Category: PR

សណ្ឋាគារ ពូលូវ៉ៃ និងអាផាតមិន បានប្រកាសបើកសម្ពោធសណ្ឋាគារដ៏ប្រណីតថ្មីមួយនៅរាជធានីភ្នំពេញ ដែលជារាជធានីនៃប្រទេសកម្ពុជា កាលពីថ្ងៃទី20 ខែកុម្ភៈ ឆ្នាំ2020នកន្លងទៅនេះ។ សណ្ឋាគារ ពូលូវ៉ៃ និងអាផាតមិន ទីបំផុតបានត្រៀមខ្លួនរួចជាស្រេចក្នុងការផ្តល់នូវសេវាកម្មដ៏ល្អដល់ភ្ញៀវគ្រប់ជាតិសាសន៍។

សណ្ឋាគារ ពូលូវ៉ៃ និងអាផាតមិន មានទីតាំងស្ថិតនៅអគារលេខ 71 ផ្លូវឧកញ៉ាកេត (ផ្លូវ174) សង្កាត់ផ្សារថ្មី 3 រាជធានីភ្នំពេញ ក្នុងតំបន់ដែលងាយស្រួល និងមានបរិយាកាសរស់នៅល្អបំផុតក្នុងរាជធានីភ្នំពេញ។ ព័ទ្ធជុំវិញដោយអគារបែបសម័យអាណានិគមនិយមបារាំងនៅទីក្រុងភ្នំពេញ សណ្ឋាគារ ពូលូវ៉ៃ និងអាផាតមិន មានទីតាំងដ៏ល្អ មានភាពងាយស្រួល និងស្ថិតនៅលើផ្លូវដែលមានភាពស្ងប់ស្ងាត់។ ស្ថិតនៅលើផ្លូវសំខាន់នៃរាជធានី និងនៅក្នុងតំបន់អាជីវកម្មតូចធំ ធ្វើឱ្យសណ្ឋាគារ ពូលូវ៉ៃ និងអាផាតមិន ក្លាយជាជម្រើសដ៏ល្អបំផុតសម្រាប់អ្នកទេសចរជាតិ និងអន្តរជាតិ ដោយចំណាយពេលត្រឹមតែ45នាទីប៉ុណ្ណោះ ធ្វើដំណើរដោយតាក់ស៊ីពីអាកាសយានដ្ឋានអន្តរជាតិភ្នំពេញ និងដើរចម្ងាយ5-15នាទីពីចំណុចសំខាន់ៗនៃទីក្រុងភ្នំពេញ ដូចជា ផ្សារថ្មី និងព្រះបរមរាជវាំងជាដើម។

សណ្ឋាគារ ពូលូវ៉ៃ និងអាផាតមិន មានបន្ទប់ដ៏ប្រណីតចំនួន165បន្ទប់ មានបន្ទប់ខាងមុខជាកញ្ចក់ និងក្រាលដោយឈើ។ បន្ទប់ទាំងអស់មានពន្លឺភ្លឺ មានខ្យល់អាកាសល្អ ត្រូវបានរៀបចំ និងស្អាតដោយយកចិត្តទុកដាក់បំផុត អ្នកអាចមើលឃើញទេសភាពនៅរាជធានីភ្នំពេញ និងទេសភាពនៃទន្លេចតុមុខ ដោយបន្ទប់នីមួយៗមានទំហំចាប់ពី26ម៉ែត្រការ៉េដល់132ម៉ែត្រការ៉េ។ បន្ទប់ចំនួន165បន្ទប់នេះ រួមមានបន្ទប់ Deluxe, បន្ទប់ Landmark, បន្ទប់ Executive suites, បន្ទប់សម្រាប់គ្រួសារ, បន្ទប់ Poulo Wai Grand Suite និងអាផាតមិន ហើយបន្ទប់ទាំងអស់ត្រូវបានរចនាឡើងសម្រាប់ភ្ញៀវទេសចរ និងអ្នកជំនួញគ្រប់លំដាប់ថ្នាក់។

នៅពេលដែលអ្នកចូលមកដល់បន្ទប់ជាលើកដំបូង អ្នកនឹងត្រូវបានស្វាគមន៍ដោយភាពឆើតឆាយ និងភាពស្ងប់ស្ងាត់នៃបន្ទប់ ដោយមានពន្លឺ និងមានខ្យល់អាកាសបរិសុទ្ធ ជាមួយនឹងក្រណាត់ទេសឯក និងខ្នើយដ៏ទន់ល្មើយ។ គ្រប់បន្ទប់នៃសណ្ឋាគារ ពូលូវ៉ៃ និងអាផាតមិន ធានាបាននូវការសម្រាកដ៏ស្កប់ស្កល់នៅលើគ្រែប្រវែង2.2ម៉ែត្រ។ មិនថាអ្នកមកតែម្នាក់ឯង ឬមកជាលក្ខណៈគ្រួសារ ឬមកជាលក្ខណៈប្តីប្រពន្ធ ឬមកធ្វើការ ឬធ្វើជំនួញ ដែលត្រូវការស្នាក់នៅក្នុងអាផាតមិនយូរថ្ងៃ យូរខែនោះទេ បន្ទប់ទាំងអស់របស់សណ្ឋាគារ ពូលូវ៉ៃ និងអាផាតមិន គឺជាជម្រើសដ៏ល្អរបស់អ្នក។ បន្ទប់មានភាពធំទូលាយ និងក្រាលដោយឈើដ៏ស្រស់ស្អាត និងបំពាក់ដោយរបស់ប្រើប្រាស់ជាច្រើន ដែលអ្នកត្រូវការសម្រាប់ការស្នាក់នៅប្រកបដោយផាសុកភាពនៅក្នុងរាជធានីភ្នំពេញ។ បន្ទប់នីមួយៗមានអាងត្រាំទឹក និងទឹកផ្កាឈូកសម្រាប់ងូតទឹកដាច់ដោយឡែកពីគ្នា មានទូរទស្សន៍ Smart TV អេក្រង់ធំត្រជាក់ភ្នែក43អ៊ីង ដែលអាចភ្ជាប់ជាមួយ Wi-Fi បាន និងរីករាយជាមួយការប្រើ Wi-Fi ល្បឿនលឿនជាទីពេញចិត្ត។

