PR - La Reine Media

កម្មវិធីអបអរសាទរការប្រកួតប្រជែងក្នុងកម្មវិធី ABC Lions of Fashion ទទួលបានការចាប់អារម្មណ៍ខ្លាំង

រាជធានីភ្នំពេញ៖ កាលពីថ្ងៃទី ១៥ ខែសីហា ឆ្នាំ២០១៩ ស្រាបៀរ ABC អិចស្ត្រាស្តោត បានរៀបចំកម្មវិធីអបអរសាទរការប្រកួតប្រជែងក្នុងកម្មវិធី ABC Lions of Fashion នៅភោជនីយដ្ឋាន ភូមិយើង ដោយបានទទួលការចូលរួមពីសំណាក់មិត្តយុវវ័យយ៉ាងច្រើនកុះករ។

យប់រហូតដល់ម៉ោង១១យប់ដោយមានការអញ្ជើញចូលរួមពីកំពូលតារាចម្រៀងដ៏ល្បីប្រចាំព្រះរាជាណាចក្រកម្ពុជា លោក នី កូ អមដោយពិធីការិនីដ៏ស្រស់ស្អាត កញ្ញា ជីមី ម៉េង។ បេក្ខនារីទាំងដប់រូបក្នុងសម្លៀកបំពាក់ដែលច្នៃម៉ូតដោយយុន រតនៈ ទន្ទឹមនឹងនេះបេក្ខនារី ដែលកំពុងតែប្រលងដើម្បីដណ្តើមជ័យលាភីក្នុងកម្មវិធីប្រកួតបង្ហាញម៉ូត ABC Lions of Fashion បានដើរបង្ហាញម៉ូតជាមួយក្រុមបង្ហាញម៉ូតដ៏ល្បីឈ្មោះប្រចាំប្រទេសកម្ពុជា។

លើសពីនេះទៅទៀត អតិថិនដែលបានចូលរួមក្នុងកម្មវិធីទទួលឆ្នោតផ្សងសំណាងមួយសន្លឹកភ្លាម ជាមួយឱកាសឈ្នះរង្វាន់ទូរស័ព្ទ Samsung Galaxy A80 ដោយគ្រាន់តែទិញស្រាបៀរ ABC អិចស្រ្តាស្តោត ៤ ដប ឬកំប៉ុង ។ ដើម្បីបង្កបរិយាកាសកាន់តែសប្បាយរីករាយនិងកាន់តែរំភើប មានរៀបចំកម្មវិធីលេងហ្គេមសប្បាយៗ និងចែករង្វាន់អនុស្សាវរីយ៍ពិសេសជូនអតិថិជនខណៈពេលដែលកំពុងតែក្រេបភ្លក់នូវរសជាតិដ៏ឈ្ងុញឆ្ងាញ់នៃស្រាបៀរ ABC អិចស្ត្រាស្តោត។
កម្មវិធីពិសេសនេះរៀបចំក្នុងគោលបំណងដើម្បីឱទ្ទេសនាមបេក្ខជនបេក្ខនារីផ្នែកបង្ហាញម៉ូតចំនួន 10 នាក់ ជាពិសេសអំពាវអំនាវឲ្យអតិថិជន និងសាធារណជនចូលរួមបោះឆ្នោត ឬ Vote គាំទ្របេក្ខជនបេក្ខនារីដែលពួកគេពេញចិត្តតាមគេហទំព័រហ្វេសប៊ុកផ្លូវការរបស់ស្រាបៀរ ABC អិចស្ត្រាស្តោត ៖https://www.facebook.com/ABC.ExtraStoutCambodia/ ។

កម្មវិធី ABC Lions of Fashion គឺជាកម្មវិធីដំបូងបង្អស់នៅក្នុងប្រទេសកម្ពុជាទទួលស្គាល់ស្នាដៃអ្នកច្នៃម៉ូត និងអ្នកបង្ហាញម៉ូតដែលជាតារាទើបតែរះនៅក្នុងព្រះរាជាណាចក្រកម្ពុជា ។ កម្មវិធីប្រកួតនេះត្រូវបានរៀបចំឡើង ដោយសហការជាមួយស្ថាប័ន ដែលឈានមុខគេនៅក្នុងឧស្សាហកម្មច្នៃម៉ូដរបស់កម្ពុជា៖ សមាគមរោងចក្រកាត់ដេរនៅកម្ពុជា (GMAC) ដែលផ្តោតលើការធានានូវស្តង់ដារសមស្របនៅក្នុងវិស័យឧស្សាហកម្មផលិតសម្លៀកបំពាក់ ទស្សនាវដ្តី សូវរីន ដែលជាទស្សនាវដ្តីម៉ូដឈានមុខគេនៅកម្ពុជា Arise Agency ដែលជាទីភ្នាក់ងារបង្ហាញម៉ូតដែលនាំមុខគេ និង វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា (CGTI) ដែលជាវិទ្យាស្ថានបណ្ដុះបណ្ដាលជំនាញនៅក្នុងវិស័យកាត់ដេរសម្លៀកបំពាក់ និងវាយនភ័ណ្ឌ ដែលមានទំនាក់ទំនងជាមួយ GMAC ។

សូមបន្តតាមដាន កម្មវិធីអបអរសាទរការប្រកួតប្រជែងក្នុងកម្មវិធី ABC Lions of Fashion ។ រាល់សន្លឹកឆ្នោតដែលបានប្រមូលក្នុងអំឡុងពេលកម្មវិធីពិសេសនេះនឹងត្រូវបានយកមកបូកសរុប ហើយបេក្ខជនបេក្ខនារីផ្នែកបង្ហាញម៉ូតដែលទទួលបានការគាំទ្រច្រើនគេនឹងឈ្នះជ័យលាភី។

សូមចូលរួមឲ្យបានច្រើនកុះករដើម្បីគាំទ្របេក្ខជនបេក្ខនារីរបស់យើងក្នុងកម្មវិធី ABC Lions of Fashion!!!
ចំពោះព័ត៌មានបន្ថែមអំពីកម្មវិធីពិសេសនេះ ចូលទៅកាន់គេហទំព័រផ្លូវការ៖https://www.facebook.com/ABC.ExtraStoutCambodia/

សូមរីករាយទទួលទាន ABC អិចស្ត្រាស្តោត ដោយការទទួលខុសត្រូវ ។

August 21, 2019

ព្រឹត្តិការណ៍ឧស្សាហកម្មប្រចាំឆ្នាំឈានមុខគេនៅកម្ពុជា CIMIF & CTG

ពិព័រណ៍ឧស្សាហកម្មគ្រឿងយន្តកម្ពុជា (CIMIF) និងពិព័រណ៍ឧស្សាហកម្មសម្លៀកបំពាក់ និងវាយនភណ្ឌកម្ពុជាអន្តរជាតិ (CTG) ឆ្នាំ2019 គ្រោងនឹងដំណើរការនៅថ្ងៃទី22 ដល់ 25 ខែ សីហា នៅមជ្ឈមណ្ឌលសន្និបាត និងពិព័រណ៍កោះពេជ្រ។ ពិព័រណ៍ទាំង 2នេះ នឹងប្រមូលផ្តុំអ្នកតាំងពិព័រណ៍ចំនួន 200នាក់ និង 280ស្ដង់ មកពី 15ប្រទេស និងតំបន់ ដូចជាប្រទេសកម្ពុជា ចិន សាធារណរដ្ឋឆែក ហុងកុង ឥណ្ឌា ជប៉ុន ម៉ាឡេស៊ី សិង្ហបុរី តៃវ៉ាន់ ថៃ និងវៀតណាម ដើម្បីបង្ហាញនូវផលិតផលច្នៃប្រឌិតថ្មីជាច្រើនដែលជាដំណោះស្រាយគ្រប់យ៉ាងអាចប្រើប្រាស់បានក្នុងការធ្វើពាណិជ្ជកម្ម។

