PR - La Reine Media

ការប្រគំតន្រ្តីរបស់ស្រាបៀរអាន់ឆ័រចូលរួមទស្សនាយ៉ាងភ្លូកទឹកភ្លូកដីនៅខេត្តកំពង់ចាមក្នុងឱកាសពិធីបុណ្យចូលឆ្នាំខ្មែរ

កំពង់ចាម៖ការប្រគំតន្រ្តីយក្សនៃកម្មវិធីកីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទីពីរបានកក្រើកក្រុងប៉ោយប៉ែតដោយមានការចូលរួម ទស្សនាយ៉ាងភ្លូកទឹកភ្លូកដី ពីបងប្អូនប្រជាពលរដ្ឋរស់នៅខេត្តកំពង់ចាម និងមកពីបណ្តាស្រុកជាច្រើន នៅក្នុងឱកាសពិធីបុណ្យចូលឆ្នាំប្រពៃណីជាតិខ្មែរដែលមានរយៈពេលបីថ្ងៃចាប់ពីថ្ងៃទី ១៤ ដល់ ១៦ ខែមេសា ឆ្នាំ ២០១៩។

ប្រជាពលរដ្ឋ យ៉ាងច្រើនកុះករបាននាំគ្នាមកចូលរួមកម្មវិធីពិសេសរបស់ស្រាបៀរអាន់ឆ័រ ជាលក្ខណៈគ្រួសារ និងមិត្តភ័ក្តិនៅផ្តុំគ្នា រង់ចាំទស្សនាកម្មវិធីនេះ ដោយអ្នកខ្លះទទួលទានស្រាបៀរអាន់ឆ័រ ដែលបានទិញពីស្តង់ស្រាបៀរអាន់ឆ័រដែលលក់ក្នុងតម្លៃ ប្រូម៉ូសិនពិសេស រីឯអ្នកខ្លះទៀតជជែកគ្នាលេងយ៉ាងសប្បាយរីករាយ។

កម្មវិធីពិសេសនេះបានចាប់ផ្តើមចាប់ពីម៉ោង ៨ យប់តទៅដោយមានការផ្សាយបន្តផ្ទាល់ទំព័រហ្វេសប៊ុក របស់ស្រាបៀរអាន់ឆ័រ។ ការប្រគំតន្ត្រីនេះមានការចូលរួមសម្តែងដោយតារាចម្រៀងល្បីៗក្នុងព្រះរាជាណាចក្រកម្ពុជា ព្រមទាំងតារាចំរៀងកំពុងនិយមជាច្រើនរូបទៀត ដែលបានច្រៀងបទមនោសញ្ចេតនាផង និងបទញ៉ាក់ជាច្រើនបទ ដែលបានធ្វើឲ្យអ្នកចូលរួម មានអារម្មណ៍សប្បាយរីករាយក្រៃលែង ជាពិសេសរាំកម្សាន្ត ច្រៀងតាម និងស្រែកហ៊ោគ្រប់គ្នា ពេញមុខឆាកតន្រ្តី យ៉ាងកក្រើកខេត្តកំពង់ចាម នាត្រីកាលនោះ។

ចំពោះព័ត៌មានលម្អិតអំពីព្រឹត្តិការណ៍ពិសេសនេះ សូមចូលមើលទំព័រហេ្វសបុករបស់ស្រាបៀរអាន់ឆ័រ៖ https://www.facebook.com/AnchorBeerKH/ ។

ពិសាដោយការទទួលខុសត្រូវ៕

April 20, 2019

ការប្រគំតន្ត្រីកាន់តែធំអស្ចារ្យ និងប្លែកចំណីចក្ខុនៅយប់ចុងក្រោយនៃពិធីបុណ្យចូលឆ្នាំខ្មែរ

កំពង់ចាម៖ ក្រុមហ៊ុនស្រាបៀរអាន់ឆ័របានរៀបចំការប្រគំតន្ត្រីយក្សដ៏អស្ចារ្យនៅក្នុងកម្មវិធីកីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទីពីរ នៅរាត្រីចុងក្រោយនៅថ្ងៃទី១៦ ខែមេសា ជាថ្ងៃចុងក្រោយនៃពីរនៃពិធីបុណ្យចូលឆ្នាំប្រពៃណីជាតិខ្មែរ។

ក្នុងឱកាសពិសេសនោះ រាល់អតិថិជនជាវស្រាបៀរអាន់ឆ័រចាប់ពី ៦ កំប៉ុង/ដបនឹងទទួលបានឱកាសចាប់ឆ្នោតផ្សងសំណាងដើម្បីឈ្នះរង្វាន់ពីស្រាបៀរអាន់ឆ័រ ដូចជា អាវយឺត កន្សែង និង កំរាលសម្រាប់ដំណើរកម្សាន្ត ដែលអាចក្រាលនៅឆ្នេរសមុទ្យសម្រាប់អង្គុយលេង។

កម្មវិធីប្រគំតន្ត្រីរបស់ស្រាបៀរអាន់ឆ័រ នៅរាត្រីចុងក្រោយនៅថ្ងៃទី១៦ ខែមេសា នៅបរិវេណកោះពេជ្រក្បែរផ្សាររាត្រី ខេត្តកំពង់ចាម បានចូលរួមសម្តែងដោយតារាចម្រៀងល្បីៗក្នុងព្រះរាជាណាចក្រកម្ពុជា ព្រមទាំងតារាចំរៀងកំពុងនិយមជាច្រើនរូបទៀតដូចជា អ្នកនាង ពេជ្រ សោភា លោក ឆន សុវណ្ណរាជ កញ្ញា ឱក សុគន្ធកញ្ញា លោក នីកូ អ្នកនាងសុគន្ធ នីសា អ្នកនាង សុខ ស្រីនាង លោក ហ្សូណូ កញ្ញា សួស វីសា កញ្ញា ទេព បូព្រឹក្ស លោក នី រតនា ជីដេតូតូ (DJ Toto) និងតារាជាច្រើនរូបទៀត។

កម្មវិធីនេះនាំមកជួនលោកអ្នកដោយ ស្រាបៀរ អាន់ឆ័រ។ ស្រាបៀរ អាន់ឆ័រ ជាស្រាបៀរដែលពេញនិយមបំផុតសម្រាប់យុវវ័យសម័យថ្មី គុណភាពខ្ពស់ស្តង់ដារអន្តរជាតិដែលឈ្នះពានរង្វាន់ផ្នែកគុណភាពជាបន្តបន្ទាប់សរុបជាង ៣០ មេដាយ រសជាតិស្រទន់លើសគេ ផ្តល់នូវអារម្មណ៍រីករាយ ស្រស់ថ្លា ស័ក្តិសមបំផុតសម្រាប់គ្រប់ទីកន្លែង គ្រប់កម្មវិធី។

ចំពោះព័ត៌មានលម្អិតអំពីព្រឹត្តិការណ៍ពិសេសនេះ សូមចូលមើលទំព័រហេ្វសបុករបស់ស្រាបៀរអាន់ឆ័រ៖ https://www.facebook.com/AnchorBeerKH/ ។

