Category: PR

ក្រុមហ៊ុន ASUS បានប្រកាសចេញជំនាន់ក្រោយរបស់ហ្គេមីងហ្វូនសេរ៊ីថ្មីរបស់ខ្លួនចំនួន 2 ម៉ូដែល នោះគឺ Zenfone Max (M2) និង ZenFone Max Pro (M2) ដែលមានគុណតម្លៃ និងភាពលើសគេដូចទៅនឹងអ្នកជំនាន់មុនរបស់ខ្លួនដ៏ល្បីល្បាញ គឺ Zenfone Max M1 និងZenfone Max Pro M1។ ប៉ុន្តែអ្នកជំនាន់ក្រោយនេះ មានល្បឿនកាន់តែលឿនជាងមុន ធុនជាងមុន និងមានគុណភាពផ្នែកកាមេរ៉ាបានល្អជាងមុនថែមទៀតផង។ នៅថ្ងៃទី 11 ខែមករានេះ បានរៀបចំកម្មវិធីសម្ផោធ និងប្រកាសព័ត៌មាននៅក្នុងបរិវេណ Bun Cafe ដែលមានការអញ្ជើញចូលរួមពីសំណាក់តំណាងក្រុមហ៊ុន ASUS និងក្រុមហ៊ុន IT Computer ដែលជាអ្នក ចែកចាយស្មាតហ្វូន Asus  នៅកម្ពុជា រួមជាមួយនឹងម្ចាស់ហាងនានា ហើយនឹងអ្នកសារព័ត៌មានជាច្រើនរូបផងដែរ។

ក្រុមហ៊ុន Asus បានបញ្ជាក់ថា ស្មាតហ្វូន ZenFone Max Pro M2 ត្រូវបានក្រុមហ៊ុនបំពាក់ដោយបន្ទះឈីប Snapdragon 660 ខណះពេលដែល Zenfone Max M2 បំពាក់នូវបន្ទះឈីប Snapdragon 632 ដែលមានការសហការជាមួយបច្ចេកវិទ្យា Qualcomm AI Engine ផងដែរ ដោយបានធ្វើអោយទូរស័ព្ទនេះ ផ្តល់នូវការប្រើប្រាស់បានរលូនល្អ មានភាពឆ្លើយតបរហ័ស និងមានកម្លាំងប្រតិបត្តិការខ្លាំងខ្លាលើសមុនដល់ទៅ 11% និងមានទំហំរ៉េម 4GB និង3 GB ដែលអាចអោយលោកអ្នកប្រើប្រាស់ក្នុងការលេងហ្គេម និងធ្វើការងារជាច្រើនក្នុងពេលតែ 1 បាន។ ទូរស័ព្ទនេះទ្រទ្រង់ជាមួយនឹងស៊ីមការចំនួន 2 ដោយបូកនឹងរន្ធដាក់អង្គចងចាំមួយផងដែរ ដោយមានសមត្ថភាពអាចដាក់បានរហូតដល់ទៅ 2TB ឯណោះ។

Zenfone Max Pro M2 មានថាមពលថ្មទំហំ 5000mAh រីឯ Zenfone Max M2 មានទំហំ 4000mAh។ លោកអ្នកអាចបើក4G ចោលបានដល់ទៅ 35 ម៉ោង និងនិយាយទូរស័ព្ទដោយបើក 3G បាន 45 ម៉ោង ព្រមទាំងអាចលេងហ្គេមទូទៅបាន 10 ម៉ោង មើល YouTube បាន 19 ម៉ោង ព្រមទាំងបើកអ៊ីនធឺណែតដោយប្រើ Wi-Fi បានដល់ទៅ 23 ម៉ោង។ ZenFone Max Pro គឺជាទូរស័ព្ទដៃទី 1 បង្អស់ បើប្រៀបធៀបជាមួយដៃគូប្រកួតប្រជែងរបស់ខ្លួន ដែលជាប្រភេទទូរស័ព្ទដំបូងគេដែលបំពាក់ដោយ Corning® Gorilla® Glass 6 ដែលមានភាពធុនជាង Gorilla Glass 5 ដល់ទៅ 2 ដង ជាមួយរាងកញ្ចក់កោង 2.5Dដែលរំលេចភាពស្រស់ស្អាតបំផុត។

និយាយពីភាពវៃឆ្លាតដែលមាននៅលើកាមេរ៉ាភ្លោះរបស់ស្មាតហ្វូននេះ គឺប្រព័ន្ធ AI ដែលត្រូវបានគេប្រើដូចទៅនឹងសេរ៊ី ZenFone 5 កន្លងមកដែរ។ ជាមួយនឹងកាមេរ៉ានេះ លោកអ្នកនឹងទទួលបាននូវបទពិសោធន៍ក្នុងការថតរូបបានយ៉ាងល្អពិសេសគ្រប់ពេលវេលា។ កំរិតរេសូលុយស៊ិនខ្ពស់ កាមេរ៉ាSony® IMX486 បច្ចេកវិទ្យាជំនួយភាពញ័រ Electronic Image Stabilization (EIS)  ការចាប់ផ្តោតលើរូបភាពមិនថាថ្ងៃ ឬយប់ និងការថតរូបដោយផ្តាច់រូបភាពចេញពីផ្ទៃក្រោយ អាចអោយលោកអ្នកថតរូបភាពបានដូចទៅនឹងអ្វីដែលពួកយើងបានឃើញ។

ZenFone Max Pro មានអេក្រង់ទំហំ 6.3-inch FHD+ (2280×1080) ជាមួយកម្រិត Aspect Ratio 19:9 ដែលមានទំហំ 94% NTSC color gamut ធៀបនឹងតួខ្លួន ហើយនិងមានពន្លឺភ្លឺល្អកំរិត 450cd/m2, 1500:1 contrast ratio។ ស្មាតហ្វូននេះ ប្រព័ន្ធបំពងសម្លេងចំនួន 5 និង និងបច្ចេកវិទ្យា NXP low-distortion smart ដែលផ្តល់នូវការកំសាន្តសប្បាយឥតឈប់ឈរ។ សម្រាប់ ZenFone Max Pro គឺជាទូរស័ព្ទទី 1 ដែលប្រើប្រាស់ការរចនាប្រភេទផ្ទៃមុខកាត់ eye-catching Wave ដែលផ្គុំឡើងដោយ 16 ស្រទាប់ និងធ្វើអោយមានភាពលេចធ្លោគ្រប់ជ្រុងទាំងអស់នៃទូរស័ព្ត ផ្សំជាមួយផ្ទៃកោងបែប 3D ដែលជាការរចនាកំរ និងមានភាពងាយស្រួលក្នុងការកាន់ប្រើប្រាស់។ ទូរស័ព្ទនេះ ប្រើជាមួយប្រភេទស៊ីម 4G LTE ទាំង 2 ស៊ីម(dual SIM/dual standby) នឹងអាចបន្ថែមអង្គចងចាំបានដល់ទៅ 2TB ជាមួយនឹងការទ្រទ្រង់បាននូវ NFC ដែលមានភាពងាយស្រួលបំផុត។ ASUS ZenFone Max Pro (M2) ក៏ដូចជា ASUS ZenFone Max (M2) នឹងដាក់ដំណើរការលក់ជាផ្លូវការណ៍ឆាប់ៗនាចុងខែមករានេះ៕