ក្រោមការរៀបចំដោយក្រុមហ៊ុន Yorkers Trade & Marketing Service Co.,Ltd ព្រឹត្តិការណ៍ដ៏ធំនេះទទួលបានការគាំទ្រយ៉ាងខ្លាំងពីសំណាក់រាជរដ្ឋាភិបាល និងផ្នែកឧស្សាហកម្មនៅកម្ពុជា ដែលត្រូវបានសហការរៀបចំឡើងដោយក្រសួងឧស្សាហកម្ម និងសិប្បកម្ម សភាពាណិជ្ជកម្មកម្ពុជា (CCC) និងសមាគមរោងចក្រកាត់ដេរនៅកម្ពុជា (GMAC) និងឧបត្ថម្ភជាផ្លូវការដោយអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម (TPD)។

ចូលរួមទស្សនាការតាំងពិព័រណ៍ CIMIF និង CTG លោកអ្នកនឹងអាចរកឃើញនូវម៉ាស៊ីនឧស្សាហកម្មដែលមានគុណភាពជាច្រើន ស្វែងយល់ពីបច្ចេកទេសអភិវឌ្ឍន៍ឧស្សាហកម្មចុងក្រោយបំផុត និងសហការជាមួយដៃគូឧស្សាហកម្មសំខាន់។ កម្មវិធីពិព័រណ៍2 រួមគ្នានេះពិតជាផ្តល់នូវឱកាសដ៏ល្អបំផុតសម្រាប់លោកអ្នកក្នុងការទទួលបានខ្សែចង្វាក់ផលិតកម្ម តម្លៃពិភពលោក និងចាប់យកជាមួយការអភិវឌ្ឍឧស្សាហកម្មដែលពឹងផ្អែកលើបច្ចេកវិទ្យា & ចំណេះដឹង៕

August 21, 2019

សមាគម CVEA មានកិត្តិយស សូមជម្រាបជូនដំណឹងដល់ប្រធានក្រុមហ៊ុនសមាជិកសមាគមដើម្បីជ្រាបថា៖

សមាគម CVEA មានកិត្តិយស សូមជម្រាបជូនដំណឹងដល់ប្រធានក្រុមហ៊ុនសមាជិកសមាគមដើម្បីជ្រាបថា៖ សមាគម CVEA នឹងរៀបចំកម្មវិធី Real Estate Business Support Program ដែលនឹងប្រព្រឹត្តទៅនៅថ្ងៃទី២៩ ខែសីហា ឆ្នាំ២០១៩ វេលាម៉ោង ១០:០០ នាទីព្រឹក រហូតដល់ ១២:០០ នាទីរសៀល នៅការិយាលយសមាគម CVEA។ កម្មវិធីនេះរៀបចំឡើងក្នុងគោលបំណង ដើម្បីជួយសម្របសម្រួល និងប្រឹក្សាយោបល់ជូនដល់ក្រុមហ៊ុនសមាជិកសមាគមផ្នែកពាណិជ្ជកម្មដូចជា៖
១. ការរៀបចំធ្វើផែនការយុទ្ធសាស្រ្តសម្រាប់ក្រុមហ៊ុន
២. ការគ្រប់គ្រងភា្នក់ងារអចលនវត្ថុ
៣. ការរៀបចំធ្វើការងារប្រចាំថ្ងៃ
៤. និងការប្រឹក្សាយោបល់នានាដើម្បីជួយគាំទ្រដល់ដំណើរការអាជីវកម្មរបស់ក្រុមហ៊ុនសមាជិក ទាំងអស់ឲ្យកាន់តែប្រសើរឡើង ។

អាស្រយហេតុនេះប្រសិនបើ លោកឧកញ៉ា លោកជំទាវ លោក លោកស្រី ជាប្រធានក្រុមហ៊ុនសមាជិកសមាគម មានបំណងចង់ជួបធ្វើការពិភាក្សា និងធ្វើការប្រឹក្សាយោបល់ សូមទំនាក់ទំនងមកកាន់លេខាធិការដ្ឋានសមាគម នៅរៀងរាល់ម៉ោងធ្វើការចាប់ពីថ្ងៃជូនដំណឹងនេះតទៅ ។ទូរសព្ទលេខ ០១០ ៥១០ ២៥៩ | ០១៧ ៦១៥ ៨៩៤ ។ សូមអរគុណ!

August 20, 2019

កម្មវិធីសម្ពោធគម្រោងដើមម៉ៃសាក់ក្រោមកិច្ចសហការរបស់ក្រុមហ៊ុន CPL ខេមបូឌា ជាមួយក្រុមវិនិយោគពីប្រទេសអ៊ីស្រាអែល

កាលពីព្រឹកថ្ងៃ ចន្ទ័ ទី19 សីហា ឆ្នាំ 2019 ក្រោមអតិបតីភាព លោក សុខ ភា អភិបាលខេត្តរងខេត្តកំពង់ស្ពឺ និងមានការចូលរួមសហការ ជាមួយរដ្ឋលេខាធិការក្រសួងបរិស្ថាន ក្នុងការប្រតិបត្តិការអនុវត្តគម្រោងដាំដើម ម៉ៃសាក់ នៅលើផ្ទៃដី 350ហិចតា របស់ក្រុមហ៊ុន TEAK FARM CAMBODIA ដោយប្រើដើមទុន 08-09លានដុល្លារ ក្រោមការសម្របសម្រួលរបស់ក្រុមហ៊ុន CPL។

ឯកឧត្តម ស្រ៊ុន ដារិទ្ធិ រដ្ឋលេខាធិការក្រសួង បរិស្ថានបានថ្លែងថា នេះជាគម្រោងល្អមួយ សម្រាប់សហគមន៍តំបន់ការពារធម្មជាតិ ដោយក្រសួងមិនត្រឹមតែមិនបាច់ចំណាយ ធនធានក្នុងការថែទាំតំបន់សហគមន៍នោះ ថែមទាំងអាចផ្តល់ចំណូលដល់ពលរដ្ឋនៅ ក្នុងសហគមន៍នេះទៀត។

លោក ហ្គាយ យូហ្គេវ អ្នកគ្រប់គ្រងគម្រោង ដាំដើមម៉ៃសាក់នៃក្រុមហ៊ុនTeak Farm បានអោយដឹងថា ដោយសារតែកម្ពុជា ជា ប្រទេសដោយអំណោយផលសម្រាប់ដំណាំកសិកឧស្សាហកម្មដូចជាជាម៉ៃសាក់នេះ ។

លោក ផុន ជាប្រធានសហគមន៍តំបន់ការពារធម្មជាតិតាសាលបានសម្តែង នូវក្តីរីករាយចំពោះការវិនិយោគដាំដើម ម៉ៃសាក់នេះ ដោយរំពឹងថានឹងអាចកាត់ បន្ថយការចំណាកស្រុករបស់ពលរដ្ឋក្នុងតំបន់នេះ។

ការដាំដើមឈើម៉ៃសាក់នេះ ក្រុមហ៊ុនTeak Farm មកពីប្រទេសអ៊ីស្រាអែល បានចុះកុងត្រាជាមួយ សហគមន៍តំបន់ការពារធម្មជាតិតាសាលនៃដែនជម្រកសត្វព្រៃភ្នំឱរ៉ាល់ ខេត្តកំពង់ស្ពឺ ដែលក្រសួងបរិស្ថានដាក់ជាតំបន់ការពារធម្មជាតិរយៈពេល15ឆ្នាំ ។ ប្រសិនបើដាក់ឱ្យលូតលាស់តាមធ្មជាតិឈើប្រភេទឈើម៉ៃសាក់នេះអាចប្រមូលផលបានក្នុងរយៈពេល 22ឆ្នាំ តែក្រុម ហ៊ុននេះនឹងប្រើបច្ចេកកវិទ្យាចុងក្រោយដោយមើលទាំយ៉ាងដិតដល់ ហើយអាចប្រមូលផលក្នុងរយៈពេល6ឆ្នាំប៉ុណ្ណោះ៕

August 20, 2019

យេ៎…យេ៎…!! ឱកាសមហាប្រូម៉ូសិនយក្សដ៏កម្រប្រចាំឆ្នាំពី សាមសុង បានមកដល់ហើយ…!!

មួយឆ្នាំមានម្តង កុំឲ្យរំលងប្រូម៉ូសិនយក្ស!!!

