Category: PR

សូមអបអរសាទរអ្នកឈ្នះទាំង 10 រូបពីកម្មវិធី “មហាប្រូម៉ូសិនឆ្នាំថ្មីប្រពៃណីជាតិពី សាមសុង” ក្នុងសប្តាហ៍ចុងក្រោយ !!! ជាវស្មាតហ្វូនដែលទំនើបទាន់សម័យ និងលេចធ្លោបំផុតមធ្យម…ងំគឺឈ្នះមហារង្វាន់ពិសេសតែម្តង!!
(ភ្នំពេញ) ថ្ងៃទី ២០ ខែមេសា ឆ្នាំ២០២០៖
កម្មវិធី“មហាប្រូម៉ូសិនឆ្នាំថ្មីប្រពៃណីជាតិពី សាមសុង” បានឈានចូលមកដល់សប្ដាហ៍ចុងក្រោយ ដោយបានរកឃើញអ្នកឈ្នះរង្វាន់ធំ ម៉ូតូ Honda ZoomerX 2020 ឈ្មោះគួន គួយ មកពីខេត្តកណ្តាល និងរង្វាន់ជាច្រើនសរុប10 រង្វាន់។
សូមចូលរួមអបអរសាទរដល់អ្នកឈ្នះរង្វាន់ទាំងអស់សរុប 40នាក់ ក្នុងរយៈពេល 4 សប្ដាហ៍ និងសូមថ្លែងអំណរគុណដល់អតិថិជន សាមសុង ទាំងអស់ដែលបានចូលរួមចាប់ឆ្នោតផ្សងសំណាងទូទាំងប្រទេសផងដែរ។
កម្មវិធីនេះទទួលបានការគាំទ្រកាន់តែច្រើនឡើងៗពីមួយសប្ដាហ៍ទៅមួយសប្ដាហ៍ និងធ្វើឲ្យកម្រិតនៃការលក់របស់ Samsung Galaxy A10s, A20s និង A30s ហក់ឡើងខ្ពស់ ធ្វើឲ្យកក្រើកទីផ្សារស្មាតហ្វូននៅកម្ពុជា។
លោកគួន គួយ មកពីខេត្តកណ្តាល ដែលបានឈ្នះរង្វាន់ធំបានថ្លែងទាំងរំភើបថា “ដំបូងចង់ស្ទាក់ស្ទើរព្រោះជាសប្តាហ៍ចុងក្រោយ ប៊ិះអត់ដាក់…តែគិតឡើងវិញ ក៏សាកដាក់ចូលរួម…ហើយក៏បានឈ្នះតែម្ដង…សប្បាយមែនទែន ព្រោះបានរង្វាន់ធំហើយពីមុនមកមិនដែលបានឈ្នះអីចឹងទេ…វាជារង្វាន់ពិតៗមែន”
ក្នុងឱកាសប្រគល់រង្វាន់ដល់អតិថិជន ១០នាក់ ចុងក្រោយ លោក Warren Chew ប្រធានផ្នែកលក់ទូរស័ព្ទដៃរបស់ក្រុមហ៊ុនសាមសុងប្រចាំកម្ពុជា បានមានប្រសាសន៍ថា “ក្រៅពីផ្តល់ជូននូវអ្វីដែលលើសពីភាពអស្ចារ្យតាមរយៈផលិតផលស្មាតហ្វូន ក្រុមហ៊ុន សាមសុង ក៏តែងតែបំពេញតាមសេចក្តីត្រូវការរបស់អតិថិជនគ្រប់លំដាប់ថ្នាក់ជាមួយនឹងជម្រើសនៃពិភពស្មាតហ្វូនដ៏ច្រើនសម្បូរបែប! ដូច្នេះទាំងអាជីវករ និងអតិថិជនរបស់យើងទាំងអស់សុទ្ធតែទទួលបាននូវអត្ថប្រយោជន៍យ៉ាងច្រើនជាមួយនឹងកម្មវិធីពិសេសៗដែលមានជាបន្តបន្ទាប់ផងដែរ! ឆ្លៀតក្នុងឱកាសដ៏រំភើបរីករាយនេះខ្ញុំបាទសូមថ្លែងអំណរគុណយ៉ាងជ្រាលជ្រៅដល់អតិថិជនទាំងអស់ដែលបានគាំទ្រ និងជឿទុកចិត្តបំផុតលើគ្រប់ផលិតផលរបស់ក្រុមហ៊ុន សាមសុង! ជាពិសេសអតិថិជនដែលបានជាវស្មាតហ្វូន សាមសុង Galaxy A10s, A20s និង A30s ដើម្បីមានឱកាសឈ្នះនូវរង្វាន់ដ៏ច្រើនសន្ធឹកសន្ធាប់នៅក្នុងសប្តាហ៍ទី 4 នេះតែម្តង! ជាថ្មីម្តងទៀតសូមឱ្យអតិថិជនទាំងអស់បន្តគាំទ្រគ្រប់ផលិតផល សាមសុង បន្ថែមទៀតដើម្បីមានឱកាសទទួលបាន ស្មាតហ្វូនដែលល្អ ទំនើបទាន់សម័យបំផុតក៏ដូចជាឱកាសឈ្នះនូវមហារង្វាន់អស្ចារ្យពីកម្មវិធីមហាប្រូម៉ូសិនពិសេសៗពីក្រុមហ៊ុន សាមសុង បន្តបន្ទាប់ទៀត”!
*ខាងក្រោមនេះគឺជាឈ្មោះអតិថិជនដែលបានឈ្នះក្នុងសប្តាហ៍ទី4៖
កុំភ្លេចចុច like page Samsung ដើម្បីទទួលបានព័ត៌មានថ្មីៗបន្ថែមទៀត! សម្រាប់ព័ត៌មានលម្អិតសូមអញ្ជើញមកទស្សនាដោយផ្ទាល់តាមបណ្តាហាងទំនើប សាមសុង និងដេប៉ូចែកចាយផលិតផល សាមសុង ដែលនៅជិតលោកអ្នកបំផុត ឬទំនាក់ទំនងទៅកាន់ផ្នែកសេវាបម្រើអតិថិជនតាមរយៈទូរស័ព្ទលេខ៖ 1800-20 32 32 !

April 20, 2020
ជម្រើសទី១៖ កម្មវិធីផ្សាយផ្ទាល់របស់ថៃហ្គ័រ ជំរុញឱ្យសិល្បៈករ អ្នកជំនាញ និងអ្នកលក់រាយ រួមកម្លាំងគ្នាដើម្បីប្រឆាំងនឹងកូវីដ-១៩
ភ្នំពេញ ថ្ងៃទី១៩ ខែមេសា៖ ប្រជាពលរដ្ឋកម្ពុជាច្រើនជាងកន្លះលាននាក់ បានបើកអនឡាញ ដើម្បីចូលក្នុងកម្មវិធីបែបថ្មីនៃការប្រគំតន្ត្រីរបស់ស្រាបៀរ ថៃហ្គ័រ ខណៈដែលព្រឹត្តិការណ៍នេះ បានប្រមូលផ្តុំតន្ត្រីករ សិល្បៈករ តារាល្បីៗ មេចុងភៅកំពូលៗ អ្នកមានឥទ្ធិពលលើបណ្តាញសង្គម អ្នកលក់រាយ និងតំណាងចែកចាយ ទាំងអស់ទូទាំងប្រទេសកម្ពុជា ឲ្យចូលរួមសហការគ្នា ដើម្បីជួយប្រយុទ្ធប្រឆាំងនឹងវីរុសកូវីដ–១៩ ដែលកំពុងតែធ្វើឲ្យប៉ះពាល់ដល់ជីវិតប្រចាំថ្ងៃរបស់ប្រជាពលរដ្ឋកម្ពុជា។
ព្រឹត្តិការណ៍ប្រគុំតន្ត្រីផ្សាយផ្ទាល់របស់ស្រាបៀរថៃហ្គ័រ បានចាប់ផ្តើមដំណើរការកាលពីថ្ងៃអង្គារ ទី១៤ ខែមេសា ដោយមានការចូលរួមសម្តែងពី DJ MAILY និងកំពូលតន្ដ្រីករហ្សាក់ស្ស៊ូហ្វូន Euan Gray ក៏ដូចជាតន្ដ្រីករស្គរ Jim Wilson។
នៅមុនពេលកម្មវិធីសម្តែងទី១ DJ Maily បាននិយាយថា៖ «បញ្ហាវីរុសកូវីដ-១៩ គឺបានប៉ះពាល់ដល់យើងគ្រប់គ្នាតែម្ដង។ ពួកយើងពិតជាអរគុណដល់ក្រុមហ៊ុនស្រាបៀរថៃហ្គ័រ ដែលបានរៀបចំព្រឹត្តិការនេះឡើង សម្រាប់ឲ្យពួកយើង អាចគាំទ្រ និងផ្សារភ្ជាប់ទំនាក់ទំនងជាមួយនឹងអ្នកគាំទ្ររបស់យើង។ ពួកយើងក៏មានមោទនភាពផងដែរ ដែលអាចជួយគាំទ្រដល់អាជីវករលក់រាយ និងតំណាងចែកចាយ ក៏ដូចជាសង្គមខ្មែរទាំងមូល ផងដែរ»។
កាលពីថ្ងៃព្រហស្បតិ៍ ទី១៦ ខែមេសា អ្នកគាំទ្រជិត២៥ម៉ឺននាក់ បានចូលរួមទស្សនាការសម្តែងតាមអនឡាញរបស់កំពូលតារាចម្រៀងលោក ឆន សុវណ្ណរាជ រួមជាមួយនឹងក្រុមសិល្បៈករផងដែរ។
ក្រុមហ៊ុនស្រាបៀរថៃហ្គ័រ បានរៀបចំព្រឹត្តិការណ៍ប្រគុំតន្ត្រីផ្សាយផ្ទាល់នេះឡើង ដើម្បីចូលរួមគាំទ្រដល់តន្ត្រីករ សិល្បៈករ តារាល្បីៗ មេចុងភៅ និងអ្នកមានឥទ្ធិពលលើបណ្តាញសង្គម ដែលមិនអាចសម្តែងនៅតាមទីសាធារណៈបាន ក្នុងអំឡុងពេលនេះ។ តាមរយៈការប្រមូលផ្តុំសិល្បៈករ អ្នកលក់រាយ និងតំណាងចែកចាយឲ្យធ្វើការជាមួយគ្នា ក្រុមហ៊ុនស្រាបៀរថៃហ្គ័រ ក៏មានបំណងជួយដល់អាជីវករដែលរងផលប៉ះពាលផ្នែកអាជីវកម្មរបស់ខ្លួនដោយសារតែវីរុសកូវីដ-១៩ ផងដែរ។ ក្រុមហ៊ុនស្រាបៀរថៃហ្គ័រ ក៏ចង់ចូលរួមចំណែកធ្វើឲ្យអ្នកដែលកំពុងតែស្នាក់នៅឯផ្ទះ ក្នុងពេលនេះ ទទួលបានភាពសប្បាយរីករាយ តាមរយៈការសម្តែងដ៏រំភើបអស្ចារ្យ ពីគេហដ្ឋានផងដែរ។
