PR - La Reine Media

ព្រឹត្តិការណ៍បង្ហាញម៉ូដរបស់ PEDRO ឆ្នាំ2019

នៅថ្ងៃទី3 ខែសីហា ឆ្នាំ2019 PEDRO បានធ្វើការដាក់តាំងកាបូប ស្បែកជើងដែលជា ម៉ូដផ្តាច់មុខនៃរដូវកាលថ្មីប្រចាំឆ្នាំ2019ក្នុងប្រទេសកម្ពុជា។ ភ្ញៀវកិត្តយសទាំងអស់រីករាយនឹងការទស្សនារចនាបទបន្ទប់សិល្បះចំនួន3ផ្សេងៗគ្នា និងការដើរបង្ហាញម៉ូដយ៉ាងពិសេសជាមួយនឹងខូលិកសិនថ្មីនៃរដូវកាលសិសិរដូវឆ្នាំ2019នេះ។ លើសពីនេះទៅទៀត វត្តមានតារាចំរៀងស្រីដ៏ល្បីកញ្ញា Laura Mam បានញឹងអោយកម្មវិធីរីតតែមានភាពសប្បាយរីករាយ និងមានភាពទាក់ទាញនៅក្នុងកំទ្បុងពេលដើរបង្ហាញម៉ូដ។

ក្រោយពីការដើរបង្ហាញម៉ូដបានបញ្ចប់ ភ្ញៀវកិត្តយសទាំងអស់ត្រូវបានបំរើជូននៅភេសជ្ជៈ អាហារសម្រន់ និងទស្សនិយភាពយ៉ាងប្លែកភ្នែកពីការសម្តែងសិល្បះក្រទ្បុកស្រាពីអ្នកជំនាញ ក៏ដូចជាបានរីករាយជាមួយនិងការ Mixភ្លេងរបស់ឌីជេ កញ្ញា Patrica K និងការគូររូបពីសិល្បះករផងដែរ។

ក្នុងនោះដែរក៏មានវត្តមានតារាមួយចំនួនដូចជា Yubin Shin, Kong Chansreymom, Je Leng, Virak Nich, Pich Solikah, Vaihang Ha, Poahong Hay, Daa Dao, Yaro Vy, Seyha Kem, Fiyata, Vanda, Phin Sodalis, Vannak Bormey, Jessica Ka និងពិធីករលោក Jimmy Cham Nou។

ខូលិកសិនផ្តាច់មុខ

ខូលិកសិនពិសេសដែលបង្កើតឡើងដោយការបំផុសគំនិតនៃភាពទាន់សម័យ និងរចនាបថរួមជាមួយនឹងពណ៌អត្តសញ្ញាណជាតិខ្មែរដែលមានពណ៌ស ក្រហម និងខៀវត្រូវបានបង្កើតឡើងសំរាប់បុរស និងនារី។ ដោយផ្អែកលើការរចនាម៉ូដនៃស៊េរី Alturas គ្រប់ស៊េរីទាំងអស់ត្រូវបានរចនាទ្បើងដោយមានលេខរាងនៅលើស្បែកជើងដោយធានាជូនអតិថិជននឹងក្លាយជាលេខរាងតែមួយគត់ដែលបានជ្រើសរើស។ ដើម្បីបំពេញបន្ថែមនៅម៉ូដស្បែកជើងប៉ាតាដ៏ពិសេសនេះ កាបូបក៏ត្រូវបានបង្កើតទ្បើងយ៉ាងឥតខ្ចោះសាកសមសំរាប់បុរស និងនារី។

PEDRO
PEDRO គឺជាម៉ាកអន្តរជាតិដែលមានខូទ្បិចសិនសំរាប់បុរស និងនារី។ សំរាប់ខូទ្បិចសិនបុរស មានដូចជាកាបូប ស្បែកជើង កាបូបដាក់លុយ និងខ្សែក្រវ៉ាត់ រីឯខូលិកសិនសំរាប់នារី មានកាបូប ស្បែកជើង និងកាបូបដៃ ដែលម៉ូដទាំងអស់នាំមកនូវភាពឆើតឆាយជាមួយនឹងទំនុកចិត្តជូនទៅដល់សុភាពនារីទាំងអស់។ PEDRO បានប្រតិបត្តការណ៏ ៦សាខានៅក្នុងប្រទេសកម្ពុជា ដែលសរុប៨៣សាខានៅក្នុងអាស៊ីប៉ាស៊ីហ្វិច មជ្ឈិមបូព៌ា និងសាធារណរដ្ឋប្រជាមានិតចិន។

August 7, 2019

ចូលរួមទស្សនាពិព័រណ៍គំនូរស្នាដៃវិចិត្រករ ឈើន ចាន់នី ដោយសេរីក្នុងសណ្ឋាគារសូហ្វីតែលភ្នំពេញភូគីត្រា

នៅថ្ងៃទី៦ ខែសីហា ឆ្នាំ២០១៩ សណ្ឋាគារសូហ្វីតែលភ្នំពេញភូគីត្រានឹងបើកសម្ពោធការតាំងពិព័រណ៍ថ្មីមួយដោយវិចិត្រករកម្ពុជា លោក ឈើន ចាន់នី (Channy Chhoeun) ដែលមានរយៈពេល ៣ខែ ក្នុងការចូលទស្សនាដោយសេរីទាំងភ្ញៀវជាតិ និងអន្ដរជាតិក្នុងវិចិត្រសាលសិល្បៈ។

ស្នាដៃរបស់លោកថ្មីនេះ ក្រោមចំណងជើងថា “Out of Control” ដែលធ្វើឡើងក្នុងគោលបំណងដើម្បីឆ្លុះបញ្ចាំងពីបញ្ហាប្រឈមមួយចំនួនដែលជាហានិភ័យ ដល់ ជីវិតសត្វស្លាប និង បញ្ហាក្នុងសង្គមកម្ពុជាសព្វថ្ងៃ ដែលបញ្ហារទាំងនោះ មិនអាចគ្រប់គ្រងបាននៅឡើយ ដូចជាការសេពគ្រឿងស្រវឹង និងផ្សែងបារី សម្រាប់យុវជនដែលមិនទាន់ពេញវ័យ។ វិចិត្រកររំពឹងទុកថានេះជាឱកាសដែលអាចអប់រំមនុស្សឱ្យយល់ដឹងពីបញ្ហាទាំងនេះតាមរយៈផ្ទាំងគំនូររបស់លោក។

វិចិត្រករឆ្នើម ឈើន ចាន់នី បានប្រាប់អ្នកសារព័ត៌មានឡារ៉ែនថា លោកមានសេចក្តីត្រេកអរដែលនាថ្ងៃបើកសម្ភោធការដាក់តាំងនេះ មានការចូលរួមយ៉ាងច្រើន ជាពិសេសលោកក៏បានអរគុណដល់សណ្ឋាគារសូហ្វីតែលភ្នំពេញភូគីត្រាដែលបានសហការផ្តល់ជាទីតាំងក្នុងការរៀបចំដាក់តាំងបង្ហាញស្នាដៃដ៏ល្អៗរបស់លោកសម្រាប់បងប្អូនប្រជាជនកម្ពុជា និងបរទេសបានទស្សនាផងដែរ។ លោកបន្ដថា ស្នាដៃគំនូររបស់លោកទាំងអស់មានចំនួន ១៤ ផ្ទាំងបានដាក់តាំងនេះគឺ សុទ្ធតែបានបង្កប់ន័យអប់រំពីបញ្ហាសង្គមនានាដូចជាបញ្ហាញៀនស្រា ញៀនបារី និងបញ្ហាបរិស្ថានដែលកំពុងតែប្រឈមដូចជាពូជសត្វទាំងឡាយក្នុងប្រទេសកម្ពុជាកាន់តែបាត់បង់ពូជស្ទើរអស់ ហើយសព្វថ្ងៃនេះក្មេងៗជំនាន់ក្រោយភាគច្រើនក៏លែងស្គាល់ប្រភេទសត្វទាំងនោះទៀតផង។ លោកថា កាលពីកុមារភាពលោកបានឆ្លងកាត់ជីវិតរស់នៅក្នុងព្រៃព្រឹក្សា ដូច្នោះហើយ មានសត្វស្លាបក្នុងព្រៃមួយចំនួនត្រូវមិនស្គាល់ និងស្ទើតែបាត់បង់។ លោកថា អ៊ីចឹងហើយបានជាស្នាដៃគំនូរលោក គូរពណ៌នាពីសត្វនោះ និងបានរៀបរាប់ពីឈ្មោះសត្វទៀតដោយសារតែចង់ណែនាំឱ្យអ្នកទស្សនា ឬក្មេងជំនាន់ក្រោយអាចស្គាល់ឈ្មោះពពួកសត្វទាំងឡាយនោះឡើងវិញ។ មិនតែប៉ុណ្ណោះគំនូររបស់វិចិត្រកររូបនេះ ក៏បានបង្ហាញអំពីអក្សរសិលាចារឹក និងយ័នខ្មែរផងដែរ។