ភ្នំពេញថ្ងៃទី២០ ខែសីហា ឆ្នាំ២០១៩៖ កម្មវិធីដ៏អស្ចារ្យប្រចាំឆ្នាំបានត្រឡប់មកវិញហើយ មកជាមួយនឹងភាពអស្ចារ្យ និងរំភើបសម្រាប់អតិថិជនទាំងអស់! និយាយទៅកម្មវិធីពិសេសនេះគឺ ទិញថែម…ទិញថែម…ថែមៗកប់តែម្តង! ពិតជាអស្ចារ្យខ្លាំងណាស់! ចំណាយក៏កាន់តែតិច…ចំណេញវិញមហាសែនច្រើន…!!

ឥឡូវនេះក្រុមហ៊ុនបច្ចេកវិទ្យាអេឡិចត្រូនិក សាមសុង ធ្វើការផ្តល់ជូនកម្មវិធីប្រូម៉ូសិនដ៏ធំប្រចាំឆ្នាំដូចជា៖ ការបញ្ចុះតម្លៃយ៉ាងពិសេស, ទិញ ១ ថែម ១, ទិញទូទឹកកកថែមម៉ាស៊ីនបោកខោអាវ, ទិញម៉ាស៊ីនបោកខោវអាវ ថែមជូនម៉ាស៊ីនបូមធូលី ឬថែមជូនម៉ាស៊ីនដុតអគ្គិសនី (Microwave), ទិញទូរទស្សន៍ទទួលបានការបញ្ចុះតម្លៃ ចាប់ពី $25 រហូតដល់ $750 ភ្លាមៗ ,ទិញម៉ាស៊ីនត្រជាក់ថែមជូនសេវាតម្លើង និងជើងភ្ជាប់ជញ្ជាំងដោយឥតគិតថ្លៃ…!! ចាប់ពីថ្ងៃនេះរហូតដល់ 30 កញ្ញា 2019

អត់ទាន់អស់នៅឡើយទេ! នៅមានច្រើនទៀត! អ៊ីចឹងខ្ញុំគិតថាគ្មានហេតុផលណាដែលលោកអ្នក ឬក៏អតិថិជនទាំងអស់ត្រូវរង់ចាំទៀតនោះទេ! ព្រោះឱកាសដ៏មហាអស្ចារ្យនេះ ១ ឆ្នាំ មានតែម្តងប៉ុណ្ណោះ! សូមបញ្ជាក់ម្តងទៀតថា “មានតែម្តងប៉ុណ្ណោះក្នុង ១ ឆ្នាំ!”
លោកអ្នកប្រាកដជារង់ចាំយ៉ាងអន្ទះសារហើយក្នុងការមកទទួលយកកម្មវិធីប្រូម៉ូសិនពិសេសដ៏អស្ចារ្យប្រចាំឆ្នាំរបស់ក្រុមហ៊ុន សាមសុង សម្រាប់បរិក្ខារអេឡិចត្រូនិកប្រើប្រាស់ក្នុងគេហដ្ឋានដ៏ទំនើបទាន់សម័យយ៉ាងច្រើនសម្បូរបែប!

យ៉ាងណាមិញ ពី ១ ឆ្នាំ ទៅ ១ ឆ្នាំ ក្រុមហ៊ុន សាមសុង បានធ្វើការផ្តល់ជូនទំាងផលិតផលដែលមានគុណភាពល្អបំផុត និងកម្មវិធីពិសេសដល់អតិថិជនទាំងអស់ដោយក្តីរីករាយ និងជាទីមោទនៈផងដែរ! ជាក់ស្តែងនៅពេលនេះគឺជាឱកាសដ៏កម្រអស្ចារ្យបំផុតសម្រាប់លោកអ្នកដើម្បីអញ្ជើញមករីករាយជាមួយនឹងកម្មវិធីប្រូម៉ូសិនផ្តល់ជូនដ៏ធំដោយមានទាំងការបញ្ចុះតម្លៃដ៏សម្បើម និងការថែមជូនយ៉ាងភ្ញាក់ផ្អើលដែលពុំធ្លាប់មានផងដែរ! តើលោកអ្នកធ្លាប់គិតថាចង់ទិញទូទឹកកក ម៉ាស៊ីនបោកសម្លៀកបំពាក់ ម៉ាស៊ីនបូមធូលី ឬបរិក្ខារផ្សេងៗទៀត ហើយបារម្ភខ្លាចក្រែងថាថវិកាអត់គ្រប់ ឬក៏ត្រូវចំណាយច្រើនមែនអត់? ប្រាកដណាស់! លោកអ្នកប្រាកដជាធ្លាប់គិតដល់ត្រង់ចំណុចនេះ! ប៉ុន្តែនៅពេលនេះលោកអ្នកឈប់គិតបែបនោះ និងឈប់បារម្ភទៀតទៅ!

ទាន់ឱកាសដ៏ល្អ និងកម្រនេះបានមកដល់…អ៊ីចឹងសូមប្រញាប់មកទទួលយកការផ្តល់ជូនដ៏អស្ចារ្យនេះទាំងអស់គ្នាភ្លាមទៅ! សម្រាប់ពត៌មានលម្អិតសូមអញ្ចើញមកទស្សនាដោយផ្ទាល់នៅតាមបណ្តាហាងទំនើប សាមសុង និងដេប៉ូចែកចាយបន្តដែលនៅជិតលោកអ្នកបំផុត ឬទំនាក់ទំនងមកកាន់ទូរស័ព្ទ៖ 1800 203 232 !

August 20, 2019

ក្រុមហ៊ុន LG ឈ្នះពានរង្វាន់កំពូលប្រចាំឆ្នាំពីស្ថាប័ន EISA ទៅលើបច្ចេកវិទ្យាសប្បនិមិ្មតចុងក្រោយបំផុតដែលភ្ជាប់នៅក្នុងទូរទស្សន៍និងឧបករណ៍បំពងសំលេង

ការបន្តកំណត់ត្រាវែងឆ្ងាយនៃភាពជោគជ័យ ត្រូវបានសហការនិងទទួលស្គាល់ជាសាធារណៈពីអ្នកប្រើប្រាស់គ្រឿងអេឡិចត្រូនិចដ៏បំផុតក្នុងពិភពលោក ។

ទីក្រុងសេអ៊ូលថ្ងៃទី ១៥ ខែសីហាឆ្នាំ ២០១៩ - ក្រុមហ៊ុនអេឡិចត្រូនិច (LG) ត្រូវបានទទួលស្គាល់ជាថ្មីម្តងទៀតសម្រាប់ផលិតផលកម្សាន្តក្នុងផ្ទះដ៏ប្រសើរបំផុតដោយសមាគមអ្នកជំនាញរូបភាពនិងសំឡេង ហៅកាត់ថា (EISA) ដែលជាស្ថាប័ននិពន្ធគ្រឿងអេឡិចត្រូនិចធំជាងគេបំផុតរបស់ពិភពលោកដែលតំណាងដោយការបោះពុម្ពផ្សាយចំនួន ៥៥ នៅទូទាំង ២៩ ប្រទេស។ នៅក្នុងពានរង្វាន់ EISA នៅឆ្នាំនេះផលិតផល LG ចំនួនបួនគឺទូរទស្សន៍ LG OLED (ម៉ូដែល OLED65E9) ទូរទស្សន៍ LG NanoCell (ម៉ូដែល 65SM9000), LG Soundbar (ម៉ូដែល SL8YG), LG XBOOM Go (ម៉ូដែល PK7) - ត្រូវបានគេជ្រើសរើសសម្រាប់សមត្ថភាពឆ្នើម ការរចនាប្រកបដោយការច្នៃប្រឌិតខ្ពស់និងគុណតម្លៃសម្រា ប់អ្នកប្រើប្រាស់។

