ក្រសួងពាណិជ្ជកម្មបានចាប់ផ្តើមធ្វើការជាមួយអាជ្ញាធរមូលដ្ឋានដើម្បីប្រមូលព័ត៌មាននៅក្នុងតំបន់ផលិតស្រូវសំខាន់ៗ រួមមានខេត្តបាត់ដំបង កំពង់ធំ កំពង់ចាម ព្រៃវែង និងតាកែវ និងកំពុងចាត់វិធានការដើម្បីបញ្ឈប់ការធ្លាក់ចុះតម្លៃអង្ករ ក្រោយពីក្រសួងបានរកឃើញថា «តម្លៃអង្ករស(អ៊ីអែរ)បានធ្លាក់ចុះ 15ភាគរយ»។ យោងតាមរបាយការណ៍នៃការធ្លាក់ចុះតម្លៃទំនិញយ៉ាងឆាប់រហ័សរបស់ក្រសួងពាណិជ្ជកម្ម។
ក្នុងសេចក្តីថ្លែងការណ៍ ក្រសួងបានឱ្យដឹងថា កត្តាមួយចំនួនត្រូវបានកំណត់ថា ជាប្រភពនៃការធ្លាក់ចុះនេះរួមមានការកើនឡើងនូវកម្ពស់ទឹកបន្ទាប់ពីមានភ្លៀងធ្លាក់ខ្លាំង ការខ្វះខាតដើមទុនពីរោងម៉ាស៊ីនកិនស្រូវ និងអ្នកនាំចេញដើម្បីទិញអង្ករ និងការធ្លាក់ចុះតម្លៃអង្ករនៅអន្តរជាតិ។ សេចក្តីថ្លែងការណ៍បានបង្ហាញថា ទីផ្សារដែលបានធ្លាក់ចុះគឺប្រហែលជា 50ដុល្លារក្នុងមួយតោន។
បន្ទាប់មក កិច្ចប្រជុំជាបន្ទាន់ជាមួយធនាគារអភិវឌ្ឍន៍ជនបទ (RDB) រោងម៉ាស៊ីនកិនស្រូវ និងអ្នកនាំចេញអង្ករដើម្បីបញ្ឈប់ការធ្លាក់ចុះតម្លៃ និងធានាជីវភាពរបស់កសិករត្រូវបានធ្វើឡើងដើម្បីជួយដល់ប្រជាពលរដ្ឋ។ ក្រសួងពាណិជ្ជកម្មបានពិគ្រោះយោបល់ជាមួយ RDB ដើម្បីពិនិត្យឡើងវិញនូវលទ្ធភាពនៃការផ្តល់ប្រាក់កម្ចីដល់រោងម៉ាស៊ីនកិនស្រូវ និងអ្នកនាំចេញដើម្បីឱ្យពួកគេអាចទិញអង្ករបានតាមរយៈការទិញស្រូវជាវត្ថុបញ្ចាំ។ ក្រសួងក៏បន្តសហការជាមួយភាគីពាក់ព័ន្ធ និងស្ថាប័នដើម្បីតាមដានតម្លៃអង្ករដើម្បីដោះស្រាយបញ្ហានេះឱ្យបានឆាប់តាមដែលអាចធ្វើទៅបាន។
នៅឆ្នាំ2016 រដ្ឋាភិបាលបានបើកដំណើរការឥណទានរយៈពេល 1ឆ្នាំដំបូងរបស់ខ្លួនតាមរយៈRDB ដើម្បីជួយដល់វិស័យអង្ករ។ មូលនិធិសង្គ្រោះបន្ទាន់សម្រាប់ឆ្នាំ2016-2017 មានចំនួន 27លានដុល្លារប៉ុន្តែសម្រាប់រយៈពេល2017-2018 វាត្រូវបានកើនឡើងដល់ 50លានដុល្លារ។
តាមសេចក្តីថ្លែងការណ៍របស់ធនាគារអភិវឌ្ឍន៍ជនបទ (RDB=Rolral Development Bank)បានឱ្យដឹងថា តម្លៃអង្ករសបានស្ទុះងើប និង”បានផលចំណេញ” ឡើងវិញសម្រាប់កសិករ ក្រោយពីមន្ត្រីក្រសួងពាណិជ្ជកម្មបានប្រមូលព័ត៌មានអំពីតម្លៃអង្ករសំរូប និងមានពាក្យបណ្តឹងជាច្រើនពីកសិករដែលអះអាងថា តម្លៃអង្ករបានធ្លាក់ចុះយ៉ាងខ្លាំង។
ទោះជាយ៉ាងណាក៏ដោយ នៅក្នុងសេចក្តីថ្លែងការណ៍របស់ RDB បានឱ្យដឹងថា បន្ទាប់ពីវិធានការមួយចំនួនដែលទទួលបានជោគជ័យត្រូវបានអនុវត្តដោយអាជ្ញាធរក្នុងស្រុក និងថ្នាក់ជាតិរួចមក តម្លៃទំនិញនេះ ឥឡូវនេះបានត្រឡប់ទៅរកកម្រិតបានផលចំណេញវិញ។ «តម្លៃស្រូវល្អ មានផលចំណេញខ្ពស់សម្រាប់កសិករ ជាពិសេសប្រសិនបើយើងយកចិត្តទុកដាក់ចំពោះការចំណាយជាមធ្យមពាក់ព័ន្ធនឹងការដាំដុះស្រូវ» ការផ្តល់ជី កម្លាំងពលកម្ម និងការដឹកជញ្ជូនទៅកន្លែងស្តុក ដែលជាទូទៅបរិមាណផលដំណាំបានកើនឡើងជាមធ្យម 6តោនក្នុងមួយហិកតា។
បន្ថែមពីនេះ តម្លៃបច្ចុប្បន្នសម្រាប់ស្រូវមួយគីឡូក្រាមគឺ 800រៀល ដូច្នេះប្រាក់ចំណូលក្នុង1ហិកតាគឺ4.800.000រៀល(ប្រហែល 1.200ដុល្លារ)។ ជាមួយនឹងការចំណាយជាមធ្យម 2.800.000រៀល(ប្រហែល 700ដុល្លារ)កសិករអាចរកប្រាក់បានជាមធ្យម 2.000.000រៀល (ប្រហែល 500ដុល្លារ) ក្នុងមួយហិកតា។
យោងតាម RDB នៅខេត្តកំពង់ធំ អង្ករស 1គីឡូក្រាមលក់ក្នុងតម្លៃ 790រៀល ទៅ800រៀល។នៅខេត្តកណ្តាល វាមានតម្លៃ 1គីឡូក្រាមពី800 ទៅ830រៀល ក្នុងនោះនៅខេត្តតាកែវ តម្លៃ1គីឡូក្រាម800-850រៀល និងនៅខេត្តព្រៃវែង 1គីឡូក្រាមតម្លៃ790-800រៀល។
យោងតាមលេខាធិការដ្ឋានសេវាច្រកចេញចូលតែមួយសម្រាប់ការនាំចេញអង្ករក្នុងអំឡុងពេល6ខែដំបូងនៃឆ្នាំ2018 កម្ពុជាបាននាំចេញអង្ករចំនួន271,537តោន ពោលគឺធ្លាក់ចុះ 5.9ភាគរយ។
ប្រទេសចិននៅតែជាអ្នកទិញអង្ករពីកម្ពុជាលំដាប់កំពូល ដែលតាមដោយប្រទេសបារាំង ប៉ូឡូញ ហូឡង់និងចក្រភពអង់គ្លេស៕