ភ្នំពេញ៖ ប្រា​សាក់ ដែលជា​គ្រឹះស្ថាន​ហិរញ្ញវត្ថុ​លំដាប់​ទី 1 ក្នុង​វិស័យ​មីក្រូហិរញ្ញវត្ថុ និង​ជា​ស្ថាប័ន​មួយ​ក្នុងចំណោម​គ្រឹះស្ថាន​ធនាគារធំៗទាំង 5 នៅ​កម្ពុជា បាន​បង្កើន​ដើមទុន​ចុះបញ្ជី​ពី 110លាន​ដុល្លារ​អាមេរិក រហូតដល់ 168 លាន​ដុល្លារ​អាមេរិក នា​ដើមឆ្នាំ​ថ្មី​នេះ។

ការបង្កើន​ដើមទុន​ថ្មី​បន្ថែម 58លាន​ដុល្លារ​នេះ គឺ​ក្នុង​គោលបំណង​បង្កើន​ទំនុកចិត្ត​ឱ្យ​កាន់តែខ្លាំង​ក្លា​ពី​អតិថិជន វិនិយោគិន និង​សាធារណជន បន្ទាប់ពី​ប្រា​សាក់​បានសម្រេច​សមិទ្ធផល​ល្អប្រសើរ​នាពេល​កន្លងមក​លើ​មូលដ្ឋានសំខាន់ៗដូចជា ភាពល្អប្រសើរ​ផ្នែក​អាជីវកម្ម ការបម្រើ​សេវាកម្ម​ប្រកបដោយ​វិជ្ជាជីវៈ ការផ្តល់​ដំណោះស្រាយ​ហិរញ្ញវត្ថុ​ដែលមាន​ភាពបត់បែន​និង​សម្បូរបែប វិសាលភាព​នៃ​បណ្តាញ​ការិយាល័យ​គ្របដណ្ដប់​ទូទាំងប្រទេស ការបំពាក់​ម៉ាស៊ីន​អេ​ធី​អឹម ម៉ាស៊ីន​ឆូត​កាត សេវា​ធនាគារ​ចល័ត និង​ប្រព័ន្ធ​ធនាគារ​ស្នូល ប្រកបដោយ​ភាពទំនើប តម្លាភាព និង​សុក្រឹតភាព។

ដើមទុន​ចុះបញ្ជី​ចំនួន 672 ប៊ី​លាន​រៀល សមមូល​នឹង 168 លាន​ដុល្លារ​អាម​រិ​ក​នេះ បានមកពី​ការចូលរួម​មូលនិធិ​វិនិយោគ​របស់​ភាគ​ទុ​និក​ចំនួន 3 រួមមាន ធនាគារ Bank of East Asia (BEA) ក្រុមហ៊ុន Lanka Orix Leasing Company (LOLC) និង​ក្រុមហ៊ុន​បុគ្គលិក​ប្រា​សាក់ (PSCo)។

លោក សាយ សូ​នី នាយក​ប្រតិបត្តិ​គ្រប់គ្រង​ទីផ្សារ នៃ​គ្រឹះស្ថាន​មីក្រូហិរញ្ញវត្ថុ​ប្រា​សាក់ បាន​មានប្រសាសន៍ថា «ការដំឡើង​ដើមទុន​បន្ថែម​នេះ គឺ​យក​មកពី​ប្រាក់ចំណេញ​រក្សាទុក ក្នុង​គោលបំណង​ផ្តល់​ហិរញ្ញប្បទាន​ចំពោះ​ហេដ្ឋារចនាសម្ព័ន្ធ និង​កំណើន​របស់​ស្ថាប័ន ដើម្បី​បំពេញ​តាម​គោលដៅ​ជា​យុទ្ធសាស្ត្រ និង​ឆ្លើយតប​តាម​តម្រូវការ​ទីផ្សារ។ ការវិនិយោគ​បន្ថែម​នេះ ក៏​សបញ្ជាក់​ឱ្យឃើញ​ច្បាស់​ថា​ភាគ​ទុ​និក​របស់​ប្រា​សាក់ មាន​ទំនុកចិត្ត​ខ្ពស់​លើ​ថ្នាក់ដឹកនាំ និង​ថ្នាក់​គ្រប់គ្រង​ប្រា​សាក់ ព្រមទាំង​មានការ​ប្តេជ្ញាចិត្ត​យ៉ាងខ្លាំង​មុតមាំ​ក្នុងការ​គាំទ្រ​និង​អភិវឌ្ឍ​ប្រា​សាក់​ឱ្យនៅតែ​ជា​គ្រឹះស្ថាន​ហិរញ្ញវត្ថុ​ឈានមុខ​គេ​នៅក្នុង​វិស័យ និង​ដើម្បី​កសាង​ទំនុកចិត្ត​និង​ការជឿជាក់​កាន់តែខ្លាំង​ពី​សាធារណជន» ។

លោក សាយ សូ​នី បាន​គូសបញ្ជាក់​បន្តទៀតថា តាមរយៈ​ការបន្ថែម​ដើមទុន​ថ្មី​នេះ នឹង​រឹងរឹតតែ​ធ្វើឱ្យ​ប្រា​សាក់​ជ្រង​ជំហរ​យ៉ាងរឹងមាំ​លើ​ទីផ្សារ បម្រើសេវា​ជូន​អតិថិជន​បាន​កាន់តែ​ល្អប្រសើរ និង​ចូលរួមចំណែក​ពង្រឹង​វិស័យ​ហិរញ្ញវត្ថុ ព្រមទាំង​ចូលរួម​អភិវឌ្ឍ​សេដ្ឋកិច្ចជាតិ​ប្រកបដោយ​និរន្តរភាព។ ការសម្រេចបាន​សមិទ្ធ​ផល​នេះ ប្រាកដជា​មិនអាច​កើតមាន​ទេ ប្រសិនបើ​មិនមាន​ការគាំទ្រ​ពី​សំណាក់​ភាគី​ពាក់ព័ន្ធ។

ក្នុងឱកាស​នេះ សាយ សូ​នី សូម​សំដែង​នូវ​ការដឹងគុណ និង​អំណរគុណ​យ៉ាង​ស្មោះស្ម័គ្រ​ចំពោះ​រាជរដ្ឋាភិបាល​កម្ពុជា ធនាគារជាតិ​នៃ​កម្ពុជា និង​អាជ្ញាធរ​គ្រប់លំដាប់​ថ្នាក់ និង​ជាពិសេស​ចំពោះ​អតិថិជន​ប្រាក់​បញ្ញើ​សន្សំ និង​ឥណទាន​ដែល​តែងតែ​ផ្ដល់​ការគាំទ្រ ដែល​ញ៉ាំងឱ្យ​ប្រា​សាក់​ក្លាយជា​គ្រឹះស្ថាន​មីក្រូហិរញ្ញវត្ថុ​ធំជាងគេ​នៅ​កម្ពុជា។

គិត​ត្រឹម​ដំណាច់ឆ្នាំ 2018 ប្រា​សាក់​មិន​ត្រឹមតែ​រក្សាបាន​នូវ​ជំហរ​នាំមុខគេ​លើ​ទីផ្សារ​ហិរញ្ញវត្ថុ ជាមួយនឹង​បណ្ដាញ​ការិយាល័យ​ច្រើនជាងគេ ល​ទ្ទ​ភាព​រកប្រាក់​ចំនេញ និង​សម្ពៀត​ឥណទាន​ធំជាងគេ​ប៉ុណ្ណោះ​ទេ ប៉ុន្តែ​ថែមទាំង​ធានាបាន​នូវ​និរន្តរភាព​ទៀតផង។ លទ្ធផល​ដែល​សម្រេចបាន​រួមមាន៖