នៅសណ្ឋាគារ ពូលូវ៉ៃ និងអាផាតមិន មានភោជនីយដ្ឋានចំនួន2 គឺភោជនីយដ្ឋាន ពូលូវ៉ៃ ដែលបម្រើអាហារប៊ូហ្វេបែបអន្តរជាតិសម្រាប់អាហារពេលព្រឹក ពេលថ្ងៃត្រង់ និងពេលល្ងាច។ អាហារប៊ូហ្វេដ៏ឈ្ងុយឆ្ងាញ់នេះមានមុខម្ហូបក្នុងស្រុក និងក្រៅស្រុកជាច្រើនតម្រូវតាមចំណង់ចំណូលចិត្តរបស់ភ្ញៀវជាតិ និងអន្តរជាតិគ្រប់ជាតិសាសន៍។ ចំណែកនៅជាន់ដំបូលនៃសណ្ឋាគារគឺមានភោជនីយដ្ឋាន និងស្កាយបារ White Lounge ដែលបម្រើអាហារ និងស្រាក្រឡុកដ៏ពិសេស មានការច្នៃប្រឌិតខ្ពស់។ ស្កាយបារ៍នេះបានក្លាយជាកន្លែងដែលភ្ញៀវចូលចិត្តបំផុត ដោយសារតែបរិយាកាសដ៏ល្អបរិសុទ្ធ អាចមើលទេសភាពទីក្រុងភ្នំពេញទាំងមូល និងអមដោយតន្ត្រីដ៏អន្លង់អន្លូច។

អាងហែលទឹកដ៏ធំរបស់សណ្ឋាគារ ពូលូវ៉ៃ និងអាផាតមិន មានលក្ខណៈពិសេស ជាទឹកប្រៃ ដែលជួយដល់សុខភាពស្បែក និងមានចាហ្គូហ្សី អាចឱ្យភ្ញៀវទាំងអស់គយគន់ទេសភាពនៃទីក្រុងបណ្តើរ ហែលទឹកលេងបណ្តើរ។ នៅជាប់នឹងអាងហែលទឹក ក៏មានបារ៍តូចមួយ ដើម្បីបម្រើអាហារ និងភេសជ្ជៈដល់ភ្ញៀវទាំងអស់ផងដែរ។ សណ្ឋាគារ ពូលូវ៉ៃ និងអាផាតមិន ផ្តល់ជូនអតិថិជននូវមជ្ឈមណ្ឌលហាត់ប្រាណដ៏ទំនើប អមដោយគ្រូបង្វឹកដ៏ជំនាញ និងស្ប៉ាលំដាប់អន្តរជាតិ។

សម្រាប់ព័ត៌មានបន្ថែម ឬធ្វើការកក់ទុកមុន សូមទំនាក់ទំនងមកលេខទូរស័ព្ទ 023 211​666 ឬ អ៊ីម៉ែល [email protected] ឬ ទំនាក់ទំនង: +855 77 696 888 អ៊ីម៉ែល [email protected]

(ភ្នំពេញ) ថ្ងៃទី២១ ខែកុម្ភៈ ឆ្នាំ២០២០៖ សាមសុង Wind-FreeTM Premiumម៉ាស៊ីនត្រជាក់ដំបូងគេបង្អស់ដែលភ្ជាប់មកជាមួយបចេ្ចកវិទ្យាAI ដ៏វៃឆ្លាតបំផុតដែលធ្វើឲ្យអតិថិជនទាំងអស់ទទួលបាននៅភាពងាយស្រួលប្រកបដោយផាសុកភាព គ្មានខ្យល់រំខាន  ត្រជាក់ដូចធម្មជាតិជាមួយរន្ធបញ្ចាញខ្យល់ដល់ទៅ23000រន្ធ ទំនើប ទាន់សម័យ និងធ្វើឱ្យការរស់នៅប្រចាំថ្ងៃរបស់លោកអ្នកកាន់តែអស្ចារ្យ!

តើម៉ាស៊ីនត្រជាក់ដ៏វៃឆ្លាត និងទំនើបនេះមានចំណុចពិសេសអស្ចារ្យអ្វីខ្លះចឹងសូមអានចំណុចពិសេសៗទាំងអស់គ្នា!!!

* AI Comforting Cooling

គឺជាប្រព័ន្ធវិភាគថ្មីដែលផ្តល់ភាពត្រជាក់តាមតម្រូវការរបស់អ្នកប្រើប្រាស់ដែលធ្លាប់ប្រើ! មានន័យថាបច្ចេកវិទ្យាមួយនេះគឺប្រៀបបាននឹងខួរក្បាលអេឡិចត្រូនិចមួយដែលធ្វើការចំណាំទុកនូវកម្រិតសីតុណ្ហភាពដែលអ្នកតែងតែកំណត់ប្រើរាល់ថ្ងៃ! ហើយអ្វីដែលកាន់តែពិសេសបំផុតនោះគឺវាមានភាពវៃឆ្លាតបំផុតត្រង់ថាបើក្នុងបន្ទប់ ឬក្នុងគេហដ្ឋានរបស់យើងមានបន្ថែមមនុស្សច្រើនជាងមុននោះ AI នឹងធ្វើការវិភាគដោយបត់បែនទៅតាមសម្មកភាព និងសម្របតាមស្ថានភាពនៃបរិយាកាសជាក់ស្តែងដោយផ្តល់ជូនភាពត្រជាក់បានត្រឹមត្រូវ និងមានផាសុកភាពបំផុត! និយាយទៅមុខងារនៃបច្ចេកវិទ្យានេះគឺឆ្លាតលើសអ្វីដែលយើងនឹកស្មានមិនដល់!

* Motion Detector Sensor

បច្ចេកវិទ្យានេះវិញគឺធ្វើឱ្យអ្នកមានអារម្មណ៍ត្រជាក់ស្រួលខ្លួនកាន់តែមានប្រសិទ្ធភាពដោយស្វ័យប្រវត្តិយោងទៅតាមចលនារបស់អ្នកដោយធ្វើការបញ្ចេញខ្យល់ត្រជាក់មកប៉ះដោយផ្ទាល់ ឬដោយប្រយោលទៅតាមតម្រូវការនៃការចង់បានរបស់អ្នក! ដូច្នេះលោកអ្នកនឹងទទួលបានការសន្សំសំចៃកាន់តែខ្ពស់បន្ថែមទៀតដោយវាធ្វើការវិភាគ និងចាប់យកវត្តមានរបស់មនុស្សហើយវានឹងធ្វើការបិទ ឬបើកម៉ាស៊ីនដោយប្រវត្តិ! បែបនេះមិនបាច់បារម្ភរឿងភ្លេចបិទម៉ាស៊ីនត្រជាក់ទៀតទេ! ឡូយនោះ…ឡូយ!!