ទូរទស្សន៍ LG OLED TV AI ThinQ ត្រូវបានគេដាក់ឈ្មោះថា EISA BEST PREMIUM OLED TV 2019-2020 ដែលនេះជាឆ្នាំទី ៨ ហើយដែលទូរទស្សន៍ LG OLED ទទួលបានចំណាត់ថ្នាក់កំពូលក្នុងផ្នែកទូរទស្សន៍នេះ។ កាលពីដើមឆ្នាំ2019 នេះ ទូរទស្សន៍ប្រភេទE 65 អ៊ីញ ដែលដំណើរការដោយប្រព័ន្ធឆ្លាតវៃ α (Alpha) 9 ជំនាន់ទី ២ ត្រូវបានឈ្នះពានរង្វាន់មាសផ្នែករចនាពី IF ដែលមាន បន្ទះឈីបកម្រិតខ្ពស់ផ្តល់ជូននូវរូបភាពនិងគុណភាពសំឡេងដែលត្រូវបានធ្វើឱ្យប្រសើរឡើងដោយ AI ដោយការេផ្អែកលើកម្រិតពណ៌ដែលមិនចេះរីងស្ងួតនិងការបញ្ចេញពណ៌ត្រឹមត្រូវ ទើបធ្វើអោយបច្ចេកវិទ្យា OLED របស់ក្រុមហ៊ុន LG ទទួលបានភាពល្បីល្បាញបែបនេះ ។ គណៈគម្មាការវាយតម្លៃ EISA បានកោតសរសើរចំពោះការរចនាមិនចេះរីងស្ងួតរបស់ OLED 65 E9 ដែលរួមបញ្ចូលកញ្ចក់ថ្លាដើម្បីបង្កើតការបំភាន់នៃអេក្រង់អណ្តែតលើអាកាស ដែលធ្វើឱ្យទូរទស្សន៍ក្លាយជាកន្លែងទាក់ទាញបន្ថែមទៀត។

ទូរទស្សន៍ LG NanoCell AI ThinQ ត្រូវបានទទួលស្គាល់សម្រាប់ពានរង្វាន់កំពូលទូរទស្សន៍ឆ្លាតវៃពី EISA សំរាប់ការសម្តែងរូបភាពនិងសំលេងដែលគួរអោយភ្ញាក់ផ្អើលដោយសារបច្ចេកវិទ្យាអេក្រង់ NanoCell របស់ខ្លួន Full Array Local Dimming (FALD) និង processor 7 Gen 2 ។ ការជ្រើសរើសររបស់ EISA ត្រូវបានផ្ដោតទៅលើបទពិសោធន៍អ្នកប្រើប្រាស់និងភាពងាយស្រួលដែលផ្តល់ជូនដោយប្រព័ន្ធបច្ចេកវិទ្យាសប្បនិម្មិតរបស់ក្រុមហ៊ុន LGជាមួយកម្មវិធី ThinQ និងការរួមបញ្ចូលយ៉ាងរលូននៃ Google Assistant និង Amazon Alexa ។

ឧបករណ៍បំពងសម្លេងម៉ាក LG Soundbar និងឧបករណ៍បំពងសម្លេង LG XBOOM Go បានឈ្នះពានរង្វាន់ប្រភេទ EISA SOUNDBAR 2019- 2020 និង EISA MOBILE SPEAKER 2019- 2020 សម្រាប់គុណភាពសំឡេងពិសេសដែលទទួលបានពីកិច្ចសហការរបស់ LG ជាមួយក្រុមហ៊ុន Meridian ដែលជាអ្នកជំនាញផ្នែកសំលេងដ៏ល្បីល្បាញរបស់ចក្រភពអង់គ្លេស។

លោក Brian Kwon ប្រធានក្រុមហ៊ុនទូរគមនាគមន៍ចល័តនិងកំសាន្តតាមគេហដ្ឋានរបស់ក្រុមហ៊ុន LG បានមានប្រសាសន៍ថា“ យើងមានកិត្តិយសណាស់ដែលមានផលិតផលសម្លេងនិងអូឌីយ៉ូប្រកបដោយភាពច្នៃប្រឌិតរបស់យើងដែលត្រូវបានទទួលស្គាល់ដោយស្ថាប័ន ដែលត្រូវបានគោរពនិងជឿទុកចិត្តពី EISA” ។ យើងនឹងបន្តបង្កើននិងពង្រីកការវិនិយោគជាបន្តបន្ទាប់របស់យើងក្នុងការច្នៃប្រឌិត ដើម្បីផ្តល់ជូនអតិថិជននូវដំណោះស្រាយសម្រាប់ការកម្សាន្តតាមផ្ទះប្រកបដោយភាពវៃឆ្លាតដើម្បីធ្វើឱ្យជីវិតកាន់តែប្រសើរឡើង” ។

អ្នកចូលរួមទស្សនាស្តង់ LG នៅក្នុងព្រឹត្តការណ៍ IFA នៅសាលទី 18 នាទីក្រុងប៊ែកឡាំង ពីថ្ងៃទី ៦-១១ ខែកញ្ញានឹងមានឱកាសបានទស្សនាផលិតផលទាំងអស់ដែលត្រូវបានទទួលស្គាល់ដោយស្ថាប័ន EISA ។

August 19, 2019

ដាំកូនឈើ ដើម្បីអនាគតជំនាន់ក្រោយរបស់យើង

រាជធានីភ្នំពេញ៖ បម្រែបម្រួលអាកាសធាតុ គឺជាបញ្ហាប្រឈមមួយ ដែលត្រូវបានយកចិត្តទុកដាក់ខ្ពស់ ទាំងក្នុងប្រទេសកម្ពុជា ក៏ដូចជាសាកលលោកទាំងមូល នៅអំឡុងពេលប៉ុន្មានឆ្នាំចុងក្រោយនេះ។ ជាការពិតណាស់ ព្រៃឈើ គឺជាចលករទប់ស្កាត់បញ្ហាបម្រែបម្រួលអាកាសធាតុ និងថែរក្សាភពផែនដីបានយ៉ាងល្អប្រសើរ ព្រមទាំងផ្តល់នូវភាពស្រស់បំព្រង ដល់ជីវិតក្នុងលោកយើងទាំងអស់ផងដែរ។ ហេតុនេះហើយ ទើបធនាគារ ស៊ីអាយអិមប៊ី ភីអិលស៊ី (ធនាគារ CIMB) បានសម្រេចរួមចំណែក ដល់កម្មវិធីដាំកូនឈើ នៅវិទ្យាល័យ ឧដុង្គ ដោយមានការចូលរួមពីគណៈគ្រប់គ្រង រួមមានប្រធាននាយកប្រតិបត្តិ និងបុគ្គលិកធនាគារទាំងមូល កាលពីថ្ងៃទី២០ ខែកក្កដា ឆ្នាំ២០១៩ កន្លងទៅនេះ។

កម្មវិធីនៃការទទួលខុសត្រូវ ចំពោះសង្គម របស់ធនាគារ CIMB លើកនេះ ត្រូវបានប្រារព្ធធ្វើឡើង ក្រោមប្រធានបទ «ដាំកូនឈើ ដើម្បីអនាគតជំនាន់ក្រោយរបស់យើង។ លើសពីការដាំដើមឈើជាង ២០០ដើម ធនាគារ CIMB ក៏បានរៀបចំការលែងកូនត្រីជាង ៣០០ក្បាល ទៅក្នុងស្រះរបស់វិទ្យាល័យ ឧដុង្គ ក៏ដូចជាបរិច្ចាគសម្ភារៈកសិកម្ម សម្រាប់ថែទាំងកូនឈើ និងប្រើប្រាស់ផ្សេងៗ រួមមានម៉ាស៊ីនបូមទឹក និងម៉ាស៊ីនកាត់ស្មៅជាដើម។

ថ្លែងក្នុងឱកាសដាំកូនឈើនេះ លោកប៊ុន យីន ប្រធាននាយកប្រតិបត្តិរបស់ធនាគារ CIMB បានមានប្រសាសន៍ថា៖ «កម្មវិធីនៃការទទួលខុសត្រូវ ចំពោះសង្គម របស់ធនាគារ CIMB រួមមានសកម្មភាពចូលរួមចំណែកការកសាងជាមួយមូលដ្ឋាន នូវវិស័យនានា ដូចជាការសិក្សាអប់រំ សុខុមាលភាព សង្គមកិច្ច និងបរិស្ថាន។ ហើយថ្ងៃនេះ ធនាគារយើងខ្ញុំចូលរួមការងារបរិស្ថាន ដោយការដាំកូនឈើ។ យើងខ្ញុំជ្រើសយកវិទ្យាល័យ ឧដុង្គ សម្រាប់សកម្មភាពដាំកូនឈើនេះ ដោយយើងចង់បានកូនឈើទាំងនេះ នឹងបានការបីបាច់ថែរក្សា ពីលោកគ្រូ អ្នកគ្រូ និងសិស្សានុសិស្សទាំងឡាយ ដើម្បីធានាឲ្យដើមឈើទាំងនេះនឹងគង់វង្សស្ថិតស្ថេរចេរកាល»។