សូមជម្រាបបញ្ជាក់ថា ក្រៅពីការដាក់ឱ្យទស្សនាផ្ទាំងគំនូរដោយឥតគិតថ្លៃហើយនោះ គំនូររស់រវើកទាំងអស់នោះ ក៏មានដាក់លក់ក្នុងចន្លោះតម្លៃ ១៦០០ ដុល្លារ ទៅតម្លៃខ្ពស់ថ្លៃបំផុត ៧៥០០ ដុល្លារ ទៅតាមទំហំខ្នាតរបស់គំនូរ។ ក្រៅពីដាក់តាំងបង្ហាញស្នាដៃនៅក្នុងស្រុកហើយនោះ វិចិត្ររូបនេះ ក៏ធ្លាប់មានតាំងបង្ហាញស្នាដៃខ្លួននៅលើឆាកអន្ដរជាតិដូចគ្នា ជាពិសេសកន្លងទៅបានធ្វើនៅទីក្រុងប៉ារីស។ តែនេះជាលើកដំបូងហើយ ដែលសណ្ឋាគារសូហ្វីតែលភ្នំពេញភូគីត្រាបានផ្ដល់ទីតាំងឱ្យវិចិត្រករ ឈើន ចាន់នី តាំងបង្ហាញស្នាដៃខ្លួនជាលក្ខណៈទោល។

គួរបញ្ជាក់បន្ថែមថា លោក ចាន់នី កើតនៅឆ្នាំ 1988 និង មានស្រុកកំណើតនៅខេត្តបាត់ដំបង ព្រះរាជាណាចក្រកម្ពុជា។ ដោយមានទេពកោសល្យសិល្បៈ និង ចំណាប់អារម្មណ៍យ៉ាងខ្លំាងទៅលើសត្វបក្សី ឪពុករបស់លោកបានបញ្ជូនលោកទៅ សិក្សានៅសាលាហ្វារពន្លឺសិល្បៈ ដែលបានផ្តល់ការបណ្តុះបណ្តាលដល់លោក ដោយឥតគិតថ្លៃ។ បន្ទាប់មកនៅខែវិច្ឆិកាឆ្នាំ២០១៦ លោកបានរៀបចំការតាំងពិពណ៌ទោលជាលើកដំបូងនៅខេត្តសៀមរាបដែលជាការតាំងពិព័រណ៍ដ៏ជោគជ័យមួយរបស់លោកដោយផ្ទាំងគំនូរស្ទើរតែទាំងអស់ត្រូវបានលក់ចេញជាហូរហែ៕

August 6, 2019

កាន់តែងាយស្រួល និងមានទំនុកចិត្តជាមួយនឹងបណ្ដាញ ការិយាល័យទូទាំងប្រទេស និងបច្ចេកវិទ្យាទំនើបរបស់ប្រាសាក់

ប្រាសាក់ដែលជាគ្រឹះស្ថានហិរញ្ញវត្ថុធំជាងគេនៅកម្ពុជា ត្រូវបានគេកត់សម្គាល់ឃើញថា កំពុងមានសម្ទុះខ្លាំងក្នុងទីផ្សារ ស្របពេលដែលស្ថាប័នហិរញ្ញវត្ថុប្រកបដោយសក្តានុពលមួយនេះ កំពុងពង្រីកបណ្តាញការិយាល័យរបស់ខ្លួនជាច្រើនសាខាលើផ្ទៃប្រទេស។

រហូតមកដល់បច្ចុប្បន្ននេះ ប្រាសាក់បានក្លាយជាគ្រឹះស្ថានហិរញ្ញវត្ថុដែលមានសាខាច្រើនជាងគេនៅកម្ពុជា និងផ្តល់ភាពងាយស្រួលជូនអតិថិជនក្នុងការទទួលបានសេវាហិរញ្ញវត្ថុដែលផ្តល់នូវភាពរីកចម្រើន។

ក្រៅពីការផ្តល់ការបម្រើសេវានៅតាមសាខា ប្រាសាក់បានដាក់ឱ្យប្រើប្រាស់សេវាធនាគារចល័ត ដែលអនុញ្ញាតឱ្យអតិថិជនអាចធ្វើប្រតិបត្តិការធនាគារដោយខ្លួនឯងតាមទូរស័ព្ទដៃ និងកុំព្យូទ័របានយ៉ាងងាយស្រួលគ្រប់ពេលវេលា និងទីកន្លែង។ ជាងនេះទៅទៀត អតិថិជនក៏អាចដកប្រាក់ និងចាត់ចែងសាច់ប្រាក់ជាមួយនឹងម៉ាស៊ីនអេធីអឹមប្រាសាក់បាន 24 ម៉ោងក្នុង 1 ថ្ងៃ 7 ថ្ងៃក្នុង 1 សប្តាហ៍ផងដែរ។

លោក សាយ សូនី នាយកប្រតិបត្តិរបស់ប្រាសាក់ បានលើកឡើងថា ការផ្តល់ជម្រើសក្នុងការបម្រើសេវាច្រើនបែបនេះ និងការធ្វើទំនើបកម្មបច្ចេកវិទ្យាឌីជីថលរបស់ប្រាសាក់គឺឆ្លើយតបតាមតម្រូវការអតិថិជន និងទៅឱ្យកាន់តែជិតអតិថិជនថែមទៀត។ ហើយនេះគឺជាការបង្ហាញពីការប្តេជ្ញាចិត្តខ្ពស់ និងកិច្ចខិតខំប្រឹងប្រែងរបស់ប្រាសាក់ ក្នុងការបម្រើសេវាកម្មជូនអតិថិជនទាំងអស់ឱ្យកាន់តែប្រសើរឡើង និងកាន់តែងាយស្រួលឡើង ទាំងការផ្តល់កម្ចី ផ្តល់សេវាប្រាក់បញ្ញើសន្សំ ចាត់ចែងសាច់ប្រាក់ ផ្ទេរប្រាក់ និងទូទាត់ផ្សេងៗ។

លោកសូនីក៏បានថ្លែងអំណរគុណដល់អតិថិជនទាំងអស់ដែលតែងតែគាំទ្រនិងប្រើប្រាស់សេវាហិរញ្ញវត្ថុប្រាសាក់។

សូមបញ្ជាក់ថា ប្រាសាក់ផ្តល់សេវាហិរញ្ញវត្ថុជាច្រើនប្រភេទរួមមាន៖ សេវាឥណទាន ប្រាក់បញ្ញើសន្សំ ទូទាត់វិក្កយបត្រទឹក ទូទាត់វិក្កយបត្រភ្លើង ផ្ទេរប្រាក់ ប្តូរប្រាក់ ទិញកាតទូរស័ព្ទ សេវាបើកប្រាក់បៀវត្ស សេវាទូទាត់រហ័ស សេវាអេធីអឹម ម៉ាស៊ីនឆូតកាត សេវាធនាគារចល័ត និងសេវាបញ្ជាក់សមតុល្យគណនី ដែលគ្របដណ្តប់នៅទូទាំងប្រទេស។

សម្រាប់ព័ត៌មានបន្ថែម៖ www.prasac.com.kh

August 5, 2019

លោកឧកញ៉ា គួច ម៉េងលី ប្រកាសបើកសៀវភៅថ្មីពីរក្បាលរៀបរាប់ពីភាពជោគជ័យ និងការតស៊ូក្នុងជីវិត

“កម្រងកំណាព្យ ឧកញ៉ា វេជ្ជបណ្ឌិត គួច ម៉េងលី និងខ្ញុំ” ជាសៀវភៅថ្មីមួយក្បាលរបស់អ្នកនិពន្ធ អឿ ស៊ីណា ដែលបានរៀបរាប់ពីដំណើរជីវិតអ្នកនិពន្ធជួបប្រទះបទពិសោធន៍ថ្មីក្នុងឆាកជីវិត ដែលបណ្ដុះនូវផ្នត់គំនិតអប់រំឱ្យមានភាពក្លាហានខ្លាំងឡើង ការដឹងគុណូបការៈ និងភាពអំណត់តស៊ូនៅក្នុងជីវិត។ សៀវភៅដែលមានកម្រាស់ ២២៨ទំព័រ ត្រូវបានលើកស្ទួយ និងជម្រោមជ្រែងដោយលោកឧកញ៉ា គួច ម៉េងលី ធ្វើសកម្មភាពសប្បុរសធម៌ និងការចែករំលែកកម្មវិធីសិក្ខាសាលា និងកម្មវិធីផ្សេងៗទៀត។