លោក Jeevan អ្នកចាត់ការទូទៅជាន់ខ្ពស់ប្រចាំសាខារបស់ក្រុមហ៊ុនស្រាបៀរថៃហ្គ័រ មានប្រសាសន៍ថា៖ «ក្រុមហ៊ុនរបស់យើងយល់អំពីទុក្ខលំបាកដែលសិល្បៈករ និងប្រជាពលរដ្ឋដែលត្រូវរក្សាខ្លួនក្នុងផ្ទះ កំពុងជួបប្រទះ ក្នុងស្ថានភាពនេះ។ ហេតុនេះហើយទើបបានជា យើងកៀងគរគ្រប់ភាគីទាំងអស់ ឲ្យមកជួយគ្នាទៅវិញទៅមក ក្នុងពេលមានវិបត្តិនេះ»។
ដើម្បីចូលរួមជួយដល់អ្នកលក់រាយ និងដេប៉ូចែកចាយផ្សេងៗ ក្រុមហ៊ុនស្រាបៀរថៃហ្គ័រ ក៏នឹងផ្តល់ថវិកាចំនួន១ម៉ឺន៥ពាន់ដុល្លារអាមេរិក ជូនដល់សាធារណៈជនផងដែរ។ ការផ្តល់អំណោយនេះ នឹងត្រូវធ្វើឡើងជាបណ្ណរង្វាន់ (Voucher) ដែលមានតម្លៃជាទឹកប្រាក់៥ដុល្លារ និងអាចយកទៅប្រើប្រាស់ដើម្បីកុម្ម៉ង់ម្ហូបអាហារផ្សេងៗតាមអនឡាញបាន។
លោក Jeevan បានប្រាប់បន្តថា៖ «ជាមួយនឹងកម្មវិធីផ្សាយផ្ទាល់របស់ស្រាបៀរថៃហ្គ័រនេះ សិល្បៈករ អាចបន្តធ្វើការសម្តែងរបស់ខ្លួន និងទទួលបានប្រាក់ចំណូល ស្របពេលដែលទូរទស្សនិកជនក៏អាចទស្សនា និងទទួលបានការកម្សាន្តលំដាប់ថ្នាក់លេខ១ ក៏ដូចជាការលើកទឹកចិត្ត និងការណែនាំផ្សេងៗផងដែរ។ នេះគឺជាវិធីសាស្ត្ររបស់យើងក្នុងការបណ្ដុះសាមគ្គីភាពសង្គម ក្នុងគ្រាដ៏លំបាកនេះ»។
លោកបានបន្ថែមទៀតថា៖ «តាមរយៈមធ្យោបាយនេះ យើងសង្ឃឹមថា នឹងអាចជួយឲ្យគ្រប់គ្នានៅតែអាចរក្សាភាពស្និទ្ធស្នាលនឹងគ្នាបាន។ យើងក៏កំពុងតែជួយដល់អ្នកដែលកំពុងត្រូវការរក្សាការងារ ជួយដល់អាជីវករដែលត្រូវការរក្សាអាជីវកម្មរបស់ពួកគាត់ និងជួយដល់អ្នកដែលកំពុងតែអង្គុយនៅឯផ្ទះ ដែលទន្ទឹងរង់ចាំឲ្យវិបត្តិជំងឺនេះរលាយបាត់ទៅ ផងដែរ»។
ក្រៅពីការប្រគុំតន្ត្រីទៅ កម្មវិធីផ្សាយផ្ទាល់របស់ស្រាបៀរថៃហ្គ័រ ក៏នឹងមានជាការបង្ហាញថ្វីដៃចម្អិនម្ហូបបែបអាហារតាមដងផ្លូវ ពីសំណាក់កំពូលចុងភៅ ក៏ដូចជាការសម្តែងសិល្បៈគំនូរ ពីវិចិត្រករដ៏ចំណានប្រចាំប្រទេសកម្ពុជា ផងដែរ។
វគ្គបន្ទាប់នៃកម្មវិធីផ្សាយផ្ទាល់របស់ស្រាបៀរថៃហ្គ័រ នឹងគ្រោងរៀបចំឡើងនៅថ្ងៃពុធ និងថ្ងៃសុក្រសប្ដាហ៍នេះ ចាប់ពីម៉ោង ៧ យប់តទៅ។ ការសម្តែងតាមអនឡាញនេះ នឹងមានការចូលរួមពីក្រុមតន្ត្រី និងតារាចម្រៀងល្បីៗប្រចាំកម្ពុជាផងដែរ ដូចជាក្រុមតន្ត្រី SMALL WORLD SMALL BAND រួមជាមួយនឹងតារាចម្រៀង ចំរើន សុភា និងក្រុមចម្រៀង P-SAND X BROTHERS។
អ្នកស្នេហាវិស័យសិល្បៈទាំងអស់ ដែលចង់ជ្រាបព័ត៌មានបន្ថែម អាចចូលទៅកាន់ទំព័រ Facebook ផ្លូវការរបស់ថៃហ្គ័របានតាមរយៈ (https://facebook.com/tigerbeerKH)។
ហេតុនេះ ប្រសិនបើលោកអ្នកមានបំណងចង់ចូលរួមជួយស្រាបៀរថៃហ្គ័រ ក្នុងគម្រោងនេះ សូមកុំភ្លេចចូលរួមទស្សនាការផ្សាយផ្ទាល់របស់ស្រាបៀរថៃហ្គ័រ នៅថ្ងៃពុធ ទី២២ ខែមេសា ចាប់ពីម៉ោង ៧ យប់តទៅ លើទំព័រ Facebook របស់ថៃហ្គ័រ (https://facebook.com/tigerbeerKH)៕
April 20, 2020
ក្រុមហ៊ុន មេនូឡាយហ្វ៍ ខេមបូឌា ប្រកាសជាផ្លូវការនូវអត្ថប្រយោជន៍បន្ថែមដែលផ្ដល់ជាទឹកប្រាក់សម្រាប់ការសម្រាកព្យាបាលនៅមន្ទីរពេទ្យ និង “EasyClaims” ដើម្បីជួយឲ្យជីវិតរបស់អតិថិជនកាន់តែប្រសើរឡើង
រាជធានីភ្នំពេញ, ថ្ងៃទី ២០ ខែមេសា ឆ្នាំ ២០២០ – ថ្ងៃនេះ ក្រុមហ៊ុន មេនូឡាយហ្វ៍ ខេមបូឌា បានប្រកាសដាក់ឲ្យដំណើរការជាផ្លូវការនូវ «អត្ថប្រយោជន៍បន្ថែម មេនូឡាយហ្វ៍ មេឌីខាស» ដែលជាដំណោះស្រាយធានារ៉ាប់រងដំបូង និងតែមួយគត់ក្នុងប្រទេសកម្ពុជាដែលផ្តល់ជូននូវអត្ថប្រយោជន៍ជាទឹកប្រាក់ថេរប្រចាំថ្ងៃចាប់ពី ១០ ដុល្លារអាមេរិករហូតដល់ ២០០ ដុល្លារអាមេរិកដល់អ្នកត្រូវបានធានារ៉ាប់រងក្នុងអំឡុងពេលសម្រាកព្យាបាលនៅមន្ទីរពេទ្យដោយសារជំងឺ ឬគ្រោះថ្នាក់។
នៅថ្ងៃនេះដែរ ក្រុមហ៊ុន មេនូឡាយហ្វ៍ ខេមបូឌា ក៏បានដាក់ឲ្យដំណើរការនូវប្រព័ន្ធទាមទារសំណង «EasyClaims» របស់ខ្លួនដែលអនុញ្ញាតឱ្យអតិថិជនដាក់ពាក្យស្នើសុំទាមទារសំណងតាមប្រព័ន្ធអេឡិកត្រូនិកគ្រប់ពេលវេលា គ្រប់ទីកន្លែង តាមរយៈទូរស័ព្ទដៃ។
«អត្ថប្រយោជន៍បន្ថែម មេនូឡាយហ្វ៍ មេឌីខាស» ត្រូវបានបង្កើតឡើងដើម្បីជួយសម្រាលបន្ទុកហិរញ្ញវត្ថុរបស់អតិថិជន និងជួយពួកគាត់ពីការបាត់បង់ប្រាក់ចំណូលក្នុងអំឡុងពេលពួកគាត់សម្រាកព្យាបាលនៅមន្ទីរពេទ្យ។ លក្ខណៈពិសេសរបស់អត្ថប្រយោជន៍នេះរួមមាន៖
- អត្ថប្រយោជន៍ជាទឹកប្រាក់ប្រចាំថ្ងៃចាប់ពី ១0 ដុល្លារអាមេរិករហូតដល់ ២00 ដុល្លារអាមេរិកក្នុងមួយថ្ងៃ
- អត្ថប្រយោជន៍សម្រាកនៅផ្នែកប្រពោធនកម្ម(ICU)៖ ទទួលបានទឹកប្រាក់បន្ថែម ១០០% នៃអត្ថប្រយោជន៍ទឹកប្រាក់ធានារ៉ាប់រងប្រចាំថ្ងៃ
- ការស្នាក់នៅមន្ទីរពេទ្យយ៉ាងតិច ៦ ម៉ោងឡើងទៅ និងរហូតដល់ ២០ ថ្ងៃក្នុងការសម្រាកនៅមន្ទីរពេទ្យមួយលើក
- អត្ថប្រយោជន៍សម្រាកមន្ទីរពេទ្យប្រចាំថ្ងៃរបស់លោកអ្នកនឹងមានសុពលភាពភ្លាមៗបន្ទាប់ពីបណ្ណសន្យារ៉ាបរងត្រូវបានផ្តល់ជូនសម្រាប់ការសម្រាកនៅមន្ទីរពេទ្យដោយសារគ្រោះថ្នាក់ និង បន្ទាប់ពីផុតរយៈពេល ៤៥ ថ្ងៃគិតចាប់ពីថ្ងៃដែលបណ្ណសន្យារ៉ាប់រងត្រូវបានផ្តល់ជូនសម្រាប់ការសម្រាកនៅមន្ទីរពេទ្យដោយសារជំងឺ
- ការការពារទាំងក្នុង និងក្រៅប្រទេស