ពិសាដោយការទទួលខុសត្រូវ៕

April 19, 2019

រកឃើញអ្នកឈ្នះរង្វាន់១ម៉ឺនដុល្លារលើកទី ២ និងទី ៣ ពីស្រាបៀរអាន់ឆ័រ

រាជធានីភ្នំពេញ៖ កាលពីថ្ងៃព្រហស្បតិ៍ទី ១៤ ខែមីនា ឆ្នាំ២០១៩ ស្រាបៀរអាន់ឆ័របានរៀបចំកម្មវិធីប្រគល់រង្វាន់លើកទីពីរជូនអ្នកឈ្នះរង្វាន់ទឹកប្រាក់១ម៉ឺនដុល្លារចំនួន២រូប និងអ្នកឈ្នះរង្វាន់ទឹកប្រាក់១ពាន់ដុល្លារ ចំនួន១៤ នាក់ពីកម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ អ្នកឈ្នះរង្វាន់ ភ្ញៀវកិត្តិយស និងអ្នកសារព័ត៌មានជាច្រើន។

កម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណង ថ្លែងអំណរគុណដ៏ជ្រាលជ្រៅនិងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជនដែលតែងតែគាំទ្រ និងនិយមជាវស្រាបៀរអាន់ឆ័រសម្រាប់គ្រប់កម្មវិធី គ្រប់ឱកាស។

លោក ប៉ែន សុខរស់ មកពីខេត្តកំពង់ឆ្នាំង ដែលជាអ្នកឈ្នះរង្វាន់ទឹកប្រាក់១ម៉ឺនដុល្លារពីស្រាបៀរអាន់ឆ័របានមានប្រសាសន៍ថា៖ “ខ្ញុំញ៉ាំស្រាបៀរច្រើន។ ខ្ញុំសុំណូមពរឲ្យបងប្អូនញ៉ាំស្រាបៀរច្រើនដូចខ្ញុំ ដែលអាចឈ្នះរង្វាន់ស្រាបៀរអាន់ឆ័រកាន់តែច្រើន ពីព្រោះរង្វាន់ស្រាបៀរអាន់ឆ័រនៅមានច្រើនទៀតរងចាំបងប្អូន។ កាលនោះខ្ញុំមានអារម្មណ៍រំភើបរីករាយក្រៃលែងពេលដឺងថាត្រូវរង្វាន់។” ចំណែកឯអ្នកស្រី គាំ សុគន្ធា មកពីខេត្តកំពង់ស្ពឺ ឆ្នាំង ដែលជាអ្នកឈ្នះរង្វាន់ទឹកប្រាក់១ម៉ឺនដុល្លារពីស្រាបៀរអាន់ឆ័របានមានប្រសាសន៍ថា៖ គាត់ត្រូវរង្វាន់នៅពេលផឹកជួបជុំមិត្តភ័ក្តិ។ នៅពេលគាត់ដឹងថាត្រូវរង្វាន់ធំ១ម៉ឺនដុល្លារ គាត់មានអារម្មណ៍រំភើបរីករាយក្រៃលែង។ “ខ្ញុំឈ្នះរង្វាន់ពិតៗ។ ខ្ញុំជ្រើសរើសញ៉ាំស្រាបៀរអាន់ឆ័រតាំងពីមិនទាន់មានរង្វាន់រហូតដល់មានរង្វាន់។ ខ្ញុំមានអារម្មណ៍រំភើបខ្លាំង ហើយខ្ញុំនឹងយកលុយនេះទៅរកស៊ី និងផ្គត់ផ្គង់គ្រួសារ។”

អ្នកឈ្នះរង្វាន់ទឹកប្រាក់១ម៉ឺនដុល្លារចំនួន២រូបបានទទួលរង្វាន់ពីលោក Moon Yoo នាយកផ្នែកទីផ្សារនៃក្រុមហ៊ុនស្រាបៀរអាន់ឆ័រ និងលោក Roderick Leong នាយកផ្នែកលក់នៃក្រុមហ៊ុនស្រាបៀរអាន់ឆ័រ ។ អ្នកឈ្នះរង្វាន់ទឹកប្រាក់១ពាន់ដុល្លារចំនួន១៤ នាក់បានទទួលរង្វាន់ពីលោក Fahmi Rajendra ប្រធានគ្រប់គ្រងផ្នែកទីផ្សារនៃនៃក្រុមហ៊ុនស្រាបៀរអាន់ឆ័រ។

កម្មវិធីឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រចាប់ផ្តើមពីថ្ងៃនេះរហូតដល់ដំណាច់ឆ្នាំ ២០១៩។ រាល់ការជាវស្រាបៀរអាន់ឆ័រ លោកអ្នកនឹងមានឱកាសឈ្នះរង្វាន់ស្រាបៀរអាន់ឆ័រ១កំប៉ុង ១២កំប៉ុង ; ២៤ កំប៉ុង ព្រមទាំងរង្វាន់ទឹកប្រាក់ ១០០ (មួយរយ) ដុល្លារ ១០០០ (មួយពាន់ដុល្លារ និង១០០០០ (មួយម៉ឺន)ដុល្លារពីស្រាបៀរអាន់ឆ័រ។ ; ក្រុមហ៊ុននឹងរៀបចំពេលវេលាជូនអ្នកឈ្នះរង្វាន់ទឹកប្រាក់១ម៉ឺនដុល្លារ និងអ្នកឈ្នះរង្វាន់ទឹកប្រាក់១ពាន់ដុល្លារដើម្បីបើករង្វាន់ដ៏អស្ចារ្យនេះពីរដងជារៀងរាល់ខែនៅការិយាល័យរោងចក្រស្រាបៀរអាន់ឆ័រ។ ចំពោះរង្វាន់ផ្សេងទៀតលោកអ្នកអាចបើកភ្លាមនៅតាមដេប៉ូចែកចាយស្រាបៀរអាន់ឆ័រ។ បញ្ជាក់៖ ដើម្បីបើករង្វាន់ លោកអ្នកត្រូវបង្ហាញសម្បកកំប៉ុង និងក្រវិលកំប៉ុងដែលឈ្នះរង្វាន់។

សូមប្រញាប់ឡើង! ជាវស្រាបៀរអាន់ឆ័រដើម្បីមានឱកាសឈ្នះរង្វាន់១ ម៉ឺនដុល្លារ រាល់ខែ! អ្នកឈ្នះបន្ទាប់អាចជារូបអ្នក!!!

ចំពោះព័ត៌មានបន្ថែម សូមទាក់ទងមកយើងខ្ញុំតាមរយៈលេខ៖ 092 333 900 / 010 833 000។ រីករាយស្រស់ថ្លា

ពិសាដោយការទទួលខុសត្រូវ៕

April 19, 2019

តើត្រូវធ្វើដូម្តេច ដើម្បីដំណើរការម៉ាស៊ីនត្រជាក់ តាមរយៈទូរស័ព្ទដៃរបស់អ្នក?