អ្នកនិពន្ធលោក អឿ ស៊ីណា បានអះអាងថា លោកបាននិពន្ធកំណាព្យពាក្យរាយ ដែលប្របកដោយពាក្យពេជ្រកម្រងកែវ រៀបរាប់អំពីបទពិសោធន៍ ទស្សនៈខ្លីបែបអប់រំ គុណធម៌ ក្នុងជីវិតរស់នៅប្រចាំថ្ងៃ ដែលមានការបូកបញ្ជូលរវាងខ្សែជីវិតពីផ្សេងគ្នាគឺ ជីវិតអ្នកនិពន្ធផ្ទាល់ និងខ្សែជីវិតលោកឧកញ៉ា គួច ម៉េងលី ដោយបានបញ្ចូលទាំងព្រឹត្តិការណ៍ប្រវត្តិសាស្រ្តខ្មែរមួយចំនួន ក្នុងកំឡុងពេលដែលលោកបានចុះស្រាវជ្រាវពីខ្សែជីវិតពិត ដែលលោកឧកញ៉ា គួច ម៉េងលី បានឆ្លងកាត់ក្នុងរបបកម្ពុជាប្រជាធិបតេយ្យ និងសម័យធ្លាក់ភ្នំដងរែកផងដែរ។ អ្នកពិពន្ធរូបនេះ បានប្រាប់ទៀតថា អស់រយៈពេល ៣ ឆ្នាំទើបលោកអាចបញ្ចប់ស្នាដៃរបស់ខ្លួនឱ្យលេចជារូបរាង និងបានដាក់តាំងបង្ហាញនេះ។ លោកថា អ្នកបានអានសៀវភៅនេះហើយ មិនត្រឹមតែបណ្ដុះចិត្តឱ្យស្រឡាញ់ វប្បធម៌ អារ្យធម៌ ទំនៀមទម្លាប់ ប្រពៃណីខ្មែរប៉ុណ្ណោះទេ កាន់តែពិសេសគឺ បណ្ដុះចិត្តស្រឡាញ់ការសិក្សារៀនសូត្រថែមទៀតផង ព្រោះថា ស្នាដៃនូវអត្ថបទល្អៗដែលលើកទឹកចិត្តឱ្យអ្នកអានប្រឹងប្រែង និងពុះពារគ្រប់ឧបសគ្គលំបាក។

យ៉ាងណាមិញ លោកឧកញ៉ា គួច ម៉េងលី បានថ្លែងលើកទឹកចិត្ត និងផ្ដល់ឱកាសដល់យុវជនជំនាន់ក្រោយថា ម្នាក់ៗត្រូវខិតខំប្រឹងប្រែងសិក្សាស្រាវជ្រាវឱ្យបានស៊ីជម្រៅ ហើយតែងនិពន្ធបង្កើតស្នាដៃនូវអត្ថបទល្អៗ ដើម្បីឱ្យអក្សរសាស្រ្ត អក្សរសិល្ប៍ខ្មែររីកចម្រើន ព្រោះថាបើយើងមិនខំប្រឹងដោយខ្លួនឯងទេ សង្គមជាតិរីកចម្រើនទៅមុខមិនរួចទេ ហើយក៏គ្មានបរទេសមកប្រឹងប្រែងដើម្បីយើងដែរ ប្រសិនបើគ្មានផលប្រយោជន៍ចំពោះពួកគេនោះ ដូច្នេះកុំសង្ឃឹមបរទេសពេក ។

គួរបញ្ជាក់ផងដែរថា សៀវភៅថ្មីនេះត្រូវបានដាក់សម្ពោធជាផ្លូវការនៅទី០២ ខែសីហា ឆ្នាំ២០១៩ កន្លងទៅ នៅមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង សាខាម៉ៅសេទុង ដោយវត្តមានលោកឧកញ៉ា វេជ្ជបណ្ឌិត គួច ម៉េងលី ដែលមានពីរចំណងជើង ដែលជាស្នាដៃអ្នកនិពន្ធវ័យក្មេងពីររូប គឺលោក អឿ ស៊ីណា និងលោក ហង្ស ពណ្ណរាយ «ពេលមួយដែលខ្ញុំស្គាល់ដុកទ័រ គួច ម៉េងលី»៕

August 4, 2019

រកឃើញអ្នកឈ្នះរង្វាន់១ម៉ឺនដុល្លារទី ១៤ និងទី ១៥ ពីស្រាបៀរអាន់ឆ័រ

រាជធានីភ្នំពេញ៖ កាលពីថ្ងៃទី ៣០ ខែកក្កដា ឆ្នាំ២០១៩ ស្រាបៀរអាន់ឆ័របានរៀបចំកម្មវិធីប្រគល់រង្វាន់ជូនអ្នកឈ្នះរង្វាន់ទឹកប្រាក់ 10,000 ដុល្លារចំនួនពីររូប និងអ្នកឈ្នះរង្វាន់ទឹកប្រាក់ 1000 ដុល្លារចំនួន 27 នាក់ពីកម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ អ្នកឈ្នះរង្វាន់ ភ្ញៀវកិត្តិយស និងអ្នកសារព័ត៌មានជាច្រើន។

កម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណងថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជន ដែលតែងតែគាំទ្រ និងនិយមជាវស្រាបៀរអាន់ឆ័រសម្រាប់គ្រប់កម្មវិធី គ្រប់ឱកាស។

លោក សំ បញ្ញាពុទ្ធា មកពីខេត្តឧត្តរមានជ័យ ដែលជាអ្នកឈ្នះទី ១៤ នៃរង្វាន់ទឹកប្រាក់១ម៉ឺនដុល្លារពីស្រាបៀអាន់ឆ័របានមានប្រសាសន៍ថា៖ “ខ្ញុំផឹកស្រាបៀរអាន់ឆ័រក្នុងអំឡុងពេលចុងសប្តាហ៍ ឬថ្ងៃឈប់សម្រាក ឬនៅពេលខ្ញុំជួបជុំជាមួយក្រុមការងាររបស់ខ្ញុំ និងជួបជុំជាមួយក្រុមគ្រួសាររបស់ខ្ញុំ។ ត្រូវរង្វាន់នៅពេលដែលខ្ញុំបានផឹកស្រាបៀរអាន់ឆ័រក្នុងពិធីភ្ជាប់ពាក្យរបស់ប្អូនស្រីខ្ញុំ។ ខ្ញុំពិតជារីករាយណាស់ពេលដែលខ្ញុំបានឈ្នះរង្វាន់។ មិនអាចប្រៀបផ្ទឹមបាន រីករាយខ្លាំងណាស់។ ខ្ញុំពិតជាបានឈ្នះរង្វាន់ពិត។ បន្ទាប់ពីខ្ញុំបានពិភាក្សាជាមួយសមាជិកគ្រួសារខ្ញុំនឹងប្រើប្រាក់រង្វាន់ 10,000 ដុល្លារទៅសង់ផ្ទះសម្រាប់ឪពុកម្តាយខ្ញុំពីព្រោះពួកគាត់ចាស់ហើយ។ ខ្ញុំនឹងប្រើប្រាក់នៅសល់ដើម្បីបង្កើតអាជីវកម្មតូចដើម្បីផ្គត់ផ្គង់គ្រួសារ។ ខ្ញុំគិតថា ស្រាបៀរអាន់ឆ័រល្អណាស់។ ដូច្នេះអ្នកសូមជួយគាំទ្រស្រាបៀរអាន់ឆ័រទាំងអស់គ្នា។ ជាពិសេសនៅពេលដែលយើងផឹក យើងត្រូវសហការគ្នា និងស្រឡាញ់គ្នា មិនត្រូវបង្កើតអំពើហិង្សា។ យើងផឹកប្រកបដោយទំនួលខុសត្រូវនិងគោរពគ្នាទៅវិញទៅមក។”