• ទ្រព្យសកម្ម​សរុប​ចំនួន 2,378 លាន​ដុល្លារ​អាមេរិក
• សម្ពៀត​ឥណទាន​កើនឡើង​ដល់ 1,962 លាន​ដុល្លារ​អាមេរិក ដោយ​ដោយ​បម្រើ​អតិថិជន​សរុប 397 ពាន់​នាក់
• សមតុល្យ​ប្រាក់​បញ្ញើ-សន្សំ​ចំនួន 1,291  លាន​ដុល្លារ​អាមេរិក ដោយមាន​អតិថិជន​ប្រាក់​បញ្ញើ-សន្សំ 555 ពាន់​នាក់
• ពង្រីក​បណ្តាញ​ការិយាល័យ​រហូតដល់ 177 សាខា
• ដំឡើង​ម៉ាស៊ីន ATM ចំនួន 126 ទីតាំង
• ផ្តល់ឱកាស​ការងារ​ដ​ល់​បុគ្គលិក​ជាង 7,600 នាក់

ក្នុង​ឆ្នាំ 2019 ប្រា​សាក់​មាន​ផែនការ​អនុវត្ត​យុទ្ធសាស្ត្រ​នៃ​ការរីកចម្រើន​ជាមួយគ្នា​របស់​យើង ជាមួយនឹង​អតិថិជន​សហគ្រាស​ខ្នាតតូច​បំផុត ខ្នាតតូច និង​ខ្នាត​មធ្យម ដែលមាន​ស្រាប់, ការបង្កើន​អត្ថប្រយោជន៍​ជា​អតិបរមា​និង​ការផ្តល់​ភាពងាយស្រួល​ដល់ដៃ​គូ​អាជីវកម្ម​និង​អតិថិជន​ប្រាក់​បញ្ញើ​សន្សំ តាមរយៈ​ការវិនិយោគ​ទៅលើ​បច្ចេកវិទ្យា​ហិរញ្ញវត្ថុ (FinTech) ដូចជា​ពង្រីក​ការផ្តល់សេវា​ទូទាត់​រហ័ស, CSS, ម៉ាស៊ីន​ឆូត​កាត អេ​ធី​អឹម និង​សេវា​ធនាគារ​ចល័ត និង​ពង្រីក​សាខា​ឱ្យ​ច្រើន​បន្ថែមទៀត​នៅ​ទូទាំងប្រទេស។ យើង​ក៏​ប្តេជ្ញាចិត្ត​ក្នុងការ​កែលំអ​សេវា​អតិថិជន នាំមក​នូវ​នាវ​នុ​វត្ត​ន៍ និង​ការផ្ដល់ជូន​សេវា​និង​ផលិតផលថ្មីៗដើម្បី​បម្រើ​អតិថិជន​របស់​យើង​ឱ្យ​កាន់តែ​ប្រសើរឡើង៕

បុរស​ម្នាក់​ឈ្មោះ ស្រេង គឹម​ហេង  អាយុ 36ឆ្នាំ មុខរបរ​ជា​ជាងផ្សារដែក  រស់នៅ​ភូមិ​ទួល​ពង្រ សង្កាត់​ចោមចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ មានសំណាង​បានឈ្នះ​រង្វាន់​ធំ​នូវ​ចំនួន​ទឹកប្រាក់ 20លាន​រៀល​ពី​ថ្នាំដុសធ្មេញ ដក​បួ​ឃូ ផ្កាឈូក2 ម្នាក់​ទៀតហើយ។

ថ្លែងប្រាប់​ក្រុមការងារ​ដែល​ចុះ​ប្រគល់​រង្វាន់​ដល់​លំនៅដ្ឋាន​ដោយផ្ទាល់ ស្រេង គឹម​ហេង ដែល​ក្លាយជា​ម្ចាស់​ទឹកប្រាក់20លាន​រៀល បាន​ប្រាប់​ឱ្យដឹងថា តាំងពី​យូរ​មកហើយ លោក​តែង​គាំទ្រ និង​ប្រើប្រាស់​ថ្នាំដុសធ្មេញ ដក​បួ​ឃូ ផ្កាឈូក2 ជាប្រចាំ ព្រោះ​វា​អាច​ព្យាបាល​ជំងឺ​អញ្ចាញធ្មេញ ជួយ​ធ្វើឱ្យ​ធ្មេញ​ស​ស្អាត និង​បំបាត់​ក្លិន​មាត់​បាន​យ៉ាង​ល្អ។ ប៉ុន្តែ​កាលពីពេល​កន្លងទៅនេះ បន្ទាប់ពី​ប្រើ​ថ្នាំដុសធ្មេញ​អស់ លោក​បាន​ទិញ​ថ្នាំដុសធ្មេញ​ផ្កាឈូក2មក​ប្រើ​ទៀត លុះ​ពេល​ហែក​ប្រអប់ និង​កោស​ស្ទីក​គ័​រ​នៅក្នុង​ប្រអប់​ក៏​ឃើញ​មាន​រង្វាន់ 20លាន​រៀល​តែម្ដង។ ភ្លាមនោះ​លោក​ពិត​ជាមាន​អារម្មណ៍​រីករាយ​ជាខ្លាំង និង​បាន​ប្រាប់​ក្រុមគ្រួសារ ហើយ​បាន​ទូរស័ព្ទ​ប្រាប់​ដំណឹង​ដល់​ក្រុមហ៊ុន​តាមរយៈ​លេខ​ទូរស័ព្ទ​ដែលមាន​ស្រាប់​នៅក្នុង​ប្រអប់​តែម្ដង។

លោក​បាន​បញ្ជាក់ទៀតថា ក្រោយពេល​ទទួលបាន​ប្រាក់រង្វាន់​ធំ20លាន​រៀល​នេះ លោក​នឹង​យកទៅ មួយចំនួន​ទៅ​សង​ធនាគារ ហើយ​ទុក​មួយចំនួនទៀត​សម្រាប់​ពង្រីក​មុខរបរ ដើម្បី​ដោះស្រាយ​ជីវភាព​ទៅ​ថ្ងៃ​អនាគត។

គួរបញ្ជាក់​ផងដែរ​ថា ក្រុមហ៊ុន​ថ្នាំដុសធ្មេញ ដក​បួ​ឃូ ផ្កាឈូក2 បាន​បង្កើត​កម្មវិធី​ពិសេស​ជាមួយ​ប្រាក់រង្វាន់​ធំ 20លាន​រៀល​មាន​រហូតដល់50រង្វាន់ ម៉ូតូ HONDA Dream មាន​ចំនួន50គ្រឿង ទូរស័ព្ទ iPhone មាន​ចំនួន50គ្រឿង រួម​ជាមួយនឹង​រង្វាន់​ថ្នាំដុសធ្មេញ​ផ្កាឈូក2រាប់លាន​ប្រអប់​ទៀត។

សូម​ព្យាយាម​ណា…រង្វាន់​ធំ20លាន​រៀល​បន្ទាប់​ទៀត អាចជា​របស់​អ្នក…។ ថ្នាំដុសធ្មេញ ដក​បួ​ឃូ ផ្កាឈូក2 ជា​ឱសថ​សម្រាប់​ព្យាបាល និង​ថែទាំ​សុខភាព​មាត់​ធ្មេញ ៕