- បុព្វលាភធានារ៉ាប់រងមានតម្លៃសមរម្យចាប់ពី ២៥ ដុល្លារអាមេរិកក្នុង១ឆ្នាំ
អត្ថប្រយោជន៍បន្ថែមនេះគឺជាដំណោះស្រាយធានារ៉ាប់រងមួយដែលអតិថិជនអាចជ្រើសរើសភ្ជាប់ជាមួយដំណោះស្រាយធានារ៉ាប់រងណាមួយដូចខាងក្រោម៖
- គម្រោងអនាគតការសិក្សារបស់កូនខ្ញុំជាមួយមេនូឡាយហ្វ៍ (សម្រាប់តែអ្នកបង់ប្រាក់តែប៉ុណ្ណោះ) ឬ
- គម្រោងមរតកខ្ញុំជាមួយមេនូឡាយហ្វ៍
លោក Justin Helferich អគ្គនាយកប្រតិបត្តិ និងនាយកចាត់ការទូទៅនៃក្រុមហ៊ុន មេនូឡាយហ្វ៍ ខេមបូឌា មានប្រសាសន៍ថា៖ «នៅក្រុមហ៊ុន មេនូឡាយហ្វ៍ យើងមានបេសកកម្មយ៉ាងមុតមាំមួយដើម្បីជួយអតិថិជនឲ្យធ្វើការសម្រេចចិត្តកាន់តែងាយស្រួល និងជីវិតកាន់តែប្រសើរ។» «ចាប់តាំងពីយើងបានឈានចូលក្នុងទីផ្សារកម្ពុជាក្នុងឆ្នាំ ២០១២ ក្នុងនាមជាក្រុមហ៊ុនធានារ៉ាប់រងអាយុជីវិតអន្តរជាតិដំបូងបំផុតមក យើងបានខិតខំប្រឹងប្រែងយ៉ាងខ្លាំងក្នុងការបង្កើតជាដំណោះស្រាយ និងសេវាកម្មដែលឆ្លើយតបទៅនឹងតម្រូវការរបស់ក្រុមគ្រួសារកម្ពុជា។»
វីដេអូ៖ https://youtu.be/HLPdpbbAKb8
លោកបានបន្ថែមថា៖ «ថ្ងៃនេះយើងមានសេចក្តីសោមនស្សរីករាយក្រៃលែងក្នុងការណែនាំជូននូវដំណោះស្រាយឈានមុខគេមួយទៀតនៅលើទីផ្សារដែលមានឈ្មោះថា «អត្ថប្រយោជន៍បន្ថែម មេនូឡាយហ្វ៍ មេឌីខាស» ដែលអត្ថប្រយោជន៍នេះនឹងផ្តល់ការគាំទ្រផ្នែកហិរញ្ញវត្ថុប្រចាំថ្ងៃដល់អតិថិជនក្នុងពេលសម្រាកនៅមន្ទីរពេទ្យ ហើយអនុញ្ញាតឱ្យពួកគាត់ផ្តោតលើការជាសះស្បើយជាជាងលើការចំណាយ។» លោកបន្តថា៖ «ខ្ញុំក៏មានមោទនភាពផងដែរដែលយើងអាចនាំយកមកក្នុងពេលជាមួយគ្នានូវបទពិសោធន៍នៃការទាមទារសំណងតាមប្រព័ន្ធអេឡិកត្រូនិកដល់អតិថិជននៅកម្ពុជា។ ការផ្តល់ជូននូវដំណើរការទាមទារសំណងប្រកបដោយសុវត្ថិភាព និងភាពងាយស្រួលដល់អតិថិជននេះដើរស្របគ្នាយ៉ាងល្អឥតខ្ចោះទៅនឹងអាទិភាពយុទ្ធសាស្រ្តរបស់យើងក្នុងការក្លាយជាអ្នកដឹកនាំផ្នែកឌីជីថលនៅក្នុងវិស័យធានារ៉ាប់រង។»
វីដេអូ៖ https://youtu.be/cY4QiI8rcXI
សម្រាប់ព័ត៌មានលម្អិតអំពី «អត្ថប្រយោជន៍បន្ថែម មេនូឡាយហ្វ៍ មេឌីខាស» និង EasyClaims សូមចូលទៅកាន់គេហទំព័ររបស់ក្រុមហ៊ុន មេនូឡាយហ្វ៍ ខេមបូឌា https://www.manulife.com.kh/ ឬទាក់ទងមកកាន់ ១៨០០ ២១១ ២១១ (ទូរស័ព្ទឥតគិតថ្លៃ)។
អំពីក្រុមហ៊ុន មេនូឡាយហ្វ៍ ខេមបូឌា
ក្រុមហ៊ុន មេនូឡាយហ្វ៍ ខេមបូឌា បានចាប់ផ្តើមប្រតិបត្តិការរបស់ខ្លួននៅថ្ងៃទី ២៨ ខែមិថុនា ឆ្នាំ ២០១២ ។ ក្នុងនាមជាក្រុមហ៊ុនធានារ៉ាប់រងអាយុជីវិតបរទេសដំបូងបំផុតនៅក្នុងព្រះរាជាណាចក្រកម្ពុជា ក្រុមហ៊ុន មេនូឡាយហ្វ៍ ខេមបូឌា បានប្តេជ្ញាចិត្តក្នុងការផ្តល់ជូនអតិថិជនរបស់ខ្លួននូវផលិតផល និងសេវាកម្មការពារហិរញ្ញវត្ថុដែលជាតម្រូវការចាំបាច់របស់ពួកគាត់។ សម្រាប់ព័ត៌មានបន្ថែម សូមចូលទៅគេហទំព័រ www.manulife.com.kh ឬទំព័រ Facebook៖ ManulifeKh។
ក្រុមហ៊ុន មេនូឡាយហ្វ៍ ហ្វាយនែនសល គឺជាក្រុមហ៊ុនផ្តល់សេវាកម្មហិរញ្ញវត្ថុឈានមុខគេមួយលំដាប់ថ្នាក់អន្តរជាតិដែលជួយប្រជាជនក្នុងការសម្រចចិត្តឲ្យកាន់តែមានភាពងាយស្រួល និងធ្វើឲ្យជិវីតកាន់តែប្រសើរឡើង។ យើងបានដំណើរការជាក្រុមហ៊ុន John Hancock នៅសហរដ្ឋអាមេរិក និងជាក្រុមហ៊ុន មេនូឡាយហ្វ៍ នៅបណ្តាប្រទេសផ្សេងៗទៀតក្នុងពិភពលោក។ យើងផ្តល់ការប្រឹក្សាហិរញ្ញវត្ថុ ដំណោះស្រាយធានារ៉ាប់រង ព្រមទាំងផលិតផល និងសេវាកម្មគ្រប់គ្រងទ្រព្យសម្បត្តិជូនដល់អតិថិជនជាលក្ខណៈបុគ្គលជាក្រុម និងជាស្ថាប័ន។ គិតត្រឹមចុងឆ្នាំ ២០១៨ យើងមានបុគ្គលិកបម្រើការងាជាង ៣៥.០០០ នាក់ភ្នាក់ងារធានារ៉ាប់រងប្រមាណ ៩៨.០០០ នាក់ និងដៃគូចែកចាយផលិតផលធានារ៉ាប់រងអាយុជីវិតរាប់ពាន់ដៃគូផ្សេងទៀត ដែលកំពុងបម្រើសេវាកម្មជូនអតិថិជនប្រមាណ ៣០ លាននាក់។ គិតត្រឹមថ្ងៃទី ៣១ ខែធ្នូ ឆ្នាំ ២០១៩ យើងមានសាច់ប្រាក់ប្រតិបត្តិការចំនួន ១,២ ទ្រីលានដុល្លារកាណាដា ឬ ០,៩ ទ្រីលានដុល្លារអាមេរិកដែលជាទ្រព្យសកម្ម។ គិតត្រឹមរយៈពេល ១២ ខែចុងក្រោយ យើងបានបង់ជូនជាអត្ថប្រយោជន៍ការប្រាក់ និងការចំណាយផ្សេងៗជូនដល់អតិថិជនរបស់យើងដែលមានតម្លៃជាសាច់ប្រាក់ចំនួន ២៩,៧ ពាន់លានដុល្លារ។ យើងមានប្រតិបត្តិការធំៗនៅអាស៊ី កាណាដា និងសហរដ្ឋអាមេរិក ហើយយើងបានបម្រើអតិថិជនរបស់យើងអស់រយៈពេលច្រើនជាង ១០០ ឆ្នាំមកហើយ។ យើងមានស្នាក់ការកណ្តាលជាសកលរបស់យើងនៅទីក្រុង Toronto ប្រទេស កាណាដា ហើយក្រុមហ៊ុន មេនូឡាយហ្វ៍ Manulife Financial Corporation បានធ្វើប្រតិបត្តិការអាជីវកម្មជា MFC នៅទីផ្សារមូលបត្រ តូរ៉ុនតូ ញូវយ៉ក និងទីផ្សារមូលបត្រហ្វីលីពីន ហើយនៅលើទីផ្សារមូលបត្រហុងកុងក្រោមឈ្មោះ ៩៤៥។
អាសយដ្ឋានទំនាក់ទំនងសម្រាប់សារព័ត៌មាន
ក្រុមហ៊ុន មេនូឡាយហ្វ៍ ខេមបូឌា
លោក តារា សៅយុទ្ធនា
ប្រធានជាន់ខ្ពស់ផ្នែកទំនាក់ទំនង
០១១ ៧៥៩ ៩៦៤
[email protected]
April 20, 2020
ក្រុមហ៊ុនធានារ៉ាប់រង Forte នៅបន្តការងារ រួមចំណែកក្នុងសង្គមកម្ពុជាប្រឆាំងនឹងជំងឺកូវីដ-19
ជំងឺរាតត្បាតកូវីដ-19 កំពុងបង្កនូវភាពមិនប្រាកដប្រជា ការរំខាន និងការព្រួយបារម្ភនៅកម្ពុជា និងជុំវិញពិភពលោក។ ក្រុមហ៊ុនធានារ៉ាប់រង ហ្វ័រតេ (Forte) កំពុងតែព្យាយាមដោះស្រាយទៅតាមស្ថានភាពដែលកំពុងវិវឌ្ឍយ៉ាងឆាប់រហ័សនេះ។