ចំណែកឯលោក ហួរ រតនា មកពីខេត្តកណ្តាល ដែលជាអ្នកឈ្នះទី ១៥ នៃរង្វាន់ទឹកប្រាក់១ម៉ឺនដុល្លារពីស្រាបៀអាន់ឆ័របានមានប្រសាសន៍ថា៖ “ខ្ញុំយល់ឃើញថា កម្មវិធីប្រម៉ូសិនរបស់ស្រាបៀរអាន់ឆ័រល្អណាស់។ ពិសាហើយត្រូវរង្វាន់ធំទៀត។ ជាចុងក្រោយខ្ញុំសូមផ្តែផ្តាំអតិថិជនផ្សេងទៀតគាំទ្រស្រាបៀរអាន់ឆ័រព្រោះស្រាបៀរអាន់ឆ័រពិតជាផ្តល់រង្វាន់ពិតប្រាកដមែន។” អ្នកឈ្នះរង្វាន់ទឹកប្រាក់១ម៉ឺនដុល្លារចំនួនពីររូប និងអ្នកឈ្នះរង្វាន់ទឹកប្រាក់១ពាន់ដុល្លារចំនួន ២៧នាក់បានទទួលរង្វាន់ពីក្រុមការងារស្រាបៀរអាន់ឆ័រ។

កម្មវិធីឈ្នះរង្វាន់ស្រាបៀរ និងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រចាប់ផ្តើមពីថ្ងៃនេះរហូតដល់ដំណាច់ឆ្នាំ ២០១៩។ រាល់ការជាវស្រាបៀរអាន់ឆ័រ លោកអ្នកនឹងមានឱកាសឈ្នះរង្វាន់ស្រាបៀរអាន់ឆ័រ១កំប៉ុង ១២កំប៉ុង ២៤ កំប៉ុង ព្រមទាំងរង្វាន់ទឹកប្រាក់ ១០០ (មួយរយ) ដុល្លារ ១០០០ (មួយពាន់ដុល្លារ និង១០០០០ (មួយម៉ឺន)ដុល្លារពីស្រាបៀរអាន់ឆ័រ។ ក្រុមហ៊ុននឹងរៀបចំពេលវេលាជូនអ្នកឈ្នះរង្វាន់ទឹកប្រាក់១ម៉ឺនដុល្លារ និងអ្នកឈ្នះរង្វាន់ទឹកប្រាក់១ពាន់ដុល្លារដើម្បីបើករង្វាន់ដ៏អស្ចារ្យនេះ នៅការិយាល័យរោងចក្រស្រាបៀរអាន់ឆ័រ។ ចំពោះរង្វាន់ផ្សេងទៀតលោកអ្នកអាចបើកភ្លាមនៅតាមដេប៉ូចែកចាយស្រាបៀរអាន់ឆ័រ។ បញ្ជាក់៖ ដើម្បីបើករង្វាន់ លោកអ្នកត្រូវបង្ហាញសម្បកកំប៉ុង និងក្រវិលកំប៉ុងដែលឈ្នះរង្វាន់។

សូមប្រញាប់ឡើង! ជាវស្រាបៀរអាន់ឆ័រដើម្បីមានឱកាសឈ្នះរង្វាន់១ ម៉ឺនដុល្លារ រាល់ខែ! អ្នកឈ្នះបន្ទាប់អាចជារូបអ្នក!!!

ចំពោះព័ត៌មានបន្ថែម សូមទាក់ទងមកយើងខ្ញុំតាមរយៈលេខ៖ 092 333 900 / 010 833 000។
 
រីករាយស្រស់ថ្លា

ពិសាដោយការទទួលខុសត្រូវ៕

August 4, 2019

ការបើកដំណើរការជាផ្លូវការ រថយន្ត Lamborghini Huracán EVO នៅកម្ពុជា

ភ្នំពេញ កម្ពុជា៖ ថ្ងៃទី០២ ខែសីហា ឆ្នាំ២០១៩ - រថយន្តស្វ័យ័ត Lamborghini រួមគ្នាជាមួយក្រុមហ៊ុន HGB ដែលជាតំណាងចែកចាយផ្តាច់មុខនៃរថយន្ត Lamborghini នៅកម្ពុជា បានបើកឲ្យដំណើរការជាផ្លូវការ Lamborghini Huracán EVO នៅថ្ងៃនេះ នៅសណ្ឋាគារ សូហ្វីថេល ភ្នំពេញ។ វាជាប្រភេទរថយន្តស្ព័រទំនើបសម័យថ្មី V10 ព្រោះតែសមត្ថភាពនិងលក្ខណៈសម្បត្តិរបស់ Huracán ព្រមទាំងកិច្ចសហការនៃការគ្រប់គ្រងថាមវន្តយានយន្តជំនាន់ថ្មី និងថាមវន្តយានយន្ត។

លក្ខណៈពិសេសរបស់ Huracán EVO គឺម៉ាស៊ីន Lamborghini V10 ចំណុះ ៥.២ លីត្រ ដែលត្រូវបានវិវត្តដើម្បីផលិតនូវផលិតផលដែលមានថាមពលខ្ពស់ សម្លេងមានអានុភាព ជាមួយនិងឧបករណ៍ដែលគ្រប់គ្រងការហូរចេញចូលហ្គាសដ៏ស្រាលនិងរឹងមាំ ព្រមទាំងប្រព័ន្ធកាត់បន្ថយសម្លេងនឿយហត់ទៀតផង។
គោលដៅរបស់ Huracán EVO ត្រូវបានបង្ហាញឡើងតាមរយៈការរចនាម៉ូតផ្ទាល់តែម្តង ក៏ប៉ុន្តែអ្វីដែលគួរឲ្យកត់សម្គាល់គឺប្រព័ន្ធកាត់បន្ថយសម្លេងនឿយហត់ ជាមួយនឹងបច្ចេកវិទ្យាដែលបានឆ្លុះបញ្ចាំងនូវការកើនឡើងនូវសមត្ថភាពថាមពលនិងថាមវន្ត។

«Huracán EVO បានបង្ហាញឲ្យឃើញច្បាស់នូវនិយមន័យនៃការវិវត្ត ដោយសារយើងឃើញថាវាបានវិវត្តទៅមុខមួយជំហាន ក្នុងបរិបទកំណត់ជាថ្មីនូវផ្នែកនីមួយៗនៃប៉ារ៉ាម៉ែត្រ។ Huracán EVO ផ្តល់ជូនលក្ខណៈពិសេសៗបំផុត ដែលបានទាញយកអារម្មណ៍ម្ចាស់រថយន្ត Lamborghini ហើយបានបង្កើននូវភាពភ្ញាក់ផ្អើលនៅកម្ពុជា។ វាពិតជាងាយស្រួលបើកបរ ហើយផ្តល់ឲ្យលោកអ្នកនូវបទពិសោធន៍បើកបរដែលពោរពេញដោយភាពរហ័សរហួន មិនថានៅក្នុងកាលៈទេសៈ និងទីកន្លែងណាក៏ដោយ។ ដោយហេតុថាអតិថិជនមានការរំពឹងទុកកាន់តែខ្ពស់ទៅលើប្រភេទឡានទំនើប នៅកម្ពុជា Huracán EVO នឹងរួមចំណែកជួយបង្កើតរថយន្តទំនើបឲ្យកាន់តែច្រើនឡើង ដើម្បីតម្រូវការដ៏ក្លៀវក្លានៅក្នុងប្រទេស។» ប្រសាសន៍របស់ Sharad Agarwal ដែលជាប្រធាននៃ Lamborghini នៅប្រទេសឥណ្ឌា និងជាប្រធានផ្នែកទីផ្សារ។

ការវិវត្តនៃបច្ចេកវិទ្យាបង្កើនអារម្មណ៍បើកបរ
ម៉ាស៊ីនរបស់ Huracán EVO មានថាមពល៤០សេះ (៤៧០គីឡូវ៉ាត់) ៨០០០ rpm ជាមួយកម្លាំងបង្វិលជុំ ៦០០ Nm ត្រូវបានបញ្ជូននៅ ៦៥០០ rpm។ Huracán EVO មានទំងន់ ១៤២២គីឡូក្រាម ដែលមានភាពសមាមាត្ររវាងទម្ងន់និងថាមពល គឺ ២.២២ គីឡូក្រាម/សេះ បង្កើនល្បឿនពី ០ទៅ១០០ គីឡូម៉ែត្រក្នុងមួយម៉ោងត្រឹម ២.៩ វិនាទី និងពី០ទៅ២០០គីឡូម៉ែត្រក្នុងមួយម៉ោងត្រឹម៩វិនាទី។ អ្នកអាចចាប់ហ្វ្រាំងបានពី ១០០ គីឡូម៉ែត្រក្នុងមួយម៉ោង ទៅ០ ក្នុងរយៈចម្ងាយត្រឹមតែ ៣១.៩ម៉ែត្រ ជាមួយនឹងល្បឿនលឿនបំផុតដែលលើសពី ៣២៥ គីឡូម៉ែត្រក្នុងមួយម៉ោង។