ភ្នំពេញ៖ នាចុងឆ្នាំ2018នេះ ក្រុមហ៊ុន Mazda បានធ្វើការចាប់រង្វាន់មាសសុទ្ឋចំនួន 1Kg ជូនដល់អតិថិជន​របស់ខ្លួនប្រកបដោយភាពជោគជ័យ​។ បន្ទាប់ពីទទួលបានការគ្រាំទ្រពីអតិថិជនយ៉ាងសម្បើមកាលពីប្រូម៉ូសិនរដូវកាលទី1​ ដោយផ្តល់ជូនមាសចំនួន1Kg អតិថិជនបានទិញរថយន្តចំនួន 590គ្រឿង  ក្នុងរយៈពេលត្រឹមតែ 3ខែប៉ុណ្ណោះ។ ដោយសង្គេតឃើញពីតម្រូវការរបស់អតិថិជនជាច្រើនក្នុងការគាំទ្ររថយន្តប្រណីត និងទាន់សម័យម៉ាក Mazda ជាពិសេសគឺការសំណូមពររបស់អតិថិជនអោយក្រុមហ៊ុន HGB Group Co.,Ltd​​​ បានបន្តកម្មវិធីប្រូម៉ូសិនមាសសម្រាប់ឆ្នាំថ្មីនេះបន្ថែមទៀត។

ដើម្បីឆ្លើយតបទៅនឹងសំណូមពររបស់អតិថិជននោះកាលពី ថ្ងៃអង្គារ ទី​8 ខែមករា ឆ្នាំ 2019 ​ ក្រុមហ៊ុន HGB Group Co.,Ltd ក៏ដូចជាថ្នាក់ដឹកនាំរបស់ក្រុមហ៊ុនបានសម្រេចចិត្តធ្វើសន្និសីទកាសែតបន្តធ្វើប្រូម៉ូសិននេះសារជាថ្មីម្តងទៀត មិនតែប៉ុណ្ណោះលើកនេះគឺផ្តល់ជូនកម្មវិធីប្រូម៉ូសិនមាសសុទ្ធទេ្វដងតែម្តង គឺចំនួន “មាសសុទ្ធ​2Kg” ជូនអតិថិជនទាំងអស់ដែលបានទិញរថយន្ត Mazda ម៉ូដែលណាមួយពីក្រុមហ៊ុន ។

អ្នកនាង អ៊ុន កញ្ញា ជាប្រធានគ្រប់គ្រងទូទៅរបស់ក្រុមហ៊ុនលក់រថយន្ត Mazda ដែលនាំចូល និងចែកចាយផ្តាច់មុខដោយក្រុមហ៊ុន HGB Group Co.,Ltd បានលើកឡើងថា “នាងខ្ញុំពិតជាមានក្តីសោមនស្សរីករាយយ៉ាងក្រៃលែង ដែលបានជំនួសមុខអោយក្រុមហ៊ុន HGB Group Co.,Ltd ដើម្បីធ្វើការថ្លែងអំណរគុណដល់អតិថិជនសម្រាប់ប្រូម៉ូសិនមាសរដូវការទី1 ដែលបានទិញរថយន្តពីក្រុមហ៊ុន Mazda ចំនួន 590គ្រឿង គិតត្រឹមតែរយៈពេល 3ខែ ចុងក្រោយប៉ុណ្ណោះ។ គួរបញ្ជាក់ផងដែរថា កាលពីប្រូម៉ូសិនមាសរដូវកាលទី1 កន្លងទៅក្នុងពេលថ្មីៗនេះអតិថិជនដែលបានឈ្នះ រង្វាន់មាសសុទ្ធ 1Kg​ 0.5kg 5តម្លឹង 2តម្លឹង 1តម្លឹង 5ជី និង 1ជី សរុប 590រង្វាន់បានទទួលរួចរាល់ជាស្ថាពរហើយ។”

សូមបញ្ជាក់ថារាល់អតិថិជនដែលទិញរបស់រថយន្ត Mazda គ្រប់ប្រភេទក្នុងពេលប្រូម៉ូលសិននេះនឹងទទួលបានមាសទាំងគ្នា ហើយនឹងមាន​ឱកាសចាប់រង្វាន់ធំ​គឺ “មាសសុទ្ធ​ 2Kg ​” ​ទាំងអស់គ្នាផងដែរ ដែលរង្វាន់សរុបទាំងអស់មានចំនួនជាង 700រង្វាន់ ស្មើទៅនឹងមាសសុទ្ធជិត 6Kg ឬក៏ស្មើរនឹង 160តម្លឹង។ កម្មវិធីនេះនឹងចាប់ផ្តើមពីថ្ងៃអង្គារ ទី​8 ខែមករា ឆ្នាំ 2019 នេះតទៅ ដូច្នេះសូមអតិថិជនទាំងអស់ប្រញាប់រួសរាន់ឡើងកុំឱ្យឱកាសមាសដ៏អស្ចារ្យនេះកន្លងផុតទៅឱ្យសោះ

ឬក៏អញ្ជើញទៅកាន់អាគារលក់រថយន្តរបស់ Mazda ដែលមាន 2 ទីតាំងតាមអាសយដ្ឋានដូចខាងក្រោមនេះ៖

1. Mazda Cambodia (សាខា ព្រះមុនីវង្ស) ផ្ទះលេខ 757 មហាវិថី ព្រះមុនីវង្ស សង្គាត់ បឹងត្របែក ខណ្ឌចំការមន រាជធានីភ្នំពេញ ប្រទេសកម្ពុជា៕​
   ទំនាក់ទំនងទូរស័ព្ទលេខ៖ +855) 95 999 599/ 23 988 881/​ 977 771/ 23 988 881/977 771 & 95 999 599, 95 999 699
2. Mazda Cambodia (សាខា ពោធិ៍ចិនតុង)
   ផ្ទះលេខ 379, មហាវិថីសហព័ន្ធរុស្សី, សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ប្រទេសកម្ពុជា៕​

ទំនាក់ទំនងទូរស័ព្ទលេខ៖ +855) 95 999 599/ 23 92 5555/ 995 678/ 23 999 678

ព័ត៌មានលម្អិតសូមចូលទៅកាន់ទំព័រ Facebook Page:​https://www.facebook.com/MazdaCambodia/ និងវេបសាយ: www.mazda.com.kh & YouTube: https://www.youtube.com/MazdaCambodia

ជា​រឿង​ដែល​គួរឱ្យ​រីករាយ​ជាទីបំផុត​ចំពោះ​បុរស​ម្នាក់ ដែល​បច្ចុប្បន្ន​មានមុខរ​បរជា​អ្នកធ្វើ​ជំនួញ​សត្វ​គោ ក្របី ទៅ​ក្រៅ​ស្រុក និង​រស់នៅ​ក្នុងភូមិ​ថ្នល់កែង ឃុំ​ស្ពាន​ត្នោត ស្រុក​ជីក្រែង ខេត្ត​សៀម មានសំណាង​បានឈ្នះ​រង្វាន់​ធំ​ពី​ក្រុមហ៊ុន​តែ​បៃតង អ៊ី​ឈី​តាន់ នូវ​ចំនួន​ទឹកប្រាក់ ១០០ លានរៀល ។