ភ្នំពេញ៖ នៅក្នុងអត្ថបទលើកមុនយើងបាននាំលោកអ្នកមកស្គាល់អ្វីទៅជា LG Smart ThinQ និងប្រយោជន៍របស់វា។ ដូចបានជំរាបពីលើកមុនរួចមកហើយថា បច្ចេកវិទ្យាវៃឆ្លាតរបស់ LG Smart ThinQ គឺជាមុខងារមួយ វាជួយសម្រួលដល់អ្នកប្រើប្រាស់ ក្នុងការបញ្ជារ ឬគ្រប់គ្រប់ឧបករណ៍អេឡិចត្រូនិច LG តាមរយៈទូរស័ព្ទស្មាតហ្វូន ឬ Tablet ដែលអនុញ្ញាតអោយអ្នកប្រើប្រាស់អាច បិទ-បើកដំណើរការឧបករណ៍អេឡិចត្រូនិចរបស់ LG បានដូចជា ម៉ាស៊ីនត្រជាក់ ម៉ាស៊ីនបោកគក់ ទូរទស្សន៍ ទូទឹកកកជាដើម ពីគ្រប់ទីកន្លែងត។ កម្មវិធីវៃឆ្លាត LG Smart ThinQ ជួយឲ្យលោកអ្នកដឹងពីការប្រើប្រាស់ថាមពលអគ្គីសនី ថាតើលោកអ្នកប្រើប្រាស់អស់ប៉ុន្មានគីឡូវ៉ាត់ម៉ោង ក្នុងការប្រើប្រាស់ប្រចាំថ្ងៃ ប្រចាំសប្តាហ៍ និងប្រចាំខែទៀតផង។ ជាអាចជួយលោកអ្នកដឹងនូវពេលវេលានៃការសំអាត Filter សំអាតម៉ាស៊ីត្រជាក់ផងដែរ ជាពិសេសទៀតវាមានបូករួមបញ្ចូលគ្នាជាមួយមុខងារ Smart Diagnosis នឹងធ្វើអោយលោកអ្នកពិនិត្យដឹងនូវបញ្ហាបច្ចេកទេសដែលកើតមានឡើងនៅលើឧបករណ៍ភ្លាម ដោយមិនចាំបាច់រង់ចាំជាងបច្ចេសមកពិនិត្យនោះឡើយ។ LG Smart ThinQ បានជួយសម្រួលដល់ការរស់នៅ និងការប្រើប្រាស់ឧបករណ៍អេឡិចត្រនិចនៅក្នុងផ្ទះរបស់លោកអ្នកបានយ៉ាងល្អ មិនថាលោកអ្នកស្ថិតនៅទីណាក៏ដោយ។

នាពេលនេះ យើងខ្ញុំសូមបង្ហាញពីរបៀបភ្ជាប់កម្មវិធី Smart ThinQ រវាងទូរស័ព្ទស្មាតហ្វូន (Smart Phone) ទៅនឹងម៉ាស៊ីនត្រជាក់ LG Dual Cool ។ លោកអ្នកអាចស្វែងយល់ពីរបៀបភ្ជាប់កម្មវិធីតាមរយៈវីដេអូខាងលើនេះ ឬសំរាយនៅក្នុងអត្ថបទខាងក្រោម៖

លោកអ្នកគ្រាន់ចូលទៅដោតឡូតកម្មវិធី LG Smart ThinQ ដោយមិនគិតថ្លៃតាមរយៈ App Store ប្រសិនបើលោកអ្នកប្រើប្រាស់ទូរស័ព្ទ iOS និង ដោតឡូតកម្មវិធីពី Play Store ប្រសិនបើលោកអ្នកប្រើប្រាស់ទូរស័ព្ទ Android។ បន្ទាប់មកចុះឈ្មោះតាមរយៈ Google Account ឬ Facebook ឬក៏ LG Account ហើយបន្ទាប់មកលោកអ្នកនឹងបានឃើញផ្ទាំងមួយលេចចេញមក និង តម្រូវអោយលោកអ្នកជ្រើសរើសពាក្យថា Select All និងបន្ទាប់មកទៀតលោកអ្នកត្រូវបំពេញថ្ងៃខែឆ្នាំកំនើត រួចចុចនៅលើពាក្យថា OK។

បន្ទាប់មកលោកអ្នកត្រូវធ្វើការ Register Products នៅក្នុងកម្មវិធីនេះដោយចុចទៅលើសញ្ញាបូក រួចលោកអ្នកធ្វើការជ្រើសរើសយកពាក្យថា OK និងបន្ទាប់មកទៀតវានឹងលោតចេញផ្ទាំងមួយ ដែលតម្រូវអោយជ្រើសរើសឧបករណ៍ប្រើប្រាស់ ប្រសិនបើវាជាប្រភេទម៉ាស៊ីនត្រជាក់ជាប់ជញ្ជាំង យើងត្រូវជ្រើសរើសពាក្យថា Wall – Mounted Type

បន្ទាប់មកទៀតយើងត្រូវធ្វើតាមជំហ៊ាននីមួយៗ ដូចខាងក្រោមនេះ ៖

ជំហ៊ានទី 1៖ លោកអ្នកត្រូវធ្វើការចុចប៊ូតុងសម្រាប់ឧបករណ៍បញ្ជារ ដោយរាប់ពីខាងលើមកវាគឺជាប៊ូតុងទី3 ទាំងសងខាង ដែលមានពាក្យថា Energy Ctrl និង Jet Mode ដោយលោកអ្នកចុចប៊ូតុងនេះអោយចជាប់ក្នុងរយៈពេល 3វិនាទី យើងនឹងបានលឺសំឡេង Wi-Fi នៅលើម៉ាស៊ីនត្រជាក់ រួចលោកអ្នកត្រលប់ទៅចុចពាក្យថា YES នៅលើ App ក្នុងទូរស័ព្ទរបស់លោកអ្នកវិញ។

ជំហ៊ានទី 2៖ ចំណុចនេះយើងខ្ញុំសូមបញ្ជាក់ថា ប្រសិនបើលោកអ្នកប្រើប្រាស់ទូរស័ព្ទប្រភេទ iOS លោកអ្នកត្រូវធ្វើការ Register Network ប៉ុន្តែចំពោះលោកអ្នកដែលប្រើប្រាស់ប្រព័ន្ធ Android គឺមិនមាននោះទេ គឺវានឹងភ្ជាប់ជាលក្ខណៈអូតូតែម្តង។

ជំហ៊ានទី 3៖ គឺលោកអ្នកត្រូវរង់ចាំភ្ជាប់ App ដែលនៅលើទូរស័ព្ទជាមួយនឹងម៉ាស៊ីត្រជាក់របស់លោកអ្នក ហើយនៅពេលដែលវាដំណើរការបានដល់ 100% ពេលនោះលោកអ្នកនឹងបានឃើញព៌តមាន ដែលទាក់ទងទៅនឹងម៉ាស៊ីត្រជាក់របស់លោកអ្នកជាក់ជាមិនខាន។

សូមបញ្ជាក់ផងដែរថាលោកអ្នកអាចប្រើប្រាស់កម្មវីធីនេះដើម្បីបញ្ជារម៉ាស៊ីនត្រជាក់ LG តាមរយៈទូរស័ព្ទដៃ & Tablet លុះត្រាតែទូរស័ព្ទដៃលោកអ្នកមានភ្ជាប់ Internet ហើយទីតាំងដែលតម្លើង (នៅផ្ទះ ការិយាល័យ ជាដើម ) ម៉ាស៊ីនត្រជាក់ក៏មានភ្ជាប់ Wi-Fi ផងដែរ។

April 19, 2019

ប្លែកអស់ទាស់! ការប្រគំតន្រ្តីព្រះច័ន្ទពេញវង្ស ជាមួយ Huawei P30 សេរ៊ី ផ្អើលកោះពេជ្រ ថ្ងៃ 26 មេសា នេះ!

ភ្នំពេញ ថ្ងៃទី 18 មេសា ឆ្នាំ 2019 ៖ កាន់តែសប្បាយ កាន់តែរំជើបរំជួល និងកាន់តែប្លែក ជាមួយចក្រវាលភ្លើងពណ៍ នៃពិភពតន្រ្តី និងការស្រែកហ៊ោកញ្ចៀវ ក្នុងមហាព្រឹត្តិការណ៍ការប្រគំតន្រ្តីព្រះច័ន្ទពេញវង្សដំបូងគេបង្អស់នៅប្រទេសកម្ពុជា Giant Moon Live Concert ដែលនាំមកជូនដោយក្រុមហ៊ុន Huawei ជាមួយ Huawei P30 សេរ៊ី ដែលអាចថតហ្សូមបានដល់ឋានព្រះច័ន្ទ។ ធានាថាកក្រើកកោះពេជ្រតែម្តងនៅថ្ងៃ សុក្រ 26 មេសា នេះ!