ជាមួយគ្នានេះ សុវត្ថិភាពរបស់អតិថិជន និងបុគ្គលិក គឺជាអាទិភាពរបស់ក្រុមហ៊ុន ដោយយើងបាននិងកំពុងតាមដានការវិវឌ្ឍ និងកំណត់យកវិធីសាស្រ្តល្អបំផុត ដើម្បីឆ្លើយតបនឹងបញ្ហាដែលបង្កដោយ វីរុសកូវីដ-19 តែយើងនៅតែបន្តប្រតិបត្តិការជាធម្មតា ស្របពេលនេះ យើងក៏បានបន្ថែមការយកចិត្តទុកដាក់ចំពោះសុខុមាលភាពរបស់បុគ្គលិកផងដែរ។
តបតាមការអំពាវនាវរបស់រាជរដ្ឋាភិបាល បច្ចុប្បន្ន Forte ជាក្រុមហ៊ុនធានារ៉ាប់រងដែលរឹងមាំជាងគេនៅកម្ពុជា បានបរិច្ចាគទឹកប្រាក់តិចតួចជាមួយសមាគមគ្រឹះស្ថានមីក្រូហិរញ្ញវត្ថុ ចំពោះគណៈកម្មការជាតិប្រយុទ្ធប្រឆាំងនឹងវីរុសកូវីដ-19 នៃរាជរដ្ឋាភិបាលកម្ពុជា ដើម្បីចូលរួមចំណែកក្នុងការប្រយុទ្ធប្រឆាំងនឹងជំងឺដ៏កាចសាហាវនេះ។
លោក យក់ ចំរើនឬទ្ធិ អគ្គនាយកក្រុមហ៊ុនForte បានមានប្រសាសន៍ថា៖ «ក្រុមហ៊ុនForteសូមចូលរួមជាកម្លាំងមួយផ្នែក ជាមួយរាជរដ្ឋាភិបាលកម្ពុជាក្នុងការទប់ស្កាត់ បង្ការ និងព្យាបាលវីរុសកូវីដ-19 ដើម្បីសុវត្ថិភាព និងសុខភាពប្រជាជនកម្ពុជា។
លោកអគ្គនាយក បានបន្តថា ក្រៅពីការរួមចំណែកជាថវិកាជាមួយរដ្ឋាភិបាលហើយ ក្រុមហ៊ុនហ្វ័រតេ ក៏បានដាក់ចេញជាវិធានការបន្ទាន់ និងយ៉ាងតឹងរ៉ឹង ដើម្បីទប់ស្កាត់ការឆ្លងវីរុសកូវីដ-19 ដល់បុគ្គលិក និងអតិថិជន ដោយបានអនុវត្តវិធានការផ្នែកអនាម័យល្អ និងសុវត្ថិភាព។
លោក ចំរើនឬទ្ធិ បានបញ្ជាក់ថា៖«នៅក្នុងវិធានការដែលក្រុមហ៊ុនយើងបានប្រតិបត្តិ ក្នុងការការពារបុគ្គលិក និងអតិថិជនរបស់យើង ដោយបានផ្តល់ជូននូវបរិស្ថានធ្វើការ ប្រកបដោយសុវត្ថិភាពតាមដែលអាចធ្វើទៅបាន ក្នុងអំឡុងពេលមានការផ្ទុះឡើងនូវវីរុសនេះ។ វិធានការទាំងនោះរួមមានដូចជា៖ ការស្ទង់សីតុណ្ហភាពបុគ្គលិក 2ដងក្នុង 1ថ្ងៃ និងការស្ទង់សីតុណ្ហភាពអតិថិជន ដែលអញ្ជើញមកការិយាល័យ ឬសាខារបស់ Forte ផ្តល់ជូនទឹកអាល់កុលលាងដៃដល់បុគ្គលិក និងអតិថិជន»។
លោក បានឱ្យដឹងថា យើងក៏បានធ្វើការសម្អាតដៃទ្វារ រៀងរាល់ 2ម៉ោងម្តង បាញ់ទឹកកម្ចាត់មេរោគគ្រប់តុធ្វើការ និងបន្ទប់ប្រជុំ សម្អាត និងកម្ចាត់មេរោគទ្រង់ទ្រាយធំ នៅគ្រប់ការិយាល័យ និងសាខា រៀងរាល់ 2សប្តាហ៍ម្តង និងមានវេជ្ជបណ្ឌិតប្រចាំការនៅការិយាល័យ ដើម្បីពិនិត្យអ្នកដែលមានរោគសញ្ញាណាមួយ យើងត្រៀមរួចរាល់ក្នុងការផ្តល់សេវាកម្មជូនលោកអ្នក ក្នុងនាមជាជម្រើសដៃគូ ផ្តល់ការធានារ៉ាប់រងដល់លោកអ្នក Forteត្រៀមខ្លួនរួចជាស្រេចក្នុងការគាំទ្រលោកអ្នកក្នុងអំឡុងពេលប្រឈមនេះ»។
លោក ចំរើនឬទ្ធិ បានបញ្ជាក់ដែរថា៖ «លើសពីនេះ ក្រុមហ៊ុនForte ក៏បានលើកទឹកចិត្តឱ្យបុគ្គលិក ឈប់សម្រាកឆ្លាស់វេនគ្នា ពេលចូលមកធ្វើការត្រូវពាក់ម៉ាស់ ពេលអង្គុយធ្វើការ ត្រូវមានគម្លាតពីគ្នា លាងសម្អាតដៃជាញឹកញាប់ជាមួយនឹងសាប៊ូ ឬអាល់កុលលាងដៃ ដើម្បីបង្ការការឆ្លងនៅការិយាល័យ ដែលអាចមានជាប់បាក់តេរី និងវីរុស ជាយថាហេតុ»។
សូមបញ្ជាក់ថា ក្រុមហ៊ុនForte ក៏បានផ្សព្វផ្សាយពីវិធីបង្ការកូវីដ-19 តាមខិត្តប័ណ្ណ និងចែកបណ្ណផ្សាយ តាមទំព័រហ្វេសប៊ុកហ្វ័រតេ ក្នុងការការពារការឆ្លងជំងឺកូវីដ-19 ផ្សេងទៀតជូនដល់បុគ្គលិក និងអតិថិជនទាំងអស់ ដើម្បីបញ្ជ្រាបការយល់ដឹង និងចូលរួមប្រយុទ្ធនឹងការចម្លងជំងឺដ៏កាចសាហាវនេះ។
បើទោះជាស្ថិតក្នុងស្ថានភាព ធុរកិច្ចមានសភាពមិនប្រក្រតីក៏ដសោយ ក៏ប្រតិបត្តិការធុរកិច្ច របស់ក្រុមហ៊ុនForte នៅតែបន្តដំណើរការ ទោះបីជាក្នុងពេលចូលឆ្នាំខ្មែរ 3ថ្ងែក្ដី ក៏ក្រុមហ៊ុនForte នៅគោរពបទបញ្ជារបស់រាជរដ្ឋាភិបាល គ្រប់ការិយាល័យ និងសាខារបស់ហ្វ័រតេ នៅតែបើកទ្វារដូចធម្មតា។
បើទោះជាយើងមិនទាន់ដឹងថា ស្ថានភាពជំងឺរាតត្បាតជាសកលនេះ នឹងបញ្ចប់នៅពេលណាក៏ដោយ តែយើងបានដឹងច្បាស់ថា យើងទាំងអស់គ្នានឹងប្រឈមនឹងការលំបាកក្នុងអំឡុងពេលប៉ុន្មានសប្តាហ៍ ឬប៉ុន្មានខែបន្ទាប់ពីនេះ។ យើងរួមគ្នាប្រយុទ្ធប្រឆាំងនឹងបញ្ហាប្រឈមនេះ ។ យើងនៅទីនេះដើម្បប្រយុទ្ធប្រឆាំងនឹងបញ្ហានេះជាមួយលោកអ្នកក្នុងនាមជាដៃគូធានារ៉ាប់រងដ៏ល្អ។
លោក យក់ ចំរើនឬទ្ធិ អគ្គនាយក ហ្វ័រតេ បានមានប្រសាសន៍ថា៖ «ក្នុងពេលវេលាដ៏លំបាកនេះ តាងនាមថ្នាក់គ្រប់គ្រង និងបុគ្គលិកទាំងអស់របស់ក្រុមហ៊ុនធានារ៉ាប់រងហ្វ័រតេ ខ្ញុំបាទសូមគោរពជូនពរចំពោះ សម្ដេច ទ្រង់ ឯកឧត្ដម អ្នកឧកញ៉ា លោកជំទាវ លោក លោកស្រី អ្នកនាង កញ្ញាទាំងអស់ សូមមានសុខភាពល្អ និងមានសុវត្ថិភាពគ្រប់ៗគ្នា។ យើងរួមគ្នាដើម្បីបង្ការការឆ្លងជំងឺកូវីដ-19 សូមចូលរួមសកម្មភាពការពារខ្លួនអ្នកផ្ទាល់ និងក្រុមគ្រួសារ និងរក្សាបានសុវត្ថិភាពខ្ពស់ទាំងអស់គ្នា!»៕

April 18, 2020
ហាងបេប៊ីអោតឡេត ដាក់រថយន្ត Ford Ecosport ជារង្វាន់ធំដល់អតិថិជន
កាលពីពេលថ្មីនេះ ហាងលក់ទំនិញសម្រាប់កុមារ បេប៊ីអោតឡេត បានធ្វើការប្រកាសនូវប្រូម៉ូសិនធំពិសេសេមិនធ្លាប់មានសម្រាប់ដល់អតិថិដែលតែងគាំទ្របេប៊ីអោតឡេតកន្លងមក ដោយ អតិថិជនគ្រាន់តែចំណាយអស់ 70ដុល្លារ នឹងទទួលបានសន្លឹកឆ្នោតមួយសន្លឹកសម្រាប់ធ្វើការចាប់រង្វាន់ផ្សងសំណាង ដែលរង្វាន់សរុបរួមមានដូចជា iPhone 11 Pro Max ចំនួន 3 គ្រឿង, ម៉ូតូ Honda Zoomer-X ចំនួន 3 គ្រឿង និងរង្វាន់ធំរថយន្ត Ford EcoSport 2020 ចំនួន 1 គ្រឿង រួមទាំងរង្វាន់ផ្សេងៗជាច្រើនទៀតសរុប 5 ម៉ឺនដុល្លារ។ អ្វីដែលធ្វើឲ្យកម្មវិធីចាប់រង្វាន់ឆ្នាំនេះកាន់តែពិសេសជាងរាល់ដងនោះគឺអតិថិជនមានឳកាសឈ្នះរង្វាន់ធំ គឺរថយន្ត Ford Ecosport 2020 មួយគ្រឿងថ្មីស្រឡាង ហើយកម្មវិធីនេះ ចាប់ផ្តើមពីថ្ងៃទី 1 ខែមេសានេះតទៅ។