សម្រាប់​អ្នក​ដែលមាន​សំណាង​ខាងលើនេះ​មានឈ្មោះ  មឿ​ន ម៉ាន  អាយុ៤៦ឆ្នាំ បាន​ថ្លែងប្រាប់​ក្រុមការងារ​ដែល​ចុះទៅ​ប្រគល់​រង្វាន់​ធំ​នូវ​ចំនួន​ទឹកប្រាក់ 100 លាន​រៀល ដល់​លំនៅដ្ឋាន​ផ្ទាល់ ដែល​ស្ថិតនៅ​ភូមិសាស្ត្រ​ខាងលើនេះ​ថា លោក​ធ្លាប់តែ​ឃើញ​គេ​ឡើង​ទទួល​រង្វាន់១០០លា​រៀល​នៅលើ់​កញ្ចក់​ទូរទស្សន៍ ហើយ​នឹក​គិតថា​ថ្ងៃ​ណាមួយ​លោក​នឹក​មានសំណាង​បានឈ្នះ​ដូច​គេ​ដែរ ហើយក៏​ព្យាយាម​ទិញ​តែ​បៃតង​អ៊ី​ឈី​តាន់​មក​ទទួលទាន រាល់ថ្ងៃ។ លុះ​កាលពីពេល​កន្ល​ទៅ បន្ទាប់ពី​សម្រាក​ពី​ការងារ និង​ត្រឡប់​មកពី​មើល​ដីស្រែ ហត់​អស់កម្លាំង លោក​ក៏​ទិញ​តែ​បៃតង​អ៊ី​ឈី​តាន់ រសជាតិ​ផ្លែ​គូ​លេន មក​ទទួលទាន ក៏​ស្រាប់តែ​បានឃើញ​រង្វាន់​ធំ​នៅក្នុង​គម្រប​ដប ១០០ លាន​រៀល តែម្ដង។

ភ្លាមនោះ លោក​ពិតជា​រីករាយ​ត្រេកអរ​ជាខ្លាំង​ស្ទើរ​មិន​ជឿ​ភ្នែក​ខ្លួនឯង ហើយក៏​យកទៅ​បង្ហាញ​អ្នកលក់ និង​ប្រពន្ធ ឱ្យជួយ​ពិនិត្យមើល ដើម្បីឱ្យ​ប្រាកដ​ច្បាស់​ថា​ជា​រង្វាន់​ធំ​របស់ អ៊ី​ឈី​តាន់ ពិតមែន ហើយក៏​ទូរស័ព្ទ​ប្រាប់​ខាង​ក្រុមហ៊ុន​តាមរយៈ​លេខ​ទូរស័ព្ទ​ដែលមាន​នៅក្នុង​គម្រប​ដ​ប​ស្រាប់។ លោក​បញ្ជាក់ទៀតថា បន្ទាប់ពី​ទ​ទួ​បាន​លុយ​មហា​សំណាង​នេះ លោក​នឹង​យក​មួយចំនួន​ទៅ​សងបំណុល​ធនាគារ​ខ្លះ ហើយ​យក​មួយចំនួនទៀត​ទៅ​ពង្រីក​មុខរបរ ដើម្បី​ទ្រទ្រង់​ជីវភាព​គ្រួសារ​ទៅ​ថ្ងៃ​អ​នា​គត់។ នៅក្នុង​ឱកាស​នោះ​ផងដែរ លោក​ក៏បាន​ថ្លែងអំណរគុណ​យ៉ាង​ជ្រាលជ្រៅ​ចំពោះ​ក្រុមហ៊ុន​តែ​បៃតង​អ៊ី​ឈី​តាន់ ដែល​បាន​បង្កើត​កម្ម​វិធីចែក​រង្វាន់​យ៉ាង​សន្ធឹកសន្ធាប់ ដែល​អាចជួយ​កែប្រែ​ជីវិត និង​ជោគវាសនា​គ្រួសារ​របស់លោក​ឱ្យមាន​ភាពល្អប្រសើរ។

គួរបញ្ជាក់​ផងដែរ​ថា ជាការ​ថ្លែងអំណរគុណ​ដល់​អតិថិជន ដែល​តែង​គាំទ្រ​តែ​បៃតង​អ៊ី​ឈី​តាន់ ក្រុមហ៊ុន បាន​បង្កើន​រង្វាន់​ធំ​នូវ​ទឹកប្រាក់100លាន​រៀល​រហូតដល់50រង្វាន់, រង្វាន់​ម៉ូតូ HONDA SCOOPY I ចំនួន50 គ្រឿង , រង្វាន់ iPhone 8 ចំនួន 50គ្រឿង , រួមជាមួយ​រង្វាន់ តែ​បៃតង អ៊ី​ឈី​តាន់ ហ្វ្រី (Free) ចំនួន 5,000,000 (5លាន) រង្វាន់ ។ រួសរាន់​ឡើង អ្នកឈ្នះ​រង្វាន់​បន្ទាប់ និង​ក្លាយជា​សេដ្ឋី អាចជា​រូបអ្នក …៕

នៅ​ថ្ងៃ​ពុធ ទី១៦ ខែមករា ឆ្នាំ២០១៩ ខាងមុខនេះ ភោជនីយដ្ឋាន​តូ​ប៉ា​ហ្ស​នឹង​រៀបចំ​ទទួល​ស្វាគមន៍​មេ​ចុងភៅ​លំដាប់​ផ្កាយ មួយ​ពិភពលោក​ពី​ប្រទេស​បារាំង​គឺ​លោក CHRISTIAN TÊTEDOIE ។ ការទទួល​ទាន​អាហារ​ពេល​ល្ងាច​នឹងត្រូវ​ចាប់ផ្តើម​ពី​ម៉ោង ៦:០០ ល្ងាច​តទៅ ជាមួយនឹង មុខម្ហូប​ដែល​បាន​ច្នៃ​យ៉ាង​ពិសេស សម្រាប់​អ្នក​ដែល​ចូលចិត្ត​ទទួលទាន​ម្ហូប​បារាំង នៅក្នុង​ទីក្រុង​ភ្នំពេញ មានដូចជា ដំឡូងឈាមមាន់​កិន ជាមួយ​ផ្សិត​ម្ជុល , ឆ្អឹងជំនី​ទន្សាយ​អាំង​រសជាតិ​ដើម ឬ បង្អែម​ចំណិត​ក្រូច​ជាមួយ​ការ៉េម​ដូង និង​មុខម្ហូប ពិសេសៗ ជាច្រើន​ទៀត ដែល​ទាក់ទាញ និង​មើលទៅ​គួរ​ឲ្យ​ចង់​ទទួលទាន​ដែល​បាន​ច្នៃប្រឌិត​ដោយ​មេ​ចុងភៅ​ផ្ទាល់។

លោក Christian Têtedoie មាន​ទំនោរ​គំនិត​ដូច ឳ​ពុក​ម្តាយ​របស់លោក​ដែលជា​អ្នក​និយម និង​ចូលចិត្ត​ទីផ្សារ​ផលិតផលស្រស់។ នេះ បញ្ជាក់​យ៉ាងច្បាស់​ថា​លោក​មាន​ទំនោរ​ទោរទន់ និង​ចូល​ចិត្តការ​ចម្អិន​តាំងពី​កុមារភាព​មក​ម្លេះ។ លោក​បាន​ហាត់រៀន​ពី​ជំនាញ​ចម្អិន អាហារ​ជាមួយ​មេ​ចុងភៅ​ផ្កាយ​បីល្បីៗលំដាប់​ពិភពលោក​ជាច្រើនរូប​ដូចជា លោក Paul Bocuse លោក Georges Blanc និង​ជាមួយ លោក Marcel Le Servot នៅក្នុង​បរមរាជវាំង Élysée ដែល​នៅ​ទីនោះ​លោក​ជា​អ្នក​ចម្អិន​អាហារ សម្រាប់​ប្រធានាធិបតី។

