ថ្មីៗនេះកីឡាករប្រដាល់សេរីគុណខ្មែរ ឈ្មោះថា ពីង ឡាំ បានធ្វើឱ្យមហាជន ដែលស្នេហាវិស័យកីឡាប្រដាល់ មានការភ្ញាក់ផ្អើល និងចាប់អារម្មណ៍ជាខ្លាំងនូវក្បាច់វាយលុករបស់គេ នៅក្នុងការប្រកួតជាមួយកីឡាករថៃ ចៃផេត ស្រីសុពុង នៅសង្វៀងប៉ុស្ដិ៍លេខ8 ថៃ។
បើនិយាយពីកីឡាករកម្ពុជារូបនេះ គេពុំធ្លាប់ឃើញវត្ដមានប្រកួតនៅសង្វៀងទីក្រុងភ្នំពេញឡើយ ប៉ុន្ដែក្រោយពីបានឃើញក្បាច់ប្រយុទ្ធ និងការវាយលុក ពោរពេញទៅដោយកម្លាំង និងបទពិសោធរបស់គេ មានអ្នកទស្សនាជាច្រើនរំពឹងថាកីឡាករ ពីង ឡាំ និងមានឱកាសបានឡើងមកលើសង្វៀនក្នុងទីក្រុងភ្នំពេញ ដើម្បីបញ្ចេញសមត្ថភាព ឬប្រកួតដណ្ដើមខ្សែក្រវ៉ាត់នៅក្នុងកម្មវិធីណាមួយរបស់ស្ថានីយទូរទស្សន៍ខ្មែរ។
ទោះយ៉ាងណា យើងមិនមែនលើកសរសើរតែមាត់នោះទេ យើងក៏មានវីដេអូឃ្លីបជុំវិញការប្រកួតរបស់ ពីង ឡាំ ជាមួយកីឡាករថៃផងដែរ។ ធានាថាទស្សនិកជនចំណាយទស្សនាហើយពិតជាជក់ចិត្ដនិងមិនស្ដាយក្រោយនោះទេ៕