* Wind-FreeTM technology

ជាបច្ចេកវិទ្យាដែលផ្តល់ខ្យល់ត្រជាក់មិនប៉ះផ្ទាល់នឹងរាងកាយ ធ្វើឱ្យុអ្នកស្រួលខ្លួន និងល្អសម្រាប់សុខភាពដោយវាធ្វើការបញ្ចេញខ្យល់ត្រជាក់តាមរន្ធទាំង 23,000 ដោយស្វ័យប្រវត្តិជាមួយប្រព័ន្ធ AI! អ្វីដែលពិសេសដែលអតិថិជនចង់បានបំផុតនោះគឺជួយសន្សំសំចៃបានរហូតដល់ 77 %! អ៊ីចឹងមិនបាច់បារម្ភរឿងវិកយប័ត្រភ្លើងទៀតទេ! ម៉េចដែរប៉ុននឹង? អែមអត់?

សូមបញ្ជាក់ថាម៉ាស៊ីនត្រជាក់ សាមសុង Wind-FreeTM Premium ថ្មីនេះគឺមានលក់ក្នុងទីផ្សារព្រះរាជាណាចក្រកម្ពុជាយើងហើយ! ដូច្នេះអតិថិជនទាំងអស់ដែលកំពុងទន្ទឹងរង់ចាំ និងចង់បានបំផុតនោះគឺអាចរកជាវបានតាមបណ្តាហាងទំនើប និងដេប៉ូចែកចាយផលិតផល សាមសុង ទូទាំងប្រទេសបាន! សម្រាប់ព័ត៌មានបន្ថែមលោកអ្នកក៏អាចទំនាក់ទំនងមកកាន់លេខ៖ 1800 203 232 !!

ក្នុងឋានៈជាសណ្ឋាគារលំដាប់ផ្កាយ5 ដែលនាំមុខគេខាងផ្នែកបដិសណ្ឋារកិច្ច និងផាសុកភាពរបស់អតិថិជន គឺជាអាទិភាពទី1 របស់យើងខ្ញុំ! ក្នុងឆ្នាំ2020 នេះ សណ្ឋាគារសូហ្វីតែល ភ្នំពេញ ភូគីត្រា នឹងផ្ដល់ជូនជាពិសេសដល់ភ្ញៀវទាំងអស់ ដែលស្នាក់នៅសណ្ឋាគាររបស់យើងខ្ញុំនូវការទទួលទានភេសជ្ជៈគ្រប់ប្រភេទទាំងអស់នៅក្នុងទូ Mini-Bar ក្នុងបន្ទប់ស្នាក់ដោយឥតគិតថ្លៃ ដែលរួមមានដូចជា ទឹកក្រូច ទឹកសូដា និងស្រាបៀរ ជាដើម។

លោក Charles-Henri CHEVET នាយកចាត់ការទូទៅរបស់សណ្ឋាគារសូហ្វីតែល ភ្នំពេញ ភូគីត្រា បានលើកឡើងថា ការផ្ដល់ជូនជាពិសេសនូវការទទួលទានភេសជ្ជៈគ្រប់ប្រភេទនៅក្នុងទូ Mini-Bar ក្នុងបន្ទប់ស្នាក់ដោយឥតគិតថ្លៃនេះ គឺដើម្បីបង្កើតនូវអនុស្សាវរីយ៍ដែលមិនអាចបំភ្លេចបានចំពោះភ្ញៀវ ក្នុងការអញ្ចើញមកស្នាក់នៅក្នុងសណ្ឋាគារសូហ្វីតែល ភ្នំពេញ ភូគីត្រា។ នេះគឺជាផ្នែកមួយដែលឆ្លុះបញ្ចាំងអំពីសេវាបដិសណ្ឋារកិច្ចដ៏ល្អឥតខ្ចោះរបស់សណ្ឋាគារសូហ្វីតែល ភ្នំពេញ ភូគីត្រា ដែលមិនត្រឹមតែមានរចនាប័ទ្មតាមបែបបារាំង លាយជាមួយរចនាប័ទ្មខ្មែរយ៉ាងល្អប្រណីតប៉ុណ្ណោះទេ តែរួមទាំងផ្ដល់ជូននូវសម្ភារប្រើប្រាស់ដែលមានគុណភាពខ្ពស់ទៀតផង៕

សម្រាប់អ្នកដែលនិយមជិះរថយន្ត Pickup ប្រាកដជាស្គាល់រថយន្ត Ford Ranger នេះហើយ ដោយសារភាពធន់ រឹងមាំ និងទំនើបមិនចាញ់រថយន្ត SUV នោះឡើយ។ កត្តានេះបានធ្វើឲ្យ   រថយន្ត Pickup មួយនេះទទួលបានប្រជាប្រិយភាពមិនត្រឹមតែនៅក្នុងប្រទេសកម្ពុជាប៉ុណ្ណោះទេ នៅក្រៅប្រទេសក៏ទទួលបានការពេញនិយមយ៉ាងច្រើនកុះករដែរ។  យ៉ាងណាមិញ Ford Ranger 2020 ក៏បានមកដល់ប្រទេសកម្ពុជា ហើយរថយន្តដែលកំពុងចរាចរណ៍លើដងផ្លូវក៏មានចំនួនច្រើនគួរឲ្យកត់សំគាល់ផងដែរ។​ សម្រាប់ឆ្នាំ 2020 នេះក្រុមហ៊ុន Ford បានធ្វើការកែច្នៃប៉ុន្មានចំណុចថ្មីៗ នៅលើ Ford Ranger រួមមានដូចជា៖

1. ចង្កៀងខាងមុខប្រើចង្កៀងគុជ LED រាងជ្រុង (High Performance Bi-LED Projector Headlights) ដែលប្រើភ្លើងព៌ណស ធ្វើឲ្យកម្រិតពន្លឺរបស់ភ្លើងកូដភ្លឺច្បាស់ជាងមុនដល់ទៅ 17% រីឯភ្លើងហ្វាវិញគឺភ្លឺជាងមុនដល់ទៅ 20%
   
2. យ៉ាន់កង់ធ្វើពីដែកអាលុយមីញ៉ូមគុណភាពខ្ពស់ និងបានរចនាថ្មីបែបស្ព័រកាន់តែស្រស់ស្អាត និងទាក់ទាញ
   