ជាផ្នែកមួយរបស់ស៊ីអាយអិមប៊ី គ្រុប ដែលមានវត្តមាននៅទូទាំងតំបន់អាស៊ាន ធនាគារ CIMB ដែលត្រូវបានដឹកនាំ និងបម្រើការងារ ដោយជនជាតិខ្មែរ ១០០% តែងតែរួមចំណែក ដល់ការអភិវឌ្ឍ ក្នុងប្រទេសកម្ពុជា។ លោកប៊ុន យីន បានបន្ថែមទៀតថា ស្របតាមចក្ខុវិស័យរបស់ស៊ីអាយអិមប៊ី គ្រុប ចំពោះការជួយត្រឡប់ ទៅកាន់សហគមន៍ ដែលខ្លួនកំពុងប្រកបអាជីវកម្ម ធនាគារមានគោលដៅបរិច្ចាគទឹកប្រាក់ ១% នៃប្រាក់ចំណេញប្រចាំឆ្នាំរបស់ខ្លួន សម្រាប់កម្មវិធីទំនួលខុសត្រូវ ជារៀងរាល់ឆ្នាំ។ ដើម្បីសម្រេចនូវកម្មវិធីទំនួលខុសត្រូវសង្គមរបស់យើងនេះ ធនាគារនឹងបន្តសហការជាមួយវិទ្យាល័យ ឧដុង្គ ក្នុងការពិនិត្យទៅលើការថែរក្សា និងប្រើប្រាស់ជំនួយឧបត្ថម្ភរបស់យើង ហើយធនាគារនឹងបន្តឧបត្ថម្ភបន្ថែមទៀត នាពេលអនាគត ទៅលើភាពចាំបាច់ផ្សេងៗរបស់សាលា។

ស្ថិតក្នុងទឹកមុខរីករាយស្រស់ស្រាយ លោកឡៃ គួង នាយកវិទ្យាល័យ ឧដុង្គ បានមានប្រសាសន៍ថា៖ «សកម្មភាពសប្បុរធម៌របស់ធនាគារ CIMB នាពេលនេះ ពិតជាបានរួមចំណែកដល់ការអភិវឌ្ឍសាលាមួយកម្រិតទៀត។ ដោយសារសាលារបស់ខ្ញុំ ផ្តោតលើការថែរក្សាបរិស្ថាន ដូច្នេះសកម្មភាពដាំកូនឈើរបស់ធនាគារ CIMB បានជួយឲ្យសាលារបស់យើង កាន់តែមានភាពស្រស់បំព្រងបន្ថែមទៀត និងជម្រុញឲ្យសិស្សានុសិស្សរបស់យើង បានស្គាល់ និងយល់ដឹង ពីដើមឈើប្រណីត ដែលបានដាំនាថ្ងៃនេះ។ ហើយការបរិច្ចាគសម្ភារៈកសិកម្មទៀតសោត ក៏បានផ្តល់នូវមធ្យោបាយកាន់តែប្រសើរ ឲ្យពួកយើងអាចប្រើប្រាស់ ដែលជាប្រយោជន៍ នៅក្នុងវិទ្យាល័យ ឧដុង្គទាំងមូល។ តាងនាមឲ្យលោកគ្រូអ្នកគ្រូ និងសិស្សានុស្សិសទាំងអស់ ខ្ញុំសូមថ្លែងអំណរគុណ ដល់គណៈគ្រប់គ្រង និងបុគ្គលិករបស់ធនាគារ CIMB ដែលបានដំណើរមកដោយផ្ទាល់ និងឧបត្ថម្ភ ដល់សាលាយើងខ្ញុំ»។

លោក ហ៊ូ នីរ៉េម៉ូ ជាបុគ្គលិករបស់ធនាគារ CIMB ដែលបានចូលរួមក្នុងកម្មវិធីនេះផ្ទាល់ បានបង្ហាញពីមតិយោបល់របស់ខ្លួនថា៖ «ខ្ញុំមានអារម្មណ៍ថា សប្បាយចិត្ត ដែលបានជួយដល់បរិស្ថាន នាថ្ងៃមុខ។ យើងតែងតែគិតថា ២០ឆ្នាំមុន យើងដាំដើមឈើ ទើបថ្ងៃនេះបានផល ប៉ុន្តែមិនទាន់យឺតពេលទេ យើងអាចដាំថ្ងៃនេះ ដើម្បីបានផលទៅថ្ងៃក្រោយ ដែលជួយដល់បរិស្ថាន បង្កើនភាពបៃតង ទាំងក្នុងការរស់នៅ និងក្នុងសាលារៀន ហើយផ្តល់សុខភាព និងសោភណភាព ដល់សិស្សសាលា និងក្មេងជំនាន់ក្រោយ។ ហើយខ្ញុំសូមលើកទឹកចិត្តឲ្យអ្នកទាំងអស់គ្នា ដាំកូនឈើឲ្យបានច្រើន មិនថាថ្ងៃនេះ ឬថ្ងៃស្អែក ច្រើន ឬក៏តិចឡើយ»។

សូមបញ្ជាក់ផងដែរថា ធនាគារ CIMB បានចាប់ផ្តើមប្រតិបត្តិការអាជីវកម្មរបស់ខ្លួន ក្នុងប្រទេសកម្ពុជា នៅចុងឆ្នាំ២០១០ ហើយបច្ចុប្បន្នធនាគារមានសាខាចំនួន១៣ តាមបណ្តារាជធានី និងខេត្តសំខាន់ៗ នៅក្នុងប្រទេស។ ក្នុងរយៈពេលជិត១០ឆ្នាំកន្លងមកនេះ ធនាគារ CIMB បានចូលរួមសកម្មភាពសប្បុរសធម៌ជាច្រើន ដែលរួមមានវិស័យសំខាន់ៗ ដូចជាវិស័យអប់រំ ដោយធនាគារបានឧបត្ថម្ភដល់សាលាដាច់ស្រយ៉ាលនានា ក្នុងប្រទេសកម្ពុជា និងផ្តល់អាហារូបករណ៍ដល់និស្សិតសិក្សានៅក្រៅប្រទេស | វិស័យសុខាភិបាល ដោយធនាគារបានបរិច្ចាគឈាម និងឧបត្ថម្ភដល់មន្ទីរពេទ្យគន្ធបុប្ផា និងមន្ទីរពេទ្យបង្អែកបាទីជាដើម | វិស័យសង្គមកិច្ច ដោយធនាគារបានឧបត្ថម្ភដល់កាកបាទក្រហម និងមជ្ឈមណ្ឌលកុមារកំព្រានានា ព្រមទាំងផ្នែកបរិស្ថាន ដោយធនាគារបានចូលរួមដាំកូនឈើ នៅវិទ្យាល័យ ឧដុង្គជាដើម។

August 16, 2019

ព្រះមហាក្សត្រចេញព្រះរាជក្រឹត្យផ្ដល់គោរមងា «ឧកញ៉ា» ដល់លោក នួន អក

ភ្នំពេញ)៖ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់បង្គាប់ ផ្ដល់គោមងារដល់លោក នួន អក ជា «ឧកញ៉ា»។ នេះបើតាមព្រះរាជក្រឹត្យ ដែលបណ្ដាញព័ត៌មាន Fresh News ទទួលបាននៅព្រឹកថ្ងៃទី១៥ ខែសីហា ឆ្នាំ២០១៩នេះ។

លោក នួន អក ដែលជាសហគ្រិនវ័យក្មេងមួយរូប ហើយក៏ជាគ្រូបណ្ដុះបណ្ដាលពាក់ព័ន្ធទៅនឹងការផ្លាស់ប្ដូរផ្នត់គំនិត និងភាពជោគជ័យក្នុងការធ្វើជំនួញ។