គួរបញ្ជាក់ផងដែរថា ហាងបេប៊ីអោតឡេត ជាហាងលក់ទំនិញសម្រាប់កុមារឈានមុខគេនៅប្រទេសកម្ពុជា ដែលត្រូវបានបង្កើតឡើងតាំងពីឆ្នាំ2014មកម៉្លេះ ហើយសព្វថ្ងៃនេះហាងបេប៊ីអោតឡេត ត្រូវបានគេចាត់ទុកថាជាអ្នកជំនាញលក់រាយដែលគួរឱ្យទុកចិត្តបំផុតសម្រាប់ផលិតផលទារក កុមារ និងសម្រាប់អ្នកម្តាយផងដែរ។ បេប៊ីអោតឡេត មានសាខាចំនួន៣ ដោយមានទីតាំងស្ថិតនៅលើតំបន់សំខាន់ៗនៃរាជធានីភ្នំពេញ រួមមានដូចជាសាខាទួលគោក, សាខាកម្ពុជាក្រោម និងសាខាវិមានឯករាជ្យ។
បេប៊ីអោតឡេតជ្រើសរើស Ford Ecosport 2020 ជារង្វាន់ធំសម្រាប់ឆ្នាំនេះគឺដើម្បីលើកទឹកចិត្តដល់អតិថិជនបេប៊ីអោតឡេត ហើយម្យ៉ាងទៀតដោយសាររថយន្តនេះ ទទួលបានការពេញនិយមសម្រាប់អ្នកដែលមានសមាជិកគ្រួសារតិច ដោយផ្តល់ផាសុកភាព និងភាពងាយស្រួលក្នុងការបត់បែនគ្រប់កាលៈទេសៈ និងគ្រប់តម្រូវប្រចាំថ្ងៃរបស់យើង ដូចជាការប្រើប្រាស់នៅក្នុងទីក្រុង ឬការដើរកម្សាន្តតាមខេត្តចុងសប្ដាហ៍ជាដើម។ ថ្វិត្បិត Ford Ecosport ជារថយន្ត SUV ធន់តូច តែមានបំពាក់បច្ចេកវិទ្យាទំនើប និងមានសុវត្ថិភាពខ្ពស់មិនចាញ់រថយន្ត SUV ធន់កណ្ដាលនោះទ។ ក្រៅពីនេះ យើងក៏មានដាក់តាំងរថយន្ត Ford Ecosport ដែលត្រៀមចាប់រង្វាន់នៅខាងមុខហាងប៊ីអោតឡេតផងដែរ។ ដូចនេះសម្រាប់អ្នកដែលមានបំណងចង់ទស្សនារថយន្តផ្ទាល់ អាចអញ្ជើញទៅកាន់ហាងប៊ីអោតឡេត សាខាវិមានឯករាជ្យ៕
April 17, 2020
ការអបអរពិធីបុណ្យចូលឆ្នាំខ្មែរតាមអនឡាញ នឹងជួយឱ្យពលរដ្ឋកម្ពុជានៅទូទាំងពិភពលោក អាចឆ្លងឆ្នាំថ្មីជាមួយគ្នាបាន នៅលើ FACEBOOK
ពិធីបុណ្យចូលឆ្នាំថ្មីប្រពៃណីខ្មែរ ដែលជាពិធីបុណ្យមួយក្នុងចំណោមពិធីបុណ្យជាតិដ៏សំខាន់បំផុតសម្រាប់កម្ពុជា នៅតែអាចប្រារព្ធធ្វើឡើងបានតាមអនឡាញ បើទោះបីជាមានការរាតត្បាតជាសកលរបស់វីរុសកូវីដ-19 ដែលបានបង្ខំឱ្យមានការលើកពេលថ្ងៃឈប់សម្រាកនៅកម្ពុជាផ្ទាល់ និងបានរារាំងមិនឱ្យពលរដ្ឋកម្ពុជាទូទាំងពិភពលោកជួបជុំគ្នា ជាលក្ខណៈគ្រួសារ និងសហគមន៍តាមបែបប្រពៃណីក៏ដោយ។
ព្រឹត្តិការណ៍ «Stay Home Khmer New Year ឬ អបអរថ្ងៃចូលឆ្នាំខ្មែរពីផ្ទះ» នឹងមានការផ្ដល់ជូននូវការលេងល្បែងប្រជាប្រិយជាច្រើន ដូចជាការប្រគំតន្ត្រី និងការសម្តែងពីសំណាក់កំពូលតារាចម្រៀង តារាកំប្លែង និងពិធីករកម្មវិធីលេងហ្គេមកម្សាន្តល្បីៗប្រចាំកម្ពុជា ជាច្រើនរូបដែលនឹងមានផ្សាយផ្ទាល់ជូនទស្សនានៅលើ Facebook តាមរយៈ https://www.facebook.com/IKAREeverywhere/ នៅថ្ងៃសៅរ៍ ទី18 ខែមេសាឆាប់ៗនេះ ចាប់ពីម៉ោង 10:00GMT (ត្រូវនឹងម៉ោង 5ល្ងាច ម៉ោងនៅប្រទេសកម្ពុជា)។
ការអបអរពិធីបុណ្យចូលឆ្នាំថ្មីប្រពៃណីខ្មែរតាមអនឡាញនេះ នឹងត្រូវរៀបចំឡើងដោយអង្គការសមាគមអន្តរជាតិ Kare ហៅកាត់ថា IKARE ដែលមានស្នាក់ការធំនៅសហរដ្ឋអាមេរិក។ អង្គការនេះក៏ជាអ្នកគ្រប់គ្រងសារមន្ទីរ National Khmer Legacy (កេរដំណែលជាតិខ្មែរ) នៅរដ្ឋ Minnesota សហរដ្ឋអាមេរិកផងដែរ។
រាជរដ្ឋាភិបាលកម្ពុជា បានប្រកាសកាលពីសប្តាហ៍មុនថា ថ្ងៃឈប់សម្រាកសម្រាប់ពិធីបុណ្យចូលឆ្នាំថ្មីប្រពៃណីជាតិខ្មែរ ដែលបានចាប់ផ្តើមពីថ្ងៃទី14 ដល់ទី16 ខែមេសានេះ នឹងត្រូវលើកទៅប្រារព្ធនៅពេលក្រោយវិញ ដើម្បីទប់ស្កាត់ការឆ្លងវីរុសកូរ៉ូណាប្រភេទថ្មី ហើយនិយោជិតទាំងអស់ នឹងទទួលបានថ្ងៃឈប់សម្រាកបន្ថែមនៅចុងឆ្នាំនេះ ជាការតបស្នងការលើកពេលនេះ។ រាជរដ្ឋាភិបាលកម្ពុជា ក៏បានហាមមិនឱ្យប្រជាពលរដ្ឋធ្វើដំណើរឆ្លងកាត់ពីខេត្ត1 ទៅខេត្ត1 ចាប់ពីថ្ងៃទី9 ដល់ទី16 ខែមេសាទូទាំងព្រះរាជាណាចក្រកម្ពុជាផងដែរ។
ក្នុងកិច្ចសម្ភាសន៍មួយតាមរយៈ Facebook Messenger លោក សេក កុសល ជាសមាជិកគណៈកម្មការរៀបចំព្រឹត្តិការណ៍ និងជានាយកចាត់ការទូទៅនៃសមាគម IKARE បានប្រាប់ឱ្យដឹងថា៖ «ការរាតត្បាតជាសកលរបស់វីរុសកុរ៉ូណាប្រភេទថ្មី ឬកូវីដ-19នេះ បានបង្ខំឱ្យសហគមន៍នៅក្រៅប្រទេសទាំងអស់ ផ្អាករាល់ការជួបជុំជាសាធារណៈនានា។ ក្នុងនាមជាអង្គការមិនរកប្រាក់ចំណេញ ដែលមានបេសកកម្ម ការពារ អភិរក្ស និងលើកកម្ពស់ប្រជាពលរដ្ឋខ្មែរ IKARE មានភាពទទួលខុសត្រូវ ដើរតួជាស្ថាប័នគំរូមួយសម្រាប់យុវជនជំនាន់ក្រោយ ពាក់ព័ន្ធនឹងការបង្វែរបញ្ហាប្រឈមនានា ឱ្យទៅជាឱកាសវិញ»។
លោកបានប្រាប់បន្តថា៖ «ជាក់ស្ដែងក្នុងករណីនេះ វាគឺជាឱកាសមួយសម្រាប់ឱ្យយើងប្រើប្រាស់បច្ចេកវិទ្យា ដើម្បីរក្សាទំនាក់ទំនងជាមួយនឹងសហគមន៍ខ្មែរនៅទូទាំងពិភពលោក ដោយក្នុងនោះរាប់បញ្ចូលទាំងសហគមន៍ខ្មែរនៅសហរដ្ឋអាមេរិក អូស្ត្រាលី បារាំង កាណាដា កម្ពុជា ថៃ ឡាវ វៀតណាម និងកន្លែងផ្សេងទៀត ដែលមានប្រជាពលរដ្ឋខ្មែររស់នៅ»។
ព្រឹត្តិការណ៍តាមអនឡាញនេះ នឹងប្រព្រឹត្តទៅ ដោយមានការសូត្រមន្តរបស់ព្រះសង្ឃតាមបែបព្រះពុទ្ធសាសនា ដែលប្រជាពលរដ្ឋកម្ពុជា តែងតែត្រង់ត្រាប់ស្តាប់ នៅពេលដែលពួកគាត់យកចង្ហាន់ និងគ្រឿងបូជាផ្សេងៗទៅតាមវត្តអារាមនានា ដើម្បីអបអរពិធីបុណ្យចូលឆ្នាំថ្មីប្រពៃណីខ្មែរ។
ព្រះតេជគុណ ម៉ឹង សាង ព្រះចៅអធិការវត្តមុនីសុតារាម និងជាប្រធានពុទ្ធិកសមាគមព្រះសង្ឃខ្មែរនៅរដ្ឋ Minnesota សហរដ្ឋអាមេរិក នឹងសូត្រមន្តដើម្បីប្រោសព្រំពុទ្ធសាសនិក ក្នុងការអបអរពិធីបុណ្យចូលឆ្នាំថ្មីប្រពៃណីខ្មែរ តាមអនឡាញនេះ។