មេ​ចុងភៅ​លំដាប់​ផ្កាយ​មួយ​លោក Têtedoie បាន​រៀបរាប់ថា​ការពណ៌នា​ខាងលើ​ទាំងអស់នេះ គឺជា​គ្រឿងផ្សំសំខាន់ៗនៃ​អាហារ របស់លោក។ គាត់​បាន​និយាយថា៖ ‘’ខ្ញុំ​មិនដែល​បោះបង់​ការផ្តល់​ត​ម្លៃ​ចំពោះ​ផលិតផល​ឡើយ ដើម្បី​បញ្ជាក់​ពី​វា​ហើយ​រៀបចំ​វា​យ៉ាង​ប្រុងប្រយ័ត្ន បំផុត ដើម្បី​កំណត់​ពី​ចំណុចពិសេសៗនៃ​គ្រឿងផ្សំនីមួយ’’ ។ អាហារ​របស់គាត់​គឺ​បង្ហាញ​ពី​ភាពស្មោះត្រង់​និង​សប្បុរសធម៌។ តាមរយៈ​រូបមន្ត​ផ្ទាល់ខ្លួន និង​ការរៀបចំ​ដ៏​អស្ចារ្យ​នៃ​ភោជនីយដ្ឋាន​របស់គាត់​នៅទីក្រុង Lyon ក្នុង​គោលដៅ​របស់លោក​គឺ​ចង់​ចែករំលែក​បទ ពិសោធន៍ ធ្វើ​ម្ហូប​ដ៏​អស្ចារ្យ​បំផុត​ជាមួយ​ភ្ញៀវ​របស់គាត់។

ក្នុងនាម​ជា​ប្រធាន​សមាគមន៍​មេ​ចុងភៅ​ប្រចាំ​ប្រទេស​បារាំង Les Maîtres Cuisiniers de France ដែលជា​សមាគមន៍​ធំ​មួយ​របស់​សភា មេ​ចុងភៅ​នៅ​បារាំង, គោលដៅ​របស់លោក Christian Têtedoie គឺ​ដើម្បី​ផ្សព្វផ្សាយ​ជាស​កល​នូវ​សិល្បៈ​នៃ​ម្ហូបអាហារ​របស់​បារាំង។ ក្នុងកំឡុងពេល​មួយ​សប្តាហ៍​នៅ​ភ្នំពេញ​នេះ គាត់​នឹង​ចែករំលែក​ចំណេះ​នឹង​ជំនាញ​ដល់​បុគ្គលិក​នៅ​ភោជនីយដ្ឋាន​តូ​ប៉ា​ហ្ស​ដើម្បី​ជម្រុញ​និង លើកទឹកចិត្ត ដល់ អ្នកជំនាន់ក្រោយ​ដែលមាន បំណង​ចង់​ក្លាយជា​មេ​ចុងភៅ​នៅ​កម្ពុជា។

កក់​សំបុត្រ​ទីនេះ

ពត៌មាន​បន្ថែម​សម្រាប់​ការ​កក់​សំបុត្រ​សូម​ទាក់ទង ទូរស័ព្ទ +855 (0)15 821 888,

ឬ អ៊ី​ម៉ែ​ល [email protected]

ជីវប្រវត្តិ​សង្ខេបខ្លះៗរបស់លោក Christian Têtedoie

• នៅ​អាយុ ១៧ឆ្នាំ លោក​បានឈ្នះ​ពាន Best Apprentice ប្រចាំ​ប្រទេស​បារាំង ដែល​បានរៀបចំ ដោយ “Best Craftsmen of France”
• ជា​ម្ចាស់​ពាន Best Craftsman ប្រចាំ​ប្រទេស​បារាំង​ក្នុង​ឆ្នាំ1996 ដែលជា​ពានរង្វាន់ កម្រ​នឹង​ទទួល បាន។
• ជា​ម្ចាស់​ភោជនីយដ្ឋាន Têtedoie ក្នុង​ទីក្រុង Lyon និង​ទទួលបាន​ពាន​ជា​មេ​ចុងភៅ ផ្កាយ​មួយ​ក្នុង​ឆ្នាំ ២០០។
• នៅ​ឆ្នាំ២០១១ គាត់​ទទួលបាន​ងារ​ជា​មេ​ចុងភៅ Les Maîtres Cuisiniers de France ប្រចាំ​ប្រទេស​បារាំង ដែលជា​សមាគមន៍ ដ៏​សំខាន់​មួយ​នៃ​មេ​ចុងភៅ ដើម្បី​ផ្សព្វផ្សាយ​ម្ហូបអាហារ​បារាំង​ទៅកាន់​ពិភពលោក។

អំពី​ភោជនីយដ្ឋាន​តូ​ប៉ា​ហ្ស

អស់​រយៈពេល​ជាង២០ឆ្នាំ​មកហើយ ភោជនីយដ្ឋាន​តូ​ប៉ា​ហ្ស​នៅតែ​បន្ត​បម្រើ​ជូន​នូវ​អាហារ​បារាំង​ដ៏​ល្អ​និង​ឥតខ្ចោះ​នៅ រាជធានី​ភ្នំពេញ។ វា​ជា​កន្លែង​មួយ​ដែល​គេ​និយម​រៀបចំ​កម្មវិធី និង​ទទួលទាន​អាហារ​ដែល​ត្រូវ​បានរៀបចំ​តុបតែង​យ៉ាង ទាន់សម័យ​ដែល​ឆ្លុះបញ្ចាំង​ពី​វប្បធម៌ ភាព​រីករាយ និង​ថាមពល​នៃ​ទីក្រុង​ដែល​ធ្វើ​ឲ្យ​មាន​អារម្មណ៍​ថា​ជា​ផ្ទះ​របស់​យើង។ បេសកកម្ម​របស់​បុគ្គ​លិ​ក​យើង​គឺ​ចែករំលែក​សិល្បៈ​នៃ​ម្ហូប​បារាំង​នៅក្នុង​ប្រទេស​កម្ពុជា និង​ដើម្បី​បង្កើន​បទពិសោធន៍​ផ្ទាល់ខ្លួន​ឲ្យ​ខ្ពស់​តាមរយៈ​សិល្បៈ​នៃ​ការធ្វើ​ម្ហូប។

ពត៌មាន​បន្ថែម​អំពី​កម្មវិធី:

កញ្ញា Gabrielle Gabillat ទូរស័ព្ទ +855 (0) 69 809 888, អ៊ី​ម៉ែ​ល [email protected]

ឬ លោក. Tim Liu ទូរស័ព្ទ +855 (0) 69 258 555, អ៊ី​ម៉ែ​ល l [email protected]

កុមារី​ម្នាក់​មានឈ្មោះ ហ៊​ន់ វួ​ច​លាង អាយុ12ឆ្នាំ ជា​សិស្ស​កំពុង​សិក្សា​ថ្នាក់​ទី6 (ក) នៃ​សាលាបឋមសិក្សា ណាំ​កិន ដែល​ស្ថិតនៅ​ភូមិ​ណាំ​កិន ឃុំ​មៀន ស្រុក​ព្រៃឈរ ខេត្តកំពង់ចាម មានសំណាង​បានឈ្នះ​រង្វាន់​ធំ​ពី តែ​បៃតង អ៊ី​ឈី​តាន់ នូវ​ទឹកប្រាក់​ចំនួន100លាន​រៀល ។