លោកឧកញ៉ាវ័យក្មេង នួន អក ក៏ជាឪពុកធម៌ និងកំពុងជួយឧបត្ថម្ភដល់មជ្ឈមណ្ឌលកុមារកំព្រាមួយកន្លែង ស្ថិតនៅក្នុងខេត្តកំពង់ស្ពឺ ដែលមានឈ្មោះថា «នួនអក ព្រៃជុំ» សម្រាប់រយះពេល២០ឆ្នាំ ដែលចិញ្ចឹមបីបាច់ថែរក្សាក្មេងៗកំព្រាចំនួន៥០នាក់។ លើសពីនេះទៅទៀត លោកក៏បាននឹងកំពុងរួមសហការជាមួយលោកស្រី ហ៊ុន ស៊ីណាតក្នុងការជួយឧបត្ថម្ភ ដល់មជ្ឈមណ្ឌលកុមារកំព្រា ខេត្តសៀមរាបផងដែរ៕

August 15, 2019

ការបង្កើតម៉ាកសញ្ញាផលិតផលរបស់ខ្លួនឯង គឺជារឿងល្អ ដែលម្ចាស់អាជីវកម្មគួរធ្វើ

បច្ចុប្បន្ន ការបង្កើតម៉ាកសញ្ញាផលិតផលរបស់ខ្លួនឯងដើម្បីប្រកួតប្រជែងនៅលើទីផ្សារលែងជារឿងពិបាកទៀតហើយ នៅពេលដែលអាជីវករ ឬអ្នករកស៊ីទាំងឡាយបានទទួលនូវការប្រឹក្សា និងការណែនាំអំពីរឿងនេះយ៉ាងច្បាស់លាស់ ព្រមទាំងការបង្ហាញអំពីយុទ្ធសាស្ត្រទីផ្សារដែលត្រឹមត្រូវតាមច្បាប់កំណត់ ដើម្បីកុំឱ្យមានបញ្ហាប្រឈមនឹងការផាកពិន័យនៅពេលក្រោយ។

ខាងក្រោមនេះ គឺការផ្ដល់ប្រឹក្សាខ្លះៗអំពីការបង្កើតម៉ាកសញ្ញាផលិតផលរបស់ខ្លួនឯង និងការធ្វើយុទ្ធសាស្ត្រទីផ្សារដោយលោកឧកញ៉ា ចិត្រ សេរីសុភ័ក្រ ដែលជាម្ចាស់ក្រុមហ៊ុនទទួលប្រឹក្សា និងជាម្ចាស់រោងចក្រទទួលផលិតផលិតផលកែសម្ផស្សគ្រប់ប្រភេទនៅប្រទេសថៃ និងប្រទេសកម្ពុជា។

អគ្គនាយកក្រុមហ៊ុន Luxury Smile Manufacturing Beauty Group Co.,LTD លោកឧកញ៉ា ចិត្រ សេរី សុភ័ក្ត្រ បានមានប្រសាសន៍ ប្រាប់ឱ្យដឹងថា ការបង្កើតម៉ាកសញ្ញាផលិតផលផ្ទាល់ខ្លួន(Brand) គឺជារឿងល្អ ដែលម្ចាស់អាជីវកម្មគួរតែធ្វើ។ ប៉ុន្តែ ត្រូវតែប្រាកដថា ដំណើរការនៃការបង្កើតម៉ាកសញ្ញាទាំងអស់នោះត្រូវបានធ្វើឡើងស្របតាមច្បាប់កំណត់។ លោកឧកញ៉ា បានបន្តទៀតថា “ការបង្កើតម៉ាកសញ្ញា ឬប្រ៊េនដ៍ទៅលើផលិតផលគឺជាយុទ្ធសាស្ត្រដ៏ល្អក្នុងការបង្កើនការចាប់អារម្មណ៍ និងងាយធ្វើឱ្យគេឆាប់ស្គាល់ផលិតផលរបស់យើងនៅលើទីផ្សារ”។

លោកឧកញ៉ាបានបន្តទៀតថា “នៅក្នុងប្រទេសកម្ពុជា គឺមានការកំណត់ច្បាប់ត្រឹមត្រូវពីក្រសួងពាណិជ្ជកម្ម និងក្រសួងមហាផ្ទៃទៅលើការបង្កើតម៉ាកសញ្ញា ប៉ុន្តែភាគច្រើនត្រូវបានអាស្រ័យនៅប្រទេសជិតខាងដើម្បីផលិត ជាពិសេសប្រទេស ថៃ ដោយសារតែនៅកម្ពុជាមិនសូវមានរោងចក្រជំនាញ”។

លោកឧកញ៉ាបានបន្តទៀតថា “ការស្នើសុំឯកសារច្បាប់ស្ដីពីការបង្កើតម៉ាកសញ្ញាពីក្រសួងនៅក្នុងប្រទេសកម្ពុជា គឺជា នីតិវិធីមួយ ប៉ុន្តែក៏ត្រូវស្នើសុំសិទ្ធិផលិត និងការត្រួតពិនិត្យគុណភាពផលិតផលពីស្ថាប័នជំនាញនៅក្នុងប្រទេសថៃផងដែរ។បន្ថែមពីនេះ ក្រោយពេលផលិតចេញជាផលិតផលស្របទៅតាមម៉ាកសញ្ញាហើយ នៅមានការអនុវត្តតាមនីតិវិធីមួយចំនួនទៀត ដើម្បីធ្វើការនាំចូលមកកាន់ប្រទេសកម្ពុជាដើម្បីធ្វើការចែកចាយទៅលើទីផ្សារ”។

ពាក់ព័ន្ធទៅនឹងការបង្កើតម៉ាកសញ្ញាផលិតផលនេះផងដែរ បច្ចុប្បន្នកំពុងតែមានសកម្មភាពផុសផុលជាច្រើនពីសំណាក់ ម្ចាស់អាជីវកម្មដែលក្នុងនោះ ភាគច្រើនត្រូវបានដាក់លក់នៅតាមបណ្តាញ Online ហើយក៏មានអ្នកខ្លះមិនបាន អនុវត្តទៅតាមការកំណត់របស់ក្រសួងផងដែរ។

លោកឧកញ៉ា ចិត្រ សេរីសុភ័ក្ត្រ ដែលម្ចាស់ក្រុមហ៊ុនទទួលប្រឹក្សា និងបង្កើតម៉ាកសញ្ញាផលិតផល បានមានប្រសាសន៍ថា “នៅក្នុងករណីអនុវត្តមិនបានត្រឹមត្រូវទៅតាមការកំណត់របស់ក្រសួង គឺមានន័យថា ខុសច្បាប់ និងត្រូវប្រឈមលើការផាកពិន័យ ឬទទួលទោសផ្សេងៗទៀតអាស្រ័យទៅតាមការកំណត់របស់ច្បាប់”។

លោកឧកញ៉ាបានបន្តទៀតថា “ករណីអនុវត្តផ្ទុយពីច្បាប់ ឬបង្កើតម៉ាកសញ្ញាដោយមិនមានសុំការអនុញ្ញាត គឺជាការធ្វើ ជំនួញ ឬ ធ្វើអាជីវកម្មទាំងភាពប្រថុយប្រថាន វាងាយស្រួលចំណេញមែន ប៉ុន្តែក៏ងាយស្រួលខាតបង់ផងដែរ ជាក់ស្ដែង កាលពីពេលកន្លងទៅនេះ ធ្លាប់មានការចុះបិទទីតាំងក្រុមហ៊ុនមួយចំនួនរួចមកហើយ ដោយសារតែក្រុមហ៊ុនទាំងនោះលួច បង្កើតម៉ាកសញ្ញាខុសច្បាប់ ឬបន្លំម៉ាកសញ្ញារបស់គេ”។

