ក្លិបបាល់ទាត់ស្តេចស Real Madrid បានប្រកាសកាលពីពេលកន្លងទៅថា ក្លិបបានបន្តកុងត្រាថ្មីរួចរាល់ហើយ ជាមួយនឹងខ្សែប្រយុទ្ធកំពូលរបស់ខ្លួនក្នុងពេលបច្ចុប្បន្ន Karim Benzema ឱ្យបន្តដំណើរជាមួយនឹងក្លិបរបស់ខ្លួន។
ដោយសារតែការបង្ហាញខ្លួនបានល្អ និងការស៊ុតបានច្រើនជាងគេនៅក្នុងរដូវកាលនេះ និងបានជួយឱ្យក្លិប បានឡើងឈរលេខ2 ប្រជែងជើងឯក La Liga ក្នុងរដូវកាលនេះ។ ក្លិប Real Madrid បានបន្តកុងត្រាថ្មីជាមួយកីឡាកររូបនេះ រហូតដល់ចុងឆ្នាំ2023។
នេះ មានន័យថា កីឡាករសញ្ជាតិបារាំង វ័យ 33ឆ្នាំរូបនេះ នឹងបន្តជាមួយ Real Madrid រហូតដល់វ័យ 35ឆ្នាំ។ គួរបញ្ជាក់ផងដែរថា គិតមកទល់ពេលនេះ គេរកបាន 188គ្រាប់ ក្នុងការបង្ហាញខ្លួនបាន 375ប្រកួត តាំងពីឆ្នាំ2009 មក៕