ក្រុមហ៊ុន Lamborghini Dinamica Veicolo Integrata (LDVI)
Huracán EVO មានផ្តល់ជូននូវចង្កូត Lamborghini និងប្រព័ន្ធវ៉ិចទ័រកម្លាំងបង្វិលជុំដែលធ្វើការលើកង់បួន។ នៅចំចំណុចកណ្តាលនៃរថយន្តមានលក្ខណៈពិសេសគឺ CPU ដែលគ្រប់គ្រងគ្រប់សកម្មភាពថាមវន្តរបស់រថយន្តយ៉ាងពេញទំហឹងជាមួយប្រព័ន្ធថាមវន្ត ដែលត្រូវបានតំឡើង ក្នុងករណីមានការប្រែប្រួលនាពេលខាងមុខ ក៏ដូចជាសម្រាប់តម្រូវការរបស់អ្នកបើកបរគ្រប់រូបផងដែរ។ ទាំងនេះជាភ័ស្តុតាងបង្ហាញពីថាមវន្តនៃការបើកបរដ៏ឥតខ្ចោះ។

Lamborghini Piattaforma Inerziale (LPI) ជាឈុតឧបករណ៍បង្កើនល្បឿន ហើយឧបករណ៍ចាប់សញ្ញា ត្រូវបានបំពាក់នៅកណ្តាលទំនាញរបស់រថយន្ត និងបានវិវត្តទៅជា ទម្រង់ ២.០។ ជាមួយនឹងគុណភាពថ្មីនេះ វាតាមដាន និងត្រួតពិនិត្យគ្រប់ពេលវេលានូវសកម្មភាពថាមវន្តនៃយានយន្ត។ បង្កើនល្បឿនទាំងខ្សែបណ្តោយ និងទទឹង ព្រមទាំងការផ្លាស់ទីគ្រប់រូបភាព។ ចំពោះប្រតិកម្មទៅនឹងម៉ាញ៉េតិច វាបានធ្វើបច្ចុប្បន្នភាពទៅជាទម្រង់ ២.០ ហើយបានធ្វើការសម្របជារឿយៗទៅតាមផលិតផលពី LPI។ ឧបករណ៍ទំនាញថ្មីនិងទំនើប ជាមួយនឹងចង្កូតយានយន្តទាន់សម័យ និងវ៉ិចទ័រកម្លាំងបង្វិលជុំ ទាំងនេះជួយឲ្យកម្លាំងទំនាញឲ្យមកប្រមូលផ្តុំតែនៅលើចង្កូត តាមអ្វីដែលចង់បាន។

ការអភិវឌ្ឍលើផ្នែកថាមវន្តបើកបរ (LDS) ធ្វើឲ្យរថយន្តអាចបត់បែនបានងាយស្រួល និងរហ័សរហួនជាងមុនជាពិសេសនៅផ្លូវកាច់ជ្រុង ដែលត្រូវការឲ្យមានមុំបត់ទាបបំផុត ហើយវាធ្វើការរួមគ្នាជាមួយចង្កូតកង់ក្រោយ ដើម្បីធ្វើឲ្យប្រាកដនូវភាពឆ្លាតវៃក្នុងការបត់បែននៅពេលដែលរថយន្តបើកក្នុងល្បឿនយឺត និងធ្វើឲ្យមានស្ថេរភាពជាអតិបរមានៅពេលដែលរថយន្តបើកក្នុងល្បឿនលឿន នាពេលកាច់ជ្រុង និងធ្វើឲ្យប្រាកដថាហ្រ្វាំងស៊ីល្អជាពិសេសក្នុងពេលមានអាសន្ន។
កត្តារួមផ្សំបញ្ចូលគ្នាដែលមានលក្ខណៈលេចធ្លោទាំងអស់នេះ ជាសមិទ្ធផលថ្មីរបស់ Lamborghini LDVI ក្នុងគោលបំណងបង្កើតរថយន្តទំនើប និងអាចបត់បែនបានយ៉ាងរហ័សរហួន មិនថាស្ថិតនៅក្នុងកាលៈទេសៈណាក៏ដោយ។ Huracán EVO មានសមត្ថភាពបង្ហាញទិន្នន័យភ្លាមៗ ហើយពិសេសបំផុតត្រង់អាចដឹងពីគោលបំណងរបស់អ្នកបើកបរបាន ដោយសារការកាច់ចង្កូត ហ្វ្រាំង និងការជាន់ឈ្នាន់បង្កើនឬបន្ថយល្បឿន ប្រអប់លេខ និងរបៀបបើកបរ ដែលដឹងបានតាមរយៈការគ្រប់គ្រង ANIMA៖ STRADA, SPORT ឬ CORSA។

លក្ខណ្ឌខាងក្រៅផ្សេងៗទៀត ត្រូវបានកំណត់តាមរយៈការតាមដានសកម្មភាព និងស្ថានភាពនៃការកាច់ចង្កូត។ ព័ត៌មានទាំងអស់នេះ ត្រូវបានវិភាគ និងដំណើរការដោយ LDVI ដែលប្រែសម្រួលពួកវាទៅជាឧបករណ៍សម្រាប់ប្រព័ន្ធថាមវន្តយានយន្ត។ សញ្ញាបង្ហាញអ្វីដែលនៅលើផ្លូវឬនៅជិតរថយន្ត “feed forward logic” ត្រូវបានធ្វើឡើងដោយប្រព័ន្ធគ្រប់គ្រងថាមវន្តយានយន្ត ដែលមានន័យថាពេលនោះរថយន្តមិនត្រឹមតែបញ្ចេញសកម្មភាពអ្វីនោះទេ ប៉ុន្តែបានជួយរៀបចំរបៀបបើកបរសម្រាប់ផ្លូវខាងមុខ។

នៅក្នុងប្រព័ន្ធគ្រប់គ្រងបែប STRADA Huracán EVO មានភាពបត់បែនខ្ពស់ និងមានមុខងារធ្វើឲ្យអ្នកបើកបរកាន់តែមានអារម្មណ៍រីករាយជាមួយនឹងការបើកបរ។ ក្នុងបរិបទកីឡាវិញ វាមានមុខងារម្យ៉ាងធ្វើឲ្យអ្នកមានអារម្មណ៍រីករាយ និងរំភើប។ ចំណែកឯប្រព័ន្ធគ្រប់គ្រងបែប CORSA Huracán EVO មានភាពសកម្ម និងបង្កើនក្តីរំភើបដល់អ្នកបើកបរ ជាពិសេសនៅក្នុងព្រឹត្តិការណ៍សំខាន់ៗនិងរន្ធត់ដូចជាពេលប្រណាំងរថយន្តជាដើម។

ការរចនា - ឧត្តមភាពថាមវន្ត
ការរចនាដ៏ប្លែក កំណត់ពីឧត្តមភាពថាមវន្ត និងការអភិវឌ្ឍលើផ្នែកថាមវន្តបើកបររបស់ Huracán EVO។ កាងមុខថ្មី ផ្តល់ឱ្យរថយន្តមានរាងទាប និងភាពជឿជាក់ ប៉ុន្តែអ្វីដែលសំខាន់បំផុតនោះគឺ គម្របខាងមុខរួមនឹងស្លាបធានានូវប្រសិទ្ធិភាពថាមវន្ត។ ការស្រូបខ្យល់បានច្រើនជាងមុនក្នុងរូបរាង Ypsilon ជាការរចនាពិសេសរបស់ Lamborghini ។
ពីជំហៀងរបស់ Huracán EVO បង្ហាញពីបង្អួចរាងឆកោនរបស់ Lamborghini ជាមួយនឹងកង់រចនាស្រូបខ្យល់ថ្មី។
ថាមពល និងថាមវន្តនៃ Huracán EVO ភាគច្រើនស្ថិតនៅផ្នែកខាងក្រោយនៃរថយន្ត។ ដោយសាររថយន្តមានទំហំធំទូលាយ ប្រព័ន្ធកាត់បន្ថយភាពហត់នឿយត្រូវបានបំពាក់នៅកាងមុខនៃរថយន្ត។ រន្ធដែលនៅផ្នែកខាងលើនៃផ្នែកខាងក្រោយរបស់រថយន្ត ផ្តល់លំហូរខ្យល់ល្អប្រសើរជាងមុន បញ្ជាក់យ៉ាងច្បាស់ពីសមត្ថភាពថាមវន្តរបស់រថយន្ត។
សមត្ថភាពថាមវន្តរបស់ Huracán EVO បន្តជាមួយនឹងផ្នែកក្រោម ដែលត្រូវបានគេអភិវឌ្ឍដើម្បីបង្កើនប្រសិទ្ធិភាពថាមវន្ត៖ ការរចនាថាមវន្តរួមគ្នាថ្មីរបស់ Huracán EVO ធ្វើឱ្យប្រសើរឡើងនូវប្រសិទ្ធិភាពថាមវន្តជាងមុនប្រាំដងធៀបនឹង Huracán ជំនាន់ដំបូង។