លោកឧកញ៉ាបានបញ្ជាក់ថា “ការបង្កើតម៉ាកសញ្ញាផលិតផលស្របច្បាប់ មិនតម្រូវឱ្យចំណាយពេល ឬថវិកាច្រើន លើសលប់នោះទេ ហើយម្យ៉ាងទៀតក្នុងករណីដែលម្ចាស់អាជីវកម្មមិនជ្រាបពីនីតិវិធីច្បាប់ គឺត្រូវពឹងអ្នកជំនាញដែលជាក្រុមហ៊ុន ប្រឹក្សាស្របច្បាប់ជាជំនួយ”។ លោកឧកញ៉ាបានបន្ថែមថា “ម្ចាស់អាជីវកម្មក៏អាចទទួលបានការជួយរៀបចំផែនការអាជីវកម្មប្រកបដោយនិរន្តរភាព ទាំងផ្នែកហិរញ្ញវត្ថុ ការគ្រប់គ្រងធនធានមនុស្ស ក៏ដូចជាយុទ្ធសាស្ត្រក្នុងការបញ្ជ្រៀត ផលិតផលចូលទៅក្នុងទីផ្សារផងដែរ។

លោកឧកញ៉ាបានសង្កត់ធ្ងន់ថា “បើចង់ធ្វើជំនួញដោយភាពជោគជ័យ និងយូរអង្វែងត្រូវធ្វើតាមគោលការណ៍ដែលច្បាប់បានកំណត់ ជាពិសេសសហការជាមួយក្រុមហ៊ុនដែលមានជំនាញច្បាស់លាស់ ចៀសវាងការធ្វើអាជីវកម្មទាំងភាពប្រថុយប្រថាន ដែលងាយនឹងប្រឈមចំពោះមុខច្បាប់ ខាតបង់ទាំងទ្រព្យសម្បត្តិ និងខូចទាំងកេរ្តិ៍ឈ្មោះ”៕

August 15, 2019

វីងផ្តល់នូវវិសាលភាពក្នុងការទូទាត់សេវាកម្មហិរញ្ញវត្ថុតាមរយៈហាងលក់ទំនិញ Circle K

ភ្នំពេញថ្ងៃទី ៩ ខែសីហាឆ្នាំ ២០១៩៖ ធនាគារឯកទេសវីង (ខេមបូឌា) លីមីតធីត ដែលជាអ្នកផ្តល់សេវាធនាគារចល័តឈានមុខគេនៅកម្ពុជា បានចុះហត្ថលេខាលើអនុស្សរណៈនៃកិច្ចព្រមព្រៀងជាមួយក្រុមហ៊ុនធី អេច ស៊ី វី អេស ខូអិលធីឌី, ដែលនាំមកនូវផ្លាកសញ្ញ Circle K ជា ម៉ាកហាងទំនិញរាយ ដែលត្រួវបានគេទទួលស្គាល់ទូទាំងពិភពលោកនិងឈានមុខគេមួយ ដើម្បីផ្តល់ជូននូវសេវាកម្មហិរញ្ញវត្ថុរបស់វីង តាមរយៈបណ្តាញហាង Circle K នៅទូទាំងរាជធានីភ្នំពេញនិងប្រទេសកម្ពុជា។

តាមរយៈ ភាពជាដៃគូជាមួយ Circle K នេះ វីងបន្តប្តេជ្ញាចិត្តរបស់ខ្លួនចំពោះការរួមបញ្ចូលផ្នែកហិរញ្ញវត្ថុនិងដើម្បីធានាបាននូវការទទួលបានសេវាកម្មហិរញ្ញវត្ថុសម្រាប់ប្រជាជនកម្ពុជាទាំងអស់។ ផ្លាកសញ្ញាដ៏រឹងមាំនិងប្រកបដោយទំនុកចិត្តទាំងពីរ រួមគ្នាដើម្បីបំពេញបន្ថែមនូវភាពខ្លាំងនិងជំនាញរៀងៗខ្លួនដើម្បីផ្តល់ភាពងាយស្រួលដល់អតិថិជន នូវច្រកចេញចូលតែមួយ ក្នុងការទិញទំនិញ និង ប្រើប្រាស់សេវាកម្មហិរញ្ញវត្ថុ និងផ្តល់ឱកាសដល់សហគ្រិនទាំងឡាយដើម្បីភាពរីកចម្រើនអាជីវកម្មផ្ទាល់ខ្លួន។

ដោយទទួលស្គាល់ពីភាពស៊ីសង្វាក់គ្នារវាងផ្លាកសញ្ញាដែលត្រូវបានគេទទួលស្គាល់ទាំងពីរ Circle K នឹងដើរតួជា ភ្នាក់ងារវីងដោយមានផ្តល់ជូនសេវាកម្មហិរញ្ញវត្ថុយ៉ាងទូលំទូលាយរបស់វីង នៅតាមបណ្តាហាង Circle K ក្នុងរយៈពេលម្ភៃបួនម៉ោង និងជារៀងរាល់ថ្លៃ។ ចាប់ផ្តើមពីក្នុងរាជធានីភ្នំពេញ, ហើយក្នុងពេលឆាប់ៗខាងមុខនេះនឹងមាននៅតាមបណ្តាខេត្តធំៗក្នុងប្រទេសកម្ពុជា, រាល់បណ្តាហាង Circle K ទាំងអស់នឹងមានបម្រើសេវាកម្មហិរញ្ញវត្ថុរបស់វីង។
វីង និង Circle K នឹងបង្កើនការប្រើប្រាស់វិធីទូទាត់តាមបែបឌីជីថលយ៉ាងឆាប់រហ័សនៅក្នុងប្រទេសកម្ពុជាដើម្បីធ្វើឱ្យការទិញទំនិញ Circle K មានភាពងាយស្រួល។ អតិថិជនអាចគ្រប់គ្រងរាល់ការទិញទំនិញ និងប្រតិបត្តិការហិរញ្ញវត្ថុប្រចាំថ្ងៃ តាមរយៈភាពងាយស្រួលនិងសុវត្ថិភាពនៃទូរស័ព្ទចល័តនិងគណនីវីង និងភាពងាយស្រួលនៃប្រព័ន្ធទូទាត់តាម QR ដោយ WingPay នៅពេលដែលទទួលយកបទពិសោធន៍ទិញទំនិញលំដាប់ពិភពលោក។ ក្នុងនាមជាដៃគូ វីង និង Circle K នឹងទទួលបានអតិថិជនកាន់តែច្រើន ហើយបម្រើពួកគេកាន់តែប្រសើរ។

ក្នុងមានជាអ្នកផ្គត់ផ្គង់សេវាហិរញ្ញវត្ថុដល់អ្នកមិនធ្លាប់ប្រើប្រាស់សេវកម្មធនាគារ ធំជាងគេនៅកម្ពុជា ការទូទាត់ចល័តជាលក្ខណៈ ecosystem របស់វីង នឹងផ្តល់លទ្ធភាពជាមួយនឹងឱកាសជាច្រើនទៅដល់សហគ្រិនធុនតូចនិងមធ្យមទាំងឡាយក្នុងការផ្គត់ផ្គង់ទៅឲ្យ Circle K។ ជាមួយនឹងភាពងាយស្រួលនៃ គណនីវីង Circle K នឹងអាចទូទាត់វិកយបត្រទៅឲ្យអ្នកផ្គត់ផ្គង់របស់ខ្លួន ហើយអ្នកផ្គត់ផ្គង់ក៏នឹងអាចទទួលបានការទូទាត់ប្រាក់ភ្លាមៗនិងមានសុវត្ថិភាពសម្រាប់សេវកម្មរបស់ពួកគេ។

ថ្ងៃនេះគឺជា មោទនភាពមួយសម្រាប់វីង។ លោក Manu Rajan នាយកប្រតិបត្តិក្រុមហ៊ុនវីងបានមានប្រសាសន៍ថា“ យើងតែងតែទទួលបានជោគជ័យក្នុងការផ្តល់សេវាទូទាត់ប្រាក់តាមទូរស័ព្ទចល័តល្អបំផុតពីព្រោះយើងចាប់ដៃគូជាមួយក្រុមហ៊ុនដែលប្រកបដោយទំនុកចិត្តដូចជា Circle K” ។ លោក Rajan បានបន្ថែមទៀតថា“ នៅវីង ចក្ខុវិស័យរបស់យើងគឺផ្តល់សេវាកម្មហិរញ្ញវត្ថុតាមទូរស័ព្ទចល័តដែលមានតំលៃសមរម្យសម្រាប់ប្រជាជនកម្ពុជាគ្រប់រូប។ អាជីវកម្មរបស់យើងផ្តោតលើការនាំមកនូវការរួមបញ្ចូលផ្នែកហិរញ្ញវត្ថុដល់អ្នកមិនមានគណនីធនាគារ និងមិនស្ថិតក្នុងបណ្តាញធនាគារ ហើយផ្តល់មធ្យោបាយសម្រាប់ពួកគេក្នុងការធ្វើអន្តរកម្មនិងចូលរួមពេញលេញនៅក្នុងសេដ្ឋកិច្ច។ ភាពជាដៃគូរបស់យើងអនុញ្ញាតឱ្យវីងនិង Circle K ក្លាយជាមូលដ្ឋានគ្រឹះដ៏រឹងមាំដើម្បីបម្រើអតិថិជននិងបង្កើនអាជីវកម្មរបស់ខ្លួន ស្របពេលជាមួយគ្នានេះដែរនឹងនៅតែរក្សាបាននូវចក្ខុវិស័យរបស់យើង។