3. មានបំពាក់ជាមួយរន្ធ USB នៅក្បែរកញ្ចក់មើលក្រោយ ដែលអាចឲ្យអ្នកសាកទូរស័ព្ទ ឬឧបករណ៍អេឡិចត្រូនិចផ្សេងៗបានផងដែរ កាន់តែពិសេសសម្រាប់អ្នកដែលចង់តកាមេរ៉ាសុវត្ថិភាពដើម្បីថតរូបភាពចរាចរណ៍ខាងមុខរថយន្ត ក៏អាចយកខ្សែកាមេរ៉ាមកដោតជាមួយរន្ធ USB នេះផ្ទាល់ ដោយពុំចាំបាច់បន្លាយខ្សែតាមកញ្ចក់រថយន្តដែលមើលទៅរញ៉េរញៃ និងគ្មានសណ្ដាប់ធ្នាប់ទៀតនោះទេ
   
4. បច្ចេកវិទ្យា SYNC 3 ជំនាន់ថ្មី និងអេក្រង់ Touchscreen 8 អ៊ីញ មានភាពរស់រវើកជាងមុន កាន់តែផ្ដល់ភាពងាយស្រួលក្នុងការប្រើប្រាស់ដូចជា ការស្ដាប់វិទ្យុ តន្ត្រី និងការកំសាន្តនានា
   

ក្រៅពីនេះ Ford Ranger 2020 ក៏នៅមានភ្ជាប់មកជាមួយនូវប្រព័ន្ធសុវត្ថិភាពដែលមាននៅលើម៉ូដែល 2019 ដូចគ្នា មានដូចជាប្រព័ន្ធផ្តល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ (Pre-Collision Assist) និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្តិ (Autonomous Emergency Braking) ប្រព័ន្ធផ្តល់ដំណឹងនៅពេលបើកបរចេញពីគន្លង (Lane Keeping System) ប្រព័ន្ធបន្ថយល្បឿននិងរក្សាគំលាតសុវត្ថិភាពដោយស្វ័យប្រវត្តិ (Adaptive Cruise Control) ប្រព័ន្ធផ្ដល់សញ្ញាដល់អ្នកបើកបរឲ្យឈប់សំរាកពេលមានអារម្មណ៍ងងុយគេង (Driver Alert System) ប្រព័ន្ធជំនួយចូលចតដោយស្វ័យប្រវត្តិ (Parallel Parking Assist) ប្រព័ន្ធទប់រថយន្តកុំឲ្យរអិលថយក្រោយពេលឡើងចំណោត (Hill Launch Assist) និងប្រព័ន្ធទប់លំនឹងរថយន្តពេលចុះចំណោត​ (Hill Descent Control) និងបច្ចេកវិទ្យាទំនើបៗជាច្រើនទៀត។

ម្យ៉ាងទៀត រាល់ការទិញរថយន្ត Ford ពីក្រុមហ៊ុន Ford ផ្ទាល់លោកអ្នកនឹងទទួលបានអត្ថប្រយោជន៍ជាច្រើនរួមមានដូចជាទទួលបានការធានាពីក្រុមហ៊ុនផ្ទាល់រហូតដល់ទៅ 3 ឆ្នាំ ឬ 100,000km ដែលកាលពីមុនត្រឹមតែ 3 ឆ្នាំ ឬ 60,000km តែប៉ុណ្ណោះ ហើយក្រុមហ៊ុនក៏មានសេវាជួសជុលចល័ត 24ម៉ោង គ្រប់ខេត្តក្រុងផងដែរ។ ក្រៅពីនេះក្រុមហ៊ុនក៏មានផ្ដល់សេវាកម្មប្ដូររថយន្តចាស់យករថយន្តថ្មី ដោយទិញចូលរថយន្តមួយទឹកពីអតិថិជនដែលមានបំណងប្ដូររថយន្ត Ford ម៉ូដែលថ្មី រីឯការបង់រំលោះរថយន្តវិញក៏មានលក្ខណៈងាយស្រួល មិនស្មុគស្មាញ និងឆាប់រហ័សផងដែរ។

បើចង់ដឹងច្បាស់សូមទស្សនា Video ខាងក្រោម៖

https://www.facebook.com/FordCambodia/videos/855759038218356/

ធនាគារអេស៊ីលីដា ភីអិលស៊ី និងធនាគារ Siam Commercial Bank ឬ SCB បានដាក់ឱ្យដំណើរការការទូទាត់តាមរយៈប្រព័ន្ធ QR ឆ្លងដែន កាលពីថ្ងៃទី18 ខែកុម្ភៈ ឆ្នាំ2020 ដែលជាមធ្យោ បាយសម្រួលដល់ការទូទាត់ដល់សាធារណជនឱ្យអាចទិញទំនិញ និងធ្វើប្រតិបត្តិការទូទាត់ឆ្លងដែន ដោយប្រើប្រាស់រូបិយវត្ថុផ្ទាល់ខ្លួន តាមរយៈការស្គែន QR កូដ ដែលប្រើរូបិយវត្ថុក្នុងស្រុករវាងកម្ពុជានិងថៃ។

ប្រព័ន្ធទូទាត់អេឡិចត្រូនិកនេះ នឹងផ្តល់ភាពងាយស្រួលដល់ភ្ញៀវទេសចរ និងពាណិជ្ជករ រួមទាំងលើកស្ទួយរូបិយវត្ថុនៃប្រទេសទាំង2 ផងដែរ។ ប្រជាជនកម្ពុជាដែលធ្វើដំណើរទៅកាន់ប្រទេសថៃ និងប្រជាជនថៃដែលធ្វើដំណើរមកកាន់ប្រទេសកម្ពុជា អាចធ្វើការទូទាត់តាម QR បានដោយមិនចាំបាច់យកសាច់ប្រាក់តាមខ្លួន ឬប្តូរពីរូបិយវត្ថុជាតិយើង ទៅរូបិយប័ណ្ណបរទេសឡើយ។

លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ភីអិលស៊ី បានថ្លែងថា៖ «ធនាគារជាតិនៃកម្ពុជា បានជ្រើសរើសធនាគារនៅកម្ពុជាចំនួន3 រួមមានធនាគារអេស៊ីលីដា ភីអិលស៊ី ធនាគារកម្ពុជាពាណិជ្ជ និងធនាគារពាណិជ្ជកម្មក្រៅប្រទេសនៃកម្ពុជា ដើម្បីសហការលើការទូទាត់ តាមរយៈប្រព័ន្ធ QR ឆ្លងដែន»។