នេះជាការប្រគំតន្ត្រីដ៏អស្ចារ្យបំផុតមិនធ្លាប់មាន ដោយជួបជាមួយកំពូលតារាចម្រៀង កញ្ញា ឱក សុគន្ធកញ្ញា និងលោក នីកូ ដែលជាតារាតំណាងផ្សព្វផ្សាយរបស់ក្រុមហ៊ុន Huawei ដែលអ្នកទាំងអស់គ្នានឹងរីករាយជាមួយនិង Huawei P30 សេរ៊ីកាលីប ឡូយឆាយ និងទទួលបានភាពភ្ញាក់ផ្អើលជាមួយបច្ចេកវិទ្យាស៊ុបភើកាមេរ៉ា Leica 4 គ្រាប់ដំបូងគេបង្អស់ក្នុងពិភពលោក ថតរូបហ្សូមដល់ឋានព្រះច័ន្ទជាមួយលោក ឆន សុវណ្ណរាជ ថតរូបនៅទីងងឹតច្បាស់អស់ទាស់ ជាមួយ កញ្ញា សួសវីហ្សា ថតរូបម៉ាឡូយ សែលហ្វីម៉ាអែម និងការបង្ហាញស្តាយឆើតឆាយ ជាមួយកញ្ញា ប៉ាច គីមម៉ួយ ព្រមទាំងរាំលោត ក្រវី កូរពេញឆាកតន្ត្រីជាមួយចង្វាក់ EDM។ កំពូលតារាចម្រៀងទាំងអស់ នឹងពួតដៃគ្នាចូលមកអង្រួនឆាក Giant Moon Live Concert ឲ្យកាន់តែប្លែកនិងសប្បាយម៉ាអស់ដៃ នៅរាត្រីថ្ងៃសុក្រខាងមុខនេះ ។

ចូលរួមទស្សនាដោយសេរី សប្បាយៗ រាំច្រៀង លេងហ្គេមយករង្វាន់ជាច្រើនសន្ធឹកសន្ធាប់ និងតេស្តកំពូលស្មាតហ្វូន Huawei សេរ៊ីថ្មីត្រកូល P30 គឺ P30 Lite, P30 និង P30 Pro ដើម្បីហ្សូមដល់ឋានព្រះច័ន្ទ នៅមុខសាលមហោស្រពកោះពេជ្រ នៅថ្ងៃ 26 មេសា ចាប់ពីម៉ោង 5 ល្ងាចតទៅ ក៏មានការផ្សាយផ្ទាល់ពិសេសលើកញ្ចក់ទូរទស្សន៍ រស្មីហង្សមាស HDTV និង Facebook Page Huawei Mobile ចាប់ពីម៉ោង 7:30 យប់ផងដែរ! កម្មវិធីនេះ ក៏មានការចូលរួមឧបត្ថម្ភដោយក្រុមហ៊ុន Smart, Pepsi, Sabay និង Grab ។

គួរបញ្ជាក់ផងដែរថា ស៊ុបភើកាមេរ៉ា Leica 4 គ្រាប់ របស់កំពូលស្មាតហ្វូន P30 សេរ៊ី មានសមត្ថភាពអស្ចារ្យ ជាមួយកាមេរ៉ាក្រោយទំហំ ;40MP ;ដែលបំពាក់ Super Spectrum Senor កាមេរ៉ាទំហំ 20MP ថតប្លង់ផ្តេកទ្រវែងបានកាន់តែទូលាយបែប Ultra-Wide Angle កាមេរ៉ា Telephoto ទំហំ 8MP និងកាមេរ៉ា Huawei TOF។ ឡែន SuperZoom មានសមត្ថភាពអាចហ្សូមបែប Optical បាន 5X, Hybrid ហ្សូមបាន 10X និង Digital ហ្សូមបានរហូតដល់ 50X ហ្សូមបានដល់ឋានព្រះច័ន្ទ។ ជាងនេះទៅទៀត កំពូលស្មាតហ្វូននេះ មានសមត្ថភាពអាចថតរូបច្បាស់អស់ស្ទះក្នុងទីងងឹត និងផ្តិតយករូបភាពកាន់តែដិតច្បាស់ យកផ្ទៃក្រោយព្រាល ពន្លឺភ្លើង Bokeh ។

សម្រាប់តម្លៃ កំពូលស្មាតហ្វូន P30 Lite មានតម្លៃត្រឹមតែ $339 ថែមកាដូជាច្រើន ព្រមទាំងមានឱកាសឈ្នះរថយន្ត Mazda 2, P30 មានតម្លៃត្រឹមតែ $669 និង P30 Pro មានតម្លៃត្រឹមតែ $899 ថែមកាដូច្រើនអស់ទាស់។

លឺតែគេល្បីផ្អើលថាហ្សូមមិនសំចៃ និងអាចហ្សូមដល់ឋានព្រះច័ន្ទ និងថតរូបនៅកន្លែងងងឹតស្លុបស្អាតកប់សេរី អីចឹងទៅចូលរួមកំសាន្តហើយតេស្តម្តងមើល! ជួបគ្នានៅថ្ងៃសុក្រ 26 មេសា សប្តាហ៍ក្រោយនេះ ធានាថាមិនមែនជាការប្រគំតន្ត្រីលំលំ ដដែលៗនោះទេ។ អត់បានទៅចូលរួម ដឹងថាស្តាយតែម្តង! កុំភ្លេចចូលរួមទាំងអស់គ្នាណា!

https://youtu.be/f90RJnKgtxk

https://youtu.be/YgAlmNRG1c4

https://youtu.be/QekldwNR5d8

April 18, 2019

តើអ្វីទៅជាSmart ThinQ របស់ LG?

ភ្នំពេញ៖យុគ្គសម័យស្មាតហ្វូន(Smart Phone) បានវាយលុកយ៉ាងសម្បើមទៅលើឧបករណ៍ប្រើប្រាស់ស្ទើរតែគ្រប់ប្រភេទដែលកំពុងតែពេញនិយមនៅពាសពេញពិភពលោកហើយមួយរយៈចុងក្រោយនេះយើងក៏សង្គេតឃើញថាមានក្រុមហ៊ុនធំៗមួយចំនួនបានយកចិត្តទុកដាក់ជាមួយនឹងការផលិតឧបករណ៍ប្រើប្រាស់ទាំងនោះដោយភ្ជាប់ជាមួយនឹងបច្ចេកវិទ្យាវៃឆ្លាតដែលមានដូចជាទូរស័ព្ទដៃស្មាតហ្វូន(Smart Phone) ឬថេបប្លេត(Tablet) ។

ក្នុងនោះផងដែរក្រុមហ៊ុនយក្សLG ដែលគេស្គាល់យ៉ាងច្បាស់ថាជាក្រុមហ៊ុនបច្ចេកវិទ្យាផលិតឧបករណ៍ប្រើប្រាស់ម៉ាស៊ីនត្រជាក់ម៉ាស៊ីនបោកគក់ទូរទស្សន៍ទូរស័ព្ទ។ល។ ដែលទទួលបាននូវការពេញនិយមពីអតិថិជនពាសពេញពិភពលោកក៏បានភ្ជាប់នូវច្ចេកវិទ្យាSmart ThinQ ទៅនឹងឧបករណ៍ប្រើប្រាស់របស់ខ្លួនដើម្បីសម្រួលដល់ការប្រើប្រាស់ឧបករណ៍អេឡិចត្រូនិចរបស់LG អោយកាន់តែមានភាពងាយស្រួលនិងទាន់សម័យ។