លោកកែវ ដេននីស អ្នកគ្រប់គ្រងទូទៅ នៃ Circle K បានមានប្រសាសន៍ថា“ នៅក្នុងទីផ្សារដែលយើងធ្វើប្រតិបត្តិការវាមានសារៈសំខាន់ណាស់សម្រាប់អាជីវកម្មរបស់យើងដែលយើងធ្វើការជាមួយដៃគូ ដែលគួរឱ្យទុកចិត្ត។ នៅទូទាំងពិភពលោក Circle K គឺជាផ្នែកមួយដ៏ខ្លាំងបំផុតនៅក្នុងផ្នែកអាជីវកម្មរបស់យើង ហើយយើងខិតខំយ៉ាងខ្លាំងដើម្បីធានាភាពជាដៃគូរបស់យើងមិនត្រឹមតែធ្វើឱ្យយល់បានប៉ុណ្ណោះទេប៉ុន្តែថែមទាំងជួយយើងលើកស្ទួយគុណតម្លៃរបស់យើងផងដែរ។ ដូច្នេះយើងមានសេចក្តីរីករាយក្នុងការបង្កើនវត្តមានរបស់យើងនៅកម្ពុជាជាមួយដៃគូដូចជាវីង។ ក្រុមហ៊ុនរបស់យើងចែករំលែកគោលដៅរួមមួយដើម្បីបម្រើអតិថិជនជាមួយផលិតផលនិងការផ្តល់ជូនដ៏ល្អបំផុតនិងចូលរួមចំណែករបស់យើងដើម្បីពង្រីកឱកាសសេដ្ឋកិច្ចដល់អ្នកដែលមិនមាន។ លោកកែវ ដេននីស បានបន្តថា ”យើងមានក្តីសង្ឃឹមខ្ពស់សម្រាប់ប្រទេសកម្ពុជា ហើយជាមួយវីងយើងនឹងផ្តល់ភាពងាយស្រួលដើម្បីទទួលបានផលិតផលរបស់យើងនិងផ្តល់មធ្យោបាយមួយផ្សេងទៀតដើម្បីទទួលបានសេវាកម្មហិរញ្ញវត្ថុ” ។

សម្រាប់ព័ត៌មានបន្ថែម សូមទាក់ទងទៅកាន់៖
ធនាគារឯកទេស វីង
Email: marketing@wingmoney.com

ធនាគារឯកទេសវីង (ខេមបូឌា) លីមីតធីត គឺជាអ្នកផ្តល់សេវាកម្មធនាគារតាមទូរស័ព្ទចល័តដំបូងគេនៅកម្ពុជា។ បង្កើតឡើងក្នុងឆ្នាំ២០០៩ ធនាគារឯកទេសវីង ផ្តល់ជូននូវការរួមបញ្ជូលហិរញ្ញវត្ថុ ទៅកាន់អ្នកមិនមានគណនីធនាគារ និងមិនស្ថិតក្នុងបណ្តាញធនាគារ ដោយអនុញ្ញាតឲ្យប្រជាជនកម្ពុជាទាំងអស់ អាចប្រើប្រាស់សេវាកម្មហិរញ្ញវត្ថុដូចជា ផ្ទេរប្រាក់និងទទួលប្រាក់នៅក្នុងស្រុក បង់វិក្កយបត្រ បញ្ចូលទឹកប្រាក់ទូរស័ព្ទ ទិញទំនិញតាមអនឡាញ និងទូទាត់ដោយស្កេន QRកូដ ព្រមទាំងសេវាផ្ទេរប្រាក់អន្តរជាតិពីជាង ២០០ប្រទេសទូទាំងពិភពលោក។

អំពីវីង
ធនាគារឯកទេសវីង ជាក្រុមហ៊ុនឈានមុខគេ ផ្នែកសេវាកម្មហិរញ្ញវត្ថុចល័ត និងសេវាទូទាត់តាមប្រព័ន្ធអេឡិចត្រូនិក នៅក្នុងប្រទេសកម្ពុជា ជាមួយសេវាគ្របដណ្ដប់១០០% តាមរយៈបណ្ដាញភ្នាក់ងារវីងជាង ៦០០០កន្លែងនៅទូទាំងប្រទេស។ វីង បានចងសម្ព័ន្ធភាពជាមួយ អាជីវករជាង ២៥០០០ កន្លែង និងក្រុមហ៊ុនអន្តរជាតិរួមមាន Mastercard Western Union MoneyGram និងក្រុមហ៊ុន WorldRemit។ លើសពីនេះទៀត សហគ្រាសធុនតូចនិងមធ្យម ក៏ដូចជាក្រុមហ៊ុនធំៗ អាចប្រើប្រាស់សេវាបើកប្រាក់បៀវត្សរ៍ និងទូទាត់ប្រាក់របស់វីង ដើម្បីជួយសម្រួលដល់ប្រព័ន្ធនៃប្រតិបត្តិការហិរញ្ញវត្ថុរបស់ពួកគាត់។

អំពី Circle K
Circle K ជាបណ្តាញហាងលក់ទំនិញរាយពហុសាខារបស់អាមេរិក ដែលដំណើរការដោយក្រុមហ៊ុន ធី អេច ស៊ី វី អេស ខូអិលធីឌី។ បង្កើតឡើងក្នុងឆ្នាំ ១៩៥១ Circle K សព្វថ្ងៃមាននៅសហរដ្ឋអាមេរិកកាណាដា ម៉ិចស៊ិកូ ហុងកុង ចិន ម៉ាកាវ ឥណ្ឌូនេស៊ី វៀតណាម UAE អេហ្ស៊ីប និងបណ្តាញជាច្រើនទៀតដែលសរុបប្រមាណជា ១៦ ០០០ ហាងនៅទូទាំងពិភពលោក។ នៅប្រទេសកម្ពុជាក្រុមហ៊ុន ធី អេច ស៊ី វី អេស គ្រោងនឹងបើកហាង Circle K ចំនួន ៣០០ហាងទៀត នៅទូទាំងប្រទេសដោយផ្តោតលើទស្សនវិស័យលក់រាយរបស់ប្រទេសនៅឆ្នាំ ២០២៦ ។

ក្នុងនាមជាហាងលក់ទំនិញរាយមួយកន្លែង Circle K គឺជាកន្លែងដែលអតិថិជនអាចរកទិញអាហារបានភ្លាមៗ ទិញភេសជ្ជៈ ដកប្រាក់ពីម៉ាស៊ីនអេធីអឹម បង់វិយបត្រ បញ្ចូលទឹកប្រាកទូរស័ព្ទ ផ្ទេរប្រាក់ ផ្ញើទំនិញរបស់អ្នកទៅគ្រប់ទីកន្លែងក្នុងប្រទេស ដែលនៅមិនឆ្ងាយពីអ្នក គ្រប់ពេលវេលាក្នុងមួយថ្ងៃ និងជារៀងរាល់ថ្ងៃ (២៤/៧) ទាំងអស់គឺស្ថិតនៅក្នុងម៉ាស៊ីនត្រជាក់ប្រកបដោយផាសុកភាពនិងប្រើប្រាស់ Wifiដោយឥតគិតថ្លៃ។ អ្វីៗគឺដើម្បីអំពីភាពងាយស្រួល។

August 15, 2019

Category: PR