លោកបានបន្ដថា ការត្រៀមខ្លួនរួចជាស្រេចជាមួយនឹងបច្ចេកវិទ្យាហិរញ្ញវត្ថុ ធនាគារអេស៊ីលីដា ភីអិលស៊ី និងធនាគារ SCB ត្រូវបានជ្រើសរើសដើម្បីសហការគ្នាគាំទ្រលើការទូទាត់តាមរយៈប្រព័ន្ធ QR ឆ្លងដែន ដោយអតិថិជនរបស់ធនាគារ SCB អាចធ្វើការទូទាត់នៅក្នុងកម្ពុជាតាមរយៈ QR កូដកម្ពុជា និងអតិថិជនរបស់ធនាគារអេស៊ីលីដា ភីអិលស៊ី អាចធ្វើការទូទាត់នៅក្នុងប្រទេសថៃ តាមរយៈ QR កូដថៃ។

លើសពីនេះទៅទៀត ប្រទេសថៃ គឺជាទិសដៅទេសចរណ៍មួយដ៏ទាក់ទាញបំផុតនៅទូទាំងពិភពលោក ភាពជាដៃគូជាមួយធនាគារ SCB ដែលជាធនាគារពាណិជ្ជកម្មធំបំផុតនៅថៃ នឹងជំរុញឱ្យបណ្តាញទូទាត់ QR ឆ្លងដែនរបស់យើងកាន់តែធំទូលាយ។

បណ្ឌិត អ៊ិន ចាន់នី បានបញ្ជាក់ថា៖«ការរួមបញ្ចូលនៃបច្ចេកវិទ្យារបស់ធនាគារនាំមុខផ្នែកឌីជីថល ធនាគារអេស៊ីលីដា ភីអិលស៊ី និងធនាគារ SCB យើងជឿជាក់ថា ភាពជាដៃគូរបស់យើង នឹងនាំមកនូវអត្ថប្រយោជន៍ជាច្រើនដល់អ្នកដំណើរក្នុងតំបន់»។

ជាមួយគ្នានេះដែរ លោក Sarut Ruttanaporn អគ្គនាយកធនាគារ SCB បានថ្លែងថា យើងមានសេចក្តីសោមនស្សរីករាយចំពោះវឌ្ឍនភាពនៃការអភិវឌ្ឍហេដ្ឋារចនាសម្ព័ន្ធទូទាត់ឆ្លងដែនរវាង កម្ពុជា និងថៃ ដោយផ្អែកលើដៃគូជាមួយស្ថាប័នក្នុងស្រុកនៅប្រទេសកម្ពុជា តាមរយៈធនាគារ SCB ឬបុត្រសម្ព័ន្ធនៅប្រទេសកម្ពុជាគឺ ធនាគារកម្ពុជាពាណិជ្ជ។

លោកបានគូសបញ្ជាក់ទៀតថា ការទូទាត់សំណងអន្តរប្រតិបត្តិការតាមប្រព័ន្ធ QR នឹងផ្តល់ នូវបទពិសោធកាន់តែប្រសើរដល់ភ្ញៀវទេសចរថៃ ដែលធ្វើដំណើរមកកាន់កម្ពុជានៅពេលធ្វើការទូទាត់ថ្លៃទំនិញ និងសេវាកម្មផ្សេងៗ។ លោក Sarut Ruttanaporn បានមានប្រសាសន៍ថា ៖«ការទូទាត់អន្តរប្រតិបត្តិការតាមរយៈ ប្រព័ន្ធ QR គឺមានសារៈសំខាន់ណាស់ ពីព្រោះប្រទេសកម្ពុជា គឺជាទិសដៅពេញនិយមសម្រាប់ភ្ញៀវ ទេសចរថៃធ្វើដំណើរ ដូចជា៖ ក្រុងសៀមរាប ក្រុងព្រះសីហនុ និងរាជធានីភ្នំពេញ។

នៅក្នុងប្រទេសថៃ មានអ្នកប្រើប្រាស់កម្មវិធីទូរស័ព្ទចល័តឌីជីថលជាង 47លាននាក់ ដោយ ក្នុងនោះធនាគារ SCB មានអ្នកប្រើប្រាស់ច្រើនជាង 10លាននាក់ ក្នុងឆ្នាំ 2019»៕

ចាប់ពីព្រឹកព្រលឹម រហូតដល់​រសៀលថ្ងៃ​ទី១៥ និងព្រឹកថ្ងៃទី១៦ ខែកុម្ភៈ ឆ្នាំ២០២០ នេះ អ្នកអាណាព្យាបាលសិស្ស សិស្សានុសិស្ស និងសាធារណជន បានចូលទស្សនាយ៉ាងច្រើនកុះករ និងដោយសេរីនៅក្នុងបរិវេណមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង សាខាចោមចៅ សាខាផ្សារថ្មី និងសាខាជ្រោយចង្វារ​។

បើតាមលោកស្រី លឹម យ៉ា ដែល​បាននាំកូន​​ចូលទស្សនានៅក្នុងបរិវេណមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង សាខាជ្រោយចង្វារ បានប្រាប់អ្នកសារព័ត៌មានឱ្យដឹងថា ការផ្ដល់ឱកាសដល់អាណាព្យាបាលសិស្ស និងមហាជនទស្សនាដោយសេរីនេះ ​ពិតជា​មានសារៈសំខាន់បំផុតសម្រាប់សាធារណជន ជាពិសេស​ដល់អាណាព្យាបាលសិស្ស ដែលកំពុងជ្រើសរើសសាលាសម្រាប់កូនៗសិក្សាឱ្យបានត្រឹមត្រូវ ព្រោះការជ្រើសខុស នោះកូនៗនឹងខូចអនាគត តែបើជ្រើសត្រូវ នោះការសិក្សារបស់កូនៗនឹងទទួលបានជោគជ័យ។

លោកស្រីបន្តថា មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង មិនត្រឹមល្អទាំងគុណភាព វិន័យ និងសេវាកម្មប៉ុណ្ណោះទេ ថែមទាំងមានបរិវេណធំទូលាយ ​បរិស្ថានល្អស្អាត មានហេដ្ឋារចនាសម្ពន្ធ​ត្រឹមត្រូវ ដែលសមស្របតាមស្ដង់ដារជាតិ និងអន្តរជាតិ និងមានលោកគ្រូ អ្នកគ្រូ ទទួលស្វាគមន៍ និងផ្ដល់ភាពកក់ក្ដៅបាន​យ៉ាងល្អ។

