រីវិស័យ 322.5 – 337.5 អង្សា ព្រោះវាជាទិស ដែលឆុងនឹងមនុស្សដែលកើតឆ្នាំម្សាញ់ ដូច្នេះគួរចៀសវាងកុំសង់ ឬទិញផ្ទះនៅក្នុងទិសនេះ។
ឆ្នាំមមី (សេះ)
លោកអ្នកដែលកើតឆ្នាំមមី ទោះជាកើតក្នុងគ្រិស្តសករាជណាក៏ដោយ ហាមសង់ ឬទិញផ្ទះដែលបែរខ្នងទៅទិសខាងជើង ក្នុងកម្រិតអង្សាត្រីវិស័យ 352.6 – 07.5អង្សា ព្រោះទិសនេះឆុងនឹងមនុស្សឆ្នាំមមី ដូច្នេះត្រូវប្រយ័ត្នប្រយែង ចៀសវាងការទិញ ឬសង់ផ្ទះនៅក្នុងទិសនេះ។
ឆ្នាំមមែ (ពពែ)
លោកអ្នកដែលកើតឆ្នាំមមែ ទោះជាកើតក្នុងគ្រិស្តសករាជណាក៏ដោយ ហាមសង់ ឬទិញផ្ទះ ដែលបែរខ្នងទៅទិសខាងកើតឆៀងខាងជើង ក្នុងកម្រិតអង្សាត្រីវិស័យ 22.6 – 37.5អង្សា ព្រោះទិសនេះ ឆុងនឹងមនុស្សឆ្នាំមមែ ដូច្នេះត្រូវប្រយ័ត្នប្រយែង ចៀសវាងការទិញ ឬសង់ផ្ទះនៅក្នុងទិសនេះ។
ឆ្នាំវក (ស្វា)
លោកអ្នកដែលកើតឆ្នាំវក នេះ ទោះជាកើតក្នុងគ្រិស្តសករាជណាក៏ដោយ ហាមសង់ ឬទិញផ្ទះ ដែលបែរខ្នងទៅទិសខាងកើតឆៀងខាងជើង ក្នុងកម្រិតអង្សាត្រីវិស័យ 53.6 – 67.5អង្សា ព្រោះទិសនេះ ឆុងនឹងមនុស្សឆ្នាំវក ដូច្នេះត្រូវប្រយ័ត្នប្រយែង ចៀសវាងការទិញ ឬសង់ផ្ទះនៅក្នុងទិសនេះ។
ឆ្នាំរកា (មាន់)
លោកអ្នកដែលកើតឆ្នាំរកា ទោះជាកើតក្នុងគ្រិស្តសករាជណាក៏ដោយ ហាមសង់ ឬទិញផ្ទះ ដែលបែរខ្នងទៅទិសខាងកើត ក្នុងកម្រិតអង្សាត្រីវិស័យ 82.6 – 97.5អង្សា ព្រោះទិសនេះ ឆុងនឹងមនុស្សឆ្នាំរកា ដូច្នេះត្រូវប្រយ័ត្នប្រយែង ចៀសវាងការទិញ ឬសង់ផ្ទះនៅក្នុងទិសនេះ។
ឆ្នាំច (ឆ្កែ)
លោកអ្នកដែលកើតឆ្នាំច ទោះជាកើតក្នុងគ្រិស្តសករាជណាក៏ដោយ ហាមសង់ ឬទិញផ្ទះ ដែលបែរខ្នងទៅទិសខាងកើតឆៀងខាងត្បូង ក្នុងកម្រិតអង្សាត្រីវិស័យ 122.6 – 127.5អង្សា ព្រោះទិសនេះ ឆុងនឹងមនុស្សឆ្នាំច ដូច្នេះត្រូវប្រយ័ត្នប្រយែង ចៀសវាងការទិញ ឬសង់ផ្ទះនៅក្នុងទិសនេះ។
ឆ្នាំកុរ (ជ្រូក)
លោកអ្នកដែលកើតឆ្នាំកុរ ទោះជាកើតក្នុងគ្រិស្តសករាជណាក៏ដោយ ហាមសង់ ឬទិញផ្ទះ ដែលបែរខ្នងទៅទិសខាងកើតឆៀងខាងត្បូង ព្រោះទិសនេះ ឆុងនឹងមនុស្សឆ្នាំវក ដូច្នេះត្រូវប្រយ័ត្នប្រយែង ចៀសវាងការទិញ ឬសង់ផ្ទះនៅក្នុងទិសនេះ៕