ថ្លែងប្រាប់​ក្រុមការងារ​ដែល​ចុះ​ប្រគល់​ប្រាក់រង្វាន់​ដល់​លំនៅដ្ឋាន​ដោយផ្ទាល់ កុមារី ហ៊​ន់ វួ​ច​លាង បាន​ប្រាប់​ឱ្យដឹងថា កាលពី​សប្ដាហ៍​កន្លងទៅ​នេះ ដោយសារ​មាន​ចំណូលចិត្ត​ទទួលទាន​តែ​បៃតង អ៊ី​ឈី​តាន់ រសជាតិ តែ​ក្រូចឆ្មារ​ទឹកឃ្មុំ ក៏បាន​ទៅ​ទិញ​មក​ទទួលទាន​ដូច​សព្វដង លុះ​ពេល​មួល​គម្រប​ដប​ក៏​ស្រាប់តែ​ឃើញ​មាន​រង្វាន់100លាន​រៀល នៅក្នុង​គម្រប​ដប ហើយក៏​ស្រែកប្រាប់​ម្ដាយ​តែម្ដង។ កុមារី​រូបនេះ​បានបញ្ជាក់ ចំពោះ​ប្រាក់រង្វាន់​ទាំងអស់នេះ នឹង​ប្រគល់ជូន​ម្តាយ​ចាត់ចែង​ទាំងអស់។

ដោយឡែក អ្នកស្រី សេង ចាន់ធូ អាយុ48 ឆ្នាំ មានមុខរ​បរជា​អ្នកលក់ បបរ និង​នំ​បញ្ចុក នៅ​ផ្សារ​ព្រៃទទឹង និង​ត្រូវជា​ម្ដាយ​របស់​កុមារី​មានសំណាង​ខាងលើនេះ​បាន​ប្រាប់​ឱ្យដឹងថា មុនដំបូង នៅ​ពេលឮ​កូនស្រី​ស្រែកប្រាប់ គឺ​មិនទាន់​ជឿជាក់​នោះទេ ប៉ុន្តែ​បន្ទាប់ពី​បានឃើញ និង​មានការ​អះអាង​ពី​អ្នកលក់ ក៏ដូចជា​ញាតិ​ជិតខាង ជាពិសេស​ក្រោយពី​ផ្តល់ដំណឹង​ដល់​ក្រុមហ៊ុន តាមរយៈ​លេខ​ទូរស័ព្ទ​ដែលមាន​នៅក្នុង​ក្នុង​គម្រប​ដប​ស្រាប់ ទើប​ជឿជាក់100% ជាមួយនឹង​ភាព​ត្រេកអរ​យ៉ាងខ្លាំង​ស្ទើរ​គាំងបេះដូង ព្រោះ​មិន​នឹកស្មានថា អាចមាន​វាសនា​ក្លាយជា​ម្ចាស់​លុយ​យ៉ាង​សន្ធឹក​ស​ន្ទា​ប់ដូ​ច្នេះ​នោះទេ។

អ្នកស្រី​បានបញ្ជាក់​ថា អ្នកស្រី​នឹង​យកលុយ​មហា​សំណាង​ពី​តែ​បៃតង អ៊ី​ឈី​តាន់ ទាំងនេះ​ទៅ​សងបំណុល​ធនាគារឯកជន​មួយចំនួន ហើយ​យក​មួយចំនួន​ទៅ​ពង្រីក​មុខរបរ ដើម្បី​ទ្រទ្រង់​ជីវភាព​គ្រួសារ​ឱ្យ​កាន់តែ​ប្រសើរ​ជាង​នេះ ព្រមទាំង​ត្រៀម​ទុក​សម្រាប់​កូនស្រី​បន្ត​ការសិក្សា​ទៅ​ថ្ងៃ​អនាគត​ផងដែរ។

គួរបញ្ជាក់​ផងដែរ​ថា ជាការ​ថ្លែងអំណរគុណ​ចំពោះ​អតិថិជន​ដែល​តែង​គាំទ្រ​ផលិតផល​តែ​បៃតង អ៊ី​ឈី​តាន់ ក្រុមហ៊ុន បាន​បង្កើន​រង្វាន់​ធំ​នូវ​ទឹកប្រាក់100លាន​រៀល រហូតដល់50រង្វាន់, រង្វាន់​ម៉ូតូ HONDA SCOOPY I ចំនួន50 គ្រឿង , រង្វាន់ i-phone ចំនួន 50គ្រឿង , រួមជាមួយ​រង្វាន់ តែ​បៃតង អ៊ី​ឈី​តាន់ ហ្វ្រី (Free) ចំនួន 5,000,000 (5លាន) រង្វាន់ ។ រួសរាន់​ឡើង អ្នក​ក្លាយជា​សេដ្ឋី​បន្ទាប់ អាចជា​រូបអ្នក …៕

រាជធានី​ភ្នំពេញ៖ កាលពី​យប់​ថ្ងៃទី 31 ខែធ្នូ ឆ្នាំ 2018  ស្រា​បៀរ​ថៃ​ហ្គ័​រ​បានរៀបចំ​កម្មវិធី​អបអរ​ឆ្លង​ឆ្នាំ​ថ្មី 2019 នៅ Pub Street ក្រុង​សៀមរាប និង Le Moon Terrace Bar នៅ​រាជធានី​ភ្នំពេញ ចាប់ពី​ម៉ោង 6 ល្ងាច​រហូតដល់​យប់​ជ្រៅ ដោយមាន​អ្នកចូលរួម​យ៉ាងច្រើន​កុះករ។

កម្មវិធី​ឆ្លង​ឆ្នាំ​ថ្មី​របស់​ស្រា​បៀរ​ថៃ​ហ្គ័​រ​ទទួលបាន​ជោគជ័យ​យ៉ាងខ្លាំង​ដោយមាន​មនុស្ស​ចូលរួម​ច្រើន​ពេញទី​តាំង​ទាំងពីរ  ដែល​បាន​ប្រព្រឹត្តធ្វើ​ឡើងទៅ​ស្របពេល​ជាមួយគ្នា​នៅតាម​ទីតាំងនីមួយៗខាងលើ​ដែលមាន​ការចូលរួម​សម្តែង​ពី​សំណាក់​ឌី​ជេ និង​តារាល្បីៗជាតិ និង​អន្តរជាតិ​ដូចជា​ឌី​ជេ​ល្បី​ប្រចាំ​ប្រទេស​ថៃ​កញ្ញា  Riviere, ឌី​ជេ Cathrin មកពី​ប្រទេស​ថៃ, ឌី​ជេ​វ័យក្មេង​ស្រស់​សោភា​កញ្ញា Rose Candy, ឌី​ជេ​ល្បី​ប្រចាំ​ព្រះរាជាណាចក្រ​កម្ពុជា​លោក Nick ,  ពិធីករ​រូបរាង​ស្រស់​សង្ហា​លោក Yaro និង​លោក Jimmy ។