មុខងារវៃឆ្លាតរបស់Smart ThinQ គឺជាមុខងារមួយប្រភេទដ៏អស្ចារ្យវាជួយសម្រួលដល់អ្នកប្រើប្រាស់ឧបករណ៍អេឡិចត្រូនិចនៅក្នុងគេហដ្ឋានដោយលោកអ្នកអាចធ្វើការបញ្ជារតាមរយៈស្មាតហ្វូន(Smart Phone) ឬក៏ថេបប្លេត(Tablet) ដោយគ្រាន់តែលោកអ្នកមានអ៊ីនធឺណិតឬក៏មានWi-Fi ដើម្បីភ្ជាប់តែប៉ុណ្ណោះ។Smart ThinQ មានមុខងារវៃឆ្លាតដោយផ្តល់សិទ្ធិឲ្យលោកអ្នកដែលជាអ្នកប្រើប្រាស់អាចបិទនិងបើកដំណើរឧបករណ៍ប្រើប្រាស់បានដូចជាម៉ាស៊ីនត្រជាក់ម៉ាស៊ីនបោកគក់និងទូរទស្សន៍បានគ្រប់ទីកន្លែង។

លើសពីនេះទៀតកម្មវិធីវៃឆ្លាតSmart ThinQ អាចជួយឲ្យលោកអ្នកដឹងពីការប្រើប្រាស់ថាមពលអគ្គីសនីជាលក្នខណៈប្រចាំថ្ងៃប្រចាំសប្តាហ៍និងប្រចាំខែទៀតផង។បូករួមជាមួយមុខងារSmart Diagnosis និងធ្វើអោយលោកអ្នកពិនិត្យដឹងនូវបញ្ហាបច្ចេកទេសដែលកើតមានឡើងនៅលើឧបករណ៍ភ្លាមដោយមិនចាំបាច់រង់ចាំជាងបច្ចេសមកពិនិត្យ

នោះឡើយ។“LG Smart ThinQ អនុញ្ញាតឲ្យលោកអ្នកមានសេរីភាពក្នុងការធ្វើឲ្យមានតុល្យភាពនៃការងារប្រចាំថ្ងៃជាច្រើនតាមរយៈការប្រើកម្មវិធីស្មាតហ្វូន(Smart Phone) ឬថេបប្លេត(Tablet) ធម្មតារបស់លោកអ្នក។” លោកអ្នកគ្រាន់ទាញយកកម្មវិធីLG SmartThinQ ដែលអាចរកបានសម្រាប់ប្រព័ន្ធប្រតិបត្តិការAndroid ឬiOS ពីស្មាតហ្វូន(Smart Phone) ឬថេបប្លេត(Tablet) របស់លោកអ្នក។

អំពីប្រវត្តិរបស់ក្រុមហ៊ុនក្នុងប្រទេសកម្ពុជា៖ ម៉ាកLG នាំចូលផ្តាច់មុខដោយក្រុមហ៊ុនGGear Co. , Ltd. ដែលគេបានស្គាល់ជាLG BrandShop ក្រុមហ៊ុនកំពុងផ្គត់ផ្គងនូវផលិតផលអេឡិចត្រូនិចដូចជាទូរទស្សន៍ទូទឹកកកម៉ាស៊ីនបោកគក់ទូរស័ព្ទចល័តនិងម៉ាស៊ីនបូមធូលីនៅក្នុងឆ្នាំ2019។ក្រុមហ៊ុនLG ទទួលបានជោគជ័យក្នុងការបើកសម្ពោធលក់8 សាខានៅក្នុងព្រះរាជាណាចក្រកម្ពុជា។ដែលសាខាទាំងនោះរួមមាន1). ខែធ្នូឆ្នាំ2012 បើកសម្ពោធសាខាLG Brandshop រាជធានីភ្នំពេញ។2). ខែមករាឆ្នាំ2013 បើកសម្ពោធLG BRANDSHOP សៀមរាប។3). ខែវិច្ឆិកាឆ្នាំ2013 បើកសម្ពោធLG BRANDSHOP ខេត្តបាត់ដំបង។4). ខែតុលាឆ្នាំ2014 បើកសម្ពោធLG BRANDSHOP ខេត្តកំពង់ចាម។5). ខែមីនាឆ្នាំ2015 បើកសម្ពោធLG BRANDSHOP ក្រុងព្រះសីហនុ។6). ខែវិច្ឆិកា2015បើកសម្ពោធLG BRANDSHOP Camko City និង7). ខែធ្នូឆ្នាំ2017 បើកសម្ពោធទូរ LG BRANDSHOP ស្ទឹងមានជ័យ។

អំពីប្រវត្តិរបស់ក្រុមហ៊ុនក្នុងប្រទេសកូរ៉េ៖ក្រុមហ៊ុនអេឡិចត្រូនិចដែលមានជាឈ្មោះជាផ្លូវការLG Electronics Inc. គឺជាក្រុមហ៊ុនរបស់កូរ៉េខាងត្បូងដែលមានទីតាំងនៅឯYeouido Dong ក្នុងទីក្រុងសេអ៊ូលដែលជាផ្នែកមួយនៃក្រុមហ៊ុនសាជីវកម្មLG និងមានបុគ្គលិកទាំងអស់ចំនួន82.000នាក់នឹងបានកំពុងធ្វើប្រត្តិបការណ៍119ប្រទេសទូទាំងពិភពលោក។សរុបជាជាមួយនឹងការលក់ទូទាំងពិភពលោកនៅក្នុងឆ្នាំ2014 ក្រុមហ៊ុនLG ទទួលបានចំណូលចំនួន55,91ពាន់លានដុល្លារ។ក្រុមហ៊ុនLG មាន4 អង្គភាពអាជីវកម្មដូចជា៖ក្រុមហ៊ុនលំនៅដ្ឋានសំម្រាប់កំសាន្តក្រុមហ៊ុនទូរគមនាគមន៍ចល័តក្រុមហ៊ុនគ្រឿងអលង្ការក្រុមហ៊ុនដំណោះស្រាយផ្លូវអាកាសនិងក្រុមហ៊ុនគ្រឿងបន្លាស់រថយន្តដែលសហការណ៍ជាមួយនឹងStarion India ហើយទីកន្លែងចម្បងសម្រាប់ផលិតម៉ាស៊ីនត្រជាក់និងម៉ាស៊ីនបោកគឺនៅទ្វីបឥណ្ឌា។អគ្គនាយកប្រតិបត្តិរបស់ក្រុមហ៊ុនអេឡិចត្រូនិចLG គឺKoo Bon Joon ដែលបានកាន់កាប់តំណែងជាអនុប្រធានក្រុមហ៊ុនLG Electronics នៅថ្ងៃទី1 ខែតុលាឆ្នាំ2010 ។ចាប់តាំងពីឆ្នាំ2008 មកក្រុមហ៊ុនLG នៅតែជាអ្នកផលិតទូរទស្សន៍ដ៏ធំទី2 នៅលើពិភពលោក។