ចំណុចតភ្ជាប់
ថាច់ស្គ្រីន HMI ទំហំ ៨.៤ នៅលើប៊ូតុង Start ធ្វើឲ្យមានភាពងាយស្រួលដល់ដៃអ្នកបើកបរក្នុងការបើកបរ។ សម្ភារៈបរិក្ខាក្នុងរថយន្តរួមមាន កៅអី សីតុណ្ហភាព និងប្រព័ន្ធ LDVI ហើយក៏មានបំពាក់នូវព័ត៌មាននិងការកំសាន្ត ដូចជា Apple CarPlay ដែលភ្ជាប់ជាមួយនឹងទូរស័ព្ទស្មាតហ្វូន ដែលអាចបញ្ជារដោយសម្លេងទៅកាន់ Siri ទៅលើផែនទី កម្មវិធី វិទ្យុ និងការចាក់ចម្រៀង។

បំពាក់បន្ថែមនូវប្រព័ន្ធកាមេរ៉ាពីរ ដែលបង្ហាញនៅលើអេក្រង់ថាច់ស្រ្គីន ដែលផ្តល់ឲ្យនូវបច្ចេកវិទ្យាដ៏ទំនើប គឺអ្នកអាចថតនិងវិភាគបាន។ អង្គផ្ទុកទិន្នន័យដែលមានគុណភាពខ្ពស់ ក៏មានផ្តល់ជូនផងដែរ។

ពណ៌/ តែម និង Lamborghini Ad Personam
Huracán EVO បានបង្ហាញខ្លួននៅក្នុង Arancio Xanto។ វាតំណាងអោយ Lamborghini ស៊េរីថ្មី ដែលមានពណ៌បួនជាន់។ កាំ២០ Aesir ថ្មី ភ្ជាប់ជាមួយនឹងកង់ Pirelli P Zero។
បើនិយាយពីផ្នែកខាងក្នុង Huracán EVO ជារថយន្តដ៏ប្រណិតសម្រាប់អ្នកបើកបរ។ លក្ខណៈពិសេសគឺ ខាងក្នុងជាការរចនាកូនកាត់ EVO និង Alcantara បំពាក់ដោយស្បែក Dryope ពណ៌ទឹកក្រូចសាកសមនឹងពណ៌របស់តួឡាន។
តែមស្ព័រ និងលក្ខណះឆើតឆាយ មានពីរពណ៌ និងបំពាក់ដោយកម្រាលស្ព័រ Alcantara។ សម្ភារៈដែលមានទម្ងន់ស្រាល ដូចជា Carbon Forged Composites និង Carbon Skin គឺមានជូនតាមសំណើរ លើសពីនេះមានពន្លេចដោយភ្លើងព័ទ្ធជុំវិញក្នុងឡាន។
ទាំងផ្នែកខាងក្នុង និងផ្នែកខាងក្រៅរបស់ Huracán EVO ត្រូវបានរចនាឡើងដើម្បីបង្កើនសមត្ថភាពផ្សេងៗជាមួយនឹងជម្រើសថ្មីដូចជា Style Packs ធំទូលាយជាមួយនឹងពណ៌ខ្មៅរលោង និងពណ៌របស់តួរថយន្ត ក៏ដូចជាកម្មវិធី Lamborghini Ad Personam ដែលផ្តល់ឪកាសឲ្យអ្នកបើកបរអាចឆ្នៃ Lamborghini របស់ពួកគេបានតាមចិត្ត។

ដើម្បីស្វែងយល់ពត៌មានអំពី Lamborghini Cambodia សូមចូលទៅកាន់៖ www.cambodia.lamborghini.com
ទាក់ទិនទៅនឹងការផ្សព្វផ្សាយ សូមទំនាក់ទំនងតាមរយៈ៖
Branderz Communications
កញ្ញា ឃួន កេមសុនិតា
Press Relations Strategist
T +855 95 77 55 54
zaie@branderz.asia

Lamborghini India & Emerging Markets
Meghana Dave
+91 829 132154
extern.meghana.dave@lamborghini.com

ពត៌មានបន្ថែមអំពី Lamborghini: www.lamborghini.com

August 3, 2019

ត្រៀមហើយឬនៅ? ស្តេចកំពូលស្មាតហ្វូនប៊ិច Samsung Galaxy Note 10 នឹងបង្ហាញខ្លួនឆាប់ៗនេះ!

ភ្នំពេញថ្ងៃទី ០២ ខែសីហា ឆ្នាំ២០១៩៖ តាំងពីក្រុមហ៊ុនបច្ចេកវិទ្យាយក្ស សាមសុង បានបង្ហាញ វីដេអូ Teaser អំពី ស្តេចកំពូលស្មាតហ្វូនប៊ិច Samsung Galaxy Note 10 មកបានកំពុងតែធ្វើឱ្យពិភពលោកកក្រើក និងភ្ញាក់ផ្អើលខ្លាំងបំផុត។គួរបញ្ជាក់ផងដែរថាកាលពីពេលថ្មីៗនេះវីដេអូ Teaser ថ្មីមួយនៅក្នុងវេបសាយផ្លូវការរបស់ក្រុមហ៊ុន សាមសុង ដែលមានប៊ិចគូរជារង្វង់ ហើយក្លាយទៅជាកាមេរ៉ា ព្រមទាំងកាលបរិច្ឆេទនៃការបង្ហាញវត្តមានស្តេចស្មាតហ្វូនប៊ិចជំនាន់ថ្មីរបស់ត្រកូល Galaxy ស៊េរីទំនើបចុងក្រោយប្រចាំឆ្នាំ ២០១៩ នឹងបង្ហាញជាផ្លូវការនាពេលឆាប់ៗនេះនៅក្នុងទីក្រុង ញ៉ូវយក ( New York) រដ្ឋប្រ៊ូឃ្លីន (Brooklyn) សហរដ្ឋអាមេរិក នៅថ្ងៃ ពុធ ទី០៧ សីហា ឆ្នាំ ២០១៩ ត្រូវនឹងថ្ងៃ ទី០៨ សីហា ឆ្នាំ ២០១៩ ម៉ោង ៣ ទៀបភ្លឺ នៅប្រទេសកម្ពុជាយើង។

ដូច្នេះអ្នកគាំទ្រ សាមសុង ទាំងអស់សូមរង់ចាំមើលទាំងអស់គ្នាថាតើស្តេចកំពូលស្មាតហ្វូនប៊ិច Samsung Galaxy Note 10 ជំនាន់ថ្មីនេះនឹងភ្ជាប់មកជាមួយនូវលក្ខណៈពិសេសអ្វីខ្លះនោះខុសពីជំនាន់មុនដោយតាមដានទស្សនាការផ្សាយផ្ទាល់ពីទីក្រុងញូវយ៉កតាមរយៈបណ្តាញសង្គមដូចខាងក្រោម៖

- វេបសាយផ្លូវការ របស់ក្រុមហ៊ុនសាមសុង ៖
www.samsung.com
- ទំព័រហ្វេសប៊ុក ផ្លូវការ របស់ក្រុមហ៊ុនសាមសុង ៖
www.facebook.com/SamsungCambodia
- ទំព័រហ្វេសប៊ុក ផ្លូវការ របស់សារព័ត៌មាន Sabay ៖
https://www.facebook.com/SabayNewsOfficial/
- ទំព័រហ្វេសប៊ុក ផ្លូវការ របស់សារព័ត៌មានខេម បូរីផត ៖
https://www.facebook.com/Camboreport/
- ទំព័រហ្វេសប៊ុក ផ្លូវការ របស់សារព័ត៌មាន Khmernote ៖
https://www.facebook.com/Khmernote/
- ទំព័រហ្វេសប៊ុក ផ្លូវការ របស់សារព័ត៌មានទស្សនាវដ្តី អេឡិចត្រូនិច ៖
https://www.facebook.com/eworldmagz/

សូមកុំភ្លេចរង់ចាំទស្សនាទាំងអស់គ្នាថាតើមានអ្វីដែលអស្ចារ្យ ប្លែក ឡូយខ្លះ!