ជាមួយនឹង​បទ​ចំរៀង​ពិ​រោះ​រណ្តំ សាច់ភ្លេង​កន្ត្រាក់​អារម្មណ៍ ក្បាច់​រាំ​រស់​រវើក និង​សម្លេង​ហ៊ោ កញ្ជ្រៀវ​និង​ការរាប់​ថយក្រោយ​របស់​អ្នកចូលរួម បាន​ញ៉ាំង​បរិយាកាស​នៃ​ពិធីជប់លៀង​ឆ្លង​ឆ្នាំ​របស់​ស្រា​បៀរ Tiger ឱ្យ​រឹតតែ​អ​ធឹ​ក​អធម និង​ពោរពេញ​ដោយ​អត្ថន័យ។ អ្នកចូលរួម​ទាំងអស់​បាន​រីករាយ​នឹង​ព្រឹត្តិការណ៍​ដ៏​អស្ចារ្យ​នេះ​ពេញ​មួយ​រាត្រី ព្រមទាំង បាន​ក្រេប​រសជាតិ​ដ៏​ឆ្ងាញ់​ពិសា​មិនអាច​បំភ្លេចបាន​របស់​ស្រា​បៀរ​ថៃ​ហ្គ័​រ ជាពិសេស​អ្នកចូលរួម​កម្មវិធី មានឱកាស​ឈ្នះ​រង្វាន់​ឆ្នាំ​ថ្មី​ពី​ស្រា​បៀរ​ថៃ​ហ្គ័​រ​ទៀតផង។

ស្រា​បៀរ​ថៃ​ហ្គ័​រ ដែលជា​ស្រា​បៀរ​គុណភាព​លំដាប់​ថ្នាក់ខ្ពស់ ដែលមាន​លក់​នៅក្នុង​បណ្តា​ប្រទេស​ចំនួន 70 តែង​នាំមក​ជូន​លោកអ្នក​នូវ​ព្រឹត្តិការណ៍​សប្បាយរីករាយ និង​មិនអាច​បំភ្លេចបាន ហើយ​នៅមាន​ព្រឹត្តិការណ៍ និង​កម្មវិធី​ពិសេស​ជាច្រើន​ទៀត​ក្នុងពេលឆាប់ៗនេះ។

ចំពោះ​សកម្មភាព​ឆ្លង​ឆ្នាំ 2019 ក្នុង​កម្មវិធី​ពិសេស​របស់​ស្រា​បៀរ​ថៃ​ហ្គ័​រ សូម​ចូលទៅ​កាន់​ទំព័រ​ហ្វេ​ស​ប៊ុ​ក​ផ្លូវការ​របស់​ស្រា​បៀរ​ថៃ​ហ្គ័​រ៖ : www.facebook.com/TigerBeerKH ។

សូម​ពិសា​ថៃ​ហ្គ័​រ​ដោយ​ការទទួលខុសត្រូវ

ព្រះសីហនុ៖ រកឃើញ​ក្រុមបាល់ទាត់​ក្នុង​សាល​ជើង​ខ្លាំង​ចំនួន 24 ក្រុម ឡើង​វគ្គ​វគ្គ​ផ្តាច់ព្រ័ត្រ​ក្នុង​ក្រុងព្រះសីហនុ​នៃ​ព្រឹត្តិការណ៍​ប្រកួត​បាល់ទាត់ Tiger Street Football Festival 2019 នៅ​ឆ្នេរ​អូ​ឈើទាល ក្រុងព្រះសីហនុ ដោយ​ក្នុងចំណោម 24ក្រុម​ជ្រើ​សើ​ស 6ក្រុម​ឡើ​វគ្គ​ផ្តាច់ព្រ័ត្រ​ដណ្តើម​ជើងឯក​នៅ​រាជធានី​ភ្នំពេញ​ថ្ងៃទី 16-17 មីនា​ខាងមុខនេះ។

ការប្រកួត Tiger Street Football Festival 2019 នៅ​ថ្ងៃទី6 ជម្រុះ​ជុំ​ទី2នេះ មាន​ក្រុម​ចំនួន24ក្រុម ប្រកួតប្រជែង​ដណ្តើម​ជើង​ឯ​ឝ​ប្រចាំ​មណ្ឌល​ក្រុងព្រះសីហនុ និង​ដណ្តើមយក​កៅអី6ក្រុម ឡើង​ផ្តាច់ព្រ័ត្រ​ដណ្តើម​ជើងឯក​នៅ​រាជធានី​ភ្នំពេញ ថ្ងៃទី 16-17 មីនា​ខាងមុខនេះ។

អ្វីដែល​កាន់តែ​ទាក់ទាញ​នោះ​គឺ​ការប្រគំ​តន្ត្រី​ដោយមាន​ការចូលរួម​ពី​សំណាក់​កំពូល​តារាចម្រៀងល្បីៗជាច្រើនរូប​ក្នុងប្រទេស​កម្ពុជា រួមមាន លោក ខេមរៈ សិរីមន្ត សុ​គុន្ធ និសា ណុប ប៉ា​យ៉ា​រិ​ទ្ធ ពេជ្រ សោភា នី​កូ សុខ ស្រី​នាង នី រតនា ឈិន ម៉ា​និ​ច បាន មុន្នី​ល័​ក្ខ ប៉ាច គីម​មួយ និង​ឌី​ជេ Maily។

តារាចម្រៀង​ទាំងអស់​បាន​លើកយក​សុទ្ធសឹង​ជា​បទ​ញ៉ាក់​កន្ត្រាក់​អារម្មណ៍ ជាហេតុ​ធ្វើ​ឲ្យ អ្នកគាំទ្រ នៅ​ព្រះសីហនុ សប្បាយរីករាយ និង​រាំ​កម្សាន្ត​ទៅតាម​ចង្វាក់ភ្លេង យ៉ាង​សប្បាយរីករាយ គ្រប់គ្នា​ពេញមុខ​ឆាក​តន្ត្រី។

អ្នកគាំទ្រ​ទាំងអស់​ក៏​ទទួលបាន​កម្មវិធី​លក់​ជូន​ពិសេស​សម្រាប់​ការ​ជាវ​ស្រា​បៀរ​ថៃ​ហ្គ័​រ មក​ទទួលទាន​បណ្តើរ​ទស្សនា​ការប្រគំ​តន្ត្រី Tiger Street Football Festival 2019។ ស្រា​បៀរ​ថៃ​ហ្គ័​រ ជា​ស្រា​បៀរ​ដែលមាន​គុណភាព​ខ្ពស់​លំដាប់ថ្នាក់​អន្តរជាតិ​មាន​ដើមកំណើត​តាំងពី​ឆ្នាំ 1932 នៅ​ប្រទេស​សិង្ហ​បុរី និង​មាន​លក់​នៅ​ច្រើនជាង70ប្រទេស​នៅ​ទូទាំង​ពិភពលោក ហើយ​ស្រា​បៀរ​ថៃ​ហ្គ័​រ​ឈ្នះ​ពានរង្វាន់​លំដាប់ថ្នាក់​អន្តរជាតិ​ច្រើនជាង40មេដាយ​ផ្នែក​រសជាតិ និង​គុណភាព។

សូមបញ្ជាក់ថា ការប្រកួត​បាល់ទាត់ Tiger Street Football Festival 2019 នៅ​ថ្ងៃ​ចុងក្រោយ និង​ការប្រគំ​តន្ត្រី នៅ​រាត្រី​ចុងក្រោយ ប្រចាំ​មណ្ឌល​ព្រះសីហនុ​នេះ មានការ​ផ្សាយ​ផ្ទាល់ ពី​សា្ថ​នី​យ៍​ទូរទស្សន៍​រស្មី​ហង្ស​មាស ផងដែរ៕

សូម​ចូលទៅ​កាន់​ទំព័រ​ហ្វេ​ស​ប៊ុ​ក​ផ្លូវការ របស់​ស្រា​បៀរ​ថៃ​ហ្គ័​រ៖ www.facebook.com/TigerBeerKH (សូម​រីករាយ​ទទួលទាន​ស្រា​បៀរ Tiger® ដោយ​ការទទួលខុសត្រូវ)