April 12, 2019

ការប្រគំតន្រ្តីរាត្រីវគ្គផ្តាច់ព្រ័ត្រស្រាបៀរអាន់ឆ័រចូលរួមទស្សនាយ៉ាងភ្លូកទឹកភ្លូកដីនៅក្រុងបាត់ដំបង

បាត់ដំបង៖ការប្រគំតន្រ្តីយក្សនៃការប្រកួតកីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទី២ បានកក្រើកទីនេះ ដោយសារតែមានការចូលរួមទស្សនាយ៉ាងភ្លូកទឹកភ្លូកដីពីបងប្អូនប្រជាពលរដ្ឋខេត្តបាត់ដំបងក្រោយពីពិធីប្រកាសក្រុមជើងឯកនៃការប្រកួតផ្នែកនារីតែម្តង។

ប្រជាពលរដ្ឋយ៉ាងច្រើនកុះករដែលមកពីស្រុកផ្សេងៗនៅក្នុងខេត្តបាត់ដំបងបាននាំគ្នាមកចូលរួមកម្មវិធីពិសេសរបស់ស្រាបៀរអាន់ឆ័រជាលក្ខណៈគ្រួសារ និងមិត្តភ័ក្តិនៅផ្តុំគ្នារង់ចាំទស្សនាកម្មវិធីនេះ ដោយអ្នកខ្លះទទួលទានស្រាបៀរអាន់ឆ័រដែលបានទិញពីស្តង់ស្រាបៀរអាន់ឆ័រដែលលក់ក្នុងតម្លៃ ប្រូម៉ូសិនពិសេស រីឯអ្នកខ្លះទៀតជជែកគ្នាលេងយ៉ាងសប្បាយរីករាយ។

កម្មវិធីពិសេសនេះបានចាប់ផ្តើមចាប់ពីម៉ោង ៨ យប់តទៅដោយមានការផ្សាយបន្តផ្ទាល់ទំព័រហ្វេសប៊ុករបស់ស្រាបៀរអាន់ឆ័រ។ ការប្រគំតន្ត្រីនេះមានការចូលរួមសម្តែងដោយតារាចម្រៀងល្បីៗក្នុងព្រះរាជាណាចក្រកម្ពុជា ព្រមទាំងតារាចំរៀងកំពុងនិយមជាច្រើនរូបទៀតដូចជាលោក ឆន សុវណ្ណរាជ អ្នក នាងពេជ្រ សោភា កញ្ញា វី ឌីណែត កញ្ញាទេព បូព្រឹក្ស លោក នីកូ អ្នកនាង សុគន្ធ នីសា អ្នកនាង សុខស្រីនាង លោក ហ្សូណូ កញ្ញា សួស វីសា លោក នី រតនា លោកស្តេប ជីដេតូតូ (DJ Toto) និងតារាជាច្រើនរូបទៀត។

តារាជាច្រើនរូបទៀតដែលបានច្រៀងបទមនោសញ្ចេតនាផង និងបទញ៉ាក់ជាច្រើនបទ ដែលបានធ្វើឲ្យអ្នកចូលរួម មានអារម្មណ៍សប្បាយរីករាយក្រៃលែង ជាពិសេសរាំកម្សាន្ត ច្រៀងតាម និងស្រែកហ៊ោគ្រប់គ្នា ពេញមុខឆាកតន្រ្តី យ៉ាងកក្រើកខេត្តសៀមរាប នាត្រីកាលនោះ។

កម្មវិធីប្រគំតន្រ្តីនឹងបន្តប្រារព្ធធ្វើឡើងនៅមួយខេត្តទៀតក្នុងឱកាសបុណ្យចូលឆ្នាំខ្មែរ៖ ខេត្តកំពង់ចាម នៅថ្ងៃទី ១៤ ដល់ថ្ងៃទី ១៦ ខែមេសា។ ចំពោះព័ត៌មានលម្អិតអំពីព្រឹត្តិការណ៍កីឡាបាល់ទះឆ្នេរខ្សាច់អន្តរជាតិនេះសូមចូលមើលទំព័រហេ្វសបុករបស់ស្រាបៀរអាន់ឆ័រ៖ https://www.facebook.com/AnchorBeerKH/ ។
ពិសាដោយការទទួលខុសត្រូវ៕

April 12, 2019

ធនាគារ ប្រេដ ប៊ែង ខេមបូឌា បើកដំណើរការសាខាថ្មីរបស់ខ្លួនមួយទៀត នៅខេត្តបាត់ដំបង

ធនាគារ ប្រេដ ប៊ែង ខេមបូឌា មានមោទនភាពជម្រាបជូនថា ធនាគារ ប្រេដ ប៊ែង ខេមបូឌា បានបើកសម្ពោធសាខាបាត់ដំបងរបស់ខ្លួន ដែលជាសាខាទី5 របស់ធនាគារ បន្ទាប់ពីបើកដំណើរការការិយាល័យកណ្តាលរបស់ខ្លួនកាលពីខែមីនា ឆ្នាំ2017 បើកសាខាទួលគោក នៅខែសីហា ឆ្នាំ2018 បើកសាខាខេត្តសៀមរាបនៅខែតុលា ឆ្នាំ2018 និងសាខាម៉ៅសេទុង នៅខែមករា ឆ្នាំ2019។

ពិធីបើកសម្ពោធជាផ្លូវការ ធនាគារ ប្រេដ ប៊ែង ខេមបូឌា សាខាបាត់ដំបងបានប្រព្រឹត្តធ្វើ ឡើងកាលពីថ្ងៃពុធ ទី10 ខែមេសា ឆ្នាំ2019 ចាប់ពីម៉ោង8:30 ក្រោមវត្តមានដ៏ខ្ពង់ខ្ពស់របស់ឯកឧត្តម សឿម ប៊ុនរិទ្ធិ អភិបាលរងនៃគណៈអភិបាលខេត្តបាត់ដំបង ឯកឧត្តម រ័ត្ន សុវណ្ណនរៈ អគ្គនាយកត្រួតពិនិត្យនៃធនាគារជាតិនៃកម្ពុជា និងលោក Guillaume Perdon អគ្គនាយកនៃធនាគារ ប្រេដ ប៊ែង ខេមបូឌា នៅអាសយដ្ឋាន ផ្ទះលេខ36 និង37 ផ្លូវលេខ1 ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

លោកស្រី មាស គន្ធា នាយិកាគ្រប់គ្រងបណ្ដាញសាខានៃធនាគារ ប្រេដ ប៊ែង ខេមបូឌា បានធ្វើកំណត់សម្គាល់ថា៖ ”ការបើកទីតាំងជាច្រើននៅរាជធានីភ្នំពេញក៏ដូចជានៅតាមបណ្តាខេត្តសំខាន់ៗ ផ្តល់ឱកាសឱ្យយើងក្នុងការពង្រីកវិសាលភាពនៅក្នុងប្រទេស និងពង្រីកសេវាកម្មសម្រាប់អតិថិជនរបស់យើងនាពេលបច្ចុប្បន្ន និងអនាគត។ ការបើកបណ្តាញនេះគឺជាចំណែកដ៏សំខាន់ ក្នុងការផ្តល់សេវាកម្មធនាគារដ៏ពេញលេញមួយ។ បន្ថែមពីលើកម្មវិធីធនាគារចល័ត (Mobile App) និងប្រព័ន្ធផ្តល់សេវាធនាគារតាមអ៊ីនធើណិត ទីតាំងថ្មីៗរបស់យើងជួយយើងក្នុងការនាំយកសេវាកម្មធនាគារកាន់តែកៀកទៅនឹងអតិថិជនរបស់យើង។ អាទិភាពរបស់យើង គឺបំពេញតម្រូវការផ្នែកធនាគារ និងការផ្តល់ប្រាក់កម្ចីតាមរយៈបណ្ដាញដែលមានទាំងអស់”។