ស្រដៀងគ្នានេះ លោកស្រី អេង ឈុនអ៊ី ដែលមានកូនកំពុងសិក្សានៅមជ្ឈមណ្ឌល និងសាលារៀននេះស្រាប់ បានអះអាងប្រាប់អ្នកសារព័ត៌មានថា ការចូលទស្សនានេះ គឺក្នុងគោលបំណង​ចូល​ទស្សនានូវហេដ្ឋារចនាសម្ពន្ធ​ បរិស្ថានអគារសិក្សា កម្មវិធីសិក្សា  មជ្ឈមណ្ឌលសុខភាពសិស្ស សេវាកម្មថែទាំសុខភាព ភាពរីកចម្រើនរបស់សាលា បណ្ណាល័យ បន្ទប់សិក្សា សម្ភារសិក្សា សម្ភារឧបទេស និងបន្ទប់សិក្សាជាដើម។

លោកស្រីបន្ថែមថា កម្មវិធីនេះ ពិតជាល្អ និងមានអត្ថប្រយោជន៍សម្រាប់លោកស្រី និងកូនៗរបស់លោកស្រី ​ហើយលោកស្រីក៏ចង់ឃើញគណៈគ្រប់គ្រងនៃគ្រឹះស្ថានអប់រំនេះ បន្តផ្ដល់ឱកាសដល់អ្នកអាណាព្យាបាលសិស្ស សិស្សានុសិស្ស និងមហាជនចូលទស្សនាជាបន្តបន្ទាប់​បន្ថែមទៀត។

ទាក់ទិនបញ្ហានេះ បើតាមលោក សោម ចាន់ណា នាយកចាងហ្វាងនៃសាលារៀន AIS សាខាជ្រោយចង្វារ បានឱ្យដឹងថា មជ្ឈមណ្ឌល និងសាលារៀន នឹងបន្តបង្កើតកម្មវិធីនេះជារៀងរាល់ឆ្នាំ ដើម្បីផ្ដល់ឱកាសដល់សាធារណជនបានចូលទស្សនាដោយសេរី ជាពិសេស បានដឹងពីកម្មវិធីសិក្សា បរិវេណសាលា បន្ទប់សិក្សា ហេដ្ឋារចនាសម្ពន្ធជាដើម។

ចំពោះការបើកឱកាសដល់សាធារណជនចូលទស្សនាដោយសេរីនេះ លោក ប៉ាំង លាងស៊ីម នាយកចាងហ្វាង សាលារៀន AIS សាខាផ្សារថ្មី បានឱ្យដឹងថា នេះជាលើកទី១ហើយ ដែលមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បង្កើតឡើង ដើម្បីជាប្រយោជន៍ដល់សិស្សានុសិស្ស និងអាណាព្យាបាលសិស្ស ក្នុងការសម្រេចជ្រើសរើសសាលា សម្រាប់កូនៗ​ឱ្យបានត្រឹមត្រូវ​។

សូមជម្រាបថា មជ្ឈមណ្ឌលភាសា អេ អាយ អាយ ជាគ្រឹះស្ថាន​អប់រំ​បណ្ដុះ​បណ្ដាល​ភាសាអង់គ្លេស ចិន និង​ភាសាថៃ ឈានមុខ​គេនៅ​កម្ពុជា។ សាលារៀន អន្តរទ្វីប អាមេរិកាំង ជាគ្រឹះស្ថាន​អប់រំ ដែល​ផ្ដោតសំខាន់​ទៅលើ​ចំណេះ​ដឹងទូទៅ​ចាប់​ពីថ្នាក់​ក្រោម​មត្តេយ្យ​សិក្សា រហូត​ដល់​វិទ្យាល័យ ដោយ​ផ្ដោត​ទៅលើ​គុណភាព វិន័យ និង​សេវាកម្មល្អ។​

បច្ចុប្បន្ន មជ្ឈមណ្ឌលភាសា អេ អាយ អាយ និង​សាលារៀន អន្តរទ្វីប អាមេរិកាំង មាន៦សាខា​ធំៗ​នៅ​ក្នុង​រាជធានី​ភ្នំពេញ។ ក្នុងនោះ​មានដូចជា មជ្ឈមណ្ឌលភាសា អេ អាយ អាយ និង​សាលារៀន អន្តរទ្វីប អាមេរិកាំង សាខា​ម៉ៅសេទុង ទួលគោក ចាក់អង្រែ ចោមចៅ ផ្សារថ្មី និង​មជ្ឈមណ្ឌលភាសា អេ អាយ អាយ និង​សាលារៀន អន្តរទ្វីប អាមេរិកាំង សាខាជ្រោយចង្វារ៕

(ភ្នំពេញ) ថ្ងៃទី ១៨ ខែកុម្ភៈ ឆ្នាំ ២០២០៖ កក្រើកនោះកក្រើក… ល្បីនោះល្បី… មិនមែនតែកម្ពុជាយើងទេគឺទូទាំងពិភពលោកតែម្តង! ហើយបើនិយាយពីទីផ្សារ និងអ្នកនិយមគាំទ្រក្នុងព្រះរាជាណាចក្រកម្ពុជាវិញសឹងតែមិនបាច់និយាយ…គឺថាម្នាក់ៗសុទ្ធតែរំជើបរំជួល និងទប់ចិត្តមិនបានជាមួយស្តេចកំពូលស្មាតហ្វូន Samsung Galaxy S20+ និង S20 Ultra នេះខ្លាំងណាស់ជាពិសេសគឺការវិវត្តន៍ថ្មីនៃកាមេរ៉ា កម្រិត 108 មេហ្គាភិចសែល ដែលអាច Zoom បាន100 ដង និងថតវីដេអូបានកម្រិត 8K តែម្តង! ញាក់សាច់…ចង់បានអីទៀត? តែប៉ុណ្ណេះគឺកប់បាត់ទៅហើយ!! អូហ៎…! តែមិនទាន់អស់ទេ នៅមាន ESIM ទៀត គឺពិសេសណាស់ម្តងនេះ យើងអាចថែម memory ក្រៅបានរហូតដល់ 1T ហើយនៅតែប្រើSIM បានពីរដដែល ដោយយើង Activate ESIM! !

