ក្រុមហ៊ុន GTV MOTOR បានឱ្យដឹងថា ប្រជាជនកម្ពុជា អាចបើកបររថយន្តដែលមានគុណភាព និងតម្លៃសមរម្យ ហើយក៏ជាម៉ាករថយន្តរបស់កម្ពុជាផ្ទាល់ គ្រាដែលក្រុមហ៊ុននេះបានចាប់ផ្តើមផលិតរថយន្តនៅកម្ពុជា។
GTV MOTOR គឺជាក្រុមហ៊ុនមួយដែលបង្កើតកេរ្តិ៍ឈ្មោះឱ្យកម្ពុជា តាមរយៈការផលិត និងដំឡើងរថយន្តនៅកម្ពុជា។ នេះបើតាមលោកបណ្ឌិត គី សេរីវឌ្ឍន៍ សេដ្ឋវិទូនៃរាជបណ្ឌិត្យសភាកម្ពុជា។ លោកបន្ថែមថា
ក្រុមហ៊ុននេះនឹងបង្កើតការងារដល់ប្រជាពលរដ្ឋកម្ពុជា ជាពិសេសកម្លាំងពលកម្មជំនាញ ដែលចេញពីការបណ្តុះបណ្តាលវិជ្ជាជីវៈ។
អ្នកកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ក៏ដូចអ្នកជំនាញដទៃ យល់ថា ការរួមចំណែករបស់ GTV MOTOR នឹងធ្វើឱ្យទីផ្សាររថយន្តនៅកម្ពុជា មានភាពល្អប្រសើរជាងមុន ព្រោះតែទីផ្សារមានជម្រើសបន្ថែម។
![](https://i0.wp.com/lareine.com.kh/wp-content/uploads/2024/01/lareine.com.kh-2024-01-10_21-41-35_973155.jpg?resize=696%2C928&ssl=1)
យោងតាមអ្នកឧកញ៉ា លឹម ហេង វិស័យឧស្សាហកម្មដំឡើងរថយន្តក្នុងស្រុក នឹងជួយដល់កំណើនសេដ្ឋកិច្ចកម្ពុជា ដោយសារមិនត្រឹមតែផ្គត់ផ្គង់តម្រូវការក្នុងស្រុកប៉ុណ្ណោះទេ តែអ្នកផលិតរថយន្តក៏អាចនាំចេញផលិតផលនេះតាមកិច្ចព្រមព្រៀងពាណិជ្ជកម្មសេរីទាំងឡាយដែលកម្ពុជាកំពុងអនុវត្តផងដែរ៕