August 2, 2019

ជំនួបផ្ទាល់កំពូលកីឡាករបាល់ទាត់លំដាប់ថ្នាក់ពិភពលោក“RONALDINHO” និងក្រុមម្ចាស់ជើងឯកTIGER STREET FOOTBALL FESTIVAL 2019 នាទីក្រុងRio De Janeiro ប្រទេសប្រេស៊ីល

ទីក្រុងRio៖ពិតជាមានមោទនភាពនិងក្តីសប្បាយរីករាយជាខ្លាំងដែលក្រុមកីឡាករកម្ពុជានិងជាម្ចាស់ជើងឯកTiger Street Football Festival 2019ទទួលការអញ្ជើញមកជួបផ្ទាល់កំពូលកីឡាករបាល់ទាត់លំដាប់ថ្នាក់ពិភពលោក“RONALDINHO” នៅគេហដ្ឋានរបស់លោកជាលក្ខណៈឯកជនភាព។ដំណើរទស្សនកិច្ចនេះគឺនៅទីក្រុងRio de Janeiro ប្រទេសប្រេស៊ីលចំនួនបីថ្ងៃគឺថ្ងៃទី17 ទី18 និងថ្ងៃទី19 ខែកក្កដាឆ្នាំ2019 ។

ក្រុមកីឡាករកម្ពុជានិងក្រុមការងារស្រាបៀរថៃហ្គ័របានទទួលបានការស្វាគមន៍យ៉ាងកក់ក្តៅមកកាន់គេហដ្ឋានផ្ទាល់របស់កំពូលកីឡាករបាល់ទាត់សញ្ជាតិប្រេស៊ីលលោកRONALDINHO មានការថតរូបអនុស្សាវរីយ៍ជាមួយក្រុមកីឡាករកម្ពុជាជាពិសេសលោកRONALDINHOបានចុះហត្ថលេខាផ្ទាល់លើអាវកីឡាជាច្រើនទុកជាកាដូពិសេសជូនសមាជិកទាំងអស់នៃក្រុមកីឡាករកម្ពុជានិងបានរៀបចំកម្មវិធីជប់លៀងអាំងសាច់បែបអាហារប្រចាំប្រទេសប្រេស៊ីលនិងអាហារប៊ុហ្វេច្រើនមុខដ៏ឆ្ងាញ់ពិសានិងមានបម្រើភេសជ្ជៈជាច្រើនអមជាមួយការចាក់តន្រ្តីកំដរអារម្មណ៍ក្នុងបរិយាកាសសប្បាយរីករាយនិងស្និទ្ធស្នាលជាទីបំផុតហើយនិងមានវត្តមានបងប្រុសRONALDINHOនិងមិត្តភ័ក្តិជាច្រើនរបស់លោកRONALDINHOក៏បានចូលរួមក្នុងកម្មវិធីនេះផងដែរព្រមទាំងការលេងFootvolley ដែលជាកីឡាដ៏ពេញនិយមនៅប្រទេសប្រេស៊ីលដែលបានធ្វើឡើងនៅក្នុងសួនដ៏ស្រស់ស្អាតនៅក្នុងបរិវេណគេហដ្ឋានរបស់RONALDINHO ។

ក្នុងអំឡុងដំណើរទស្សនកិច្ចនេះលោក RONALDINHO បានមានប្រសាសន៍ថាលោកពិតជារំភើបរីករាយដែលបានរៀបចំពិធីជប់លៀងនៅក្នុងបវិវេណគេហដ្ឋានផ្ទាល់របស់លោកដើម្បីស្វាគមន៍ក្រុមម្ចាស់ជើងឯកនៃកម្មវិធីTiger Street Football Festival 2019មកពីប្រទេសកម្ពុជាជាពិសេសផ្តល់ការណែនាំបច្ចេកទេសលេងនិងចែករំលែកបទពិសោធន៍ល្អៗរបស់លោកជូនក្រុមម្ចាស់ជើងឯក។លោកត្រៀមខ្លួនរួចជាស្រេចក្នុងការមកទស្សនាប្រទេសកម្ពុជានិងមកជួបផ្ទាល់អ្នកគាំទ្រកម្ពុជាក្នុងព្រឹត្តិការណ៍ប្រកួតបាល់ទាត់Tiger Street Football Festival ក្នុងខែមករាឆ្នាំ២០២០ខាងមុខនេះ។

ជាពិសេសទៅទៀតក្នុងដំណើរទស្សនកិច្ចនេះក្រុមកីឡាករកម្ពុជាបានចូលទស្សនាផ្ទាល់នូវការប្រកួតវគ្គ១ភាគ៤ផ្ដាច់ព្រ័ត្រនៅពហុកីឡដ្ឋានដ៏ធំឈ្មោះMaracanã រវាងក្រុមFlamengo និងAthletico Paranaense ដើម្បីប្រកួតដណ្តើមពានរង្វាន់ប្រេស៊ីល(Copa do Brasil) ដោយមានការចូលរួមពីអ្នកគាំទ្រកីឡាបាល់ទាត់រាប់ម៉ឺននាក់សំឡេងនូវការទូងស្គរនិងស្រែកហ៊ោអបអរពេញពហុកីឡាដ្ឋានយ៉ាងរំភើបសប្បាយរីករាយក្រៃលែង។នេះគឺជាបទពិសោធន៍លើកដំបូងក្នុងការទស្សនាដោយផ្ទាល់នូវកម្មវិធីប្រកួតបាល់ទាត់នៅក្នុងពហុកីឡាដ្ឋានអន្តរជាតិនៅក្នុងទ្វីបអាមេរិកឡាទីនសម្រាប់ក្រុមម្ចាស់ជើងឯកនិងក្រុមការងារស្រាបៀរថៃហ្គ័រដែលមានអារម្មណ៍រំភើបនិងសប្បាយរីករាយបំផុតដែលមិនអាចបំភ្លេចបាន។

លើសពីនេះទៀតបានរីករាយទស្សនានៅកន្លែងទេសចរណ៍ដ៏ពេញនិយមនៅទីក្រុងRio ដូចជាទស្សនាទេសភាពភ្នំCorcovado និងSugarloaf ដើរលំហែកម្សាន្តបន្ធូរអារម្មណ៍នៅតាមឆ្នេរសមុទ្រCopacabana ដ៏វែងនិងស្រស់ស្អាតអមជាមួយអគារខ្ពស់ៗដែលមានរចនាបទទំនើបគួរឲ្យទាក់ទាញនៅកណ្តាលទីក្រុងRio ។

ក្នុងឱកាសពិសេសនេះផងដែរលោកភូគឹមសែដែលជាប្រធានក្រុមម្ចាស់ជើងឯកTiger Street Football Festival 2019បានប្រសាសន៍ថាលោកនិងសមាជិកទាំងអស់របស់លោកមានអារម្មណ៍រំភើបរីករាយនិងរំជើបរំជួលចិត្តខ្លាំងណាស់ដែលបានជួបផ្ទាល់ជាមួយកំពូលតារាបាល់ទាត់ក្នុងដួងចិត្តរបស់លោកគឺលោកRONALDINHOនៅក្នុងគេហដ្ឋានផ្ទាល់របស់គាត់នៅក្នុងទីក្រុងRio ប្រទេសប្រេស៊ីលហើយលោកសង្ឃឹមថាTiger Street Football Festivalនឹងមានការរៀបចំកម្មវិធីជួបផ្ទាល់បែបនេះកាន់តែអស្ចារ្យជាមួយនឹងកំពូលរីបុរសបាល់ទាត់លំដាប់ពិភពលោកនៅឆ្នាំក្រោយៗទៀត។

ឆ្នាំនេះជាភាពជោគជ័យដ៏ធំធេងនិងកាន់តែប្លែកខុសពីឆ្នាំមុនៗសម្រាប់កម្មវិធីTiger Street Football Festival 2019 ដោយបានផ្តល់បទពិសោធន៍ដ៏កម្រមានមិនដែលធ្លាប់មានពីមុនមកនិងមានតែម្តងគត់ក្នុងមួយជីវិតសម្រាប់ក្រុមកីឡាករកម្ពុជាជួបផ្ទាល់ក្នុងគេហដ្ឋានផ្ទាល់របស់កំពូលកីឡាករបាល់ទាត់លំដាប់ថ្នាក់ពិភពលោកRONALDINHOនៅទីក្រុងRio ប្រទេសប្រេស៊ីល។