កម្មវិធី Pre-Order នឹងបញ្ចប់នៅ ថ្ងៃទី ២៦ ខែកុម្ភៈ ឆ្នាំ២០២០នេះហើយជាមួយនឹងការថែមជូនដ៏ពិសេសអស្ចារ្យដូចជា៖

* កាសឥតខ្សែជំនាន់ថ្មី Samsung Galaxy Buds+

* បញ្ចុះតម្លៃ ៥០% ពេលប្តូរអេក្រង់នៅពេលបែក ឬបាក់ដោយប្រការណាមួយ (មានសុពលភាព ៣ ខែ រាប់ពីថ្ងៃទិញទូរស័ព្ទ)

* កញ្ចប់ Smart ធំហ្មង ៥២ សប្តាហ៍ រួមជាមួយលេខពិសេសដែលមានតម្លៃរហូតដល់ ១២៩ ដុល្លារ ពីក្រុមហ៊ុន Smart Axiata!

ខាងក្រោមនេះគឺជាលក្ខណៈពិសេស និងតម្លៃនៃ Samsung Galaxy S20+ និង S20 Ultra ៖

* Galaxy S20+

– តម្លៃ 1,049 ដុល្លារ

– Ram: 8GB

– Rom: 128GB

– ពណ៌៖ ខ្មៅ, ប្រផេះ, និងខៀវ

* Galaxy S20 Ultra

– តម្លៃ 1,269 ដុល្លារ

– Ram: 12GB

– Rom: 128GB

– ពណ៌៖ ខ្មៅ, ប្រផេះ

ប្រញាប់ឡើង…! ចំនួនមានកំណត់! ការផ្តល់ជូននេះនៅសល់តែ ៧ ថ្ងៃទៀតប៉ុណ្ណោះ! សូមអញ្ជើញទៅហាងដែលមានស្លាកសញ្ញា Pre-Order នេះ!

បញ្ជាក់៖ អតិថិជនទាំងអស់តម្រូវឱ្យធ្វើការកក់ប្រាក់ចំនួន 59 ដុល្លារ! សម្រាប់កាលបរិច្ឆេទនៃការទទួលទូរស័ព្ទគឺចាប់ពីថ្ងៃទី 3-5 ខែមីនា ឆ្នាំ ២០២០!

សម្រាប់ព័ត៌មានបន្ថែមសូមសាកសួរដោយផ្ទាល់តាមដេប៉ូចែកចាយរបស់ សាមសុង ទាំងអស់ ដែលនៅជិតលោកអ្នកបំផុត ឬទំនាក់ទំនងតាមរយៈលេខ៖ 1800-203232 !

* លក្ខខ័ណ្ឌផ្សេងៗត្រូវបានអនុវត្ត!

ពិតជាអស្ចារ្យណាស់ក្រុមហ៊ុន VSL Group បានចែកកាដូជូនតំណាងចែកចាយឆ្នើមរបស់ខ្លួនក្នុងម្នាក់បានខ្សែកមាស1ដំឡឹង រួមទាំងម៉ូតូ និងទឹកប្រាក់ 2,000$ ព្រមទាំងសំបុត្រយន្តហោះម្នាក់ចំនួន2សន្លឹក ចិញ្ចៀនពេជ្រ ចិញ្ចៀនមាស និងរង្វាន់យ៉ាងច្រើនសន្ធឹកសន្ធាប់ ដែលមិនធ្លាប់មានពីមុនមក ក្រុមហ៊ុនបានចំណាយទឹកប្រាក់សរុបជិត10ម៉ឺនដុល្លារ ដើម្បីជួបជុំតំណាងចែកចាយទូទាំងប្រទេស និងសម្ពោធជាផ្លូវការផលិតផលថ្មីម៉ាក2MEផងដែរ។

ក្រុមហ៊ុន VSL Group បានចំណាយលុយជិត10ម៉ឺនដុល្លារ ដើម្បីរៀបចំពិធីជប់លៀងនៃភាពជោគជ័យរបស់ក្រុមហ៊ុនខ្លួននៅលើទីផ្សារ បន្ទាប់ពីបានបង្កើតឡើងរយៈពេលជាង1ឆ្នាំ ដែលមានសមាជិកលក់បន្តរហូតដល់ទៅជិត10,000នាក់។ សម្រាប់ការជួបជុំប្រចាំឆ្នាំដ៏ធំជាមួយតំណាងចែកចាយឆ្នើមផលិតផលអាហារបំប៉ន និងគ្រឿងសម្អាងរបស់ក្រុមហ៊ុន VSL ទូទាំងប្រទេស បានធ្វើឡើងកាលពីល្ងាច ថ្ងៃទី28 ខែវិច្ឆិកា ឆ្នាំ2019 នៅភោជនីយដ្ឋានទន្លេបាសាក់2  ក្នុងខណ្ឌចំការមន  រាជធានីភ្នំពេញ ដោយមានការចូលរួមជាកិត្តិយសពីសំណាក់ ឯកឧត្តម ឧត្តមសេនីយ៍ឯក ម៉ម សំ នៃកងយោធពលខេមរៈភូមិន្ទ, លោកឧកញ៉ា វុឹក ជួ, លោក  វុឹក សុផល និងលោកស្រី ញ៉ែត លក្ខណា (LA Na)អគ្គនាយកាក្រុមហ៊ុន VSL Group និង កញ្ញា ហ៊ិន ចាន់នីរ័ត្ន កញ្ញា មាន សូនីតា លោក ខាត់ វ៉ៃហាំង និងតារាល្បីៗជាច្រើន
ទៀត ព្រម-ទាំងមានការអញ្ជើញចូលរួមពីតំណាងម្ចាស់ប្រេ៊នដ៍ជាច្រើននាក់មកពីបរទេសផងដែរ។

លោកស្រី ញ៉ែត លក្ខណា (LA Na) អគ្គនាយិកាក្រុមហ៊ុន VSL បានឱ្យដឹងថា ក្រៅពីការជួបជុំ តំណាងចែកចាយទូទាំង
ប្រទេស និងការអបអរពីភាពជោគជ័យលើទីផ្សារបណ្តាញអនឡាញសម្រាប់ក្រុមហ៊ុន VSL កម្មវិធីនេះក៏មានការចែករង្វាន់ និងប្រគល់ប័ណ្ណសរសើរដល់តំណាងចែកចាយឆ្នើមរបស់ក្រុមហ៊ុនទូទាំងប្រទេស និងមានការចាប់ឆ្នោតរង្វាន់ជាច្រើនផងដែរ ហើយអ្វីដែលពិសេសនោះ គឺបានភ្ជាប់ជាមួយនឹងកម្មវិធីសម្ពោធផលិតផលថ្មី ដែលមានស្លាកសញ្ញា 2ME ដែលបាននាំចូលផ្តាច់មុខពីមន្ទីរពេទ្យជំនាញផ្នែកស្បែកនៅប្រទេសថៃ និងការចុះហត្ថលេខារវាងក្រុមហ៊ុន VSL ជាមួយម្ចាស់ភាគហ៊ុនថ្មី គឺអ្នកនាង សុខ សោម៉ាវត្តី ដែលជាតារាសម្តែងដ៏ល្បីប្រចាំប្រទេសកម្ពុជា និងជាពិធីការិនីនៅស្ថានីយ៍ទូរទស្សន៍ផងដែរ៕