ក្នុងកិច្ចសម្ភាសន៍មួយជាមួយនឹងសារព័ត៌មានវីអូអេ ភាសាខ្មែរ ព្រះតេជគុណ ម៉ឹងសាង មានសង្ឃដីកាថា៖ «បើទោះបី យើងមិនអាចអបអរបានជាធម្មតា ដោយសារតែវីរុសកូរ៉ូណារាតត្បាត ក៏ដោយ ប៉ុន្តែយើងនៅតែអាចសម្តែងនូវទឹកចិត្តស្មោះស្ម័គ្រ និងក្ដីគោរពដល់វប្បធម៌ និងប្រពៃណីជាតិរបស់យើងបានដដែល»។
ព្រឹត្តិការណ៍នេះ ក៏នឹងមានការសម្តែងជូននូវក្បាច់គុនល្បុក្កតោ ដែលជាសិល្បៈក្បាច់គុណបុរាណខ្មែរផងដែរ ដោយដឹកនាំការសម្ដែងដោយលោកគ្រូ ប្រាជ្ញ កេនយ៉ា ពីផ្ទះរបស់លោកផ្ទាល់ ក្នុងរដ្ឋ San Francisco។
លោក កេនយ៉ា បានធ្វើជាគ្រូបង្វឹកក្បាច់គុនល្បុក្កតោ អស់រយៈពេលជាង 30ឆ្នាំ និងបានបង្វឹកសិស្សជាង 1,000នាក់រួចមកហើយ។ លោកគ្រូតា វ័យខ្ទង់ 60ឆ្នាំរូបនេះ បច្ចុប្បន្នកំពុងបង្រៀនក្បាច់គុនល្បុក្កតោ ដល់សិស្សគណ ប្រមាណជា 200នាក់ទៀត ប៉ុន្តែលោកតា បានផ្អាកថ្នាក់បង្រៀនរបស់លោកតាជាបណ្តោះអាសន្ន ដោយសារតែវិបត្តិវីរុសកូរ៉ូណា។
ក្នុងកិច្ចសម្ភាសន៍មួយតាមទូរស័ព្ទ លោកតាបានប្រាប់សារព័ត៌មានវីអូអេ ថា៖ «ក្នុងនាមយើងជាពលរដ្ឋកម្ពុជា ខ្ញុំចង់ឱ្យយើងមានសាមគ្គីភាពចំពោះគ្នា។ នៅប្រទេសក្រៅរាល់ថ្ងៃនេះ មិនសូវជាសម្បូរបងប្អូនខ្មែរយើងរស់នៅប៉ុន្មានទេ។ ហេតុនេះ យើងគួរតែចេះស្រឡាញ់គ្នា ហើយជាពិសេសស្រឡាញ់វប្បធម៌ខ្មែរយើង»។
តារាកិត្តិយសផ្សេងទៀត ដែលគ្រោងនឹងសម្តែងក្នុងព្រឹត្តិការណ៍នេះ រួមមាន តារាចម្រៀងល្បីៗជាច្រើនរបស់កម្ពុជា ដូចជា កញ្ញា ចេន សាយចៃ ដែលនឹងច្រៀងបទប្រពៃណីខ្មែរ រួមជាមួយនឹងតារាចម្រៀងកម្ពុជាផ្សេងទៀត ដូចជា លោក វី ជីវ័ន្ត លោក សាន ផានិត កញ្ញា ចាន់ឡៃ វលក្ខណ៍ និងលោក សាល ចាន់ស៊ី ជាដើម។
ក្នុងកិច្ចសម្ភាសន៍តាម Facebook Messenger លោក សេក កុសល បានប្រាប់បន្ថែមទៀតថា៖ «គោលបំណងសំខាន់ ក្នុងព្រឹត្តិការណ៍នេះ គឺចង់លើកទឹកចិត្តឱ្យប្រជាពលរដ្ឋកម្ពុជា នៅគ្រប់ទីកន្លែង បានជ្រាបថា ការដែលយើងផ្សារភ្ជាប់ទំនាក់ទំនងគ្នា ឆ្លងមហាសមុទ្របែបនេះ វាជួយឱ្យកេរដំណែល និងប្រវត្តិសាស្ត្ររបស់ប្រជាជនយើង មិនសាបសូន្យទៅណាឡើយ។ អាចថា ជារឿងអកុសលក៏បាន ជារឿងកុសលក៏បាន ដែលថា ស្ថានភាពបច្ចុប្បន្ននេះ គឺវាផ្តល់ឱ្យយើងនូវឱកាសដ៏កម្រមួយ ដើម្បីចាប់ផ្តើមភ្ជាប់ទំនាក់ទំនងគ្នាជាស្ពាននេះ។ កម្ពុជា ធ្លាប់បានខកខានប្រារព្ធពិធីបុណ្យចូលឆ្នាំថ្មីប្រពៃណីខ្មែរ ចាប់តាំងពីថ្ងៃទី17 មេសា 1975 ដល់ថ្ងៃទី7 មករា ឆ្នាំ1979 ម្ដងរួចទៅហើយ [ដោយសារតែរបបខ្មែរក្រហម]។ យើងមិនចង់ខកខានការអបអរពិធីបុណ្យចូលឆ្នាំថ្មីប្រពៃណីខ្មែរម្តងទៀត នៅថ្ងៃទី18 មេសា ឆ្នាំ2020 ខាងមុខនេះឡើយ»៕
April 16, 2020
វីង និង ស្មាយិ៍សប ចាប់ដៃគូរបង្កើតផ្សារអនឡាញនៅលើកម្មវិធីស្មាតហ្វូនវីង
ឥឡូវនេះអតិថិជនដែលប្រើកម្មវិធីស្មាតហ្វូនវីង អាចទិញទំនិញសម្រាប់បំពេញតំរូវការប្រចាំថ្ងៃរបស់ពួកគេនៅលើទូរស័ព្ទឆ្លាតវៃបានយ៉ាងរហ័ស ងាយស្រួល និងសុវត្ថិភាព។
ធនាគារឯកទេសវីង (ខេមបូឌា) លីមីតធីតនិង ស្មាយិ៍សប ដែលជា ផ្សារអនឡាញឈានមុខគេដូច Amazon បានកំពុងចាប់ដៃគ្នា ដើម្បីធានាថារាល់អតិថិជននៅក្នុងប្រទេសកម្ពុជាអាចទិញផលិតផលផ្សេងៗបានដោយងាយស្រួលតាមរយៈកម្មវិធីស្មាតហ្វូនវីងខណៈពេលដែលកំពុងនៅផ្ទះក្នុងអំឡុងពេលនៃការរាតត្បាតនៃមេរោគកូវីដ១៩ ។
តាមរយៈភាពជាដៃគូនេះអតិថិជនអាចធ្វើការបញ្ជាទិញទំនិញពីស្មាយិ៍សបនៅក្នុងកម្មវិធីស្មាតហ្វូនវីងដោយគ្រាន់តែប្រើចុងម្រាមដៃចុចពីរទៅបីដងលើទូរស័ព្ទវៃឆ្លាតតែប៉ុណ្ណោះ។ ទំនិញដែលទិញហើយនឹងត្រូវបានដឹកជញ្ជូនមកដល់មាត់ទ្វារដោយផ្ទាល់។
លោក ម៉ានូ រ៉ាចាន់ អគ្គនាយកនៃធនាគារឯកទេសវីងបានមានប្រសាសន៍ថា៖ «យើងជឿជាក់ថាភាពជាដៃគូនេះ នឹងអាចឲ្យប្រជាជនកម្ពុជាទិញទំនិញតាមអនឡាញបានដោយងាយស្រួលតាមរយៈកម្មវិធីស្មានហ្វូនវីង។ភាពជាដៃគូនេះអនុញ្ញាតឱ្យអ្នករាល់គ្នាទិញទំនិញពីស្មាយិ៍សបដោយមិនមានការព្រួយបារម្ភអ្វីទាំងអស់ជាមួយកម្មវិធីស្មានហ្វូនវីងប្រកបដោយភាពងាយស្រួល មានការធានា និងឆាប់រហ័សដោយប្រើប្រាស់ប្រព័ន្ធការទូទាត់ប្រាក់របស់វីង។ អតិថិជនមិនចាំបាច់ទៅហាងដោយផ្ទាល់ និងប្រើក្រដាស់ប្រាក់ដើម្បីទិញទំនិញក្នុងអំឡុងពេលមានការរាតត្បាតនៃជម្ងឺនេះឡើយ »។
ស្មាយិ៍សបត្រូវបានបើកដំណើរការនៅក្នុងប្រទេសកម្ពុជាក្នុងខែតុលាឆ្នាំ២០១៨ ដោយយកតាមលំនាំ ផ្សារអនឡាញរបស់ Amazon និង AliExpress។ ត្រឹមតែ២ឆ្នាំប៉ុណ្ណោះស្មាយិ៍សបបានក្លាយជាហាងលក់ទំនិញតាមអនឡាញដែលមានលក់ផលិតផលគ្រប់ប្រភេទរាប់ចាប់ពីគ្រឿងទេសគ្រឿងសំអាងរហូតដល់សៀវភៅ ឧបករណ៍ប្រើប្រាស់ក្នុងផ្ទះ និងគ្រឿងអេឡិចត្រូនិចជាច្រើនផ្សេងទៀត។ ស្មាយិ៍សបចាប់ផ្តើមដំណើរការនៅក្នុងកម្មវិធីស្មាតហ្វូនវីង នៅខែមីនាឆ្នាំ២០២០ ដើម្បីធ្វើឱ្យអតិថិជនវីងកាន់តែងាយស្រួលក្នុងការបញ្ជាទិញទំនិញដោយប្រើគណនីយរបស់វីង។
ការទិញទំនិញតាមរយៈកម្មវិធីស្មាតហ្វូនវីង គឺងាយៗ ហើយមិនគិតតម្លៃបន្ថែមនោះឡើយ។ អតិថិជនទាំងអស់អាចចូលទៅក្នុងកម្មវិធីស្មាតហ្វូនវីង ហើយគ្រាន់តែចុចលើ“Online Shop” បន្ទាប់មកជ្រើសរើសពាក្យ “Smile Shop” នោះអតិថិជននឹងអាចស្វែងរកផលិតផលជាង១០០០មុខ ហើយអាចធ្វើការបញ្ជាទិញបានភ្លាមៗ។ រាល់អតិថិជនដែលប្រើកម្មវិធីស្មានហ្វូនវីងអាចទទួលបានការផ្តល់ជូនពិសេសៗជាច្រើនក៏ដូចជាការដឹកជញ្ជូនដោយឥតគិតថ្លៃសម្រាប់ការបញ្ជាទិញលើសពី២០ដុល្លារប៉ុណ្ណោះ។
