កីឡាករប្រដាល់លំដាប់ពិភពលោក Manny Pacquiao បានប្រកាសវិលត្រឡប់ទៅកាន់សង្វៀនប្រដាល់វិញហើយ ក្រោយពីខកខានឡើងប្រកួតប្រមាណជា 2ឆ្នាំមកហើយ ចាប់តាំងពីបានយកឈ្នះ អ្នកប្រដាល់អង់គ្លេស Kell Brook ក្នុងទឹក4 រួចមក។
ការត្រឡប់មកវិញលើកនេះ កីឡាករសញ្ជាតិហ្វ៊ីលីពីន រូបនេះ គ្រោងនឹងត្រូវជួបជាមួយនឹងកីឡាករ មិនដែលចាញ់អាមេរិកាំង Terence Crawford ដែលការប្រកួតនឹងធ្វើឡើងនៅក្នុងទីក្រុង Abudabi នៃប្រទេសអារ៉ាប់រួម នៅថ្ងៃទី5 ខែមិថុនា ឆ្នាំ2021 ខាងមុខ។
គួរឱ្យដឹងដែរថា កាលពីចុងឆ្នាំ2020 កន្លងទៅ Manny Pacquiao បានប្រកាសស្វែងរកដៃគូប្រកួត ក្រោយពីទំនេរដៃ មិនបានឡើងសង្វៀនជិត 2ឆ្នាំ ដោយដាក់លក្ខខណ្ឌថា នឹងប្រកួតតែជាមួយនឹងកីឡាកររូបណាដែលមិនធ្លាប់ចាញ់សោះតែប៉ុណ្ណោះ៕