ខេត្តកំពត៖ ព្រឹត្តិការណ៍បាល់ទាត់ Tiger Street Football 2020 មណ្ឌលខេត្តកំពត ដែលជាមណ្ឌលទី៦ គឺបានរកឃើញក្រុមជើងឯកប្រចាំមណ្ឌល ដោយទទួលបានប្រាក់រង្វាន់១៥០០ដុល្លារហើយ គឺក្រុមបាល់ទាត់អគ្គស្នងការដ្ឋាននគរបាលខេត្តព្រះសីហនុ A បន្ទាប់ពីដំណើរការប្រកួតយ៉ាងស្វិតស្វាញ់អស់រយៈពេល២ថ្ងៃនៅទីលានបាល់ទាត់ដងព្រែកខេត្តកំពត។ ទម្រាំក្លាយជាជើងឯកប្រចាំមណ្ឌលកំពត ក្រុមបាល់ទាត់អគ្គស្នងការដ្ឋាននគរបាលខេត្តព្រះសីហនុ A បានទម្លាក់ក្រុមខ្លាំងជាបន្តបន្ទាប់រហូតឡើងដល់វគ្គផ្តាច់ព្រ័ត្រនៅល្ងាចថ្ងៃអាទិត្យ បានបន្តយកឈ្នះក្រុមបាល់ទាត់ក្តាមថ្ម B ដោយលទ្ធផល៣ទល់១ ក្លាយជាជើងឯកប្រចាំមណ្ឌលខេត្តកំពត។

ជុំវិញការបន្តគ្រងតំណាងជើងឯកមណ្ឌលខេត្តជាប់មាត់សមុទ្រជាបន្ត លោក លំ តាំង ប្រធានក្រុមបាល់ទាត់ស្នងការដ្ឋាននគរបាលខេត្តព្រះសីហនុ A បានថ្លែងបញ្ជាក់ថា កត្តាដែលជម្រុញឲ្យក្រុមខ្លួននៅតែរក្សាបានតំណែងជើងឯកជាបន្តបន្ទាប់នេះ ក៏ព្រោះតែក្រុមយើងបានលេងសហការគ្នាបានយ៉ាងល្អ ទាំងទម្រង់លេង និងសាមគ្គីភាពក្នុងក្រុមបានល្អទើបធ្វើឲ្យក្រុមអាចដណ្តើមបានតំណែងជើងឯកប្រចាំមណ្ឌលឡើងទៅប្រកួតវគ្គផ្តាច់ព្រ័ត្រជាបន្តទៀតនៅរាជធានីភ្នំពេញ។ ប្រធានក្រុមរូបនេះ ជឿជាក់ថា ប្រកួតវគ្គផ្តាច់ព្រ័ត្រនៅរាជធានីភ្នំពេញ ដែលជាការប្រកួតដណ្តើមប្រាក់រង្វាន់ច្រើនក្រុមរបស់ខ្លួន នឹងនៅតែបន្តគ្រង់តំណែងជើងឯកថ្នាក់ជាតិជាលើកទី២ ពិសេសបានជួបការលេងផ្លាស់ប្តូរបទពិសោធន៍ជាមួយតារាបាល់ទាត់ពិភពលោក គឺ លោក Rio Ferdinand។

សម្រាប់មណ្ឌលខេត្តកំពត ដែលជាមណ្ឌលទី៦នេះ គឺត្រូវចំរាញ់ជ្រើសរើសក្រុមខ្លាំងចំនួន៦ឡើងទៅប្រកួតវគ្គផ្តាច់ព្រ័ត្រនៅរាជធានីភ្នំពេញនៅថ្ងៃទី២៩ ខែកុម្ភៈ ដល់ថ្ងៃទី១ ខែមិនា ឆ្នាំ២០២០ ហើយក្រុមទាំង៦ដែលឈ្នះកៅអីឡើងទៅនោះ មាន អគ្គស្នងការដ្ឋាននគរបាលខេត្តព្រះសីហនុ A ជើងឯកប្រចាំមណ្ឌល ក្រុមក្តាមថ្ម B ជើងឯករង ក្រុមបាល់ទាត់ Jack sport A ចំណាត់ថ្នាក់លេខ៣ ក្រុម Texas LT ចំណាត់ថ្នាក់លេខ៤ ក្រុមបាល់ទាត់ Osakho FC B ចំណាត់ថ្នាក់លេខ៥ និងក្រុមបាល់ទាត់ ស្នងការដ្ឋាន នគរបាលខេត្តកំពត (C) ចំណាត់លេខ៦។

សូមបញ្ជាក់ថា ព្រឹត្តិការណ៍ Tiger Street Football 2020 មណ្ឌលទី៦​ មានខេត្តចូលរួមចំនួន៤ មានដូចជា ព្រះសីហនុ កែប កោះកុង និងកំពតម្ចាស់ផ្ទះសរុបក្រុមចូលរួមចំនួន៦០ក្រុម។ បន្ទាប់ពីមណ្ឌលកំពត នឹងបន្តទៅមណ្ឌលទី៧គឺ មណ្ឌលខេត្តតាកែវ ដែលមាន៣ ខេត្តចូលរួមគឺ ព្រៃវែង ស្វាយរៀង និងតាកែវម្ចាស់ផ្ទះ ដោយធ្វើការប្រកួតនៅថ្ងៃទី២២ដល់ថ្ងៃទី២៣ ខែកុម្ភៈ ឆ្នំា២០២០។ សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH.

ស្តែងចេញនូវការតាំងចិត្តដ៏មោះមុតរបស់អ្នក ជាមួយស្រាបៀរថៃហ្គ័រ។

ពិសាដោយការទទួលខុសត្រូវ៕