លោក Jack Lee នាយកប្រតិបត្តិនៃស្មាយិ៍សបបានមានប្រសាសន៍ថា៖ «យើងមានសេចក្តីសោមនស្សរីករាយជាទីបំផុតដែលវីង និងស្មាយិ៍សប បានចាប់ដៃសហការនាពេលនេះ។ វាជាពេលវេលាដ៏សមស្របជាទីបំផុត ខណៈពេលដែលផ្សារអនឡាញ និងមធ្យោបាយទូទាត់សាច់ប្រាក់តាមបែបឌីជីថលកំពុងតែពេញនិយមនៅក្នុងប្រទេសកម្ពុជា។ ជាមួយគ្នានេះដែរយើងបានផ្តល់ជូនប្រជាជនកម្ពុជានូវជម្រើសកាន់តែច្រើនសម្រាប់ការបញ្ជាទិញទំនិញ»។
វីង និងស្មាយិ៍សប មានចក្ខុវិស័យក្នុងការប្រើប្រាស់បច្ចេកវិទ្យាថ្មីៗ ដើម្បីលើកកម្ពស់ជីវភាពរស់នៅប្រចាំថ្ងៃរបស់ប្រជាជនកម្ពុជា។ វីង បានកសាងយីហោរបស់ខ្លួនក្លាយជាសេវាទូទាត់ប្រាក់យ៉ាងរហ័ស ងាយស្រួល និងមានការធានា តាមរយៈកម្មវីធីស្មាហ្វូនវីងដ៏ទំនើប និងបណ្តាញភ្នាក់ងារវីងរបស់ខ្លួនទូទាំងប្រទេស។ ចំនែកឯ ស្មាយិ៍សប វិញត្រូវបានគេទទួលស្គាល់ជាអ្នកផ្គត់ផ្គង់ផលិតផលប្រកបដោយគុណភាពខ្ពស់ និងមានសេវាដឹកជញ្ជូនយ៉ាងឆាប់រហ័ស។ ក្រុមហ៊ុនផ្នែកឌីជីថលទាំងពីរនេះនឹងរួមគ្នានាំមកនូវអនាគតនៃការធ្វើពាណិជ្ជកម្មអនឡាញមកប្រទេសកម្ពុជា៕

April 15, 2020
Unilever បានឧបត្ថមផលិតផលអនាម័យចាំបាច់ដើម្បីជួយដល់ការរីករាលដាល Covid-19 នៅកម្ពុជា
ភ្នំពេញ – ក្រុមហ៊ុនយូនីលីវឺរ (ខេមបូឌា) លីមីតធីត បានឧបត្ថមផលិតផលចាំបាច់ប្រើប្រាស់់ប្រចំាថ្ងៃសំខាន់ៗដល់ក្រសួងសុខាភិបាលក្នុងការគាំទ្រដល់កិច្ចខិតខំប្រឹងប្រែងរបស់ក្រសួងក្នុងការដោះស្រាយបញ្ហា Covid-19 នៅកម្ពុជា។
ក្រុមហ៊ុន Unilever បានរៀបចំផលិតផលចាំបាច់ចំនួន ៣,០០០ កញ្ចប់រួមមាន: អនាម័យ ការថែរក្សាគេហដ្ឋាន ការថែរក្សាផ្ទាល់ខ្លួន និងអាហារសម្រាប់បុគ្គលិកសុខាភិបាលជួរមុខដែលកំពុងធ្វើការដោយមិនខ្លាចនឿយហត់ក្នុងការប្រយុទ្ធ និងការពារប្រជាជនកម្ពុជាឱ្យរួចផុតពីការរាតត្បាត Covid-19 ។ អំណោយនេះគឺជាវិធីរបស់ក្រុមហ៊ុនក្នុងការនិយាយ អរគុណច្រើន ដល់បុគ្គលិកថែទាំសុខភាពជួរមុខ។
ក្រុមហ៊ុន Unilever រួមជាមួយនឹងលោកជំទាវ Tina Redshaw ឯកអគ្គរដ្ឋទូតវិសាមញ្ញនិងពេញសមត្ថភាពនៃចក្រភពអង់គ្លេសប្រចាំនៅប្រទេសកម្ពុជា បានប្រគល់អំណោយនូវផលិតផល Dove, Lux, Pond’s , Vaseline, Knorr, Sunlight, Signal and Viso ជូនដល់ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាលនៅទីស្តីការក្រសួងនាថ្ងៃទី ៦ ខែមេសា។ ឯកឧត្តមសាស្រ្តាចារ្យរដ្ឋមន្រ្តីក្រសួងសុខាភិបាលបានថ្លែងអំណរគុណយ៉ាងជ្រាលជ្រៅចំពោះជំនួយដែលមិនអាចកាត់ថ្លៃបានរបស់ក្រុមហ៊ុន Unilever។
ក្រុមហ៊ុន Unilever ក៏បានសម្តែងការកោតសរសើរ និងគាំទ្រយ៉ាងពេញទំហឹងចំពោះការខិតខំរបស់រដ្ឋាភិបាលក្នុងការប្រយុទ្ធប្រឆាំងនឹងជំងឺរាតត្បាត Covid-19 និងការពារប្រជាជនកម្ពុជាឱ្យមានសុវត្ថិភាព។ ក្រុមហ៊ុន គឺជាសមាជិកមួយជាមួយរដ្ឋាភិបាលក្នុងការលើកកម្ពស់អនាម័យផ្ទាល់ខ្លួន ការលាងដៃឱ្យបានត្រឹមត្រូវ និងបរិភោគអាហារដែលមានជីវជាតិក្នុងគ្រាលំបាកទាំងនេះ។ ក្រុមហ៊ុនប្តេជ្ញាធានានូវការផ្គត់ផ្គង់ជាបន្តបន្ទាប់នូវផលិតផល Unilever សំខាន់ៗដូចជា អនាម័យ ការថែរក្សាគេហដ្ឋាន ការថែរក្សាផ្ទាល់ខ្លួន និងអាហារ។
កាលពីខែមីនា Unilever បានប្រកាសនូវវិធានការណ៍ជាច្រើនដើម្បីគាំទ្រដល់កិច្ចខិតខំប្រឹងប្រែងរបស់ពិភពលោក និងថ្នាក់ជាតិនៃជំងឺរាតត្បាត Covid-19 ។ ការឧបត្ថមនេះគឺជាផ្នែកមួយនៃការប្តេជ្ញាចិត្តដើម្បីជួយប្រយុទ្ធប្រឆាំងនឹងជំងឺរាតត្បាត Covid-19 និងចូលរួមចំណែកយ៉ាងសំខាន់ក្នុងការការពារអាយុជីវិតមនុស្ស៕

April 14, 2020
ប្រពៃណាស់! Media Coffee បរិច្ចាគថវិកា 5% នៃចំណូលសរុបជួយទប់ស្កាត់ Covid-19
នៅក្នុងកាលៈទេសៈនៃការរីករាលដាលជំងឺ Covid-19 នេះ មន្ត្រីរាជការ និងក្រុមហ៊ុនសហគ្រាសជាច្រើនបានចូលរួមចំណែកគ្រប់លទ្ធភាពដើម្បីជួយដល់សង្គមដើម្បីទប់ស្កាត់ការរីករាលដាលនៃមេរោគដ៏កាចសាហាវដែលកំពុងរាតត្បាតពិភពលោកនេះ។
ដើម្បីបង្ហាញជាទឹកចិត្តចូលរួមជាមួយរាជរដ្ឋាភិបាលកម្ពុជាក្នុងការប្រយុទ្ធប្រឆាំងជាមួយនឹងជំងឺ covid-19 ហាងកាហ្វេ Media Café បានប្រកាសបង្កើតមូលនិធិសម្រាប់ covid-19 ដោយបរិច្ចាគប្រាក់ចំណូលសរុបប្រមាណ 5% ជារៀងរាល់ថ្ងៃក្នុងមូលដ្ឋានសង្កាត់ទឹកថ្លាចាប់ពីថ្ងៃទី17 ខែមេសា ឆ្នាំ2020 តទៅរហូតដល់ថ្ងៃទី 02 ខែកញ្ញា ឆ្នាំ2020ខាងមុខ។
គួរបញ្ជាក់ផងដែរថា Media Coffee មានបម្រើជូនជារៀងរាល់ថ្ងៃចាប់ពីម៉ោង 7:00ព្រឹក រហូតដល់ម៉ោង 18:45នាទីល្ងាច ដែលមានអាសយដ្ឋានចម្ងាយ150ម៉ែត្រពីខាងលិចសាលាសង្កាត់ទឹកថ្លា ខណ្ឌសែនសុខ រាជធានីភ្នំពេញ (ចុះតាមច្រកស្តុប ចន្លោះក្រុមហ៊ុនតូយូតា និងក្រុមហ៊ុនតេលា)។ ដើម្បីទាក់ទងទៅទៅកាន់ Media Coffee លោកអ្នកអាចទូរស័ព្ទទៅកាន់លេខ 087 766 278 / 076 966 6278 ឬអាចទាក់ទងរយៈ FB Page: @Media Coffee៕

April 14, 2020
អ្នកបើកបរកង់បី 5ពាន់នាក់នៅភ្នំពេញ ទទួលបានអំណោយ ដើម្បីចូលរួមប្រយុទ្ធប្រឆាំងវីរុសកូរ៉ូណា (កូវីដ-19)