លោក Olivier Klein នាយកប្រតិបត្តិក្រុមធនាគារ ប្រេដ គ្រុប បានមានប្រសាសន៍ថា៖ “ក្រុមធនាគារ ប្រេដ គ្រុប (BRED Group) បានដាក់យុទ្ធសាស្រ្ត ”ធនាគារគ្មានរយៈចម្ងាយ” ចាប់តាំងពីឆ្នាំ2016 តាមរយៈការដាក់ឱ្យប្រើប្រាស់នូវ ”ធនាគារមួយដែលនៅជិតអតិថិជនរបស់ខ្លួន ទាំងទីតាំងភូមិសាស្ដ្រ ក៏ដូចជាទំនាក់ទំនង ធ្វើយ៉ាងណាឱ្យទទួលបាននូវអ្វីដែលល្អបំផុតតាមដែលការខិតជិតផ្នែកឌីជីថល និងបណ្តាសាខាអាចផ្តល់ទៅបាន”។

លោក Guillaume Perdon អគ្គនាយកនៃធនាគារ ប្រេដ ប៊ែង ខេមបូឌា ក៏បានលើកឡើងដែរថា៖ “គោលបំណងរបស់យើងគឺការបំបាត់នូវគម្លាត និងផ្តល់ជូនប្រជាជនកម្ពុជានូវដៃគូទំនាក់ទំនងដែលអាចទុកចិត្តបាន និងដែលអាចពិភាក្សាដោយសេរីជាមួយបានពីគម្រោង និងមហិច្ឆតារបស់ពួកគាត់។ អ្វីដែលសំខាន់សម្រាប់យើង គឺធ្វើយ៉ាងណាដើម្បីឱ្យយើងអាចបម្រើលោកអ្នក និងជួយលោកអ្នកឱ្យរីកចម្រើនបាន។ ចាប់ផ្តើមជាមួយ ប្រេដ រីកចម្រើនជាមួយ ប្រេដ”។

ធនាគារ ប្រេដ ប៊ែង ខេមបូឌា គ្រោងនឹងបើកបណ្តាញសាខាថ្មីៗជាច្រើនទៀតនៅរាជធានីភ្នំពេញ និងនៅតាមបណ្តាខេត្តនានា នាពេលឆាប់ៗខាងមុខនេះ ដូចជានៅចោមចៅ នៅខែមិថុនា នៅម្តុំផ្សារអូឡាំពិក នៅខែកញ្ញា និងនៅផ្លូវ271 ក្រុងភ្នំពេញ ឬនៅក្រុងព្រះសីហនុ នៅចុងឆ្នាំ2019។

ទិសដៅរបស់ធនាគារ ប្រេដ ប៊ែង ខេមបូឌា គឺបើកសាខាចំនួន20 និងដាក់ឱ្យដំណើរការទូអេធីអឹមចំនួន100 នៅចុងឆ្នាំ2020 ខាងមុខនេះ៕

Website: https://www.bredcambodia.com

April 12, 2019

កម្មករសំណង់ម្នាក់ទៀតហើយ នៅខេត្តព្រះសីហនុ ឈ្នះរង្វាន់ ១០០លានរៀល ពីភេសជ្ជៈប៉ូវកម្លាំង ខារ៉ាបាវ

ទឹកប្រាក់ ១០០លានរៀល របស់ភេសជ្ជៈប៉ូវកម្លាំង ខារ៉ាបាវ បានបន្តធ្លាក់ទៅដល់ដៃបុរសម្នាក់ដែលមានឈ្មោះ យិន តុល អាយុ ២៤ឆ្នាំ បច្ចុប្បន្នមានមុខរបរជាកម្មករសំណង់ ស្នាក់នៅផ្ទះជាមួយម្ដាយមីង ដែលស្ថិតក្នុងទីធ្លាវត្តប្រសិទ្ធី ភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ។

នៅចំពោះមុខក្រុមការងារ ជាអ្នកតំណាងក្រុមហ៊ុនចុះទៅប្រគល់ទឹកប្រាក់ចំនួន ១០០លានរៀល ដល់កន្លែងស្នាក់នៅផ្ទាល់ដែលស្ថិតនៅទីតាំងភូមិសាស្ត្រខាងលើនេះ លោក យិន តុល បានប្រាប់ឱ្យដឹងថា សព្វថ្ងៃនេះបើនិយាយពីកម្រិតជីវភាពគ្រួសារគឺមានភាពលំបាកខ្លាំង រហូតចាកចេញពីស្រុកកំណើតដែលស្ថិតនៅស្រុកឈូក ខេត្តកំពត មកស្នាក់នៅជាមួយម្ដាយមីង ធ្វើការជាជាងសំណង់ ដើម្បីបានចំណូលផ្គត់ផ្គង់ការចំណាយប្រចាំថ្ងៃជាមួយគ្រួសារ ដែលសូម្បីតែផ្ទះស្នាក់នៅផ្ទាល់ខ្លួនក៏មិនទាន់មានផង។

លោកបានបន្តឱ្យដឹងទៀតថា៖ ដោយឡែកសម្រាប់ការឈ្នះរង្វាន់ធំពីក្រុមហ៊ុនភេសជ្ជៈប៉ូវកម្លាំង ខារ៉ាបាវ នាពេលនេះក៏ជារឿងចៃដន្យបំផុត ព្រោះតាំងពីដើមរៀងមក លោកតែងនិយាយលេងជាមួយគ្រួសារថា ថ្ងៃណាមួយលោកនឹងមានសំណាងបានឈ្នះរង្វាន់ ១០០លានពី ខារ៉ាបាវ ដូចគេមុនៗជាមិនខាន ប៉ុន្តែពេលនេះការគិត និងការនិយាយលេងនោះបានក្លាយជាការពិតហើយ។ លោកថា៖ កាលពីសប្ដាហ៍កន្លងទៅនេះ បន្ទាប់ពីសម្រាក់ពីការងារ ហើយអស់កម្លាំង លោកបានទិញភេសជ្ជ ខារ៉ាបាវ ពីអ្នកលក់ដែលស្ថិតនៅមុខវត្ត ក្បែរកន្លែងធ្វើការ និងក្បែរផ្ទះស្នាក់នៅផងដែរនោះ ចំនួនមួយកំប៉ុង ដើម្បីទទួលទាន។ លុះស្រាប់តែពេលគាស់ក្រវិលកំប៉ុងភ្លាមក៏ឃើញមានរង្វាន់១០០លានរៀលនៅនឹងក្រវិលកំប៉ុងតែម្ដង។ ភ្លាមនោះ លោកក៏បានស្រែកប្រាប់អ្នកលក់ និងមនុស្សនៅជិតគ្នាឱ្យជួយមើល ហើយក៏ទូរស័ព្ទជូនដំណឹងដល់ក្រុមហ៊ុនតាមរយៈលេខដែលមាននៅនឹងក្រវិលកំប៉ុងស្រាប់។ ក្រោយពីទទួលបានប្រាក់រង្វាន់ធំ ១០០លានរៀលនេះ លោកនឹងយកមួយចំនួនទិញដីសង់ផ្ទះ ហើយទុកមួយចំនួនទៀតសម្រាប់បង្កើតមុខរបរទ្រទ្រង់ជីវភាពគ្រួសារទៅថ្ងៃអនាគត។

សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធរហូតដល់ ១០០លានរៀល ចំនួន៦០ រង្វាន់ , ម៉ូតូ HONDA Dream ចំនួន៦០ រង្វាន់ , ទូរស័ព្ទដៃ iPhone ចំនួន៦០ រង្វាន់ រួមជាមួយការផ្តល់ជូនរង្វាន់1កប៉ុង រាប់លានកំប៉ុង ដោយគ្មានការកំណត់នោះទេ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ៕

April 11, 2019

ទិញម៉ូតូ ឬកង់បី បានសំាង ជាមួយសេវាបង់រំលស់ អេ អឹម ខេ

ភ្នំពេញ៖ ថ្មីៗនេះ គ្រឹះស្ថានមីក្រូហិរញ្ញវត្ថុ អេ អឹម ខេ បានដាក់ឱ្យប្រើប្រាស់សេវាបង់រំលស់ម៉ូតូ ឬកង់បីរបស់ខ្លួនជាផ្លូវការ ជាមួយនឹងការផ្តល់ជូនពិសេសដល់អតិថិជនគឺ ទទួលបានសាំង១៥លីត្រភ្លាមៗរាល់ការបង់រំលស់នៅដៃគូលក់ម៉ូតូ ឬកង់បី អេ អឹម ខេ។ ការផ្តល់ជូនពិសេសនេះ គឺសម្រាប់តែអតិថិជន ៣០០នាក់ ដំបូងប៉ុណ្ណោះ។

អេ អឹម ខេ ទទួលបានវិញ្ញាបនបត្រភតិសន្យាពីធនាគារជាតិនៅខែ តុលា ឆ្នាំ២០១៨។ សេវាបង់រំលស់ អេ អឹម ខេ ត្រូវបានដាក់ឱ្យដំណើរការសាកល្បងតំាងពីដើម ខែមីនា ឆ្នាំ២០១៩ ដោយមានការគាំទ្រច្រើនពីអតិថិជន ព្រោះ អេ អឹម ខេ ផ្តល់ភាពងាយស្រួល សេវាកម្មរហ័សទាន់ចិត្ត ផ្តល់លក្ខខណ្ឌងាយៗ ជាពិសេសមិនត្រូវការអ្នកធានា និងទ្រព្យបញ្ចាំ និងអត្រាការប្រាក់មានតម្លាភាព។ ដោយមើលឃើញពីការគាំទ្រច្រើនរបស់អតិថិជន ទើប អេ អឹម ខេ ដាក់ឱ្យប្រើប្រាស់សេវាបង់រំលស់នេះជាផ្លូវការចាប់ពីខែ មេសា ឆ្នាំ២០១៩ នេះទៅ។

លោក សួន ពិសី ប្រធាននាយកប្រតិបត្តិអាជីវកម្ម គ្រឹះស្ថានមីក្រូហិរញ្ញវត្ថុ អេ អឹម ខេ បានឱ្យដឹងថា “តាមរយៈការដាក់ឱ្យដំណើរការសាកល្បងសេវាបង់រំលស់ អេ អឹម ខេ យើងឃើញថា មានការគាំទ្រច្រើនពីសំណាក់អតិថិជនរបស់យើង ដោយសារតែ អេ អឹម ខេ ផ្តោតសំខាន់ទៅលើសេវាកម្មរហ័សទាន់ចិត្ត លក្ខខណ្ឌងាយៗ។” លោក សួន ពិសី បានបន្ថែមដែរថា “យើងផ្តល់សេវាបង់រំលស់សម្រាប់ការទិញម៉ូតូ ឬកង់បី គឺផ្តោតសំខាន់ចំពោះអតិថិជនដែលមានបំណងយកសម្ភារទំាងនេះទៅបង្កើតប្រាក់ចំណូលក្នុងគ្រួសារ ដូចជាការរត់ម៉ូតូឌុប ឬកង់បី ឬប្រើប្រាស់នៅក្នុងអាជីវកម្មផ្សេងៗទៀត ដែលអាចបង្កើនប្រាក់ចំណូលបាន។ ដូច្នេះ បានយើងព្យាយាមបង្កើតនូវលក្ខខណ្ឌងាយៗ និងកំណត់អត្រាការប្រាក់សមរម្យនិងមានតម្លាភាព គឺដើម្បីឱ្យអថិជនមានលទ្ធភាពគ្រប់គ្រាន់ក្នុងការសាកល្បងសេវាបង់រំលស់យើង ក៏ដូចជាជួយជ្រោមជ្រែងផែនការបង្កើនប្រាក់ចំណូលពួកគេផងដែរ។”

ដើម្បីសម្រួលដល់អតិថិជនក្នុងការប្រើប្រាស់សេវាបង់រំលស់ អេ អឹម ខេ ក៏មានដៃគូពាណិជ្ជកម្មជាច្រើនកន្លែងដែលអាចឱ្យអតិថិជនជ្រើសរើសម៉ូតូ ឬកង់បី ដែលខ្លួនពេញចិត្តបាន ជាមួយេសវាបង់រំលស់ រហូតដល់ទឹកប្រាក់ចំនួន ៥.០០០ដុល្លារ និងរយៈពេលបង់រំលស់រហូតដល់៣ឆ្នាំ ។

គួររម្លឹកផងដែរថា អេ អឹម ខេ គឺជាគ្រឹះស្ថានមីក្រូហិរញ្ញវត្ថុដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ គិតត្រឹមខែកុម្ភៈ ឆ្នាំ២០១៩ អេ អឹម ខេ មានអតិថិជនសរុបចំនួនជាង ៧០ ម៉ឺននាក់ ជាមួយនឹងផលប័ត្រប្រាក់កម្ចីជិត ២៦០ លានដុល្លារអាមេរិក និងប្រាក់បញ្ញើជាង ១៦៥ លានដុល្លារអាមេរិក មានការិយាល័យប្រតិបត្តិការចំនួន ១៤៩កន្លែង និងមានភ្នាក់ងារជិត ៤.០០០ កន្លែងនៅទូទាំងប្រទេស។ អេ អឹម ខេ មានផលិតផល និងសេវាកម្មជាច្រើនកំពុងផ្តល់ជូនអតិថិជនដូចជា៖ សេវាប្រាក់កម្ចី ប្រាក់សន្សំ សេវាផ្ទេរប្រាក់ក្នុង និងក្រៅប្រទេស សេវាទូទាត់វិក្កយបត្រ ធានារ៉ាប់រងខ្នាតតូច ធនាគារចល័ត សេវាបើកប្រាក់បៀវត្សរ៍ ម៉ាស៊ីនដក និងដាក់ប្រាក់ដោយស្វ័យប្រវត្តិ (ATMs/CDMs)។

សម្រាប់ព័ត៌មានបន្ថែម៖

លោកស្រី ស៊ូសាណា សូរិនច័ន្ទ នាយិកាប្រតិបត្តិទីផ្សារ និងទំនាក់ទំនង

អាសយដ្ឋាន៖ អគារ ២៨៥ មហាវិថី យោធពលខេមរៈភូមិន្ទ (២៧១) សង្កាត់ទំនប់ទឹក ខណ្ឌចំការមន រាជធានីភ្នំពេញ

ប្រអប់សំបុត្រលេខ ៤៨០

ទូរស័ព្ទលេខ៖ ០២៣ ៩៩៣ ០៦២/២២៤ ៧៦៣

សារអេឡិចត្រូនិក៖ [email protected]