ចំពោះព័ត៌មានបន្ថែមអំពីកម្មវិធីទស្សនកិច្ចសកម្មភាពនិងរូបភាពនៃដំណើរទស្សនកិច្ចរបស់ក្រុមម្ចាស់ជើងឯកTiger Street Football Festival 2019ទីក្រុងRio De Janeiro ប្រទេសប្រេស៊ីលសូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH

ពិសាដោយការទទួលខុសត្រូវ

July 31, 2019

អាជីវករអ្នកលក់កាសែតម្នាក់នៅរាជធានីភ្នំពេញ ឈ្នះរង្វាន់ ១០០លានរៀលពីភេសជ្ជៈប៉ូវកម្លាំង ខារ៉ាបាវ

ភ្នំពេញ ៖ ស្ត្រីវ័យក្មេងម្នាក់មានមុខរបរជាអ្នកលក់កាសែត និងសម្ភារៈសិក្សានៅខាងក្រោយរបងវិទ្យាល័យ ព្រះយុគន្ធរ រាជធានីភ្នំពេញ មានសំណាងបានឈ្នះរង្វាន់ធំពីភេសជ្ជៈប៉ូវកម្លាំង ខារ៉ាបាវ នូវទឹកប្រាក់សុទ្ធចំនួន ១០០លានរៀល ។
ថ្លែងប្រាប់ក្រុមការងារដែលចុះប្រគល់រង្វាន់ដល់ទីកន្លែងប្រកបអាជីវកម្មតែម្ដង អ្នកស្រី នី មករា អាយុ ៣៦ ឆ្នាំ បច្ចុប្បន្នស្នាក់នៅផ្ទះជួលជាន់ខាងលើ ក្នុងសង្កាត់អូរឫស្សី៤ ខណ្ឌ៧មករា រាជធានីភ្នំពេញ ។

អ្នកស្រីបានបន្តឱ្យដឹងថែមទៀតថា សព្វថ្ងៃនេះបើនិយាយពីកម្រិតជីវភាពគឺជួបការលំបាកច្រើន ព្រោះអាចបានចំណូលបានត្រឹមប្រមាណ២-៣ម៉ឺនរៀលក្នុងមួយថ្ងៃ ខណៈដែលប្ដីមានមុខរបរជាអ្នករត់ម៉ូតូកងបី ហើយត្រូវចំណាយទៅលើបន្ទុកគ្រួសារ និងថ្លៃជួលផ្ទះស្នាក់នៅជាន់ទី២ ដែលស្ថិតនៅភូមិសាស្ត្រដូចបានជម្រាបជូនខាងលើនេះ។ អ្នកស្រីបានបន្តឱ្យដឹងទៀតថា ស្ទើរតែរាល់សប្ដាហ៍ អ្នកស្រីតែងមើលគេឡើងទទួលរង្វាន់ប្រាក់លានពីខារ៉ាបាវ ហើយនឹកស្រមៃថា ថ្ងៃណាមួយនឹងមានសំណាងដូចគេ ហើយព្យាយាមទទួលទានស្ទើរតែរាល់ថ្ងៃ។ ដោយឡែកកាលពីចុងសប្ដាហ៍កន្លងទៅនេះ បន្ទាប់ពីរៀបចំតូបលក់រួចរាល់ហើយអស់កម្លាំង ក៏ទិញភេសជ្ជៈ ខារ៉ាបាវ ពីអ្នកលក់ដែលស្ថិតនៅក្បែរគ្នាមួយកំប៉ុង ដើម្បីទទួលទាន លុះនៅពេលគាស់ ក៏ឃើញមានរង្វាន់១០០លានរៀលតែម្ដង។ ភ្លាមនោះអ្នកស្រីមានអារម្មណ៍ថារំភើបជាខ្លាំង ហើយស្រែកប្រាប់មនុស្សនៅក្បែរខ្លួនឱ្យជួយពិនិត្យមើល និងទូរស័ព្ទជូនដំណឹងដល់ក្រុមហ៊ុនតែម្ដង។អ្នកស្រីបានបញ្ជាក់ប្រាប់ទៀតថា ក្រោយពេលទទួលបានប្រាក់រង្វាន់ ១០០លានរៀលនេះ អ្នកស្រីនឹងយកមួយចំនួនទៅទិញផ្ទះជាន់លើសម្រាប់ស្នាក់នៅ និងទុកមួយចំណែកទិញសម្ភារៈសិក្សាបន្ថែមសម្រាប់លក់ ដើម្បីធ្វើឱ្យជីវភាពគ្រួសារបានធូរស្រាល។

សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធ ១០០លានរៀល កើនឡើងដល់ ១០០ រង្វាន់ , បន្ថែមទឹកប្រាក់ចំនួន ១០ លានរៀល ចំនួន១០០ រង្វាន់, ម៉ូតូ HONDA Dream កើនឡើងដល់ ១០០ រង្វាន់ , ទូរស័ព្ទដៃ iPhone កើនឡើងដល់ ១០០ រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ។…. ខារ៉ាបាវ អ្នកតស៊ូដ៏អស្ចារ្យ…….

July 31, 2019

កម្មវិធីសម្ពោធជំនាងហាង មេឌាកាហ្វេ ដ៏សែនកក់ក្តៅ

កាលពីថ្ងៃអាទិត្យទី ២៨ កក្កដា ២០១៩ កន្លងទៅនេះ មេឌាកាហ្វេ បានប្រារព្ធធ្វើពិធី ឡើងជំនាងហាងរបស់ខ្លួន បន្ទាប់ពីបើកដំណើរការហាងជាផ្លូវការ កាលពីថ្ងៃទី២៥ ខែមីនា ឆ្នាំ២០១៨កន្លងមកនោះ ដោយមានការចូលរួមយ៉ាងច្រើនកុះករពីសំណាក់ភ្ញៀវកិត្តិយស មិត្តភក្ដិ បងប្អូន ញាតិមិត្តជិតឆ្ងាយ និង អតិថិជន ដែលនិយមចូលចិត្តទទួលទានកាហ្វេ និងអាហាសម្រន់ផ្សេងៗ។

មេឌាកាហ្វេ មានកាហ្វេដ៏មានឱជារសឈ្ងុយឆ្ងាញ់ មកពីសហរដ្ឋអាមេរិក រួមផ្សំទាំងទីតាំងដ៏ពោរពេញដោយផាសុខភាពសម្រាប់ការសម្រាកលេង ការណាត់ជួបប្រជុំជាមួយអតិថិជនតូច-ធំផ្សេងៗ ហើយក៏ដូចជាអង្គុយធ្វើការងារជាមួយបរិយាកាសស្ងប់ស្ងាត់ ។ នៅក្នុងថ្ងៃឡើងជំនាងហាង នោះក៏មានការកម្មវិធីហ្គេម សប្បាយៗផ្សេងជាច្រើនដើម្បីទទួលបាននូវ រង្វាន់ ក្រមាខ្មែរ ដែលទទួលបានការឧបត្តម្ភធំ ពី វាសនា ក្រមា ។

មិនត្រឹមតែប៉ុណ្ណោះ លោកអ្នកអាចទទួលទាន នូវអាហារសម្រន់ផ្សេងៗ មានដូចជា បឺហ្គឺសាច់ត្រីធុណា-គោ-មាន់ , សាច់អាំង-ប្រហិតបំពង , គ្រាប់ធញ្ជជាតិផ្សេងៗ នំកំប៉ុងដែលនាំចូលផ្តាច់មុខពីក្រុមហ៊ុនដើមផ្ទាល់ និងជាពិសេសគឺរសជាតិអំពិលឆឹងមេឌា ដ៏សែនឆ្ងាញ់ប្លែកមាត់គ្មានពីរ រួមផ្សំជាមួយឈុតអាហារសម្រន់-ភេសជ្ជ:ប្រចាំមេឌាកាហ្វេទៀតផង ។

មេឌាកាហ្វេ រង់ចាំបម្រើលោកអ្នកពីថ្ងៃចន្ទ-អាទិត្យ ពីម៉ោង7:00ព្រឹក-18:45ល្ងាច

សម្រាប់ព័ត៌មានបន្ថែម អាចទំនាក់ទំនងបានតាមរយ:ទូរសព្ទលេខ: 087 766 278 / 0769 666 278 / 086 777 278 ។