កាលពីថ្ងៃទី10 ខែមេសា៖ អ្នកបើកបររ៉ឺម៉ក ឬកង់3 ចំនួន 5ពាន់នាក់ ដែលបានភ្ជាប់សេវាកម្មជាមួយនឹងកម្មវិធីហៅយានជំនិះផ្សេងៗ បានទទួលកញ្ចប់អំណោយជាសម្ភារថែរក្សាអនាម័យ ក្នុងរាជធានីភ្នំពេញ ដើម្បីជួយឱ្យពួកគាត់ អាចចូលរួមបានកាន់តែប្រសើរក្នុងតួនាទីដ៏សំខាន់របស់ពួកគាត់ក្នុងការប្រយុទ្ធប្រឆាំងនឹងវីរុសកូរ៉ូណា ឬកូវីដ-19។
ព្រឹត្តិការណ៍ផ្តល់អំណោយក្រោមទស្សនទាន «ប្រទេសតែ1 សហគមន៍តែ1» មួយនេះ ត្រូវបានរៀបចំឡើងដោយ ក្រុមហ៊ុន Grab និងក្រុមហ៊ុនភេសជ្ជៈកម្ពុជា (កូកា-កូឡា) ក្រោមកិច្ចសហប្រតិបត្តិការជាមួយនឹងសាលា រាជធានីភ្នំពេញ ដែលតំណាងដោយឯកឧត្ដម អភិបាលរង នៃគណៈអភិបាលរាជធានីភ្នំពេញ និងក្រុមអ្នកអភិរក្សព្រៃឈើ បៃតង វ៉ររៀរស៍ (Baitong Warriors)។
នៅមជ្ឈមណ្ឌលកោះពេជ្រ ឯកឧត្តម នួន ផារ័ត្ន អភិបាលរងនៃគណៈអភិបាលរាជធានីភ្នំពេញ និងអ្នកតំណាងមក ពីក្រុមហ៊ុនភេសជ្ជៈកម្ពុជា (កូកា-កូឡា) បានចែកជូនអ្នកបើកបរកង់3 នូវកញ្ចប់អំណោយជាសម្ភារថែរក្សាអនាម័យ ក្នុងម្នាក់ 1កញ្ចប់ ដែលក្នុងនោះមានសម្ភារដូចជាម៉ាស់ការពារ ទឹកអនាម័យលាងដៃ ភេសជ្ជៈ Coca-Cola Energy ខិតប័ណ្ណអប់រំស្តីពីកូវីដ-19 និងស្ទីកគ័រជាច្រើនសម្រាប់បិទលើកង់3របស់ពួកគាត់។
ស្របពេលជាមួយគ្នានេះ ក្រុមការងាររបស់ក្រុមហ៊ុន Grab បានរៀបចំកន្លែងមួយ ដើម្បីផ្តល់អំណោយ នៅខាងមុខការិយាល័យរបស់ខ្លួន ស្ថិតលើផ្លូវព្រះមុនីវង្ស រាជធានីភ្នំពេញ ដើម្បីប្រគល់កញ្ចប់អំណោយថែទាំសុខភាព ទាំងអស់នោះ។
លោក Hashim Alkaff នាយកក្រុមហ៊ុន Grab ប្រចាំប្រទេសកម្ពុជា មានប្រសាសន៍ថា៖ «អំណោយទាំងនេះ គឺការបង្ហាញពីការទទួលស្គាល់របស់យើងចំពោះតួនាទីដ៏សំខាន់របស់អ្នកបើកបរ ដែលភ្ជាប់កម្មវិធីហៅយានជំនិះ ផ្សេងៗគ្នា ជាច្រើន ក្នុងការប្រយុទ្ធប្រឆាំងនឹងវីរុសកូវីដ-19។ ដើម្បីថែរក្សាសុខភាពរបស់ពួកគាត់ផ្ទាល់ និងសុខភាពអ្នកដំណើរ របស់ពួកគាត់ វាពិតជាសំខាន់ណាស់ដែលអ្នកបើកបរ ត្រូវធ្វើតាមសេចក្តីណែនាំចុង ក្រោយបង្អស់ ស្ដីអំពីការការពារសុខភាព និងសុវត្ថិភាព តាមរយៈការប្រើប្រាស់ម៉ាស់ការពារ និងទឹកអនាម័យលាងដៃ ដើម្បីជួយឱ្យពួកគាត់រក្សាបាននូវអនាម័យជានិច្ច ដែលពិតជាសំខាន់ណាស់ក្នុងការកាត់បន្ថយការឆ្លងរបស់ជំងឺនេះ»។
ជាមួយគ្នានេះផងដែរ ក្រុមហ៊ុនភេសជ្ជៈកម្ពុជា (កូកា-កូឡា) បានប្រកាសកាលពីសប្តាហ៍មុនថា ក្រុមហ៊ុនបានបង្វែរ ថវិកាចំនួន 20ម៉ឺនដុល្លារសហរដ្ឋអាមេរិក ពីកញ្ចប់ថវិកាផ្សាយពាណិជ្ជកម្មរបស់ខ្លួន សម្រាប់យកមកចូលរួមជួយ ដល់កម្ពុជា ក្នុងការប្រយុទ្ធប្រឆាំងនឹង វិបត្តិជំងឺដែលបណ្ដាលមកពីមេរោគវីរុសកូរ៉ូណាប្រភេទថ្មី នាពេលបច្ចុប្បន្ន។
លោក រស់ សោភា នាយក ផ្នែកច្បាប់ និងកិច្ចការសាធារណៈប្រចាំប្រទេស នៃក្រុមហ៊ុនភេសជ្ជៈកម្ពុជា (កូកា-កូឡា) មានប្រសាសន៍ថា៖ «ក្រុមហ៊ុនរបស់យើងបានក្លាយជាផ្នែកមួយនៃសង្គមកម្ពុជា អស់រយៈពេលជិត30ឆ្នាំមកហើយ ហើយឥរិយាបថមូលដ្ឋានរបស់យើង គឺយើងជួយឧបត្ថម្ភគាំទ្រដល់សហគមន៍ទូទៅ ក្នុងដំណាក់កាលដ៏ចាំបាច់ តាមរយៈការផ្តល់អំណោយបែបនេះ។ ការផ្ដល់លទ្ធភាពឱ្យអ្នកបើកបរទាំងអស់ អាចបន្ដប្រកបអាជីវកម្មបានប្រកប ដោយសុវត្ថិភាព តាមរយៈការប្រើប្រាស់ម៉ាស់ការពារ និងទឹកអនាម័យលាងដៃ មានន័យថា ពួកគាត់អាចបន្តការរកប្រាក់ ដើម្បីផ្គត់ផ្គង់ដល់ក្រុមគ្រួសារ និងសហគមន៍របស់ពួកគាត់បាន»។
លោកបានបន្ថែមទៀតថា៖ «យើងក៏ចូលរួមប្តេជ្ញាអនុវត្តតាមយុទ្ធនាការ «ពិភពលោកមួយដែលគ្មានសំរាម» តាមរយៈការលើកទឹកចិត្តអ្នកបើកបរទាំងនោះឱ្យយកដបដែលអាចប្រើប្រាស់វិញបាន ដើម្បីច្រកទឹកអនាម័យ លាងដៃ»។
ក្រុមអ្នកអភិរក្សព្រៃឈើ បៃតង វ៉ររៀរស៍ ដែលបាននិងកំពុងតែចូលរួមក្នុងកិច្ចខិតខំប្រឹងប្រែង ទប់ស្កាត់ការឆ្លងរបស់វីរុស កូរ៉ូណា ទូទាំងប្រទេសនោះ បានចូលរួមក្នុងការផ្តល់ទឹកអនាម័យដៃចំនួន 420លីត្រ ក្នុងកម្មវិធីអំណោយនេះផងដែរ។
លោក តាន់ គឹមសួគ៌ អ្នកតំណាងឱ្យក្រុមអ្នកអភិរក្សព្រៃឈើ បៃតង វ៉ររៀរស៍ បានឱ្យដឹងថា៖ «ក្នុងនាមជាក្រុមមួយ បៃតងវ៉ររៀរស៍កំពុងតែយកចិត្តទុកដាក់ រៀបចំទឹកអនាម័យលាងដៃបែបសាមញ្ញ ប៉ុន្តែមានប្រសិទ្ធភាពនេះ សម្រាប់ចែកជូនប្រជាពលរដ្ឋរបស់យើងនៅទូទាំងប្រទេស ដើម្បីជួយឱ្យពួកគាត់មានលទ្ធភាពរក្សាបាននូវសុវត្ថិភាព និងសុខភាពល្អ តាមរយៈការរក្សាដៃរបស់ពួកគាត់ ឱ្យមានអនាម័យជានិច្ច»។
ឯកឧត្ដម នួន ផារ័ត្ន អភិបាលរងរាជធានីភ្នំពេញ មានប្រសាសន៍ថា៖ «យើងខ្ញុំសូមថ្លែងអំណរគុណយ៉ាងជ្រាលជ្រៅដល់ ក្រុមហ៊ុន Grab ក្រុមហ៊ុនកូកា-កូឡា និងបៃតង វ៉ររៀរស៍ ចំពោះការចូលរួមចំណែកទាំងនេះ ក្នុងន័យផ្តល់សុវត្ថិភាព និងសុខុមាលភាពរបស់អ្នកបើករ៉ឺម៉កកង់3 ដែលកំពុងតែស្ថិតក្នុងទីតាំងជួរមុខគេក្នុងការប្រយុទ្ធប្រឆាំង នឹងវីរុសកូរ៉ូណានេះ»។
លោកមានប្រសាសន៍បន្ថែមថា៖ «ការលើកទឹកចិត្តឱ្យអ្នកបើកបរទាំងអស់ អនុវត្តវិធីថែរក្សាអនាម័យល្អ នឹងផ្តល់ឱ្យអ្នកដំណើរ និងក្រុមគ្រួសាររបស់ពួកគាត់ដែលនៅឯផ្ទះ មានអារម្មណ៍ស្ងប់ចិត្ត ដោយសារតែអ្នកបើកបរទាំងអស់ កំពុងតែការពារសមាជិកក្រុមគ្រួសារ និងសហគមន៍របស់ពួកគាត់»។
ទាំងក្រុមហ៊ុន Grab និងកូកា-កូឡា សុទ្ធសឹងតែបានបញ្ជាក់ថា ពួកគេនឹងរៀបចំព្រឹត្តិការណ៍ផ្តល់អំណោយបន្ថែមទៀត ក្នុងពេលឆាប់ៗខាងមុខនេះ ខណៈដែលក្រុមហ៊ុនទាំង2 ចូលរួមជាកម្លាំងជាមួយនឹងដៃគូផ្សេងៗ ដើម្បីទប់ស្កាត់ការឆ្លង វីរុសកូរ៉ូណា៕

April 13, 2020